Gaplashamiz

2022-12-10 13:45:30 ​​Бир қизиқчи қизиқ бир гап айтган эди: “Қизларнинг ҳаммаси яхши бўлса, ёмон хотинлар қайдан чиқяпти, ҳайронман?”
Бу саволга жавоб изламоқчи эмасман, чунки бу савол Одам атодан бери бор ва жавоби топилмаган. Фақат бўйдоқ укаларимизнинг ҳали бузилмаган романтик тасаввурларини сал лойқалатиб – реаллаштириброқ қўйсамми деяпман-да.
Ёғин-сочин кунларда ким қўл кўтарса, йўлим бўлса, олиб кетяпман. Анув куни бир йигит тўхтатди. Йўлимиз туташ экан, чиқинг, дедим. Аммо йигит ўзи қолди-да, пулини тўлаб, ёнидаги қиз болани чиқариб юборди.
Қизгина айрилиқ бошлангани заҳоти ҳаво тўлқинлари орқали йигитига боғланди. Жуда мулойим, сеҳрли, меҳрли оҳангда гапира кетди. Ҳозир борибоқ, оёқ кийимининг ичига қоғоз сочиқча ёки газит солиб қўйишини, шунда эрталабгача нами кетишини, кейин лимон чой ичишини, эртага иссиқ кийиниб чиқишини, чунки кун анча совуқ бўлишини, зонтигини ҳам унутмаслигини, ҳали яна эслатишини... хуллас, йигитга ҳатто онаси бермаган меҳр-шафқатни намоён этиб, кўп гапларни гапира кетди. Қаллиғи бўлса керак, деб ўйладим. (Аммо сўраганим йўқ.) Манзил узоқроқ эди, илож йўқ, эшитиб кетяпман. Бир пайт, қизгинага уйидан қўнғироқ келди, шекилли, йигитдан онаси билан боғланиб олишга изн(!) сўради. Ва... боягидан бутунлай ўзгача оҳангда, ёқимсиз, дағал товушда, мен учун умуман кутилмаган муомалада онаси билан гаплаша бошлади. Агар орқада иккита қиз ўтирган бўлганида, аниқ бошқаси гапиряпти деб ўйлар эдим... (Шу жойда қизиқчининг ўша гапи ёдимга тушди-да.) Хуллас, бир-икки дақиқа онаси билан ғижиллашди, кейин қолган гапни борганда гаплашишини айтиб, тармоқни алмаштирди ва... яна олдингидек, меҳрли, сеҳрли, тошларни ҳам эритиб юборадиган оҳанг билан йигитига гапира кетди. Сал олдин балки йигитга ҳавас қилгандирман, аммо энди ачина бошладим. Қаллиғининг асалдан ширин, қуёшдан қайноқ сўзларидан бир қоп бўлиб семириб ўтиргандир бояқиш. Аммо эрта-индин эр-хотин бўлишса, энасини учқўрғондан кўриши аниқ. Шундай мунис-муштипар қизнинг кутилмаганда аждарҳога айланиб қолганидан анча бехуш бўлса керак. Туси шунчалар осон ўзгарганидан бу ёқда мен лол бўлиб ўтирибман-ку...
Хуллас, йигитлар, қизларнинг ширин сўзларига кўпам учманглар.

Абдугафур Искандар домла.

Telegram  |  Instagram  |  Facebook | You tube Ochish/sharhlash

2022-12-08 12:54:10 Bu yerda konstitutsiya haqida nimadirlar bo'lishi mumkin edi. Lekin cho'ntakka qarab ishlaydigan konstitutsiya haqida gapirishdan foyda yo'q. Buni siz ham mendan yaxshi bilasiz. Ochish/sharhlash

2022-12-08 11:57:27 Бугунги энерго инқироздан Ўзбекнефтгаз қандай чиқмоқда?

Аслида машиналар бензин етишмовчилиги, қимматлиги ва сифатсизлиги учун ҳукумат ташаббуси билан метанга ўтказилган. Дубай нархида бензин қуйиш учун шунча даромад керак, сифат ва хизмат. Аммо Ўзбекнефтгаз сифатни ошириш, етказиб бериш ва рақобат муҳити ҳақида ўйламайди. Унда нима қилади?

Ўзбекнефтгаз шунчаки блогер, вебсайтлар ва газеталарга "обуна" сотиб олади. Виждонли ва профессионал соҳа фидойилари Ўзбекнефтгаз рекламасидан кейин ҳам, бензин муаммосини ёзиб чиқаверади. Аммо Ўзбекнефтгаз шартномани қайта тузмаслик, пул бермай қўйиши билан таҳдид қиладиганлари, виждонсиз ва халқига тупурганлар бу масалага кўз юмади.

