2022-02-12 05:56:02
Психолог сизга қандай ёрдам бериши мумкинлигини ҳеч ўйлаб кўрганмисиз? Ёки психолог ўзи ким?1. Психолог - Ақл ўргатувчи, маърузачи эмас.
2. Психолог - Барчага маслаҳат тарқатувчи, билағон эмас .
3. Психолог - Дори билан даволайдиган врач-медик эмас.
4. Психолог - Олдиндан кўрадиган башоратчи ёки фолбин эмас.
5. Психолог - Ҳулқ атворга ташҳис қўйувчи ёки ҳукм чиқарувчи судья эмас.
6. Психолог - Илоҳий йўл-йўриқлар ва шарият нуқтаи назаридан баҳо берувчи имом эмас.
7. Психолог - Сиз учун кимнидир ўзгартирувчи, сизга мослаб берувчи афсунгар эмас.
8. Психолог - Сизни ўрнингизга, муаммоларингизни ҳал қилиб берувчи сеҳргар эмас.
9. Психолог - Сизни, фарзандингизни, ёки ҳодимларигизни тарбиялаб берувчи эксперт эмас.
10. Психолог - Туйғулар, ҳиссиётсиз кимса ёки муаммосиз бир мукаммал инсон эмас.
Психолог ким унда?Психология йўналишида, олий маълумотга эга бўлган, тажрибали мутаҳассис:
- марказий асаб тизими, хулк-атвор ва ундаги аномалияларни илмий ўрганувчи;
- руҳиятингиздаги ўзгаришлар сабабини аниқлай оладиган эксперт;
- психология соҳасидаги мавжуд муаммолар ва мавзулар ҳақида, илм ўргатувчи устоз;
- сизни ривожланишингизга, ўсишингизга кўмаклашадиган , ваколатли инсон.
Мутахассис психолог:
- тинглай олади, тинчлантираолади;
- сизни тушунишга ҳаракат қилади;
- суҳбатлашади, ҳамдард бўлади;
- илҳомлантириб, рухий далда беради.
Кучли психолог:
- ички кечинмаларингизнинг, ҳиссиётларингизнинг асл илдизини топишга ёрдам бера олади. Асабийлашишми, васвасами;
- ҳавотирли ҳаёллар, суиқасд ҳаёлларими,
тушкунликми, хомҳаёлларми, нимага айнан шу ҳиссиёт содир бўлаётганини аниқлашга, жавоб топишга сизни усталик билан йўналтира олади.
Ўз ишининг устаси:
- қийин вазиятлардан чиқишга ёрдам беради;
- бирга фикрлашга, қарор излашга ёрдамлашади;
- сизга тўғри қарор қабул қилишда кўмаклашади.
Бугунги кунда, катта компания ёки ташкилотлари ҳодимлар ҳулқи, руҳияти, кайфиятини ўзгартириш учун, иш унумдорлиги ва самарасини оширишга учун кўмаклашади. Зиддиятли ҳолатлар, шаҳслараро низолар ёки стресс ҳолатлари юзага келганда, фойдали маслаҳат беради, корпоратив тренинглар ташкил қилади. Ва руҳият, ҳулқ мавзулардаги жуда кўп йўналишларда фаолият кўрсата олади.
Ўз даврида, шахсдаги невротик бузилишлар, руҳият муаммолари ва уларни даволаш услублари ҳақида, боболаримиз - Абу Зайд аль-Балхи, Абу Бакр Ар Розий, Абу Али Иб Сино каби кўпгина табиб устозлар, фойдали асарлар ёзиб қолдириганлар.
Яхши психолог ёки шифокор, ота-боболаримиз каби, ҳамюрт-ҳалол инсонларга, ночор ва мухтожларга холис хизмат килади.
Охир оқибат, ҳар ким ўз ҳаёти учун жавобгардир, ўз танловини ўзи қилади ва ушбу танлов натижалари учун ҳам ўзи жавобгардир. Яратгувчи, бошқа одамлар орқали бизга ёрдам беради, лекин, танлов ўзингиздан биродар.
Психолог Бобоёр Тураев
@Zafarbek_Solijonov
12.0K viewsedited 02:56