2022-11-05 13:24:58
ЙЎҚ, ҲАЛИ ЎЛМАГАН АБДУЛЛА ОРИП
(5 ноябрь - Абдулла Орипов вафот этган кун)
Ногаҳон кўринди чақноқ бир юлдуз,
Нур сочиб порлади, тилга тушди тез,
Пайдо бўлгандида бир "МИТТИ ЮЛДУЗ"
Ёруғ юлдуз эди Абдулла Орип.
Кунларнинг бирида чақнади чақин,
Кўкдан юлдуз кўчди жуда ҳам ёрқин,
Кўк, замин гўёки бир қалқиб кетди,
Оламдан ўтганди Абдулла Орип.
Хира тортиб қолди юлдузсиз осмон,
Азадор бўлганди шоирсиз замин,
Бўзлади ўзбегим, бўзлади қардош,
Ахир ўтган эди Абдулла Орип.
Кўчди деб бўлмас ёрқин юлдузни,
Ўлди деб бўлмас жўшқин шоирни,
Ҳали кўп йўқлайди "ЙИЛЛАР АРМОНИ".
Йўқ,ҳали ўлмаган Абдулла Орип.
"ЖАННАТГА ЙЎЛ" доим излади шоир,
Топгандир эҳтимол аввали охир,
МАЛОМАТ ТОШЛАРИ " отилди қанча,
Ҳаммасин кўтарди Абдулла Орип.
"ИШОНЧ КЎПРИКЛАРИ " дардига дармон,
Туғилган маъвоси ҳур "ЎЗБЕКИСТОН"
"НАҲОТ ҚАЛЪАСИ" дир суйгани халқи,
Йўқ ҳали ўлмаган Абдулла Орип.
Ҳар тонгда уйғотса юрт мадҳияси,
Ҳеч қачон қуламас метин қояси,
Қалбидан жой олган танти халқининг,
Ҳеч қачон ўлмайди Абдулла Орип.
Нур Муҳаммад Ҳасан
25 viewsY.Kamalovna, 10:24