"ISHTIXON OVOZI"

2022-08-26 15:33:47 Президент Шавкат Мирзиёев: "Бирлашсаккина олдимизга қўйган улкан-улкан марраларга албатта етамиз"

@ishtixonovozi Ochish/sharhlash

2022-08-26 15:33:46 Президент Қорақалпоғистонда қишлоқ хўжалигини ривожлантириш, фермер ва деҳқонларни қўллаб-қувватлаш бўйича мутасаддиларга топшириқлар берди

@ishtixonovozi Ochish/sharhlash

2022-08-26 12:44:20 Президент Шавкат Мирзиёев Аманбай Оринбаевнинг раҳбарлик қобилияти, ватанпарварлиги ва инсоний фазилатларини, шунингдек, ҳудудни ривожлантириш борасидаги таклифларини ҳисобга олиб, унинг номзодига ўз розилигини билдирди.

Жўқорғи Кенгес депутатлари, жамоатчилик вакиллари сўзга чиқиб, номзод ҳақида фикр билдирди.

Шундан сўнг, Жўқорғи Кенгес Раисини сайлаш масаласи овозга қўйилди. Яширин овоз бериш йўли билан Аманбай Оринбаев бир овоздан Қорақалпоғистон Республикаси Жўқорғи Кенгеси Раиси лавозимига сайланди.

Президентимиз Жўқорғи Кенгеснинг янги Раисига мурожаат қилар экан, "Аманбай Оринбаев адолат, садоқат, ҳалоллик, масъулият, ташаббускорлик ва фидойиликни ўз фаолиятининг энг муҳим мезонлари сифатида белгилаб олиб, сайланган лавозимида Қорақалпоғистон аҳлига сидқидилдан хизмат қилиши ва ўзига билдирилган ишончни оқлаши лозим", деди.

@ishtixonovozi Ochish/sharhlash

2022-08-26 12:37:19 Қуйи Чирчиқда эри томонидан қийноққа солинган М.У. кейинроқ пичоқлаб ўлдирилгани айтилмоқда

Бугун бу оиланинг боғчадаги жанжали видеоси тарқалган эди. Маълум бўлишича, аёл 25 август куни эри томонидан пичоқланган.

Айтилишича, 1998 йилда туғилган аёл поликлиникада ҳамшира бўлиб ишлаган.

Маълум қилинишича, оилавий келишмовчиликлар туфайли ота уйига кетиб қолган М.ни эри қидириб келади. М.нинг ота-онаси ҳам куёв ўзи келгани учун андиша қилиб, кўришишга рухсат беради.

Ғирт маст аҳволда бўлган эр эса аёл билан кўришган заҳоти бўйнига пичоқ тирайди ва уришиб, уни қийнаб азоблайди. Кейин ҳайвонни бўғизлагандек сўйиб ташлайди. Сўнг ўзи воқеа жойидан қочиб кетади.

Аёлнинг ота-онаси нима бўлганини англагунча кеч бўлади. Ота қизини машинага солиб, шифохонага олиб кетаётганда М. йўлда қийналиб жон беради.

Тошкент вилояти ИИБ ҳолат юзасидан қўшимча маълумот беришни таъкидлаган эди.

@ishtixonovozi Ochish/sharhlash

2022-08-26 10:10:02 Давлатимиз раҳбари шунча саъй-ҳаракатларга, Қорақалпоғистонга ажратилаётган катта-катта маблағларга қарамай, аҳоли кайфиятига салбий таъсир қилаётган муаммолар сақланиб қолаётганини қайд этди.

"Чунки бу ердаги айрим адолатсиз, нопок раҳбарлар “халқни рози қилиш” деган эзгу тушунчани ҳали англаб етмаган", деди Президент.

Бугунги кунда ҳам аҳоли ўртасида ичимлик суви, ички йўллар, электр таъминоти, ишсизлик, нарх-наво каби муаммолар юзасидан билдирилаётган шикоятлар юқорилигича қолмоқда.

Аслида, 2 ой олдинги воқеалар негизида ҳам аҳолининг айрим ижтимоий-иқтисодий муаммоларга ечим топмасдан ётгани кўрсатиб ўтилди.

