Zafarbek Solijonov

2022-02-14 12:02:52 Украина. Охирги соатларда нималар бўлди?

Аҳоли қуролдан отиш тактикасини машқ қилмоқда. Бунга 2014 йилда жонбозлик кўрсатган "ўнг сектор" миллатчи ташкилоти бошчилик қилмоқда. Ҳалқумчи олигархлар давлатини тарк эта бошлади. Ватан доим энг майда ва кўпчилик бўлган солиқ тўловчиларга қолган.

АҚШ ҳам, Россия ҳам Украина атрофи ёндош ҳаво ҳудудларида ўз ҳарбий самолётларини кўз-кўз қилмоқда. Украина ҳудди полигондек. Украин валютаси қадрсизланмоқда. Европада газ нархи кескин кўтарилиб кетди. Расмий Киев эса Украинанинг ҳарбий-сиёсий блокларга қўшилиши конституциясида мустаҳкамланганини айтмоқда.

Сингапур аҳолисига мамлакатни зудлик билан тарк этишини буюрган бўлса, бизникилар хотиржамликка чақирмоқда. "Тасдиқланмаган, сохта маълумотларни тарқатмасликни ва ваҳима қўзғамасликни" сўраган. "Элчихона Украина давлат органлари, дипломатик корпус ва юртдошларимиз билан доимий алоқада", дейилади хабарда.

Шу ерда Украинадаги вазият ҳақида кўпроқ билинг: @Zafarbek_Solijonov Ochish/sharhlash

2022-02-13 22:32:28 АҚШ ўз дипломатларини Украинанинг хавфсизроқ ҳудудига кўчираётган бўлса, Латвия каби давлатлар эса элчихона ходимлари, уларнинг оиласини ўз мамлакатига қайтариш чораларини бошлаб юборди.

Канада Мудофаа вазирлиги ҳарбийларини Украинадан Европанинг бошқа ҳудудига кўчиришини айтмоқда. Расмий Киев эса 48 соат ичида Россия ва Вена конвенциясига аъзо давлатлар билан учрашув ташкил қилинишини сўрамоқда.

Шу ерда Украинадаги вазият ҳақида кўпроқ билинг: @Zafarbek_Solijonov Ochish/sharhlash

2022-02-13 19:56:44 Сиёсатчилар ва журналистлар орасида "Уруш қачон бошланишини фақат Путин" билади деган жумлалар оммалашмоқда. Уч тарафидан ўраб олинган Украинадаги вазият ҳавотирлигича қолмоқда.

Ёндош чегара ҳудудларга ўтган ҳафталар давомида 100 мингдан ортиқ ҳарбийлар ва уларнинг техникалари жойлаштирилди. Илк ҳужум эса ҳаводан бўлиши мумкин. Чегара атрофи Украина аҳолиси ўзига озиқ-овқат, сув ва иссиқ кийим ғамлаб қўйди.

Шу ерда Украинадаги вазият ҳақида кўпроқ билинг: @Zafarbek_Solijonov Ochish/sharhlash

2022-02-13 18:52:36 Самолётлар ҳам Украина ва Қора денгиз осмонини четлаб учишни бошлаган.

Шу ерда Украинадаги вазият ҳақида кўпроқ билинг: @Zafarbek_Solijonov Ochish/sharhlash

2022-02-13 18:41:34 Оқ уй расмийлари ўтган 3 ой давомида санкция қўлланилиши мумкин бўлган амалдорлар, олигарх ва уларнинг мулклари, ташкилотлар, банклар рйўхатини тузиб қўйгани аниқ. Россия Украинага бостириб кирадиган бўлса, Россия ўз тарихида кўрмаган иқтисодий, сиёсий ва бошқа санкцияларга дуч келиши мумкин. Кремль эса ғарб бу ҳолатни бўрттираётганини айтмоқда.

Спутникнинг айтишича, Донецкда украин ҳарбийлари кафеда отишма қилган. Бу вақтда АҚШнинг 200 миллион долларлик қурол-аслаҳа солинган ҳарбий кўмаги Украинага етиб келди.

Шу ерда Украинадаги вазият ҳақида кўпроқ билинг: @Zafarbek_Solijonov Ochish/sharhlash

2022-02-13 17:47:17 Украина мавзуси қизияпти. Уруш бошланиш эҳтимоли эса ортиб бормоқда. Ғарб уруш Россия томонидан 16 февралда бошланади деганди. Оқ уй эндиликда исталган вақт бошланиб қолиши ҳақида айтмоқда. Ҳозиргача 40 га яқин давлатлар фуқароларини Украинани тарк этишга чақирди. Рўйхатда Ироқ ҳам бор, лекин Ўзбекистон йўқ.

