Ta’lim yangiliklari

2022-09-05 12:44:28 Болажонлар келгусида 5 баҳоларга ўқиб юришни ният қилиб шар учиришди.

Натижани ўзингиз бир кўринг.

@talimda Ochish/sharhlash

2022-09-05 12:29:38 Мароқли ёзги таътилдан сўнг янги ўқув йили бошланди. Қўлларида гул, қалбда ҳаяжон билан севимли мактаби томон ошиқаётган ўқувчи-ёшларнинг севинчлари чексиз. Бугун Тошкент вилояти Янгийўл туманимиз ёшларини ўз бағрига чорлаган 56 та умумтаълим мактабларида биринчи қўнғироқ чалинди.

Мактабларда “Янги Ўзбекистонда эркин ва фаровон яшайлик” шиори остида “Билимлар куни” тадбирлари ўтказилди. Мактаб остонасига қадам қўйган тумандаги 3753 нафар 1-синф ўқувчиларига “Президент совғалари” топширилди.

@talimda Ochish/sharhlash

2022-09-05 09:38:15 Birinchi qoʻngʻiroq

Bu dunyoda pulga sotib olib boʻlmaydigan 2 ta narsa bor, birinchisi vaqt boʻlsa, ikkinchisi bilim.

Maktabning 11 yillik davri eng shirin va qadrli davrlardan biri hisoblanadi. Ta’lim dargohida tahsil olishingizga qancha yil, oy, kun, soat va kerak boʻlsa daqiqa qolgan boʻlsa ham bilim, bilim va yana bir bor bilim oling, izlaning, oʻz ustingizda ishlashda hech qachon toʻxtamang.

Hurmatli ota-onalar!
Farzandingiz bilim olib oʻz ustida ishlashi uchun barcha shart sharoitlarni yaratib bering. Farzandingiz bilimi va ta’limi uchun qilgan sarmoyangiz va ajratgan har bir daqiqangiz barchasi albatta kelajakda oʻz natijasini va mevasini beradi.

Hurmatli ustozlar, maktab jamoasi!
Barchangizga yangi oʻquv yilida omad, oʻquvchilarga ta’lim va tarbiya berishda sabr va mustahkam sogʻliq tilayman! Farzandlarimizga eng ilgʻor bilim va koʻnikmalarni ulashishda charchamang.

Xalq ta’limi vaziri oʻrinbosari - https://t.me/rkarimjonov Ochish/sharhlash

2022-09-05 07:37:48 Бугун туш пайти 5 баллик магнит бўронлари кузатилиши прогноз қилинмоқда

Ўтган ҳафта қуёшда 24 та кучли қуёш чақнаши кузатилди.

2 та ўта актив зона ривожланди. Қуёш сиртидаги мазкур чақнашлар Ерда магнит бўрони хавфлилик даражасини ошириши табиий. Ochish/sharhlash

2022-09-05 06:43:39 Биринчи қўнғироқ садолари

2022 йил Ўзбекистон Республикаси Президентининг "Хорижий тилларни ўқитиш бўйича энг яхши мактаб" танловининг туман босқичида 2-ўринни эгаллаб 75 млн сўм мукофотни қўлга киритган Тошкент вилояти Янгийўл туман 45-умумтаълим мактабининг ғолиб ўқувчиларига "Фахрий ёрлиқ" ва эсдалик совға учун 5 та Samsung планшетлари туман ҳокими У.Ялгашев томонидан топширилди.

@talimda Ochish/sharhlash

2022-09-05 05:12:46 Ҳурматли халқ таълими тизими ходимлари, устозлар ва азиз ўқувчилар!

Cизларни янги — 2022/2023-ўқув йили бошланиши муносабати билан самимий табриклайман.

Муҳтарам Президентимиз раҳбарлигида мамлакатимиз тараққиёти ва халқимиз турмуш фаравонлигини ошириш, хусусан, халқ таълими тизимини ривожлантириш, фарзандларимизнинг етук ва баркамол авлод бўлиб камол топиши йўлида олиб борилаётган кенг кўламли ислоҳотлар жараёнида сизларнинг ҳам муносиб ҳиссангиз катта эканлигини яна бир бор таъкидлаб ўтишдан мамнунман.

Мураккаб ва шарафли соҳамизда олиб борилаётган кўп қиррали ислоҳотларни амалиётга жорий этиш, юртимиз ёшларининг эртанги порлоқ ва бахтли ҳаётини таъминлаш, уларнинг билимли, юртимизга содиқ ва фидойи инсонлар бўлиб вояга етишида ҳар бирингизнинг алоҳида ўрнингиз, хизматингиз бор.

Азиз ўқувчилар!

Мактабда севимли устозларингиздан олаётган билимингиз, таълим-тарбия ва ҳаётий сабоқларингиз келажакда нафақат ўзингизнинг камолотингиз, балки мамлакатимиз тараққиёти ва фаравонлигини таъминлашда ғоят муҳим эканлигини барчангиз яхши англаб турибсиз.

