Ҳуқуқшунос, Юрист, Салаев Махмуджон Нариманович.

2022-10-29 14:36:54 Омад шов иштирокчиларига омад тилайман, бизни ютукни олиб келишди хозир. Ochish/sharhlash

2022-10-24 09:02:25 Ochish/sharhlash

2022-10-23 23:37:47 Записано с помощью XRecorder: https://recorder.page.link/Best

Хоразм Хива. Ochish/sharhlash

2022-10-23 23:32:26 Омад шов ўйинида кўришамиз эртага насиб қилса, Ochish/sharhlash

2022-10-22 19:29:10 Тошкентга қараб йўлга чиқдим, личкага ёзилган смс ларга жавоб бермасам хафа бўлманг, чунки рулдаман. Ochish/sharhlash

2022-10-20 00:17:35 ШАХСГА ДОИР МАЪЛУМОТИМНИ МЕНДАН РУХСАТСИЗ ОЛИБ ТАРҚАТГАН РАҲБАР ВА УНИНГ ШЕРИКЛАРИГА НИСБАТАН ҚОНУНЧИЛИКДА ҚАНДАЙ ЖАЗО БОР?

САВОЛ.

Ассалому алайкум. ОТМ филиалида ўқитувчи вазифасида ишлаб келаётган эдим. Филиал директори ва унинг қўл остидаги буйруқ бажарадиган ходимлар www.my.gov.uz сайтидан менинг шахсга доир маълумотим (муқаддам судланганлик маълумотномаси)ни олиб ўринбосарлари, кафедра мудирларига кўрсатиб қадр-қимматимни таҳқирлади. Шахсга доир маълумотимни мендан рухсатсиз олиб тарқатди. Қонунчиликда раҳбар ва унинг шерикларига нисбатан қандай жазо бор?

ЖАВОБ.

Мазкур ҳолат каби воқеалар сўнгги вақтларда “урф”га айланиб бормоқда ва бу масалада ўзини эркин деб ҳисоблаган шахсларга Қонунчилик ҳужжатларидаги айрим жазо турларини эслатиб қўймоқликни лозим топдик.

Маълумки, Ўзбекистон Республикасининг Конституцияси 27-моддасида шундай дейилган:

Ҳар ким ўз шаъни ва обрўсига қилинган тажовузлардан, шахсий ҳаётига аралашишдан ҳимояланиш ва турар жойи дахлсизлиги ҳуқуқига эга.

2019 йил 2 июлдаги “Шахсга доир маълумотлар тўғрисида”ги ЎРҚ-547-сонли Ўзбекистон Республикасининг қонунида шахсга доир маълумотларнинг махфийлиги 28-модда кўра

субъектнинг розилигисиз ёки бошқа қонуний асос мавжуд бўлмагани ҳолда шахсга доир маълумотларни ошкор этиш ва тарқатишга йўл қўйилмаслиги тўғрисида мулкдор ва (ёки) оператор ёки шахсга доир маълумотлардан фойдаланишга рухсат олган бошқа шахс томонидан риоя этилиши мажбурий бўлган талаб шахсга доир маълумотларнинг махфийлигидир;

мулкдор ва (ёки) оператор ҳамда шахсга доир маълумотлардан фойдаланишга рухсат олган бошқа шахслар субъектнинг розилигисиз шахсга доир маълумотларни учинчи шахсларга ошкор этмаслиги ва тарқатмаслиги шарт эканлиги белгилаб қўйилган.

Яна Шахсга доир маълумотлар тўғрисидаги қонуннинг 33-моддасида шахсга доир маълумотлар тўғрисидаги қонунчиликни бузганликда айбдор шахслар белгиланган тартибда жавобгар бўлиши кўрсатиб ўтилган.

Демак, Маъмурий жавобгарлик тўғрисидаги кодекснинг 46²-моддасига асосан шахсга доир маълумотларни қонунга хилоф равишда йиғиш, тизимлаштириш, сақлаш, ўзгартириш, тўлдириш, улардан фойдаланиш, уларни бериш, тарқатиш, узатиш, эгасизлантириш ва йўқ қилиш,

фуқароларга базавий ҳисоблаш миқдори (БҲМ)нинг уч бараваридан беш бараваригача;

мансабдор шахсларга эса — беш бараваридан ўн бараваригача миқдорда жарима солишга сабаб бўлади.

