"ISHTIXON OVOZI"

2023-04-26 05:32:06 #Bugungi_kun_hikmati

Фақат ўзинг учун меҳнат қилсанг, ўз қорни ғамида ўтлаган ҳайвонлардан бири бўласан. Инсоният равнақи учун меҳнат қил.

Абай.

@ishtixonovozi Ochish/sharhlash

2023-04-25 17:09:29 Йил бошида ёпилган Давлат тилини ривожлантириш департаменти қайта ташкил этилади

Президент фармони билан Вазирлар Маҳкамасининг ижро этувчи тузилмасида Давлат тилини ривожлантириш департаменти ташкил этилмоқда.

Мазкур департаментнинг ташкил этилиш хронологиясини эслатиб ўтамиз:

2019 йил 21 октябрь:
Президентимизнинг (ПФ-5850) фармони билан Вазирлар Маҳкамаси тузилмасида Давлат тилини ривожлантириш департаменти ташкил этилган эди.

2022 йил 24 декабрь:
Вазирлар Маҳкамасинининг ижро этувчи тузилмасини оптималлаштириш жараёнида ушбу департамент тугатилган. (ПФ-269 21.12.2022 й.)

2023 йил 24 апрел:
Президент фармонига асосан (ПФ-59 20.04.2023 й.) Вазирлар Маҳкамаси тузилмасида Давлат тилини ривожлантириш департаментини тузиш белгиланди. Фармонда айтилишича, Давлат тилини ривожлантириш департаментига ажратилаётган иш ўринлари Президент администрациясининг 5 та штат бирлигини қисқартириш эвазига ташкил этилади.

@ishtixonovozi Ochish/sharhlash

2023-04-25 13:47:50 Президент мактаблари имтиҳонларининг 2-босқичидан ўтолмаган ўқувчилар ихтисослаштирилган мактабларга имтиҳонсиз қабул қилинади

Президент мактаблари имтиҳонларининг 2-босқичидан ўтолмаган ўқувчилар ихтисослаштирилган мактабларга имтиҳонсиз қабул қилинади. Бу ҳақда Ихтисослаштирилган таълим муссасалари агентлиги ахборот хизмати маълум қилди.

Ихтисослаштирилган мактаб ва мактаб-интернатларига 2023/2024 ўқув йили учун ўқувчиларни қабул қилиш қуйидагича бўлади:

аниқ фанлар йўналишига қабул 5 – 11-синфларга;
табиий фанлар йўналишига 7 –11-синфларга;
кейинги ўқув йилларида 5 ва 7-синфларга амалга оширилади.

Ҳар бир синфга 24 нафардан ўқувчилар қабул қилинади.

Ихтисослаштирилган мактаб ва мактаб-интернатларининг кириш имтиҳонларидан ўтган ўқувчилар тўлиқ бепул таълим олишади.

@ishtixonovozi Ochish/sharhlash

2023-04-25 13:45:50 Ҳафта давомида ҳаво ҳарорати +37° гача кўтарилади

Ўзгидрометга кўра, ҳафта давомида Ўзбекистон бўйича ҳаво асосан кам булутли бўлади, ёғингарчилик кутилмайди.

Фақат Фарғона водийси ва мамлакат жанубида айрим жойларда ёмғир ёғиши мумкин.

25 апрелда шимолда ва чўл ҳудудларда шамол тезлиги 15-20 м/с гача кучайиши мумкин.

Ҳаво ҳарорати кечалари 16-18° гача, кундуз кунлари 30-33° гача, баъзи жойларда 35-37° гача кўтарилади.

Бу апрель ойининг охирги ўн кунлик меъёрий қийматларидан 4-6° га юқоридир.

