Bektosh Khatamov

2024-06-29 17:02:54 Мақсад.

Бизнеснинг мақсади пул дейиш худдики инсоннинг яшашдан мақсади нафас олиш дейиш билан тенгдир. Аслида бу мақсад эмас, бу яшаб қолиш учун бир омил ҳисобланади.

Ҳа, ҳар қандай бизнес фойда ишлаб топиш учун қилинади. У фойда олиб келиши керак. Худдики инсон яшаши учун нафас олганидек.

Лекин фойданинг ўзи мақсад бўла олмайди, худдики инсоннинг яшашдан мақсади нафас олиш бўлгани каби.

Агар бизнесда фақат соққани қилиб имкон борича кўпроқ одамни алдаш мақсад бўлса, бундай бизнеслар узоқ яшамайди.

Чунки ҳар қандай бизнесда соққани мижозлар олиб келади, агарда сиз уларга ҳайвон каби муносабатда бўлсангиз, бизнесни жуда аянчли якун кутиб турибди.

Сиз бир инсонни узоқ вақт алдаб юришингиз мумкин, кўп одамни унча узоқ бўлмаган вақт алдаб юришингиз мумкин, аммо кўп одамни узоқ вақт алдаб юришнинг иложи йўқ.

Бизнесдаги мақсадингиз ўз маҳсулотингиз ва хизматингиз билан атрофни яхшилаш бўлиши керак, мижозларни ҳурмат қилишингиз керак, аммо улар учун ўйинчоқ бўлиб қолмаслигингиз керак, яъни бизнеснинг ўз қадриятлари бўлиши керак. Фақатгина ана шундай ҳолатда катта пуллар ўзларини узоқ куттиришмайди.

Миллионлаб марта синалган усул.

@bektoshkhatamov Ochish/sharhlash

2024-06-29 08:24:48 Навоийда имтиҳонлар бошланди, жараённи жонли кузатиш мумкин.

https://www.instagram.com/stories/profiuniversity_navoiy/3400859307642897588?igsh=MTJhZ2FjcGhid2N3cQ==

@bektoshkhatamov Ochish/sharhlash

2024-06-28 18:43:37 Ходим қачон ўзингиз бошида турмасангиз ҳам худди сиз унинг устида туриб кузатиб турганингиздек ишлайди?

Ҳамма тадбиркорни ўйлантирган нарса аслида шу, яъни ўзи йўқ бўлса ҳам худди ўзи бордек ишлар кетса…

Бунинг йўли жуда оддий… ҳаммасини мана бу видеода айтиб бердим…

@bektoshkhatamov Ochish/sharhlash

2024-06-28 11:40:15 Пул муҳим эмас.

Жуда кўпчилик компанияда яхши ходимларни ишга жалб қилиш учун ойлик маошни катта қилиб қўйиш керак, ойликни зўр бериш керак деб ўйлайди, лекин ишонтириб айта оламанки, ойлик энг асосий омил эмас, жуда кўп бўлган, ходим ўзи ишлаб турган жойи кўп ойлик берса ҳам биз камроқ ойлик берсак ҳам бизнинг компанияга келиб қўшилган.

Одатда бундай ходимлар каттароқ ойликдан кичикроқ ойликка нега ўтди, жинними дейишади? Лекин бунинг ўзига яраша сабаблари бор. Ходимлар бошқарувида ходимларнинг кайфияти жуда муҳим рол ўйнайди, ходим ўзига ишонган, кайфияти аъло бўлиб ишга келса, у одамларга бошқача кайфият улашади, ундан бошқача ғоялар чиқишни бошлайди.

Болалик давримизни бир эсланг, биз кўчада то кун ботгунча футбол ўйнар эдик, оёқларимиз шилиниб, йиқилиб ҳар хил ўйинлар ўйнар эдик. Албатта бу ўйинлар учун бизга ҳеч ким пул бермас эди, лекин биз бахтиёр эдик.

Ўша болаликка қайтишни кўпчилигимиз хоҳлаб қоламиз, чунки ўзимизни ўша даврда бахтли ҳис қилганмиз. Катта бўлгач эса бизни мажбуриятлар ўраб олди, бахтли болаликдаги мажбуриятсиз иш қилиш бизни тарк этади.

Яхши компаниялар ўша бахтли болаликни ходимларига эслатиб туради. Бунинг учун жамоани бирлаштирувчи турли тимбилдинг тадбирларини уюштиради, худди ўша болаликдаги ўйинлар ўйнашади, ўзлари рақиб жамоага қарши бир ғоялар ўйлаб топишади.

Тадбиркор сифатида бунақа тадбирларни тез-тез уюштириб туришни маслаҳат бераман, чунки инсонларга пулдан ҳам кўра ўзларини бахтли, хавфсиз ҳис қилишлари муҳимроқ. Сиз ишлайдиган жамоада бахт борми?

@profiuniversity жамоасининг бугунги тимбилдинг тадбирини мана бу видеода томоша қилишингиз мумкин.

@bektoshkhatamov Ochish/sharhlash

2024-06-28 06:56:09 "Profi"da bitiruv oqshomi!

