Ta’lim yangiliklari

2022-09-03 16:24:52 ​​Таълим муассасаларида ичимлик сувига қандай санитария талаблари қўйилган?

«Умумий ўрта, ўрта махсус, профессионал таълим муассасаларида ўқувчилар овқатланишини ташкил этишнинг санитария қоидалари, нормалари ва гигиена нормативлари»да ичимлик режимини таъминловчи ташкилотларга талаблар белгиланган.

Унга кўра, таълим муассасаларида ўқувчиларнинг махсус гигиеник талабларга мос тоза ичимлик суви билан таъминланиши кўзда тутилиши керак.

Таълим муассасасидаги ичимлик режими қуйидаги шаклларда ташкил этилиши керак: стационар сув ичиш фавворачалари, идишлардаги қайнатилган сув ва қадоқланган сув ҳолатида.

Ўқувчилар таълим муассасасида қоладиган вақт мобайнида сувдан фойдаланиш имкониятига эга бўлиши лозим.

Стационар ичимлик фавворачалари 10 см.дан кам бўлмаган вертикал сув оқими атрофида чегаралаб турувчи доиранинг бўлиши ҳам кўзда тутилиши керак.

Агар ташкилот идишдаги сув орқали ичимлик режимини ташкил этса, у етарли миқдордаги тоза идишлар, шунингдек, тоза ва ишлатилган чинни ёки фаянс идишлар учун алоҳида патнислар билан таъминланган бўлиши шарт. Бир марталик идишларни тўплаш учун махсус контейнерлар бўлиши керак.

Таълим муассасасига келтириладиган қадоқланган сувнинг сифати ва хавфсизлигини кафолатловчи ҳужжати бўлиши шарт.

@talimda Ochish/sharhlash

2022-09-03 11:54:03 Мактабларда дарслик китобларни пуллик ижарага бериш Конституцияга зид

Депутат Расул Кушербаев китоблар нархи кескин ошиб кетганига муносабат билдирди:

Ўзбекистон Республикаси Конституциясининг 41-моддасида "Ҳар ким билим олиш ҳуқуқига эга. Бепул умумий таълим олиш давлат томонидан кафолатланади", деб белгиланган.

Шу боис, мактабларда дарслик китобларни пуллик ижарага бериш ҳам Конституцияга зид, деб ҳисоблаймиз.

Бу бизнинг нуқтаи назаримиз ва уни тўғри, деб ҳисоблаймиз. Бироқ бу борадаги якуний хулосани Конституциявий судимиз билдирганида янада мақсадга мувофиқ иш бўларди.


@talimda Ochish/sharhlash

2022-09-03 11:07:35 Замонавий касбларни ўрганиш учун фойдали видео дарслар ишлаб чиқилди

Янги ўқув йилидан бошлаб барча ўқувчи-ёшларимиз ўз устиларида ишлаб замонавий касбларни ўрганишлари учун фойдали видео дарслар ишлаб чиқилди.

Видеолар YouTube ва Maktab.uz платформасига жойлаштирилган.

10 мингдан ортиқ ўзбек тилидаги видеодарсларнинг барчаси мутлақо БЕПУЛ.

Видеодарсларни кўриб қуйидаги йўналишларда билим ва кўникмаларингизни ривожлантиришингиз мумкин:

1. Foto tahrirlash
2. AutoCAD
3. Logistika
4. 2D Animatsiya
5. 3D Animatsiya
6. 3D MAX Start
7. 3D MAX Interyer
8. 3D MAX Eksteryer
9. Frontend
10. JavaScript Node JS
11. Elektron tijorat
12. Digital marketing
13. Android dasturlash
14. Видео монтаж Ochish/sharhlash

2022-09-02 18:42:00 Abdushukur Yunusov каби фикрлайдиган оталар ҳам борлигидан ҳурсандман! Негадир бизда гап таълимга бориб тақалганда, пул ажратишда тўполон кўтарилади, бепул бўлиши керак деб, лекин бола бизники, эртага унинг илмли бўлиши ўзимизга фойда! Шу дарсликлар очиқ савдодан олинганида қанча сарфлар эдингиз, ижара аслида ота-она фойдасигаку. Бир дарслик учун БИР ЙИЛГА ўртача нарх 5700 сўм, ўртоқлааар!!!