@ishtixonovozi Ochish/sharhlash

2023-04-25 13:43:56 Бир донишманд инсон кўзани олиб, кичик тошлар билан тўлдирди. Ўз шогирдларини йиғиб, «Айтингчи, менинг кўзам тўлами?» дея савол берид. Улар «Ҳа тўла», деб жавоб беришди. Шунда донишманд нўхат тўла идишни олиб, уни кўзага солди. Нўхатлар тошлар орасидаги бўш жойларга кириб жойлашди. Устоз «Энди кўза тўлами?», деб иккинчи саволни берди. Шогирдлари бу сафар ҳам тўла эканлигини тасдиқлашди. Энди доно одам қум солинган қутича олиб, уни ҳам кўзага сочди. Қум тош ва нўхатлар орасидаги барча бўш жойларни эгаллади. Донишманд одам: “Сизлар кўза – бу ҳаётимиз эканлигини англаб етишишингизни истар эдим. Тошлар – ҳар бир инсон ҳаётининг асосидир. Нўхат - булар ёқимли нарсалар, лекин булар энг муҳим ҳисобланмайди. Қум – майда-чуйда икир-чикирларни ифодалайди, улар ҳар бир инсоннинг ҳаётида тўладир. Агар кўзани дастлаб қум билан тўлдирилса, нўхат ва ҳатто тошга жой қолмайди. Ҳаётда ҳам шундай: агар беҳудага нарсага вақт сарфланса, энг асосий нарсага вақт қолмайди.

@ishtixonovozi Ochish/sharhlash

2023-04-25 08:47:28 2023 йил 1 майдан Давлат кўчмас мулклари ва акция пакетлари Давлат активларини бошқариш агентлигига ўтказилади

Қонунчиликка кўра:

республика мулки бўлган давлат кўчмас мулклари ва давлат акция пакетлари (улушлари) Давлат активларини бошқариш агентлигига ўтказилади, бундан Стратегик ислоҳотлар агентлиги, Тикланиш ва тараққиёт жамғармасига тегишли улушлар ҳамда Президент қарорларида назарда тутилган ҳоллар мустасно;

давлат муассасалари ва давлат иштирокидаги корхоналарни ташкил этиш билан боғлиқ таъсис ҳужжатларига киритиладиган ўзгартиришлар Давактив агентлигининг тегишли буйруғи мавжуд бўлганда давлат рўйхатидан ўтказилади;

давлат кўчмас мулк объекти ва бўш ер участкалари негизида амалга ошириладиган давлат-хусусий шериклик лойиҳалари тўғрисидаги маълумотлар битим тузилгач 10 кун муддатда “Давлат мулки” ахборот тизимига киритилади;

вазирлик ва идоралар, маҳаллий давлат ҳокимияти органларининг давлат кўчмас мулки негизида инвестиция лойиҳаларини амалга ошириш ва уларни бегоналаштириш ҳамда давлат иштирокидаги корхоналар ва улар тизимидаги корхоналарга учинчи шахслар томонидан инвестиция киритишга оид келишувлари (битим, шартнома, меморандумлар) бўйича мажбурий тартибда Агентлик хулосаси олинади.

@ishtixonovozi Ochish/sharhlash

2023-04-25 08:15:01 Президент фармони билан Бахтиёр Одилович Саидов Ўзбекистон Республикаси ташқи ишлар вазири лавозимига тасдиқланди.

@ishtixonovozi Ochish/sharhlash

2023-04-25 06:29:36 "Zarafshon" gazetasining 2023-yil 25-aprel kungi soni mutolaa uchun havola qilinmoqda.
Bugungi sonda:

- 281 ta masjidda hayit namozi oʻqildi;

- Bosh qomusimizda mulkdorning huquqlari toʻliq himoyalanadi;

- Xavfsizligingiz kafolati - eʼtiborli boʻlish;

- Hemis tizimini ham oʻzimizga moslashtirib oldikmi?

Shuningdek, unda “Zarafshon” muxbirlari tayyorlagan yangiliklar, jamiyatda uchrayotgan illatlar haqidagi maqolalar chop etilgan.

Gazetadagi maqolalarni zarnews.uz sayti va ijtimoiy tarmoqlardagi sahifalarimizda ham o‘qish, videolavhalarni tomosha qilish mumkin.

@ishtixonovozi Ochish/sharhlash

2023-04-25 06:29:02 #Bugungi_kun_hikmati

У ердан бу ерга гап ташувчилар элнинг гуноҳини ўз бўйнига олувчилардир. Чақимчилик ҳатто чин гап бўлса ҳам кўнгилсиздир, ёлғон бўлса янада нафратлидир. Сўз етказувчининг хоҳ каттаси, хоҳ кичиги — дўзах ўтининг тутантуруғи бил.

АЛИШЕР НАВОИЙ.

@ishtixonovozi Ochish/sharhlash

2023-04-24 17:32:03 Ochish/sharhlash