Ўзбекистон Республикаси Жиноят кодексининг 141²-моддасида шахсга доир маълумотларни қонунга хилоф равишда йиғиш, тизимлаштириш, сақлаш, ўзгартириш, тўлдириш, улардан фойдаланиш, уларни бериш, тарқатиш, узатиш, эгасизлантириш ва йўқ қилиш ўша ҳаракатлар учун маъмурий жазо қўлланилганидан кейин содир этилган бўлса

БҲМнинг эллик бараваригача миқдорда жарима ёки уч йилгача муайян ҳуқуқдан маҳрум қилиш ёхуд икки йилгача ахлоқ тузатиш ишлари билан жазоланади.

Ўша ҳаракатлар:
а) бир гуруҳ шахслар томонидан олдиндан тил бириктириб содир этилган бўлса;
б) такроран ёки хавфли рецидивист томонидан содир этилган бўлса;
в) ғаразли ёки бошқача паст ниятларда содир этилган бўлса;
г) хизмат мавқеидан фойдаланган ҳолда содир этилган бўлса;
д) оғир оқибатларга сабаб бўлса,

БҲМнинг эллик бараваридан юз бараваригача миқдорда жарима ёки икки йилдан уч йилгача ахлоқ тузатиш ишлари ёки бир йилдан уч йилгача озодликни чеклаш ёхуд уч йилгача озодликдан маҳрум қилиш билан жазоланади.

Бундан хулоса қилиш мумкинки, Сизнинг шахсингизга доир маълумотингизни розилигингизни олмай туриб тарқатган раҳбар ва бунга алоқадор бўлган қўл остидаги ходимларга нисбатан БҲМнинг беш бараваридан ўн бараваригача миқдорда жарима солиниши мумкин. Бу каби ишни хизмат мавқеидан фойдаланган ҳолда такроран содир этаётган бўлсалар, БҲМнинг эллик бараваридан юз бараваригача миқдорда жарима ёки икки йилдан уч йилгача ахлоқ тузатиш ишлари ёки бир йилдан уч йилгача озодликни чеклаш ёхуд уч йилгача озодликдан маҳрум қилиш билан жазоланишлари ҳам мумкин.

https://t.me/Yuridik_Maslahat24 Ochish/sharhlash

2022-10-20 00:16:40 МЖтКдаги моддаларда кўрсатилган жаримадан ҳам камроқ жарима қўллаш мумкинми?

САВОЛ.
Ассалому алейкум Саидали Мухторалиев. Мен экологияда инспекторман. Биз ҳуқуқбузарни тутганимизда, унга маъмурий жарима қўйишимиз керак, лекин ҳуқуқбузар одамни ҳолати ёмон, оиласида бир ўзи боқувчи ва тўлашга имконияти етарли бўлмаса, шунга асосан моддада кўрсатилган жаримадан ҳам камроқ жарима қўлласак бўладими?

ЖАВОБ.

Бу ерда тартиб сал бошқачароқ. Маъмурий жавобгарлик тўғрисидаги кодекснинг 33-моддасида енгилроқ жазо қўллашга оид энг муҳим қоидалар кўрсатилган.

Мазкур моддага асосан:

суд маъмурий жазо чорасини қўллаётганда жавобгарликни енгиллаштирувчи ҳолатларни ва ҳуқуқбузарнинг моддий аҳволини инобатга олган ҳолда сабаблар ва асосларни албатта кўрсатиб, ушбу Кодекснинг Махсус қисмидаги моддаларнинг санкциясида назарда тутилган энг кам жазодан ҳам камроқ жазо ёки ушбу моддада назарда тутилмаган бошқа янада енгил жазо чорасини қўллаши мумкин;

маъмурий ҳуқуқбузарлик тўғрисидаги ишни кўриб чиқувчи бошқа орган (мансабдор шахс) жавобгарликни енгиллаштирувчи ҳолатларни ва ҳуқуқбузарнинг моддий аҳволини инобатга олган ҳолда, енгилроқ маъмурий жазо чорасини қўллаш тўғрисидаги масалани ҳал этиш учун ишни ушбу Кодекснинг 308-1-моддасида белгиланган тартибда судга юборади.

