YANGI QIZILTEPA

2022-09-01 17:15:27 Туманга кириш стелласининг очилиши қандай ўтди?

Бу саволга ушбу видео орқали жавоб топасиз. Ochish/sharhlash

2022-09-01 16:45:41 Туман Санитария-эпидемиологик осойишталик ва жамоат саломатлиги бўлими раҳбарияти узоқ йиллар давомида бу соҳада фаолият юритган, туман аҳолисининг соғлиғини сақлаш йўлида фидокорона хизмат кўрсатган ва айни вақтда нафақада бўлган устозлар хонадонларида бўлиб, уларни Ўзбекистон Республикаси Давлат мустақиллигининг 31 йиллик байрами билан табриклашди. Уларнинг ҳолидан хабар олишди. Ochish/sharhlash

2022-09-01 16:15:24 Ўзбекистон Республикаси Давлат мустақиллигининг 31 йиллиги муносабати билан Ўзбекистон Ёшлар ишлари агентлиги туман бўлими ва Ўзбекистон Ёшлар иттифоқи туман Кенгаши ҳамкорлигида туманимиз бўйлаб "Мустақиллик — энг азиз неъмат" шиори остида тарғибот ишлари амалга оширилди.

Туманимиз бўйлаб "Шараф ленталари" қадрли юртдошларимизга тарқатилмоқда.

Шунингдек, Халқ таълими бўлими билан ҳамкорликда мактабларга "Жадидлар" номи остида нашрдан чиққан китоблар тўплами ҳам топширилмоқда. Ochish/sharhlash

2022-08-31 21:53:42 Бир неча дақиқалардан сўнг 2022 йилнинг ёз фасли ниҳоясига етади.

Сиз учун ушбу ёз қайси воқеаси билан кўпроқ хотирангизда сақланадиган бўлди?

Сизнингча туманда ёзнинг энг эсда қоларли воқеаси қайси бўлди? Ochish/sharhlash

2022-08-31 21:07:26 ЭНДИ ЗАРМИТАН ҚАТИҒИНИ ТАЪТИБ КЎРИШ УЧУН ҚИЗИЛТЕПА ҲУДУДИГА КИРИШ ЕТАРЛИ БЎЛДИ

Аввалроқ Қизилтепа туманига Кармана туманидан кириб келиш чегарасида катта ўзгаришлар бўлаётгани ва қизилтепаликлар туманга кирувчи меҳмонларга байрам совғаси тайёрлашаётгани ҳақида маълум қилган эдик.

Бугун ушбу совға топширилди, аниқроғи Қизилтепага кириш стелласи расман фойдаланишга топширилди. Очилиш маросимида туман ҳокими У. Файзиев ва кенг жамоатчилик иштирок этди.

Тадбир аввалида яхши ниятлар ила дуо қилиниб, туман остонаси бўлмиш ушбу стелланинг узоқ йиллар давомида халқимизни хурсанд қилиши сўралди.

Шундан сўнг туман ҳокими У. Файзиев сўзга чиқиб, барчани ушбу йирик объектнинг фойдаланишга топширилаётгани билан табриклаб, ушбу ерда жойлаштирилган ҳар бир объект ва деталлар узоқ ўйлаб, жойлаштирилгани, нега айнан мана шундай композиция яратилганига батафсил тўхталди.

— Биз ушбу композицияни яратишда ҳар бир деталга алоҳида эътибор қаратдик. Туманимиз томонга қараб юқорилаган 5 устун, улардаги ҳурматли Президентимизнинг сўзлари, ҳар қандай вазиятда ҳам олдинга интиладиган ва ғалаба сари ҳаракатланадиган отлар. Хуллас, бу ердаги бирорта детал шунчаки ўрнатилмаган, — деди туман ҳокими.

Шундан сўнг рамзий лента кесилиб, стелла расман фойдаланишга топширилди.

Стелла олдида "Зармитан қатиғи" дўкони ҳам бунёд этилиб, эндиликда Зармитан қатиғини таътиб кўриш истагида бўлган туманимиз меҳмонлари учун Зармитангача бормай туриб, Қизилтепа ҳудудидага киришнинг ўзи кифоя бўлди.

#мустақиллик_объектлари Ochish/sharhlash

2022-08-31 21:07:03 Ochish/sharhlash

2022-08-31 20:45:11 Кеча вилоят раҳбари Н. Турсунов Ванғози маҳалласидаги Азизовлар хонадони бўлгани, ташриф жараёнида ўз фарзандлари билан бирга яна 4 нафар қизларни тарбиялаётган оиланинг бу хайрли ишини юқори баҳолагани ва миннатдорчилик билдирилгани, шу билан бирга, ушбу хонадонда истиқомат қилаётган 88 ёшли Холой ая Норқулова билан суҳбатлашилиб, муаммолари тинглагани ҳақида маълум қилган эдик.

Бугун вилоят раҳбарининг чуқур ҳурматига сазовор бўлган ушбу оила ўқувчиларига мактаб формалари, тикувчиликни хуш кўрувчи қизларига тикув машиналари совға қилинди.

Совғаларни туман ҳокими ўринбосари З. Рашидова ва маҳалла бешлиги топширишди. Ochish/sharhlash

2022-08-31 20:31:15 Туман Маҳалла ва нуронийларни қўллаб-қувватлаш бўлими бошлиғи У. Раҳмонов Узилишкент маҳалласи бешлиги билан ушбу маҳаллада истиқомат қилувчи Иккинчи жаҳон уруши фронт орти қатнашчиси, 96 ёшли Ҳакима ая Дониева хонадонида бўлиб, аяни байрам билан табриклашди ва байрам совғалари улашишди. Ochish/sharhlash

2022-08-31 20:07:40 МУРОЖААТ ИЖОБИЙ ҲАЛ ЭТИЛДИ

Туман ҳокимининг шахсий қабулларидан бирида Хомработ маҳалласида истиқомат қилувчи Н. Хўжаев ётоқда ётган 88 ёшли отаси — А. Хўжаевнинг ҳолидан хабар олиш бўйича мурожаат қилган эди.

Туман ҳокими У. Файзиев ушбу мурожаатни ижобий ҳал этиш, Аҳрор отанинг  ҳолидан хабар олиш ва байрам билан табриклаш мақсадида отахон яшайдиган хонадонда бўлди. Отахон ҳолидан хабар олиниб, озиқ-овқат маҳсулотлари улашилди, муаммолари тинглади. Ochish/sharhlash

2022-08-31 20:00:41 Туман прокурори, 2-сектор раҳбари Э. Нарзуллаев ва Халқ қабулхонаси мудири Х. Халилов Башир маҳалласида сайёр қабул ўтказишди.

Қабулда фуқаролардан ичимлик суви ва электр таъминотини яхшилаш, ички йўлларни таъмирлаш, контракт тўловига кўмаклашиш ва тиббиёт масалаларида 15 дан ортиқ мурожаатлар келиб тушди.

Контракт тўловини тўлаб беришга кўмаклашиш тўғрисидаги 2 та мурожаат жойида ижобий ҳал қилинди.

Қолган мурожаатларни ҳал қилиш тўғрисида масъулларга кўрсатмалар берилди ва ижроси назоратга олинди. Ochish/sharhlash