Шу ўринда қуйидаги фуқаролар дарслик ижара тўловидан озод этилади:

биринчи синф ўқувчилари;
“Ижтимоий ҳимоя ягона реестри” ахборот тизимига киритилган оилаларнинг фарзандлари;
“Меҳрибонлик уй”лари тарбияланувчилари;
Жисмоний ёки руҳий ривожланишида нуқсони бўлган болалар учун ихтисослаштирилган мактаб ва мактаб-интернатлари ўқувчилари. Ochish/sharhlash

2022-09-02 15:25:58 1 СЕНТЯБРДАН БОШЛАБ ЎҚИТУВЧИЛАРГА 50 ФОИЗ МИҚДОРИДА УСТАМА ТЎЛАНАДИ

Президент қарорига мувофиқ Халқ таълими вазирлиги тизимидаги умумий ўрта таълим муассасаларида:

Умумтаълим фанлари бўйича тегишли даражадаги сертификатга эга бўлган педагог кадрларга ҳар ойлик қўшимча устама қуйидаги тартибда тўланади:

халқаро тан олинган сертификатга эга бўлган педагог кадрларга — уларнинг тариф ставкасига нисбатан 50 фоиз миқдорида;

халқаро стандартлар талабларига жавоб берадиган миллий баҳолаш тизимида олинган сертификатга эга бўлган педагог кадрларга — уларнинг тариф ставкасига нисбатан 50 фоиз миқдорида.

Шунингдек, ХТВ тизимидаги умумий ўрта таълим муассасалари кутубхоналари ва "Болалар кутубхоналари" ходимларининг лавозим маоши миқдори 1,2 бараварга оширилади.

@talimda Ochish/sharhlash

2022-09-02 15:12:55 #Ижара_тўлови

2022-2023 ўқув йили учун дарсликлар тўпламларининг ижара нархлари маълум қилинди

Таълим тили ўзбек синфлар учун дарсликлар тўпламларининг ижара нархлари қуйидагича белгиланди:

2-синф учун — 102 минг 700 сўм
3-синф учун — 102 минг 700 сўм
4-синф учун — 68 минг 500 сўм
5-синф учун — 85 минг 600 сўм
6-синф учун — 74 минг 200 сўм
7-синф учун —102 минг 700 сўм
8-синф учун — 108 минг 400 сўм
9-синф учун — 108 минг 400 сўм
10-синф учун — 102 минг 700 сўм
11-синф учун — 119 минг 800 сўм

@talimda Ochish/sharhlash

2022-09-02 12:03:11 Президент Шавкат Мирзиёев Ислом Каримов номидаги илмий-маърифий ёдгорлик мажмуасига ташриф буюриб, Биринчи Президентимиз ҳайкали пойига гулчамбар қўйди.
—
Президент Шавкат Мирзиёев посетил Научно-просветительский мемориальный комплекс имени Ислама Каримова и возложил цветы к подножию памятника Первому Президенту.

#Mirziyoyev #marosim #xotira #BirinchiPrezident

Prezident.uz|Facebook|Instagram|YouTube|Twitter Ochish/sharhlash

2022-09-02 07:08:33 Бугун, 2 сентябрь, Ўзбекистон Республикасининг Биринчи Президенти Ислом Абдуғаниевич Каримовни хотирлаш куни.

Айнан 2016 йил 2 сентябрь куни Ислом Каримовнинг вафоти ҳақида Олий Мажлис ҳамда Вазирлар Маҳкамасининг қўшма ахбороти эълон қилинган эди.


@talimda Ochish/sharhlash

2022-09-02 06:40:11 #Сўраган_эдингиз

Ўқитувчиларнинг малака оширишга чиқиши мажбурийми?

#Савол
Мен математика фани ўқитувчисиман. Яқинда методистимиз малака оширишга чиқишим лозимлигини айтди. Мени эса малака оширишга чиқишга эҳтиёжим йўқ. Умуман малака ошириш курсларига чиқмасам бўладими? Ўқитувчиларнинг малака оширишга чиқиши мажбурийми?

#Жавоб
Педагог ходимлар эгаллаб турган лавозимлари, мутахассислиги ёки дарс берадиган фанлари бўйича касбий ва педагогик маҳоратини доимий равишда ошириб бориши учун асосий иш жойи бўйича белгиланган муддатда малака оширишга чиқиши зарур.

Вазирлар Маҳкамасининг 2022 йил 17 январдаги 25-сонли қарори билан тасдиқланган низомга мувофиқ педагог ходимлар асосий иш жойи бўйича белгиланган муддатда малака ошириш курсларидан узрли сабабларсиз ўтмаган тақдирда, улар билан тузилган меҳнат шартномаси амал қилиш муддатидан қатъи назар, белгиланган тартибда икки ой мобайнида бекор қилинади.

Соддароқ тилда тушинтирадиган бўлсак, педагог ходим ўз қақтида малака ошириш курсларига чиқмаса эгаллаб турган лавозимидан озод қилинади.

