Yorqin Mamatqulov

2023-03-23 13:47:42 Isrof haqida

Ukraina-Rossiya urushidan so'ng O'zbekistonda dollar bilan birgalikda qo'g'ozning narxi ham ko'tarilib ketdi. Bu narsa meni yana bir bor qog'oz iste'moli haqida o'ylab ko'rishga majbur qildi. Quyida fikrlarimni aytaman:
1. Nimagadir hali ham davlat idoralari va tashkilotlarida hujjat almashinuvi elekrton tizimga (ijro.gov.uz) o'tgan bo'lsada, hali ham hujjatlar qog'oz ko'rinishda chiqarilib tikilishi shart. To'g'risi bu qog'ozning iste'molini ko'paytirib qolmasdan, xodimlarga ham qo'shimcha ish tug'dirmoqda.
2. Ish jarayonida ko'pincha e'tibor beraman rahbar yoki tegishli ma'sul shaxsga biror hujjat loyihasi tanishib chiqish uchun yoki ijro uchun kiritilganda har doim qog'ozning birinchi betiga kiritilishi shart. Ikkinchi beti ochiq qolishi shart. Eslayman, talabalik paytimda universitetda "Sharq" nashriyoti xodimlari suhbatda shunday deyishgandi: biz qog'ozni Finlandiyadan qimmat narxga sotib olamiz. Lekin fin xalqi qog'oz ishlab chiqarishda birinchi o'rinda tursada, qog'ozning ikki tarafidan foydalanadi, bizda esa bu nimagadir qoida buzishga tengdek ko'rinadi. Eslayman, har doim rahbarga yoki boshqa tashkilotga xat, hujjat tayyorlasam qog'ozning bir tarafiga chop etishimni aytishardi garchi unchalik zarur bo'lmasada.
3. 2021-yil o’qishni tamomlagan bo’lsamda, haligacha diplomimni olmaganman. Sababi, uni olish uchun “обходной лист”ga tegishli ma’sullarga qo’l qo’ydirishim kerak edi. Bu yana ortiqcha qog’ozbozlik deganidir, unda eng oxirgi band dekanatga tegishli bo’lib, unga ko’ra, bitiruv malakaviy ishimni (diplom ishi) qog’oz variantda chop qilishim kerak edi, tasavvur qilayapsizmi sal kam ikki yil oldin himoyasi covid-19 epidemiyasi sababli, elektron tarzda Moodlega yuklangan bu ijodiy ishni hali ham qog’oz variantda chop qillishimni istashayapdi. Ularning ham aybi yo’q lekin nahotki bu hech qaysi ma’sulni qiziqtirmasa…


https://t.me/yorqinmamatqulov Ochish/sharhlash

2023-03-13 16:24:13 Tez o’rganish qiyin

Birinchi marta kubik-rubik yig’ishni o’rganganishni boshlaganimda Youtubedan videolar ko’rishni boshlaganman. Lekin ularni to’g’risi tushunmasdan, rosa qiynalganman. Shunda universitetdagi buni biladigan bir tanishimdan yordam so’raganman. Shunda u menga juda ham qiziq usul orqali kubikni yig’ishni o’rgatgan. Har kuni bittdan chiziqni yig’ish, boshqacha aytganda, ikki yoki uchta qadamni o’rgatgan. Ya’ni kubikning bitta chizig’ini o’rganishim bilan kun bo’yi faqat shuni takrorlaganman. Keyingi qadam o’rganishim uchun keying kunni kutishim shart edi. To’g’risi boshida zerikarlidek ko’ringan bo’lsada, 7 kunda to’liq o’rganganman. Tanishim shunda bir qiziq gapni aytgan agar birdaniga kubikning hamma tomonini bir kunda yig’ishni o’rgatganida bu mashg’ulotni qiyin qilib, qadamlar esimdan chiqib ketardi.