Украин депутати эртага Украина орқали ҳаво қатнови тўхтатилишини ҳам айтмоқда. Оқ уй санкция қўллаш учун рус расмийлари ва олигархларининг рўйхатини тузмоқда.

Шу ерда Украинадаги вазият ҳақида кўпроқ билинг: @Zafarbek_Solijonov Ochish/sharhlash

2022-02-13 12:17:01 Ochish/sharhlash

2022-02-12 18:36:07 Ортиқхўжаев ва Муҳаммадбобур машмашаси давом этади: Ортиқхўжаев мулкини бузиб ташлаттирган тадбиркор Муҳаммадбобур Хўжаевнинг онаси Президентга мурожаат йўллади. Нималар бўлмоқда?

Видео шу ерда:



@Zafarbek_Solijonov Ochish/sharhlash

2022-02-12 17:19:56 Сенат 2.0 version

Парламент назоратини Сенат амалга оширади. Қонунга кўра, Сенат мажлислари йилига камида 3 марта ўтказилади. Яъни 3 марта мажлис қилса тамом, "план" тўлади. Бироқ айни вақтда Сенатимизнинг жонланаётган жараёнини кузатиш мумкин. Ҳар ой ялпи мажлис ўтказишга ўтишди. Яхши тенденция. Бу бир.

Иккинчиси, менга Сенат раиси Танзила Норбоеванинг хати келиб тушди. Хат маҳаллий кенгашларга чиқарилган. Биламиз, солиқ сиёсати яхшигина муҳокамаларга сабаб бўляпти. Тадбиркорларга юкланган солиқ эртага истеъмолчи - халқнинг бўйнига тушади. Халқнинг вакиллари маҳаллий кенгашларда ўтирибди. Хат мазмуни айнан солиқ сиёсатидаги енгилликни амалиётда қўллаш бўйича маҳаллий кенгашларга кўрсатма берилгани ҳақида.

Диққат: Ўзбекистон Республикасининг солик кодексига киритилган ўзгартишларга мувофиқ, 2022 йилдан бошлаб (Қорақалпоғистон Республикаси Жўқорғи Кенгеси, халқ депутатлари вилоятлар Кенгашларига юридик шахсларнинг мол-мулк солиғи бўйича 1 квадрат метр учун белгиланган энг кам қийматга туманларнинг иқтисодий ривожланиш даражасидан келиб чиққан ҳолда 0,5 гача бўлган камайтирувчи коэффициентни қўллаш ваколати берилди.

Ушбу маълумот эслатилган хат барча кенгашларга кетган. Маълумотга кўра, 100 дан ортиқ маҳаллий кенгашларда ушбу амалиёт қўлланилиши бошланган. Юридик шахсларнинг мол-мулк солиғи бўйича камайтирувчи коэффициентни қўллаш амалиётини кўллаш бўйича кўрсатма Сенат ўзининг сайловчилари тақдирига бефарқ эмаслигини кўрсатади, менимча.

Тадбиркор акалар-укалар, менинг постим, солиқ кодексининг 412-моддаси ва 2022 йилдаги давлат бюджети тўғрисидаги қонуннинг 12-моддасини кўтариб, маҳаллий кенгаш раисларининг олдига борилаверади. Камайтирувчи коэффициентни қачон қўллайсизлар дея савол ташлаш ва ҳаққингиз учун курашиш вазифаси сизга қолди. Сенатга эса ташаккур.

@Zafarbek_Solijonov Ochish/sharhlash

2022-02-12 11:38:24 Билимли ёшларга iPhone 13 Pro — Абдулазиз Назиров гапининг устидан чиқди

Ёшлар ишлари агентлиги Тошкент шаҳар бошқармаси бошлиғи Абдулазиз Назиров талаба-ёшлар ўртасида 7 та йўналиш бўйича онлайн олимпиадалар ҳафталигини эълон қилиб, ҳар бир йўналиш ғолибларига iPhone 13 Pro ваъда қилганди. Кеча, 11 февраль куни ғолибларга ваъда қилинган айфонлар топширилибди.

Шу олимпиада талабалар уйида, онлайн шаклда ўқиётган пайти зўр ташаббус бўлди. Минглаб ёшлар ушбу олимпиадада иштирок этиб, ютиш учун ҳаракат қилди. Талаба-ёшларнинг бўш вақтини мана шундай билимга асосланган лойиҳалар билан мазмунли ўтказишга қаратилган ҳар қандай лойиҳани қўллаб-қувватлайман. Бу каби лойиҳалар бардавом бўлаверсин.

P.S.: Дўстим Нурбек айтганидек, проста мияни ишлатиб ёшлар айфонли бўлиб кетишяпти. Шунинг учун доим ўқиш, билим олиш ва изланиш керак, ёшлар!

@Zafarbek_Solijonov Ochish/sharhlash