Hubbuna

2024-05-22 10:04:55 Turli sabablar yoshlarni oila qurishdan to'sib turganini ko'ramiz. Masalan, ota-onasi bolam hali yosh deydi, qizim o'qishi kerak deydi, o'g'limning tayinli ishi yo'q deydi va hokazo.

Hurmatli yigit-qizlar, sizlarda nima muammo? Nega oila qurishingiz kechikyapti? Balki sizga yechim bera olarmiz.

#Muhokama

@Hubbuna — oila qurish, oilaviy muhabbat, baxt va farzand tarbiyasi haqida Ochish/sharhlash

2024-05-22 06:02:27 #Savol: Assalom alaykum. Avvalo oiladagi gaplarni ko’chaga olib chiqish yaxshi emasligini bilaman, lekin gumon qilib yurib gunohga qolganimdan ko'ra maslahat so'rashni lozim topdim.
Aslida, ilgari ham gumon qilishimga yetarli asoslar bor edi. Hozirda ham ba'zan shubha-gumon tinchlik bermayapti.
Turmush qurganimizning 3-kunidanoq bilganman, turmush o'rtog'imning hayotida boshqa ayollar, qizlar borligini. Lekin ularni kechirib, hammasini qaytadan boshladim. Hurmatini joyiga qo'yaman, xizmatini qilaman, lekin menga hali ham xiyonat qilayotganini his qilyapman va ulardan kun sayin ko'nglim qolib boryapti.
Nima qilsam yoki qanday ibodat qilsam munosabatlarimizni qayta tiklay olaman?

G'iyosiddin Yusuf:

— Va alaykum assalom. Munosabatlar qandaydir ibodat bilan yoki faqat bir kishining harakati bilan tiklanmaydi, ikkala tomon birgalikda harakat qilishi kerak. Sizning vaziyatingizda ayollik vazifangizni komil qilib bajarishingiz, xiyonat qilishiga sabab qoldirmasligingiz, duo qilishingizni maslahat beraman.

#Muammo

@Hubbuna — oila qurish, oilaviy muhabbat, baxt va farzand tarbiyasi haqida Ochish/sharhlash

2024-05-21 18:43:28 Nega er-xotin orasida zerikish yuzaga keladi? Yechim nima?

#Muammo

@Hubbuna — oila qurish, oilaviy muhabbat, baxt va farzand tarbiyasi haqida Ochish/sharhlash

2024-05-21 15:21:53 O‘zingizga vazifa bеlgilab оling

Masalan, har kun 30 bеt o‘qiyman dеb ahd qildingiz va har kun vazifangizni bajarishga qat’iy harakat qiling. Mabоdо birоr kun bajara оlmay qоlsangiz, bоshqa kunlari ziyoda qilib o‘rnini to‘ldiring. Aks hоlda, bir-ikki kun vazifangizni bajarmay, o‘rnini to‘ldirmasangiz, kitоb o‘qimay yurish оddiy hоl bo‘lib qоladi.

Ba’zilar kitоb o‘qishni vaqt bilan bеlgilaydi. Masalan, bir kunda bir yoki ikki sоat kitоb o‘qiydi. Bunda kitоbning hajmiga e’tibоr qilmay, vaqtga e’tibоr qilinadi. Bu vaqtda bоshqa narsalarga chalg‘imaslikka harakat qilish kеrak, ilоji bo‘lsa, budilnikdan fоydalangan ma’qul.

«Men ham kitob o‘qiyman» kitobidan #iqtibos

@Hubbuna — oila qurish, oilaviy muhabbat, baxt va farzand tarbiyasi haqida Ochish/sharhlash

2024-05-21 06:38:24 #Tabassum

@Hubbuna — oila qurish, oilaviy muhabbat, baxt va farzand tarbiyasi haqida Ochish/sharhlash

2024-05-18 05:01:00 #Savol: Assalomu alaykum. Sovchi orqali unashtirilganman. Dindan xabarim bor. Unashtirilgan insonimni ham atrofdagilar namozlarini oʻqiydi, yaxshi, halol bola deb aytishgan.
Uydagilarim ham surishtirib koʻrishdi. Gaplashib koʻrsam, namoz, roʻza va shunga oʻxshash amallarni qiladilar. Lekin ilmda davomli yoki kelajaklarini asosan din yoʻli bilan tasavvur qilmaydilar. Din haqida gap ochilsa, unchalik qiziqish bildirmaydilar. Shunga baʼzan koʻnglim sovib qoladi. Ammo sigaret chekish, shunga oʻxshash zararli odatlari yoʻq. Uydagilarga aytsam, keyinchalik bilmaganlarini hayot davomida oʻrgatasan deyishadi. Shu toʻgʻrimi? Javob uchun avvaldan rahmat.