P.S. Har doim biror narsani o’rganmoqchi bo’lganingizda uni kichik qismlarga bo’lib, uni har kuni takrorlash juda ham samarali va oson yo’ldir. Muhimi muntazamlik va sabr-toqat



https://t.me/yorqinmamatqulov Ochish/sharhlash

2023-03-11 08:32:32 Moliyaviy holat
To'g'risi hozirgi paytda ko'pchilik o'z xarajatlarini yozishga hojat yo'q deb o'ylaydi. Chunki bu bo'yicha juda ko'p ilovalar yoki plastik kartadan pulni qachon va qayerda ishlatganingizni kor'satib beradigan tranzaksiyalar/amaliyotlar tarixi qismi mavjud. Men ham har oyni oxirida oyligim qayerga ketganini darhol telefonimdan ko'rib olaman. Lekin ochig'i buni moliyaviy xarajatlarimni qisqartirib ko'proq pul jamg'arishim uchun yetarli bo'lmadi. Tanish holatmi

Buning yechimi oddiy. Masalan men shundan so'ng darhol singlimdan excelda kirim-chiqim bo'yicha jadval tayyorlab berishni iltimos qildim (u buxgalteriyada o'qigani uchun excel va hisob-kitobni mendan yaxshi biladi). U bilan birga bloknotga ham faqat qilgan xarajatlarimni yoza boshladim. Bu bilan juda katta xarajatlar qilayotganim ko'rinib qoldi. Ham yozganimda xarajatlar ko'z oldimdan o'tib ketdi. Aksincha, kerakli xarajatlarga pul yetmay qolayotganini ko'rdim (shaxsiy rivojlanish, ehson, kitoblar, jamg'armalar va b). Bu sekin-sekin natijasini bera boshladi. Ortiqcha vazndan qutulish uchun kamroq parhezbop ovqatlar iste'molini boshladim. Sizga ham mana shunday daftar tutishni maslahat beraman moliyaviy tomondan intizomni ta'minlashda yordam beradi.

P.S. Endi bunday daftarni sarflayotgan vaqtimni yozib borish uchun ishlatmoqchiman. Chunki menga qancha vaqt berilishini bilmayman. Lekin uni nimalarga ketgizganimni tahlil qilsam bo'ladi.





https://t.me/yorqinmamatqulov Ochish/sharhlash

2023-03-02 10:53:59 Muhitning ahamiyati

Yaqinda bir ajoyib voqea sodir bo’ldi. Ukamni Onam bilan rosa biror repetitorga berishga rosa harakat qildik. Lekin bu oson bo’lmadi. Biz qancha aytganimiz bilan bormadi yoki borsa ham tez to’xtatib qo’yaverardi. Keyin ba’zi sinfdoshlari mahalladagi matamatika fanidan bir repetitorga borayotganini eshitib darhol qo’shildi va bundan mamnun bo’lip muntazam shu o’qituvchinng darslariga qatnamoqda. To’g’risi bundan Onam ham rosa hayron qoldilar va xursan bo’ldilar.
Inson biror-bir o'zgarish qilishi yoki foydali bilim va ko'nikmalarning egallanishida atrofdagi insonlar, do'stlar tanish-bilish yoki hamkasblar bo'lsin barchasining o'rni muhimligi haqida ko'plab joyda gapiriladi. Buni to'g'riligiga yana bir bor amin bo'ldim.

P.S. Har doim yangi odatni shakllantirishda odam boshida qiynalganligi tufayli muhitni to'g'ri tanlash shunday davralarga qo'shilish smaradorlikni bir necha baravarga oshiriadi.



https://t.me/yorqinmamatqulov Ochish/sharhlash

2023-01-19 16:46:53 Ko'chadagi e'lonlarda yoki ijtimoiy tarmoqlarda "40 kunda IELTS 6+ natija" yoki shunga o'xshash e'lon va yozuvlarni ko'rsam bilasizmi nimani o'ylayman.
Bu xuddi ona qornidagi xomila vaqtini tezlshtirishga o'xshataman. Ilm olish va umuman biror sohani o'rganish harakat va albatta ma'lum vaqtni talab qiladi. Buni unutma do'stim.

P.S. Tezkor va katta natijalarni o'ylaganimda, eslatma bo'lishi uchun yozib qo'ydim.


https://t.me/yorqinmamatqulov Ochish/sharhlash

2023-01-19 16:43:05 Саратонга чалинган одам кимётерапия олади ва сочлари тўкилади, шунинг учун бу касалга чалинганлар сочларини олдириб ташлашади. Рак бўлиб қолган аёлнинг сочини олаётган сартарош иш жараёнида унинг дардини ҳис қилди, дардига шерик бўлди, дарддош бўлди ва...

Фақат гап билан сизни қўллаб-қувватлаётганлар амалда ҳам бирор ёрдам кўрсата олармикинлар? Бунга ҳамма ҳам қодир эмас.