Юртимиз келажаги, яқин инсонларингизнинг бахтли ҳаёт кечириши бевосита сизнинг бугун олаётган билимингиз ва олдингизга қўйган эртанги мақсадларингиз ижобатига боғлиқ. Шундай экан, барчангиздан бошланаётган янги ўқув йилида янада қунт билан билим олиш, устозларингиз ва ота-оналарингизнинг ўгитларига мунтазам амал қилиш талаб этилади.

Қадрли ўғил-қизлар!

Шуни унутмангки, буюк бобокалонларимиз — Хоразмий, Беруний, Мирзо Улуғбек каби ўнлаб соҳаларнинг билимдони ва даҳоси бўлиб етишишингизда сизга фақат ва фақат таълим ёрдам беради. Олдингизга юксак марраларни қўйиб, қунт билан сабоқ олишингиз сизни ана шундай баланд парвозларга тайёрлай олади.

Мактаб — орзуларга қанот бағишлайдиган, ҳар бир ўқувчининг келажак мақсадлари ижобатига пойдевор бўлувчи муқаддас маскан. Мактаб — ҳар бир ўқувчининг маънавий уйи, унда олинаётган билим ва сабоқлар эса сизлар учун катта бойлик, йўқолмас хазинадир.

Хулоса шуки, юртимизнинг келажакда тараққий этган давлатлар қаторига қўшилиши ва ривожланиши сизларнинг мазкур масканда олаётган маънавий бойлигингизга боғлиқ.

Доно халқимиз таъбири билан айтганда, билим — ҳар қандай вақтда йўлингизга маёқ бўлади, сизга дунё эшикларини очади.

Ишонаманки, сиз мактабда олаётган юксак билим ва тарбиянгиз билан бу давонлардан оғишмай ўта оласиз.

Янги ўқув йилида барчангизга катта иштиёқ ва куч-қувват тилаган ҳолда, таълим жараёнида эришган ютуқларингиз билан устозларингиз ва яқинларингизнинг юзини ёруғ қилишингизга ишонаман. Ochish/sharhlash

2022-09-05 03:11:20 Айтишларича, тез орада мактаб дарсликларининг ижараси бекор бўлиши кутилмоқда экан.

@talimda Ochish/sharhlash

2022-09-04 18:47:53 Республикамиз миқёсида умумий ўрта таълим мактабларида 2022-2023 ўқув йилининг бошланишига ҳам оз вақт қолди.


Янги  ўқув йилида Тошкент вилояти Янгийўл туманидаги 28- умумий ўрта таълим мактаби 1-синфга 232 нафар болаларни қабул қилади.

Мактабнинг шинам ва ёруғ, байрамона безатилган синф хоналари ўқувчиларни кутмоқда.

@talimda Ochish/sharhlash

2022-09-04 12:42:37 Бугун оғир жудолик

Хоразм вилояти Қўшкўпир тумани 10-мактаб директори Бурхонбек Хайтбоевни оҳиратлари обод бўлсин Бутун Хайитбоевлар оиласига чуқур таъзия билдирамиз

ЖОЙЛAРИ ЖAННAТДA
БЎЛСИН

@talimda Ochish/sharhlash

2022-09-04 03:48:16 3-КУРС ТАЛАБАСИ ПСИХОЛОГ ЛАВОЗИМИДА ИШЛАШИ МУМКИНМИ?

@Yurist_Xizmati 3575-савол:

Assalomu aleykum yurist hizmati xodimlari. Savolim shundan iboratki Qarshi pedagogika kollejini Boshlanģish talim yònalishini tugatganman hozirgi kunda Qarshi davlat unversitetida Psixalogya yònalishi 3- kurs sirtqi bòlim talabasiman. Men 0.5 psixalog shtatiga ishlashim  mumkinmi qonuniy asoslar bn javob berishingizni sureyman oldindan raxmat.

ЮРИСТ ЖАВОБИ:

Ўзбекистон Республикаси Халқ таълими вазирлигининг 07.12.2019 йил 393-сонли буйруғига асосан умумтаълим мактабларида психолог лавозими учун камида бакалавр даражасидаги психологик ёки олий маълумот ва унга қўшимча психология йўналиши бўйича қайта тайёрлов курсини тугатганликни тасдиқловчи дипломли бўлиш каби малака талаблари белгиланган.

Шунингдек, Вазирлар Маҳкамасининг  646-сонли қарори билан Вазирлар Маҳкамасининг 275-сонли қарори билан тасдиқланган “Халқ таълими ходимлари меҳнатига ҳақ тўлаш тўғрисида”ги низомнинг 8-бандига ўзгартириш киритилган.

Унга кўра олий таълим муассасасининг 4-курсида, педагогика йўналишларида кундузги, кечки, сиртқи бўлимларининг 3-курсида ўқиётган шахслар педагоглик ишини амалга ошириш учун қўйилиши мумкин ва уларга ўрта махсус, касбий маълумотга эга бўлган тегишли лавозимдаги ходимнинг базавий тариф ставкаси сингари базавий тариф ставкаси белгиланади.

Шу қоидага кўра, 3-курс талабаси мактабда психолог лавозимида ишлаши мумкин.

@talimda Ochish/sharhlash