Javob:

— Va alaykum assalom. To'g'ri emas deb o'ylayman. O'zi qiziqmagan odamga nimanidir o'rgatishingiz bilan hayot yo'lini din bilan tasavvur qiladigan bo'lib qolmaydi. Allohdan tavfiq, hidoyat, ixlos so'rab harakat qilaverasiz.

@Hubbuna — oila qurish, oilaviy muhabbat, baxt va farzand tarbiyasi haqida Ochish/sharhlash

2024-05-17 19:02:36 Xotin o'lishi mumkin, lekin rashki o'lmaydi.

Abdulhodiy Yusuf

#Rashk
#Tabassum

@Hubbuna — oila qurish, oilaviy muhabbat, baxt va farzand tarbiyasi haqida Ochish/sharhlash

2024-05-17 17:01:00 Agar oilada erkak ham, ayol ham ishlasa, erkak ishdan kelib dam oladi, ayol ish qiladi! Shunday oilalarda erkak kishi ayoliga yordam bersin, hech bo'lmasa, bolalar parvarishida.

#Erkaklar

@Hubbuna — oila qurish, oilaviy muhabbat, baxt va farzand tarbiyasi haqida Ochish/sharhlash

2024-05-17 10:33:52 Farzandning nutq madaniyati

Bu masala omma orasida muhim hisoblanadi. Bo­laning tili chiqish davrida, u gapirmoqchi yoki so‘zlashni istaganda uni gapirtirmaslik va gap-so‘zlarini bo‘lish juda yomon! Ya’ni uni duduq, ichidagi gapni aytmaydigan yoki ko‘p o‘ylanib gapiradigan qilishgacha olib kelishi mumkin.

Bola siz bilan gaplashmoqchimi? U bilan dil­dan va xuddi aka-uka, opa-singil va do‘stlardek suh­bat quring. Uning do‘stlari, o‘zaro munosabatlar va boshqa bola uchun qiziq mavzularda erinmasdan va zerikmay gaplashing.

Bola savol bersa, agar u bergan savolini o‘zi bilsa, o‘ylanib va ikkilanib javob bering. Bil­masa, yaxshilab, to‘g‘ri va to‘liq javob berib, tu­shuntiring.

«Tarbiya-chi?» kitobidan #iqtibos

@Hubbuna — oila qurish, oilaviy muhabbat, baxt va farzand tarbiyasi haqida Ochish/sharhlash

2024-05-17 05:30:34 #Savol: Assalomu alaykum! Yoshim 26 da, bitta qizcham bor. Sovchi orqali turmush qurganman. Talaba paytim bir yigitga koʻngil qoʻyganman, u ham menga befarq emas edi. Sovchi qoʻymoqchi edi, taqdirning izni bilan birga boʻlolmadik, boshqa insonga turmushga chiqdim. Hali-hanuz, ayniqsa, oilada muammoli vaziyatlar boʻlsa, u kishini qo'msayman. Balki unga turmushga chiqqanimda hayotim boshqacha boʻlardi deb koʻp oʻylayman. Savolim shuki, men hali-hanuz uni oʻylab gunohga botyapmanmi?

G’iyosiddin Yusuf:

— Va alaykum assalom. Men gunoh-savob masalasida gapirmoqchi emasman, uzr. Ammo bu ishingiz noto'g'ri. Xiyonat faqat to'shakda bo'lmaydi, xiyonat xayolda ham bo'lishi mumkin. O'zingizga ravo ko'rmaganni juftingizga ham ravo ko'rmang. Hammada ham xato-kamchilik bor. O'sha yigit bilan oila qurganingizda ham shunga o'xshash holatlar bo'lishi tayin edi. Bu xayollarni sizga shayton olib kelyapti. Xayollaringizni jilovlang, bunday vaziyatda tezda istig'for aytib, chalg'ishga harakat qiling.

#Muammo

@Hubbuna — oila qurish, oilaviy muhabbat, baxt va farzand tarbiyasi haqida Ochish/sharhlash