Масалан, ўтган 2 ой ичида Ўзбекнефтгаз Хуршид Далиев таъсисчилигидаги Bon Profi Media МЧЖга 345 миллион сўм, Matbuot PS МЧЖга 1 миллиард сўм, "Даракчи"га 200 миллион сўм, Кун.уз'га 2 миллиард сўм, Хабар.уз сайтига 150 миллион сўм, Дарё'га 345 миллион сўм, Алм Медиа МЧЖга аввалги шартнома бўйича яна 400 миллион сўм - реклама жойлаштириш мақсадида тўлаган.

Албатта, реклама бозори жадал ривожланмоқда, мустақил медиянинг асосий даромади реклама тушумлари. Аммо тўланган барча пул реклама учун дейиш қийин. Негаки, айрим платформаларда Ўзбекнефтгаз соҳасига оид мавжуд муаммолар ҳам ёритилмайди, мурожаатлар пайсалга солинади. Ундай бўлмаса, Ўзбекнефтгаз шунчаки аҳмоқона ва самарасиз рекламалар жойлаштиради.

Шунчаки канал ва сайтларда "Ўзбекнефтгаз", "бензин", "Меҳриддин" сўзларини изланг. Ўзингиз гувоҳ бўлинг.
( Алишер Рўзиохунов).

@RaisBuva Ochish/sharhlash

2022-12-05 12:24:08 Ўзбек халқидан бошқа ҳаммани ўйлайдиган давлат ва ҳукумат

Тошкент шаҳрида бугун куни билан газ бўлмади ҳисоб. Бирор мутасадди жилла қурса кеча огоҳлантирмади. Мана ҳозир деярли ярим кечаси бу ҳақда расмий маълумот берилди.

Газ босими пасайиб кетишига об-ҳаво ҳарорати кескин тушиб кетгани сабаб қилиб кўрсатилган. Қўққисдан қиш келиб қолгани учун дейишмаганига раҳмат.

Бундан ташқари, кўпроқ хонадонларни газ ва иссиқлик билан таъминлаш мақсадида барча газ қуйиш шохобчалари вақтинчалик ёпилаётгани айтилган.

Ўзбекистон ўз халқига газ беришни ўйламайди, аммо бошқа давлатларга бемалол газ сотиши мумкин. Масалан, Хитойга газ экспорти 2 баравар оширилган.

Қирғиз халқи газсизликдан қийналиб қолса, бизга мурожаат қилади ва муаммо тезда ҳал бўлади. Январь-сентябрь ойларида Қирғизистонга 25,3 млн. куб газ сотилган, масалан.

Бу томонда эса Россия ва Қозоғистон билан газ ташиш бўйича алламбало иттифоқ тузиляпти. Халқ совуқдан тарашаси чиқса чиқсин, лекин қўшниларимиз, ҳамкорларимизнинг кўнгли оғримаслиги лозим.

Қишлоқларимизда газ йўқлигига кўникиб бўлгандик, энди навбат пойтахтга келди. Пойтахтдаги "дом"ларни ўтин, печка ё сандал билан иситиб бўлмайди. Жон сақлаш керак бўлса-да.

Инсон қадри учун қилинаётган ислоҳотлар шунчаликдир-да ахир!

@media24uz Ochish/sharhlash

2022-12-04 11:18:07 Xalq saylagan "Prezident" va boshqa "Qorinboy"lar xalq pulidan oylik olib issiq va yorug' uylarida yashashsa ammo aslida xalq uchun xizmat qilishi kerak bo'lgan qo'shtirnoq ichidagi vakillarning xalq bilan ishi bo'lmasa! Kunlar sovib ketti lekin Gaz va svetdan darak yo'q. Hattoki haligacha gaz turubalari o'tmagan joylar bor. Bir tiyinga foydasiz haykallar, tramvaylar va nomini eshitsa xalq tanimaydigan vazirliklarga mlrdlab pullarni sarflashdan oldin bu ishlarni joy-joyiga qo'yib olish kerakmasmikan? Qo'shinchasiga yana yillarga "Insonni qadrlash" , "Keksalarni e'zozlash" kabi quruq nomlarni berishni bilishadi. Behuda safsata gaplar bilan xalq yashash tarzi yaxshilanib qolmaydi. Hammasi minbar oldida chiqib olib bir gapni qaytarishni biladi. Gapdan uyoqiga hech biri o'tolmaydi. Yashasin DEMOKRATIYA, Yashasin Yangi O'zbekiston. Ochish/sharhlash

2022-11-27 12:39:03 "2,4 миллион ишчи ўрни яратилди", "8,4 миллиард сўмга портал тайёрланди", "бир донаси 12 миллион 535 минг сўмдан кўчат экилди".

Ўқиб, йиғлагиларим келади. Турли саволлар миямда ғужғон ўйнайди. Ғазнамиз тешик тоғора бўлиб ётганда, унга келганини ютаётган юҳолар турганда бизга инвестиция нимага керак?

