Тўғри ёзамиз — мутахассис блоги

2023-04-09 16:15:02 Хуллас, тавсия этса бўладиган яхши канал

— Telegram'да турли каналлар, блоглар бор. Охирги пайтларда менинг эътиборимни тортаётган блог бу — МОЛХОНА бўлмоқда.

— Ҳам танқид, ҳам кайфият. Юқори савиядаги қочиримлари ўз ўрнида чиқмоқда. Бир кирсангиз, қайтиб чиқиб кетолмаслигингиз хавфи бор!

Канал линки: @molxonauzb Ochish/sharhlash

2023-04-06 14:04:13 Яна метродаги эълон, яна тилга эътиборсизлик.

Имтоҳон | Imtohon
Имтиҳон | Imtihon

*Расм обуначиларимиздан

@xatoliklar Ochish/sharhlash

2023-04-05 14:43:22 Энг катта чегирма Рамазонда бўлиши керак... Обуначиларимиз шундай фикрни айтишди. Тўғри, шундай бўлади ҳам. Рамазон ойи муносабати билан «Тўғри копирайтинг» курсининг Ҳамёнбоп тарифи энди 42% ли чегирма нархда! Курс асл нархи: 650 000 сўм Чегирмадаги… Ochish/sharhlash

2023-04-02 15:15:44 Таҳрирда гап кўп

Бугун Бош прокуратура хабаридаги бир ҳолатни ўрганамиз.

Аслиятдаги ҳолат: 29 март куни судланган А. Машарипов ва А. Курязовларга енгил жазо тайинланганлиги ва бошқа ҳолатлар юзасидан Ўзбекистон Республикаси Олий суди жиноят ишлари бўйича судлов ҳайъати кассация инстанцияси судига протест келтирилган.

Ортиқча сўзларни олиб турамиз:
29 март куни судланган А. Машарипов ва А. Курязовларга енгил жазо тайинланганлиги юзасидан протест келтирилган

Бу гапда юқоридаги шахслар 29 март куни судланган, деган маъно ҳосил бўлган, аслида эса бу сана келтирилган протестга оид.

Тўғрилаймиз: Судланган А. Машарипов ва А. Курязовларга енгил жазо тайинланганлиги юзасидан 29 март куни протест келтирилган.

Судланган сўзини олиб ташласак ҳам бўлади, чунки жазо фақат суд орқали тайинланиши шундоқ ҳам маълум.

Якуний ҳолат: А. Машарипов ва А. Курязовларга енгил жазо тайинлангани юзасидан 29 март куни протест келтирилган

Аппеляция | Appelyatsiya
Апелляция | Apellyatsiya

@xatoliklar Ochish/sharhlash

2023-04-01 17:20:12 Расмни олиб ташланг!

Каналга жойланган расмни ўчириб ташлаш илтимослари бизга тез-тез келиб туради. Аммо энг қизиғи, мурожаат қилаётганлар кўпинча дизайнерлар, оддий ишчилар бўлади.

Зарурат бўлса, компания номи яшириб қўйилиши мумкин, аммо расм сабабсиз олиб ташланмайди. Олиб ташлаш учун пул ҳам таклиф қилманг.

Раҳбарларга бир қанча маслаҳатларим бор:

1. Корхонангизда ҳар ким ўз ишини қилиши керак: дизайн билан дизайнер шуғуллансин, матн билан эса копирайтер, мусаҳҳиҳ копирайтер йўл қўйган хатолар устида ишласин.

2. Ҳеч қачон бир соҳа вакилига бошқа соҳа доирасидаги вазифани, зиммасидагидан зиёда ишни юкламанг! Майли, ҳали матн билан ишлайдиган ходим олмагандирсиз. Лекин матн қисқа бўлса, уни текширтириш учун бизга мурожаат қилишдан уялманг. Биз ёрдам беролмасак, гуруҳларимизда обуначилардан сўранг — ёрдам берувчилар топилади.

3. Биз оммага эълон қилинмаган хатоларни каналга жойламаймиз. Яъни шундоқ ҳам омма учун мўлжалланган ва ҳаммага очиқ бўлган расмларни жойлаймиз. Бизнинг мақсад — саводхонликни сўнмайдиган трендга айлантириш. Бундан сиз раҳбар сифатида тўғри хулоса чиқаришингиз керак, ишчингизга жаҳл қилишингиз эмас.

4. Каналга биргина расм жойлангани учун сизнинг обрўнгизга путур етиб қолмайди. Аслида, ўша эълон оммага тақдим этилиши биланоқ обрўнгизга кун сайин путур етаётган бўлади.

———————————————
Каналимизда бирор компаниянинг хато билан ёзилган расми пайдо бўлса, ўша компания раҳбари қандай реакция билдиради?

Фаросатсиз раҳбар: ғазабланади, ходимини уришади, сўкади, пулидан қирқиб қолади, ишдан ҳайдайди ва ҳоказо. Нима қилиб бўлса ҳам расмни каналдан олдириб ташлашни буюради.

