platforma.uz

2024-05-14 15:57:36

Бу кимнинг совғалари? Балки сизникидир?

Ўйиннинг иккинчи тўлқини бошланди, унда барча қимматбаҳо совғалар эгаси бўлиши мумкин!

Биринчи босқичдаги барча чипталар кейинги босқичга ўтади.

Бунинг учун нима қилиш керак?
1. Payme орқали 100 000 сўмдан ортиқ пул ўтказинг. Ҳар 100 000 сўм учун сиз битта олтин чипта оласиз.
2. Пул ўтказмалари қанча кўп бўлса, ғалаба қозониш имконияти шунчалик юқори бўлади!

3-босқич якуни яъни июл ойида барча чипталар бош соврин - BYD автомобили ўйинида иштирок этади! Эҳтимол, бу сизнинг бўлажак мукофотингиздир!

Имкониятингизни қўлдан бой берманг! Payme орқали пул ўтказинг ва совринлар ютиб олинг!
Реклама Ochish/sharhlash

2024-05-14 10:08:46 Cobalt'нинг янгиланган версияси сотувга чиқарилади

Янгиланган Cobalt 2025 йилдан бошлаб сотувга чиқарилиши кутиляпти. Унинг ички салон қисми ва ташқи кўриниши қандай бўлиши ҳамда нархи ҳозирча номаълум.

Тез орада Ўзбекистонда ҳам Chevrolet Cobalt автомобилининг янгиланган версиясини ишлаб чиқариш бошланиши кутилмоқда. UzAuto Motors 2025 йилдан бошлаб ушбу модел учун шартнома беришни бошлайди.

Янгиланган Cobalt’нинг ички салон қисми ва ташқи кўриниши қандай бўлиши, кейинги йилда ҳам ҳозирги Cobalt учун шартнома бериш давом этиши ёки этмаслигига ҳамда нархига аниқлик киритилмади.

@platformauzb Ochish/sharhlash

2024-05-14 09:10:10 Бишкекда амалдорларнинг сешанба ва пайшанба кунлари ишга автомобилда келиши тақиқланди

Шаҳар мери мазкур кунларда ҳаракатланиш учун фақат жамоат транспортидан фойдаланишни буюрди.  Хизмат автомобилларидан фақат иш учун фойдаланиш белгиланган, жойлардан ташқарида ўтказиладиган йиғилишлар учун транспорт ташкил этилади.

Амалдорлар жамоат транспортида ҳаракатланишда ҳайдовчи санитария меъёрларига, хизмат кўрсатиш сифати ва тўлов усулларига қай даражада риоя қилаётганини мониторинг қилиши лозим.

@platformauzb Ochish/sharhlash

2024-05-13 21:36:40 Бу йил "Битирув оқшомлари" ўтказиш тақиқланади

Турли ресторан ва кафелар, хонадонларда «Битирув оқшомлари»ни ўтказиш, босқичли назорат имтиҳонлари ва якуний давлат аттестасияларини ўтказишда, таълим муассасаларини янги ўқув йилига тайёрлаш борасида ўқувчи ва битирувчилар ҳамда уларнинг ота-оналаридан турли хил пул маблағларини йиғиш тақиқланади, - Мактабгача ва мактаб таълими вазирлиги.

@platformauzb Ochish/sharhlash

2024-05-13 13:36:48 Ўзбекистонда 2024 йилда 10 та янги халқаро автобус йўналишлари очилиши кутилмоқда:

Самарқанд—Бишкек,
Бухоро—Бишкек,
Бухоро—Остона,
Самарқанд—Туркистон,
Бухоро—Туркистон,
Шаҳрисабз—Туркистон,
Самарқанд—Душанбе,
Бухоро—Душанбе,
Тошкент—Уфа,
Тошкент—Краснодар.

@platformauzb Ochish/sharhlash

2024-05-13 08:57:05 ​​Тошкент шаҳар ҳокимлиги, Истеъмолчилар ҳуқуқларини ҳимоя қилиш агентлиги диққатига!

Сувни ўчирсангиз, пичирламай, баландроқ овозда айтиб қўйинг...

Мени доим бир савол жавоби қизиқтиради: нима учун пойтахтдаги кўп қаватли уйларда совуқ ёки иссиқ сувдан қарздорлигингиз бўлса таъминотчи корхона ("Veolia Energy", "O‘zsuvta'minot") вакиллари эринмасдан дарров уйингизга келиб огоҳлантириш қоғози ташлаб кетадию, аммо тармоқда таъмирлаш олиб борилиши сабаб вақтинчалик узилишдан етарлича хабардор қилмайди. Аксарият ҳолларда туман ёки шаҳар ҳокимлигининг ижтимоий тармоқлардаги саҳифалари орқали эълон берилиши билан кифояланилади.

Бу қанчалик тўғри? Нима ҳокимликлар ёки таъминот корхонаси аҳолига бепул интернет етказиб беряптимики эълонларини глобал тармоқ орқали ҳавола қилади? Ёки шартномада шундай кўрсатилганми? Шахсан мен ундай бандни кўрмаганман.

