KRuz.uz |Рәсмий канал

2023-06-12 18:43:22 “Мен тек Өзбекстан перзенти емес, Қарақалпақстанның да перзентимен” — Шавкат Мирзиёев.

Қарақалпақстандағы ең исенимли сайттың телеграм каналына ағза болың
@KRuzuz Ochish/sharhlash

2023-06-12 18:41:19 “Биз келеси жети жылда қосымша 100 мың жаңа оқыўшы орнын жаратамыз. Бунда, 30 жаңа мектеп ҳәм 150 мектеп ушын қосымша имарат қурылады, 350 и оңланады.

Қәнигелескен мектеплер саны болса, 2 есе асырылып, 32 ге жеткизиледи. Нәтийжеде, Қарақалпақстандағы мектеплерде 30-35 тен артық бала оқыйтуғын класслар улыўма болмайды”, — дейди президентликке талабан Шавкат Мирзиёев.

Қарақалпақстандағы ең исенимли сайттың телеграм каналына ағза болың
@KRuzuz Ochish/sharhlash

2023-06-12 18:37:04 Оқыўшылардың мектепке барып-келиўи ушын автобус қатнаўы биринши болып Қарақалпақстанда жолға қойылады

Шавкат Мирзиёев Қарақалпақстанда 160 жаңа бақша қурылатуғынын ҳәм оңланатуғынын, 2 мың бақша шөлкемлестирилетуғынын айтып өтти.

Қарақалпақстандағы ең исенимли сайттың телеграм каналына ағза болың
@KRuzuz Ochish/sharhlash

2023-06-12 18:25:51 ӨзЛиДеПтен Өзбекстан президентлигине кандидат Шавкат Мирзиёевтың қарақалпақстанлы сайлаўшылар менен ушырасыўы басланды

Ушырасыўда кандидат сайлаўшыларды өзиниң сайлаўалды бағдарламасы менен таныстырмақта.

Қарақалпақстандағы ең исенимли сайттың телеграм каналына ағза болың
@KRuzuz Ochish/sharhlash

2023-06-12 17:20:28 Нөкис иси: Апелляция шағымын берген 28 шахстан бесеўи азат етилди, 16 судланыўшының жаза мүддети қысқартылды

Бүгин Жоқары судта 2022-жыл 1-2-июль күнлери Нөкис қаласында әмелге асырылған ғалабалық тәртипсизликлерге тийисли жынаят иси бойынша Қарақалпақстан Республикасы судының 2023-жыл 17-марттағы ҳүкми үстинен 28 судланыўшы ҳәм олардың қорғаўшылары тәрепинен берилген апелляция шағымларына тийкарланып усы жынаят исиниң бул шахсларға тийисли бөлегин апелляция тәртибинде көрип шығыў тамамланып, Жынаят ислери бойынша судлаў коллегиясы апелляция инстанциясының жуўмағы жәрияланды.

Усы жынаят иси Жоқары суд судьясы А.Абдикаримов басшылығында ҳәм судьялар У.Рўзиев ҳәм Д.Тожибоевтан ибарат суд қурамында көрип шығылды.

Жоқары судтың 2023-жыл 12-июньдағы ажырымына муўапық, Қарақалпақстан Республикасы судының ҳүкми төмендегише өзгертирилди:

И.Полатов, П.Есенгельдиев, И.Аитмуратов, И.Сапаров, Р.Жумабаев ҳәм олардың қорғаўшылары тәрепинен берилген шағымлар толық қанаатландырылды.

Буған көре И.Полатовқа тайынланған 5 жыл азатлықтан айырыў жазасы 5 жыл азатлықты шеклеў жазасына;

П.Есенгелдиев ҳәм И.Аитмуратовқа тайынланған 6 жыл азатлықтан айырыў жазасы 5 жыл азатлықты шеклеў жазасына;

И.Сапаров ҳәм Р.Жумабаевқа тайынланған 7 жыл азатлықтан айырыў жазасы 5 жыл азатлықты шеклеў жазасына өзгертирилди.

Олардың қамақта сақланған ҳәр бир күни ӨзР Жынаят кодексиниң 62-статьясына тийкарланып азатлықты шеклеў жазасының бир күнине теңлестирилип, тайынланған жазадан шегирилип, барлығы суд залында қамақтан азат етилди.

Д.Надирбаев, А.Есемуратов, З.Пиржанов, Р.Досымбетов, Қ.Бахиев, Н.Бауетдинов, Р.Баимбетов, З.Таджимуратов, К.Ешжанов, А.Алланазаров, Н.Байлепесов, А.Жумабеков, А.Омирзаков, А.Сариев, К.Бекполатов, Н.Дуйсенбаев ҳәм олардың қорғаўшыларының шағымлары дерлик қанаатландырылды.

