2023-05-20 17:29:32
#Инсон_қадри
"Қирғизовул"да Тошкент вилояти прокурорининг ўринбосари сайёр қабул ўтказди Туманимизда сектор раҳбарлари, айниқса, турли идораларнинг мутасаддилари томонидан тез-тез сайёр қабуллар ўтказиб келинмоқда.
Ана шундай сайёр қабуллардан бири — Тошкент вилояти прокурорининг ўринбосари Зоҳид Караев бошчилигида ташкил этилди.
"Қирғизовул" маҳалласидаги 33-мактабида ўтган сайёр қабулда ҳоким Шоҳрух Шоаҳмедов, прокурор Шарифжон Акбаров, ИИБ бошлиғи Азизбек Алиасқаров, солиқ идораси раҳбари Равшан Рўзибоев, туман Халқ қабулхонаси мудири Шавкат Акрамов ҳамда туман ва вилоят даражасидаги ташкилот раҳбарлари иштирок этди.
Қабулда туманимиз аҳолиси вилоят прокурорининг ўринбосарига ўзини ташвишга солаётган муаммоларини айтди.
Жумладан, қабулда электр-энергияси таъминоти, ички йўлларни асфальт қилиш, саломатлик, моддий ёрдам сўраш йўналишларидаги мурожаатлар келиб тушди.
Вилоят прокурорининг ўринбосари мурожаатларни имкон қадар жойида ҳал қилишга ҳаракат қилди. Жами 29 та мурожаатнинг 6 таси жойида ҳал бўлди. Қолган 23 таси вақт талаб қилгани учун ижрога қаратилди.
Мулоқотларда муаммоси жойида ҳал бўлганлар вилоят прокуратурасига самимий миннатдорчилик билдирди.
Қабул якунлангач, вилоят прокурорининг ўринбосари мазкур маҳаллада аҳолиси ташаббуси билан Нурек ота жоме масжидининг қурилиш жараёнлари билан танишди.
Бунёдкорликларга яқиндан кўмак бераётган туман прокурори Шарифжон Акбаров вилоят прокурорининг ўринбосарига қурилиш сифати ҳақида атрофлича маълумот берди. Хайрли ишда кўнгиллилар, сахий тадбиркорларнинг фаол иштирок этаётгани ҳақида алоҳида таъкидлади.
Шундан сўнг, вилоят прокурори Шавкатжон Раҳимов топшириғига кўра ҳудуддаги кам таъминланган ҳамда беморлари бор оилаларнинг ҳолидан хабар олинди.
Жумладан, беморлиги сабаб уйда таълим олаётган Беҳруз Илёсов учун махсус сайёр кўрик ташкил этилди. Оиланинг рўзғори учун зарур бўлган озиқ-овқат маҳсулотлари топширилди.
Шунингдек, кўрик давомида хонадон эгаларининг муаммолари ҳам ўрганилди.
@PARKENT_TONGI
15.8K views14:29
P
