Тошкент шаҳар Кураш Федерацияси

Бугун пойтахтимизнинг Олмазор туманидаги 249-сонли умумтаълим мактаби спорт залида Тошкент шаҳар кураш федерацияси, шаҳар прокуратураси ва шаҳар Спортни ривожлантириш бош бошқармаси ҳамкорлигида кураш бўйича катталар ўртасида Тошкент шаҳар чемпионати ўтказилди.

Унда Раҳмон Жумаев (60 кг), Акбарали Саъдуллаев (66 кг), Сардор Бердишукуров (73 кг), Охун Қўшаев (81 кг), Оғабек Тиркашев (90 кг), Баҳриддин Абдураимов (100 кг), Шаҳзод Сайфиддинов(+100 кг), Маржона Мамаражабова (48 кг), Ситора Элмуродова (52 кг), Улуғой Мамаражабова (57 кг), Рухсора Илҳомжонова (63 кг), Шахноза Бозорова (70 кг), Зулфира Уразбаева (78 кг), Беғам Бойимбаева (+87 kg)ларга тенг келадигани топилмади.

Ғолиб ва совриндорлар энди шу йилнинг 22-25 февраль кунлари бўладиган Ўзбекистон чемпионатида пойтахтимиз шарафини ҳимоя қилишади.

Тошкент шаҳар Кураш федерацияси Матбуот хизмати

Каналимизга уланинг ва дўстларингизга улашинг: https://t.me/Toshkentkurash

Ўтган мавсум пойтахтлик кураш ихлосмандлари учун унутилмас йил бўлди. Тошкент шаҳрида кўплаб нуфузли мусобақалар уюштирилди. Янги-янги номлар кашф этилди. Шунингдек, Тошкент шаҳри ўсмирлар, ёшлар ва катталар терма жамоалари турли турнирлар, чемпионатларда муносиб иштирок этди. Бунда тажрибали мураббийлар ва соҳа ходимларининг ўз ҳиссаси бор, албатта.

Эътиборлиси, Сергели тумани кураш федерацияси мутахассиси Феруз Уклонов ёш бўлишига қарамасдан нафақат мураббий, балки ҳакамлик бўйича ҳам катта тажриба тўплади. У Республика миқиёсидаги мусобақаларда ўз иқтидорини намойиш этиб, мутахассислар эътирофига сазовор бўлди.

Жумладан, пойтахтимизда уюштирилган мамлакат кубоги баҳслари якунида Ўзбекистон Кураш федерацияси раисининг биринчи ўринбосари Комилжон Юсупов ёш мутахассис Феруз Уклоновни иқтидорли ҳакам сифатида қимматбаҳо совға билан тақдирлади.

Тошкент шаҳар Кураш федерацияси Матбуот хизмати

Каналимизга уланинг ва дўстларингизга улашинг: https://t.me/Toshkentkurash

Куни кеча пойтахтимизнинг Яшнобод туманидаги 1-сонли болалар ва ўсмирлар спорт мактабида кураш бўйича “Кураш — менинг фахрим, ифтихорим!” шиори остида турнир уюштирилди.

Унда юз нафардан зиёд ўғил-қиз ғолиблик учун гиламга тушди. Ўз вазн тоифасида кучлилар сафидан жой олган ёш полвонлар муносиб тақдирланишди.

Тошкент шаҳар Кураш федерацияси Матбуот хизмати

Каналимизга уланинг ва дўстларингизга улашинг: https://t.me/Toshkentkurash

Яқинда Тошкент шаҳар кураш федерацияси ташаббуси билан Олмазор туманидаги 249-сонли умумтаълим мактаби спорт залида “Кураш — менинг фахрим, ифтихорим!” шиори остида болалар ва ўсмирлар ўртасида мусобақа зўр уюшқоқлик билан ўтказилди.

Унда пойтахтимиз туманларидан 150 нафардан зиёд ёш полвон ғолиблик учун гиламга тушдилар. Ғолиб ва совриндорлар медаль, диплом ҳамда қимматбаҳо эсдалик совғалари билан тақдирландилар.

Тошкент шаҳар Кураш федерацияси Матбуот хизмати

Каналимизга уланинг ва дўстларингизга улашинг: https://t.me/Toshkentkurash

Тошкент шаҳар прокуратураси ҳамда Тошкент шаҳар кураш федерацияси ҳамкорлигида пойтахтимизда болалар ва ўсмирлар ўртасида кураш оммавийлигини оширишга алоҳида эътибор қилинмоқда. Жумладан, умумтаълим мактаблари қошида ўнлаб янги тўгараклар фаолияти йўлга қўйилиб, курашсевар ўғил-қизларга кураш яктаклари совға қилинмоқда. Бундан руҳланган жажжи полвонлар турли мусобақаларда пойтахтимиз шарафини муносиб ҳимоя қилишяпти.

Куни кеча Самарқанд шаҳрида Kurash kids очиқ турнирида Яккасарой туманидаги 127-сонли умумтаълим мактаби қошида фаолият кўрсатаётган кураш тўгараги вакили Зулайҳо Алиқулова ўз вазн тоифасида (25 кг) муносиб қатнашиб, фахрли учинчи ўринни эгаллади. Мураббий Маҳмадўст Маманиёзов бошчилигида шуғулланаётган ўғил-қизлар орасида Зулайҳо каби умидли ёш курашчилар кўплиги қувонарлидир.

Тошкент шаҳар Кураш федерацияси Матбуот хизмати

Каналимизга уланинг ва дўстларингизга улашинг: https://t.me/Toshkentkurash

Кураш бўйича катталар ўртасида ўтган Тошкент шаҳар прокурори кубоги очиқ турнири ғолиб ва совриндорлари билан танишинг.

Эркаклар, мутлақ (+90 кг)

1. Жўраев Шерали
2. Маматраҳимов Жамшид
3. Хуррамов Муҳаммадкарим
3. Хуррамов Сардор.

Тошкент шаҳар Кураш федерацияси Матбуот хизмати

Каналимизга уланинг ва дўстларингизга улашинг: https://t.me/Toshkentkurash