2022-09-10 15:02:23
Barcha kursdagi qizlarga taʼlim krediti beriladimi ?Bu kredit barcha qizlarga beriladimi ?
Yosh chegarasi belgilanganmi ?Necha marta beriladi ? Javoblar: Ushbu taʼlim krediti
barcha kursdagilar beriladi, birinchi kursmi, uchinchi kursmi, farqi yoʻq
(ikkinchi kurs-chi, toʻrtinchi kurs-chi, deb soʻramang, ularga ham beriladi. E, ana boring, beshinchi kursga ham beriladi);
ushbu taʼlim krediti oilaviy ahvolidan qatʼi nazar barcha xotin-qizlarga beriladi, faqat "Ayollar daftari"ga kirganlarga beriladi, degan
gap notoʻgʻri; ushbu taʼlim kreditini olish uchun
yosh chegarasi belgilanmagan, yuqoridagi postda aytilgan talabalarga toʻgʻri keluvchi istalgan yoshdagi xotin-qizlar olishlari mumkin;
ushbu taʼlim krediti
bir yil uchun beriladi, 4 yillikni umumlashtirib olib boʻlmaydi. Lekin uni
bir necha marta olish mumkin, bunga cheklov yoʻq. Yaʼni birinchi kursda olganlar, ikkinchi kursda yana olishlari mumkin;
ushbu taʼlim kreditini oiladagi
bir necha qiz farzandlar ham olishi mumkin, bitta oilaga faqat bir kishi degan cheklov yoʻq
(faqat rasmiy daromadi bor kafil topilsa boʻldi);
ushbu taʼlim krediti
super-kontrakt,
qoʻshma taʼlim va
ikkinchi mutaxassislik uchun
berilmaydi. Bunda super-kontrakt uchun
faqat birinchi yilda berilmaydi, ammo ikkinchi va undan yuqori kurslarda oddiy kontrakt toʻlashlari hisobiga super-kontrakt bilan kirganlarga ham
yuqori kurslarda taʼlim krediti beriladi
;
taʼlim krediti faqat
toʻlov-kontrakt summasi miqdorida beriladi. Masalan, aslida bir yillik kontrakt 10 mln soʻm boʻlsa, 15 mln soʻm kredit olib boʻlmaydi;
Davlat OTMlardagi magistratura uchun bunaqa kredit berilmaydi, chunki joriy yildan boshlab davlat OTMlarida magistraturada oʻqiyotgan barcha xotin-qizlarning kontraktlari
davlat byudjetidan toʻliq toʻlab beriladi. Birinchi kurslarga ham, ikkinchi kurslarga ham. Ammo nodavlat OTMlarning magistraturasida oʻqiyotgan qizlarning kontraktlari toʻlab berilmaydi. Shu sababli ular
foizsiz taʼlim krediti olishlari mumkin;
taʼlim krediti summasini toki oʻqish tugashini kutib oʻtirmasdan vaqtliroq toʻlashni boshlasa ham boʻladi. Aksincha bundan banklar faqat xursand boʻladi va haqqingizga duo qilishadi :)
ushbu qaror
avvalgi yillarda olingan foizli taʼlim kreditlariga taalluqli emas va avvalgi kreditlarning foizini bekor qilmaydi.
Manba: @Xushnudbek
Barcha abituriyentlarga ulashing!
@Abituriyent rasmiy sahifalari
Тelegram | ВКонтакте | Instagram | Youtube
48.5K viewsedited 12:02