Ҳатто энг ривожланган АҚШда ҳам ҳамон қоғоз шаклидаги хат-ҳужжат айланишидан воз кечилмаган. Давлат фуқаро билан ёзма мулоқотни шу даражада кўп амалга оширадики, шунинг учун ҳам уйлар атрофидаги почта қутиларидан доим фойдаланилади. Коммунал масалалар ҳам шунга киради.

Яъни, интернет ривожланганку, шуям эътирозми дейилмаслиги учун айтяпман буни. Ҳаммада ҳам интернет бўлмасачи, улар нима қилсин? Тонгда туриб, жўмракни очиб кўрмагунча билмайди сув ўчганини. Дейлик, совуқ сув 4-5 кун бўлмаса, захира қилиб қўймагани ҳам анча ташвиш туғдиради. Бунга ким айбдор, интернетга кирмаган истеъмолчими?

Ҳокимликлар эса "Таъминотда узилиш бўлган ҳудудларга ичимлик суви махсус техникаларда етказиб берилади" мазмунидаги таскин эълонини беради. Лекин ўша махсус техника қачон келиб, қачон кетишиниям аксарият аҳоли билмайди. Ростдан келадими ўзи?

Аслида масала мураккаб эмас. Ҳокимлик ёки таъминотчи корхона хусусий уй-жой мулкдорлари ширкатлари билан ҳамкорликда ишлаши, ҳеч бўлмаса подъезларнинг кириш жойига вақтинчалик сув узилиши тўғрисида эълон осиб қўйиши керак. Камида бир-икки кун олдин. Қийинмаску бу. Ҳар ҳолда шундай қилинса, тўғри бўлади. Фақат интернет билан кифояланиш асосли эмас. Биров кўриб, биров кўрмай қолиши мумкин. Шахсан мен бундай ҳолатни истеъмолчи ҳуқуқининг бузилиши деб ҳисоблайман. Албатта, бу шахсий фикрим. Истеъмолчилар ҳуқуқларини ҳимоя қилиш агентлиги бунга қандай қарайди, билмадим. Билганим шуки, айни кунларда пойтахт туманларида таъмирлаш ишлари сабаб яна иссиқ ва совуқ сувни вақтинча ўчиришга киришилган.

Бизни кузатишда давом этинг
@platformauzb
Батафсил: https://t.me/+UaAfANSlNTEwYmQy Ochish/sharhlash

2024-05-13 07:00:28 Расман. Сергей Шойгу Россия Федерацияси Хавфсизлик кенгаши котиби лавозимига тайинланди. Владимир Путин бу ҳақдаги фармонни имзолади.

Бизни кузатишда давом этинг
@platformauzb
Батафсил: https://t.me/+UaAfANSlNTEwYmQy Ochish/sharhlash

2024-05-12 21:40:45 Путин Николай Патрушевни Хавфсизлик кенгаши котиби лавозимидан озод этди.

Сергей Шойгу Хавфсизлик кенгашининг янги котиби бўлиши кутиляпти.

Путин унинг ўрнига Андрей Белоусовни тайинламоқчи.

@platformauzb Ochish/sharhlash

2024-05-12 10:40:50 Телеграмда вирус тарқалмоқда

Фирибгарлар Сизга телеграм орқали «Telegram Premium» номли сохта ҳаволани юборишади. Уларнинг мақсади аккаунтингизни бошқариш ва эгаллаб олишдир. 

Агар ҳаволага кириб, Сизга келган кодни киритсангиз, контактларингизга «MIB», «IIB» каби зарарли ҳаволалар тарқатилади ва аккаунтингиз фирибгар бошқарувига ўтади, ўзингизни эса аккаунтингиздан чиқариб юборади.
  
Фирибгарларнинг тузоғига тушиб қолмаслик учун қуйидагилар тавсия этилади:

- икки босқичли аутентификацияни ўрнатинг;
- смс-хабарномада келган рақамларни ҳеч кимга тақдим этманг;

- мессенжернинг «Қурилмалар» бўлимидаги «Фаол сеансларни» текширинг, бошқа қурилмалар фаолиятини тўхтатинг.

@platformauzb Ochish/sharhlash

2024-05-09 16:32:46 ФВБ фавқулодда огоҳлантириш билан чиқди

Тошкент шаҳар ФВБ бугун пойтахт ҳудудида кучли шамол бўлиши кутилаётганлиги сабабли аҳолидан керакли хавфсизлик чораларига риоя қилишни тавсия қилмоқда.

Жумладан:   
яшаш жойларида эшик-деразалар, чордоқ ва ҳаво айланиш тизимларини маҳкам беркитиш;

кўчаларда дарахт ва электр устунлари тагида турмаслик;
кўп қаватли бинолар балконларида, дераза токчалари ҳамда ташқаридаги буюмларни имкон қадар хавфсиз жойларга олиб қўйиш ёки мустаҳкамлигини текшириш;

шамол кучайганда, мустаҳкам қурилган бинолар, ер ости ўтиш йўллари ва бошқа яшириниш мумкин бўлган жойларда муҳофазаланиш;

бузилган биноларга кириш, хавфли устунлар, реклама устунлари ва дарахтлар ортига яшириниш тақиқланади.

Ўз навбатида, Тошкент шаҳар Фавқулодда вазиятлар бошқармаси автомобилларни дарахтлар ва енгил конструкцияли қурилмалар остида қолдирмасликни тавсия этади.

@platformauzb Ochish/sharhlash