Фаросатли раҳбар: айб аслида ўзида эканини тушунади ва шунга кўра ходимини сўкмайди. Эҳтимол, уни койир, лекин расмни каналдан ўчиртириб ташлашни буюрмайди. Аксинча, бизга раҳбарнинг ўзи мурожаат қилиб, вазиятни тушунтиради ва бошқа бундай ҳолат бўлмаслиги учун ҳаракат қилишларини айтади.

*Масалан, кечаги довучча ҳақидаги постдан кейин компания вакили дарҳол изоҳ ёзди. Унда хатони тўғрилатиб қўйишини айтиб, давомидан яхши копирайтер изланаётганини ҳам билдириб кетди. Буни мен маркетинг нуқтаи назаридан жуда тўғри ва ижобий реакция деб ҳисоблайман.

@xatoliklar Ochish/sharhlash

2023-04-01 12:11:35 Шу реклама берувчиларни ҳеч тушунмайман-да: шунча нарсага ақли ва пули етади-ю, матн бехато бўлиши кераклиги ҳақида гап кетганда ақли ва пули етмай қолади.

Метрода эълон жойлаш харажатлари:
1. Реклама майдони — 1 200 000 сўм (1 ойга, камида 3 ойлик тариф сотиб олинади).
2. Дизайнер ва полиграфия иши — 600 минг сўм.
3. Монтаж иши — 500 000 сўм.

Жами: 2 300 000 сўм

Полиграфия ва монтаж хизмати нархини аниқ билолмадим, аниқроғини билсангиз, изоҳларда ёзиб қўйишингиз мумкин.

Дидинга | Didinga
Дидингга | Didingga

Таътиб кўр | Ta’tib ko‘r
Татиб кўр | Tatib ko‘r

*Расм обуначиларимиздан

@xatoliklar Ochish/sharhlash

2023-03-31 18:20:55 Пэймидан сал эскироқ расм, лекин айни дамда актуал.

Бўлсада | Bo‘lsada
Бўлса-да | Bo‘lsa-da (+ вергул)

Довча | Dovcha
Довучча | Dovuchcha

@xatoliklar Ochish/sharhlash

2023-03-31 17:20:11 Тасаввур қилинг, сизга Англиядан қўнғироқ бўлиб қолди. Гўшакнинг нариги томонидан исмингизни айтиб, инглиз тилида гапиришмоқда.

Сиз эса тилни унчалик тушунмайсиз. Тўғри, анча вақт курсларга боргансиз, грамматикани ўргангансиз, аммо инглиз тили ташувчиси билан, яъни инглиз тили ўз она тили бўлган одам билан гаплашмагансиз.

MyTeacher лойиҳаси сизга инглиз тили ташувчиси бўлган ва ўзбек тилини умуман тушунмайдиган устозлардан ОНЛАЙН дарс олиш имкониятини беради. Дарс мавзу ва материаллари махсус платформада олиб борилади, устозлар билан мулоқот эса Zoom иловасида ўтказилади.

Шунингдек, сизга ўзбек куратор ўқитувчи ҳам бириктирилади. Агар билимингиз етарлича бўлмаса, аввал сизни инглизлар билан гаплашиш даражасигача тайёрлаб олишади ва B1 даражага чиққанингиздан сўнг Native Speaker'нинг Zoom дарсларига олиб киришади.

Нархлар сиз ўйлагандан анча арзон экан. 3 апрель кунигача эса 20% ли махсус чегирма эълон қилинган. Жойлар сони чекланган.

Ҳозироқ рўйхатдан ўтинг.
РЎЙХАТДАН ЎТИШ Ochish/sharhlash

2023-03-31 14:02:35 Эссизми ё эсиз?

Аслида, бу иккаласи икки хил маънони англатувчи алоҳида сўз.

Расмда сўзлар изоҳини кўриб турганингиздек:
1. Эсиз — ачиниш, афсусланишни билдирувчи ундалма.

2. Эссиз — эс-ҳуши жойида эмаслик, эси йўқлик.

— Унда нега изоҳли луғатда эссиз шакли ҳам афсус маъносини ифодалаши келтирилган?
— Аҳамият берган бўлсангиз, бу с.т. белгиси остида берилган, с.т. — сўзлашув тили, яъни оғзаки нутқ.

Демак, оғзаки нутқда эссиз дейишимиз бор гап. Аммо ёзганда ҳар доим эсиз шаклини ишлатамиз.

Афсус, аттанг маъносидаги сўз:
Эссиз | Essiz
Эсиз | Esiz

@xatoliklar Ochish/sharhlash

2023-03-31 13:13:45 Копирайтинг курсининг навбатдаги гуруҳи дарсларини тез кунда бошлаймиз.

Рамазон муносабати билан шу кунгача мисли кўрилмаган 42% ли чегирма берилди. Бундан 10 киши унумли фойдаланиб қолди.

Копирайтинг ҳақида қўшимча маълумот олиш учун @Copywriting_Support'га ёзинг.

@xatoliklar Ochish/sharhlash