"Афсуски, айрим раҳбарлар халқимизга халол хизмат қилиш ўрнига фаровонлигини таъминлашга йўналтирилган маблағларни самарасиз сарфлаш, яратиб берилган имкониятларни ишга солмаслик, эл-юрт учун жонини бериб ишламаслик ҳолатларига йўл қўйиб келмоқда", деди Президент.

@ishtixonovozi Ochish/sharhlash

2022-08-26 08:58:44 Batafsil... Ishtixon ovozida Ochish/sharhlash

2022-08-26 08:22:21 Кредит олиш бўйича 595 мингта аризанинг 302 мингдан ортиғи (57%) асослантирилган ҳолда қайтарилган

Бу ҳақда АОКАда ўтказилган брифингда Марказий банк департамент масъул ходими Феруз Эрматов маълум қилди.

Маълум қилинишича, бугунги кунда «Маркетплейс» эркин савдо майдонида рўйхатдан ўтган ҳолда маҳсулот ва хизматларни таклиф этаётган тадбиркорлик субъектлари сони 15,5 мингдан ортиқ.

Улар томонидан иссиқхона қуриш, боғдорчилик, чорвачилик, қуёнчилик, паррандачилик, балиқчилик, асаларичилик ва бошқа йўналишларда жойлаштирилган таклифлар сони қарийб 148 мингтани ташкил этмоқда.

@ishtixonovozi Ochish/sharhlash

2022-08-26 07:52:47 Diqqat, e’lon! Tezkor Xabar...

Ishtixon tuman elektr ta’minoti korxonasi ogohlantiradi!

Ishtixon tumani Bog‘ixon MFY, Qayirma MFY va O‘zbekqurg‘on MFY hududlarini elektr energiyasi bilan ta‘minlovchi Payariq tumanida joylashgan "Qurli" 35/10 nim stansiyasida 4 000 kVA transformator punkti o‘rniga 6 300 kVA quvvatli transformator punkti o‘rnatishi ishlari Kattaqurg‘on KRVVS tashkiloti tomonidan amalga oshirilmoqda. Shu sababli Ishtixon tumani Bog‘ixon, Qayirma, O‘zbekqurg‘on MFY hududlari bo‘yicha 2022 yil 26 avgust kuni soat 10:00 dan 20:00 gacha elektr energiyasi o‘chiriladi. Ushbu ta‘mirlash ishlari Payariq tumani hududida amalga oshiriladi.
Ishni xavfsiz olib borish uchun "Qurli" 35/10 kVli nim stansiyasidagi barcha elektr tarmoqlari o'chirilgan xolda amalga oshiriladi.
Ishtixon tuman elektr ta’minoti korxonasi ma’muriyati keltirilgan noqulayliklar uchun uzr so‘raydi.

«Ishtixon TETK» matbuot xizmati.

@ishtixonovozi Ochish/sharhlash

2022-08-26 07:30:15 Samarqand viloyatida mustaqillik bayrami tantanalari

Samarqand shahri–31-avgust, Moʻjiza amfiteatrida
Kattaqoʻrgʻon shahri–29-avgust, shahar istirohat bogʻida
Jomboy tumani–27-avgust, tuman sport maktabi oʻyingohida
Bulungʻur tumani–29-avgust, Mingchinor olipiya oʻyingohida
Ishtixon tumani–29-avgust, Mitan shaharchasi oʻyingohida
Kattaqoʻrgʻon tumani–27-avgust, “Yoshlik” istirohat bogʻida
Narpay tumani–26-avgust, sport maktabi oʻyingohida
Nurbod tumani–26-avgust, Mehnat uyingohida
Oqdaryo tumani–27-avgust, markaziy istrohat bogʻida
Past Dargʻom tumani–30-avgust, Yangi Oʻzbekiston maydonida
Payariq tumani–28-avgust, yoshlar istirohat bogʻida
Paxtachi tumani–26-avgust, tuman markaziy oʻyingohida
Samarqand tumani–29-avgust, Rustam qishloqdagi 1-BOʻSM oʻyingohida, 30-avgust, Qaynama mahallasi, 2-BOʻSM oʻyingohida
Tayloq tumani–29-avgust, BOʻSM oʻyingohida
Urgut tumani–30-avgust, Urgut istirohat bogʻida
Qoʻshrabot tumani–27-avgust, tuman markaziy oʻyingohida o‘tkaziladi.

@ishtixonovozi Ochish/sharhlash