Буған көре Д.Надирбаев ҳәм А. Есемуратовга тайынланған 7 жыл азатлықтан айырыў жазасы 5 жыл;

З.Пиржанов, Қ.Бахиев ҳәм Р.Баимбетовқа тайынланған 7 жыл азатлықтан айырыў жазасы 6 жыл;

Р.Досымбетов ҳәм А.Алланазаровқа тайынланған 8 жыл азатлықтан айырыў жазасы 6 жыл;

Н.Бауетдиновқа тайынланған 7 жыл 6 ай азатлықтан айырыў жазасы 5 жыл 6 ай;

З.Таджимуратов ҳәм А.Омирзаковқа тайынланған 8 жыл азатлықтан айырыў жазасы 7 жыл;

К.Ешжанов, Н.Байлепесов ҳәм А.Жумабековқа тайынланған 6 жыл азатлықтан айырыў жазасы 5 жыл;

А.Сариев ҳәм К.Бекполатовқа тайынланған 7 жыл азатлықтан айырыў жазасы 6 жыл;

Н.Дуйсенбаевқа тайынланған 7 жыл 6 ай азатлықтан айырыў жазасы 5 жыл азатлықтан айырыў жазасына келтирилди.

Биринши инстанция суды ҳүкминиң К.Бегалиев, Н.Хабипов, Д.Раманов, Ш.Аширбеков, О.Курбанов, М.Рахманов, О.Досназаров ҳәм олардың қорғаўшыларының шағымлары қанаатландырылмастан, суд ҳүкминиң оларға тийисли бөлеги болса өзгериссиз қалдырылды.

Сондай-ақ, суд Өзбекстан Республикасы Конституциясының 47 ҳәм 65-статьялары талапларын туўрыдан-туўры қоллаған ҳалда жынаят иси бойынша келтирилген зыянларды қаплаў мақсетинде хатланган Д.Надирбаев, Қ.Бахиев, Н.Бауетдинов, А.Жумабеков, П.Есенгелдиев, Р.Досымбетов, О.Досназаров, Р.Жумабаев, З.Таджимуратовқа тийисли мал-мүлк ӨзР Жынаят-процессуал кодексиниң 290 -статьясы тәртибинде хатлаўдан шығарылып, ийелерине қайтарылыўы белгиленди.

Ҳүкмниң қалған бөлеги өзгериссиз қалдырылды.

Қарақалпақстандағы ең исенимли сайттың телеграм каналына ағза болың
@KRuzuz Ochish/sharhlash

2023-06-09 19:56:48 KRuz.uz |Рәсмий канал pinned a photo Ochish/sharhlash

2023-06-09 19:01:55 Тақыятас районында өз ҳаялын урып, дене жарақатын жеткерген пуқараға жынаят иси ашылды

Усы жылдың 3-май күни саат 16:00 де Тақыятас районында жасаўшы, 1997-жыл туўылған Т.И. атлы пуқара өз үйинде, усы мәнзилде жасаўшы өзиниң ҳаялы, 1999-жыл туўылған А.Г. атлы өмирлик жолдасын урып, дене жарақатын жеткерген.

Жүз берген жағдай бойынша Тақыятас районы ИИБ Тергеў топары тәрепинен Өзбекстан Республикасы Жынаят кодексиниң 109-статьясы 2-бөлими менен жынаят иси ашылған.

Қарақалпақстандағы ең исенимли сайттың телеграм каналына ағза болың
@KRuzuz Ochish/sharhlash

2023-06-09 18:40:05 Видеоқолланба: салықта қарызы жоқлығы ҳаққындағы мағлыўматты қалай алыўға болады?

Хызметтен Бирден-бир портал арқалы бийпул пайдаланыў мүмкиншилиги бар. Оның ушын ҳеш қандай ҳүжжет талап етилмейди.

Мағлыўматлар формаланғаннан кейин, нәтийжелер келтирилген ҳүжжетти жүклеп алыў мүмкин.

Толық видеода.

Қарақалпақстандағы ең исенимли сайттың телеграм каналына ағза болың
@KRuzuz Ochish/sharhlash

2023-06-09 17:50:09 Қарақалпақстанда 6 ҳәм оннан көп адам жасап атырған хожалықлар саны көп

2023-жылдың январь -май жағдайына бола, Қарақалпақстан Республикасында үй хожалығы ағзаларының саны бойынша:

бир адамлық үй хожалықлары - 0,3%,
еки адамлық үй хожалықлары - 6,6%,
үш адамлық үй хожалықлары - 8,5%,
төрт адамлық үй хожалықлары - 18,4%,
бес адамлық үй хожалықлары - 27,5%,
алты ҳәм оннан көп адамлық үй хожалықлары - 38,7% ти қурайды.

Қарақалпақстандағы ең исенимли сайттың телеграм каналына ағза болың
@KRuzuz Ochish/sharhlash

2023-06-09 17:21:30 Быйылғы жылы магистратураға қабыллаў тек бир мәрте болады, қысқы қабыллаў болмайды

Бул ҳаққында Жоқары билимлендириў, илим ҳәм инновациялар министри Иброҳим Абдураҳмонов мәлим еткен.

Сонда 2023-жыл магистратураға тек бир рет — жазда қабыллаў болады.

"Өткен жылы биринши рет тил сертификаты талап етилгени ҳәм жаңа система болғаны ушын бир жылда 2 рет қабыллаўға рухсат алған едик. Бирақ быйылғы жылы қабыллаў дәстүрий тек бир рет болады, қысқы қабыллаў болмайды", — дейди министр.

Қарақалпақстандағы ең исенимли сайттың телеграм каналына ағза болың
@KRuzuz Ochish/sharhlash