Шу сабабли педагог ходимнинг таълим муассасасида ўз лавозимидаги фаолиятини давом эттириши учун ихтисослаштирилган таълим ташкилоти билан бевосита тузилган шартнома асосида ўз малакасини оширган бўлиши талаб қилинади.

@talimda Ochish/sharhlash

2022-09-01 16:35:55 ЯНГИ ЎҚУВ ЙИЛИДАН СИНФ РАҲБАРЛИК ОЛИШГА ҲАҚЛИМАНМИ?

#Yurist_Xizmati 3573-савол:

Assalomu aleykum men 2020-yil BuxDUning maxsus sirtqi Boshlang’ich ta’lim va sport tarbiyaviy ishlar yo'nalishini tugatdim. So'ng shu yili BuxDUPI magistraturasining Ta'lim va tarbiya nazariyasi va metodikasi (Boshlang'ich ta'lim) yo'nalishi bo'yicha 1-bosqichni tugatdim. 2022-2023 o'quv yilida 2-bosqichda tahsil olaman. Maktabda 8 soat darsim bor. Maktabda o'rta maxsus va qayerda o'qishi aniq emas ammo sirtqi yo'nalishida o'qiydi degan o'qituvchilarimiz ham faoliyat yuritib kelmoqda. Keyingi o'quv yilida 3-sinf rahbari xomiladorlik ta'tiliga chiqqanligi uchun shu sinfda sinf rahbar hali aniq emas. Qolgan barcha oliy ma'lumotli va toifaga ega bo'lgan o'qituvchilarimizning sinf rahbarligi va toifadiga qarab darslari ham bor. Men keyingi o'quv yilida maktabdagi vaziyatdan kelib chiqib 3-sinf rahbarligi va 13 soat dars olishim mumkinmi. O'qishim haftada 3 kun soat 1 yarimdan boshlanadi. Chunki shu yilda shu tartibda o'qildi. Javob uchun oldindan rahmat

ЮРИСТ ЖАВОБИ:

Магистратура талабасининг ишлашини тақиқловчи норма йўқ.

Бироқ магистрант фақат бўш вақтидагина ишлашга ҳақли. Аммо, сиз меҳнат тўғрисидаги қоидаларни тўлиқ бузгансиз. Аслида сиз максимал 1 ставка ишлашингиз мумкин холос.

Меҳнат кодекси 115-моддасига кўра ходим учун иш вақтининг нормал муддати ҳафтасига қирқ соатдан ортиқ бўлиши мумкин эмас. Бунда олти кунлик иш ҳафтасида ҳар кунги ишнинг муддати етти соатдан, беш кунлик иш ҳафтасида эса саккиз соатдан ортиб кетмаслиги лозим.

Шуни ҳам айтиш керакки, ушбу кодекс 118-моддасига кўра юқори даражадаги ҳис-ҳаяжон, ақлий зўриқиш, асаб танглиги билан боғлиқ, яъни алоҳида тусга эга бўлган ишлардаги айрим тоифадаги ходимлар учун (тиббиёт ходимлари, педагоглар ва бошқалар) иш вақтининг муддати ҳафтасига ўттиз олти соатдан ошмайдиган қилиб белгиланади.

Бундан кўриниб турибдики, педагоглар (шу жумладан, психолог ҳам) ҳафтасига 36 соатдан ортиқ ишлаши мумкин эмас. Бунда қонун чиқарувчи 1 ставкани назарда тутмоқда.

Шунга кўра сизда ҳам тўлиқ дарс соати олиш ҳуқуқи бор. Бунда сизга дарс соатлари 3271 рўйхат рақамли низом асосида берилади.

Лекин сизга синф раҳбарлик берилмаслиги мумкин. Халқ таълими вазирининг 2021 йил 22 февралдаги 41-сон буйруғи билан тасдиқланган Умумий ўрта таълиим муассасасининг синф раҳбарлари фаолиятини ташкил этиш тўғрисидаги низомга кўра Синф раҳбари қуйидаги мезонларга асосан танлаб олинади:
- камида 3 йиллик педагогик иш стажига эга бўлган;
- мактабда тўлиқ ставкада асосий ишчи сифатида фаолият олиб бораётган;
- одоб-ахлоқи ва хулқи билан ўқувчиларга шахсий намуна бўла оладиган;
- руҳий жиҳатдан барқарор бўлган;
- ўқувчилар билан ишлаш жараёнига масъулият билан ёндаша оладиган.

Шунга кўра сизда 3 йиллик иш стажи бўлмаса, синф раҳбарлик берилмайди.

@talimda Ochish/sharhlash