2022-10-03 15:02:12
Talabalarga qarzlarni qaytaradigan vaqt keldiIqtisodchi Otabek Bakirovning yozishicha, Toshkent shahrida oxirgi ikki yilda kuzatilayotgan yotoqxonalar yetishmovchiligi sababi
faqat talabalar sonining ko‘paygani bilan bog‘liq emas. Solishtirish uchun talabalar soni viloyatlarda qaytanga yuqoriroq sur’atda oshmoqda, lekin Toshkentdagi kabi murakkab holatni Andijonda, Qarshida yo Nukusda kuzatayotganimiz yo‘q.
Gap shundaki,
2017-yilgacha bo‘lgan davrda poytaxtda o‘nlab talabalar yotoqxonalari turli vazirliklar va Respublika darajasidagi tashkilotlarga, hatto tijoriy tashkilotlarga berib yuborilgan. Istasangiz, Talabalar shaharchasi, Muqumiy ko‘chasi, Chilonzor, Yunusobod, ilgari yotoqxonalar bo‘lgan binolar va manzillar bo‘ylab yuring, o‘zingiz guvohi bo‘lasiz. Buning uchun uzun xotiralarga murojaat qilish ham shart emas.
Albatta,
gap yana “dom”ga, ofislarga aylanib ketgan binolarni yana talabalar uyiga aylantirish haqida ketmayapti. Avval sobiq talablar uylari to‘liq inventarizatsiyalab chiqilishi, keyin shunga qarab tegishli qarorlar qabul qilish lozim bo‘ladi.
Alohida jamg‘arma yasab olmagan vazirlik va qo‘mitalarimizning o‘zi yo‘q. Ular orasida o‘
z vaqtida talabalar uylarini tekinga balansiga o‘tkazib olganlari ham yo‘q emas. Endi mana shu qarzlarni qaytaradigan vaqt keldi. Balki bu ilgari olingan yotoqxona o‘rniga yangi yotoqxona qurib berish bilan, balki foydalanilmayotgan binolarni universitetlarga qaytarish bilan amalga oshirilar.
Mana bitta yaxshi misol, namunali misol. Toshkent shahar hokimligining mana bu qaroriga ko‘ra,
Toshkent davlat transport universitetiga Pomir ko‘chasi 34-uy manzilidagi bino va inshootlar talabalar turar joyini barpo etish uchun bepul o‘tkazib berilmoqda.
Barcha abituriyentlarga ulashing!
@Abituriyent rasmiy sahifalari
Тelegram | ВКонтакте | Instagram | Youtube
13.2K views12:02