2023-2024 o'quv yili yakunida "Profi University" o'zining ilk bitiruvchilarini katta hayotga kuzatdi. 24-iyun kuni bitiruvchilar uchun "Bitiruv oqshomi" o'tkazildi.

Bu kun nafaqat bitiruvchilar, balki "Profi University" jamoasi uchun ham hayajonli, ham quvonchli kun sifatida tarixga muhrlandi. Chunki universitetning har biri talabasi yetuk mutaxassis bo'lishi uchun universitet jamoasi bor kuchi bilan harakat qilishgan.

Shu kunlarda "Profi University"ga yangi o'quv yili uchun qabul davom etmoqda. 10-iyul kuni navbatdagi yakuniy kirish imtihoni o'tkaziladi. Hoziroq imtihonda qatnashish uchun ro'yxatdan o'ting!

Hoziroq roʻyxatdan oʻtishingiz mumkin: https://profiuniversity.uz/?ref=Umkw

78-777-11-11 yoki @profiqabul

Manzil: Toshkent sh., Bektemir tumani, Husayn Boyqaro ko‘chasi, 117-uy

Litsenziya (№ 189078, 10.11.22-y.)

@profiuniversity Ochish/sharhlash

2024-06-27 18:21:42 Ochish/sharhlash

2024-06-27 14:47:52 Қийматли ва бебаҳо.

Қиймат деганда биз маълум бир нарсага нарх белгилаймиз, жуда кўпчилигимиз муносабатларимизда қиймат белгилаймиз, масалан, сиз ким биландир дўстлашдингиз, нега у билан дўстлашдингиз, фалон, фалон, пистон, пистон нарсаларни қилиб беради, уни фалон, фалон нарсаси бор, шунинг учун мен у билан дўстлашдим.

Бу ҳолатда сиз дўстингизга маълум бир қиймат бериб қўйдингиз, яъни у сиз учун қийматли дўстга айланди, яъни бу дўстнинг каттами ёки кичикми нархи бор. Шунинг ўзи қийматли муносабатга айланади.

Худди шу ҳолат эр-хотин муносабатларида ҳам содир, масалан, хотин эр учун нималардир қилдим, у мен учун ҳеч нарса қилмади, яъни сендан угина, мендан угина дейдиган муносабат ўрнатса, демак бу муносабатларда ҳам ўзига хос қиймат бўлади, яъни нарх белгиланади.

Қачон муносабатлар бебаҳо бўлади? Қачонки сиз муносабат қилмоқчи бўлган одамингиз учун сабабсиз қандайдир ишлар бажарсангиз, масалан, дўстингиз билан учрашмоқчисиз, аслида учрашишга ҳеч қандай сабаб йўқ, шунчаки унинг дийдорини соғингансиз, бўлди шунинг ўзи етарли.

Демак айнан шундай муносабатлар бебаҳо муносабатлар ҳисобланади, бебаҳо муносабатларни асраб авайланг, зеро уларнинг нархи йўқ, пулга сотиб ололмайсиз.

P.S. Дўстим Бахтиёрнинг фикрлари асосида телеграм саҳифаларида муҳрланди.

@bektoshkhatamov Ochish/sharhlash

2024-06-27 14:10:02 Одам ё жуда ақллилигидан тентаклик қилади, ё аҳмоқлигидан тентаклик қилади. Учинчи варианти йўқ.

ББК

@bektoshkhatamov Ochish/sharhlash

2024-06-22 11:45:03 Тизимлашмаган бизнес сизни ўлдиради ёки сиз бизнесни ўлдирасиз.

Бизнесни катталаштириш жуда мураккаб жараён ҳисобланади, бу худдики, болани вояга етказишга ўхшайди, агар озгина ортиқча ҳаракат, шошмашошарлик қилинса бизнесни ўлдириб қўйиш ҳеч гап эмас.

Бизнесни очгандан бошлабоқ уни тизимлаштириш устида бош қотириш керак, тизимлашмаган бизнесни йириклаштиришга ҳаракат қилиш худдики ҳали энди тили чиқаётган болага бешта тилда гапиришни талаб қилиш билан бир хил.

Тизимлашни эса доимо HR (Human Resources) бўлимидан бошлаган яхшироқ, ҳозир бизнесни тизимлаштириш ва йириклаштириш бўйича бир қатор китобларни ўқиб чиқяпман, деярли барча тизимларнинг асоси олдин инсонларни тизимлаштиришдан бошланган.

Дэвид Жэнснинг ажойиб гапи бор: тизимлашмаган бизнес ё сизни ўлдиради, ё сиз бизнесни ўлдирасиз. Бизнесни тизимлаштирмаслик худдики сиз ютқизишингиз аниқ бўлган дуэлга кирганга ўхшайди.

@bektoshkhatamov Ochish/sharhlash

2024-06-22 08:28:41 Отдельный канал на русском языке.

Друзья, как вы знаете я вел свой канал на двух языках сразу. Это было в каком-то мере не очень удобно ни для меня, ни для читателя. Поэтому я решил открыть отдельный канал на русском языке, где буду писать очень интересные посты на разные темы.

Вы можете подписаться на мой канал на русском языке по нижеуказанной ссылке.

@bektoshkhatamovrus Ochish/sharhlash