Яъни, агар ҳуқуқбузарда енгиллаштирувчи ҳолатлар бўлса, ёки унинг моддий аҳволи инобатга олинса, мавжуд ҳолатларни асослантирган6 ҳолда МЖтКнинг тегишли моддаларида кўрсатилган энг кам миқдордаги жаримадан (жазодан) ҳам камроқ жарима (жазо) белгиланиши мумкин. Фақат, енгилроқ жазо қўллаш фақатгина суднинг (маъмурий ишларни кўрувчи жиноий суднинг) ваколатига киради.

Бунда маъмурий ҳуқуқбузарликни аниқлаган мансабдор шахс, масалан сиз енгиллаштирувчи ҳолатлар ва ҳуқубузарнинг моддий аҳволига оид маълумотларни асослаб келтирган ҳолда, енгилроқ жазо қўллаш масаласини кўриб чиқиши учун материалларни расмий хат билан судга тақдим этишингиз керак. Якуний қарорни айнан суд қабул қилади, сиз эмас.

Масалан, МЖтКнинг 70-1-моддасига асосан дарёларнинг ўзанларини тозалашга ва қирғоқларини мустаҳкамлашга доир ишларни амалга ошириш тартибини бузганлик учун фуқароларга қўлланиладиган жариманинг энг кам миқдори базавий ҳисоблаш миқдорининг 30 бараварини ташкил қилади. БҲМнинг 30 баравари айни вақтда 8.250.000 сўм бўлади. Бу кўпчилик фуқаролар учун анчагина катта сумма. Мана шундай ҳолатларда, ҳуқуқбузарда ҳақиқатдан ҳам енгиллаштирувчи ҳолат бўлса, ёки унинг моддий аҳволи жуда ёмон бўлса, суд томонидан юқоридаги миқдордан ҳам кўра камроқ жарима берилиши мумкин. Гап шу ҳақида кетмоқда.

Албатта, буни мисол сифатида келтиряпмиз. Фуқароларимизни ҳар қандай ҳуқуқбузарликдан, айниқса, экология соҳасидаги ҳуқуқбузарликлардан тийилишга чақириб қоламиз.

https://t.me/Yuridik_Maslahat24 Ochish/sharhlash

2022-10-19 13:29:22 ​​ ДАВЛАТ ХИЗМАТЧИСИ АКСИЯДОР БЎЛИШИ МУМКИН ЭМАС ?

"Давлат фуқаролик
хизмати тўғрисида" ги қонуннинг 13-моддасига кўра давлат хизматчисига қуйидагилар тақиқланади.

Тадбиркорлик фаолияти субектларини ташкил этиши, уларнинг муассиси бўлиши, уларда ташкилий-бошқарув, маъмурий -хўжалик вазифаларини бажариши;

ўзи хизмат қилаётган давлат органи назорати остидаги ёки у билан алоқалар ва манфаатларга эга бўлган ташкилотлардаги улушларни, пайларни ва аксияларни бевосита ёки вакиллар орқали олишга;

ўз хизмат ваколатларини жисмоний ва юридик шахсларнинг манфаатларини кўзлаб бажариш ёки бажармаслик эвазига улардан бирон бир мукофот, фойда ёки совгалар олишга;

чет давлат фуқаролигини олишга;

қонунчиликда назарда тутилмаган имтиёзлар, преференсиялар ёки афзалликлардан ўз хизмат мавқейи билан боғлиқ ҳолда фойдаланишга;

Ўзбекистон Республикаси ҳудудидан ташқарида ҳисобварақлар очишга ва уларга эга бўлишга, кўчмас мулкка ва бошқа мол-мулкка эгалик қилишга, бундан чет давлатда таълим олиш, стажировка ўташ ва тиббий изматлардан фойдаланиш мақсадида очилган ҳисобварақлар, шунингдек давлат фуқаролик хизматига киришдан олдин олинган ва ошкор қилинган мол-мулк мустасно.

https://t.me/Yuridik_Maslahat24 Ochish/sharhlash