Халқ пулини туя қилаётганлар ўзи келажагини Ўзбекистонда кўрадими? Қурғоқчилик, қум бўрони ва яйдоқ чўлга айланаётган юртимиз келажаги нима бўлади? Ахлоқи, соғлиги ва ақлонияти кетаётган авлодимиз ҳолига ким қайғуради? Саволлар беҳисоб.

Энг аламлиси, шундай хабарлар тарқаганда бунга масъул идоралардан битта мард чиқиб, шартта: "Мана ўша дарахт, пулига арзийди", "Сайтнинг структураси ва ишлари шунақа мураккаб ва қиммат, ма кўр!", "Мана ўша ишчи ўринлар, бу кетишда иш ўринлари кўпайиб, чет элдан мигрантларга муҳтож бўламиз", деб айта олмайди.

Жуда бўлмаганда назорат органлари улар изидан тушиб, жиноятчиларни жазоламайди. "Ўмарилганлар ҳазм қилиб юборилган, озгина сабр қилсак халқ унутади", қабилида ишлар йўлга қўйилган, афсус.

"Агар ишлар эгасига топширилмаса, қиёматни кутгин". Биз эса қиёматни кутамиз. Унда саволлар жуда оғир бўлади. Агар дунёдаги саволлардан эсон-омон ўтиб олинса...

@MubashshirAhmad Ochish/sharhlash

2022-11-26 14:55:30 Maktab 11 yil vaqtni behuda sarflash uchun juda ham yaxshi joy. Hattoki buning safiga "oliy ta'lim"ni ham kiritish mumkin. Ochish/sharhlash

2022-11-26 14:45:12 Biz odamlar shunaqamiz, birovlarni xudbin deymiz- u, o'z manfaatimiz uchun boshqalarni qurbon qilayotganimizni o‘ylab ham ko'rmaymiz


"Bonu" Iqbol Mirzo Ochish/sharhlash

2022-11-25 10:57:57 Jilagilarim keb ketti Ochish/sharhlash

2022-11-14 14:57:26 "Ё портлаб, ё заҳарланиб, ё совуқдан ўласан. Барибир ўласан"

Чироқ ўчса, газ ҳам ўчади. Бу иккови қачон келиши номаълум. Кечаси уйдаги чироқ ўчик ҳолатда турса-ку яхши, чунки ёнгандан кейин газ келса, ис гази сизиб чиқади. Шу пайт чироқ ёниқ бўлса, портлайди.

Бу газ чироқ ўчганда ҳам портлайди. Чунки қачондир сизган газ уйга тўлган бўлади, беихтиёр чироқни ёқиб юборасиз. Тамом, бум!

Майли, портламасин. Чироқ ўчирилган, уйдаги одам ҳам газ ҳидини сезди. Лекин агар унгача кечаси билан ис газидан заҳарланиб ўлиб кетмаса! Ахир неча марта кўрдик оилавий шундай қирилганларни. Буям тамом!

Хўп, портламасинам, заҳарланмасинам. Уйдаги одам бунақа фожиаларни кўравериб, кўзи пишиб кетган деб ҳисоблайлик. У аввал нима қилади? Газ ҳидини сезса, чироқни ёқмайди, эшик деразаларни очади. Газ ташқарига чиқиб кетиши керак. Бу ҳолат айни қиш чилласида, минус қанчадирам совуқ пайти бўляпти. Уйда ёш болалар бор, улар шундоғам кечаси билан қалтираб совқотиб чиққан. Яна бум!

Кўряпсизми? Охири барибир ўлим экан, нима фарқи бор қанақа шаклда эканининг! Портлаб ўладими, заҳарланибми ё совуқдан ҳалок бўладими, барибир ўладими?

Корчалонларимиз эса иссиқ идорасида ҳисобот беради: бу ойда палонча одам портлаб ўлди, пистонча бола заҳарланди, мана шунча чақалоқ тарашаси чиқди...

Амалдорларимиз иссиқ уйида шу ҳисоботни ўқиётганини ТВда кўриб, роҳатланади: салобатимни қара, одам ҳуркади-я, лекин чап қошимни сал теришим керак экан, хунук чиқибди...

Ҳатто буниям мийиғида кулиб ўқиётган бўлса, не ажаб! Чунки танаси бошқа дард билмас, дейишади.

Ёки қорни тўқнинг (уйи иссиқнинг) қорни оч (уйи совуқ) билан нима иши бор?

Сизу бизга ваъда қилинган инсон қадри шумиди!

"Ҳафта нишони"да бу гал айнан Энергетика вазирлиги бўлади. Чироқ ўчиши билан боғлиқ ҳар қандай мурожаатни қабул қиламиз: @media24uzbot

@media24uz Ochish/sharhlash