@boburakmalov Ochish/sharhlash

2023-01-09 09:02:21 Kecha bir yaqin tarixchi do‘stim bilan tuyalar haqida gaplashib qoldim. Bilasiz O‘zbekistonda (umuman O‘rta Osiyoda) bir va ikki o‘rkachli tuyalar uchraydi. Bir o‘rkachli tuyalar(Dromedar) bizning hududimizga arablar bosqini davrida kirib kelgan. Ungacha bizning hududimizda aholi faqat qadimgi Baqtriya ikki o‘rkachli tuyalardan foydalanishgan. Bir o‘rkachli tuyalar (Dromedar) ancha tezkor bo‘lib, urushda va yo‘l yurishda (ikki o‘rkachli tuyalarga faqat bir kishi o‘tira olishi mumkin) juda qo‘l kelgan. Shundan so‘ng O‘rta Osiyo aholisi asosan bir o‘rkachli tuyalardan ko‘proq foydalanib, mahalliy tuyalarga e’tibor bermay qo‘yishadi natijada butun boshli Baqtriya tuyasi yo‘qolib ketadi. Bugun hududimizda ko‘rib turgan ikki o‘rkachli tuyalar esa Mo‘g‘ulistondan kirib kelgan zotlardir.
P.S. bir narsani yodda tuting bugungi globallashuv zamonida biznesda ham hayotda ham har bir inson qobiliyatlarini va bilimlarini zamonga moslab yangilab bormasa, unga nisbatan talab va ehtiyoj yo‘qoladi.



https://t.me/yorqinmamatqulov Ochish/sharhlash

2023-01-09 07:43:16 Channel photo updated Ochish/sharhlash

2023-01-07 07:37:35 Ba'zan mukammallikka intilib muhim bo'lgan ishlarni ortga suramiz yakunda esa natija biz kutganday bo'lavermaydi. Buning sababini esa pastdagi o'tkazilgan tajribada ko 'rshingiz mumkin.

Sekin yursangiz ham, chekinmang
O‘quv yilining boshida Florida universiteti professori Jerri Uilyams film suratga olish yo‘nalishi talabalarini ikki guruhga bo‘ldi. Birinchi guruhga faqat bajargan ishlari soniga qarab baho olishlari aytildi. Semestr oxirida u har bir talaba taqdim etgan suratlar sonini hisoblab chiqdi. 100 ta fotosurat topshirgan talabalarga “a’lo” 90 ta topshirganlarga “yaxshi”, 80 ta topshirganlarga “qoniqarli” baho qo‘yildi.
Ikkinchi guruhga esa bajargan ishining sifatiga qarab baho olishardi. Ular semester oxirida faqat bitta fotosurat topshirishlari yetarli edi. Biroq “a’lo” baho olish uchun surat mukammal bo‘lishi zarur edi. Semestr oxirida eng yaxshi fotolar birinchi guruhdagi talabalar tomonidan suratga olinganiga guvoh bo‘lgan professor juda hayron qoldi. Semestr davomida bu talabalar suratga olish bilan band bo‘ldi, turlicha kompozitsiya va ekspozitsiyalarni sinab ko‘rdi, qorong‘u xonada tajribalar o‘tkazdi va xatolaridan xulosa chiqardi. Yuzlab suratlar yaratish davomida ular ko‘nikmalarini kuchaytirdi. Ikkinchi guruhidagi talabalar esa mukammallik haqida bosh qotirib vaqt o‘tkazdi. Oxir-oqibatda, shuncha sa’y-harakatlardan keyin ular isbotlanmagan g‘oyalaru, bittadan o‘rtacha surat taqdim eta oldi, xolos.

Jeyms Klir “Atom odatlar” kitobidan


https://t.me/yorqinmamatqulov Ochish/sharhlash

2023-01-05 16:05:47 Yil boshida oldiga maqsad qo'ygan va intizom bilan bog'liq muammolar tufayli ularga yetisha olmayotganlar uchun ajoyib jumla:

Xohish bu hozirgi va kelajakda bo‘lishni istagan holatlarimiz o‘rtasidagi farq bo‘lib, butunlay ahamiyatsiz tuyulgan harakatlar zamirida ham orzumizga bo‘lgan intilish yotadi. Ko‘p ovqat yeb qo‘yish, sigaretga o‘t oldirish yoki ijtimoiy tarmoqlarga kirishimizning asl sababi chips, sigaret yoki layklarga bo‘lgan ehtiyoj emas. Shunchaki hozirgi holatimizdan boshqacha his qilishga intilishdir.

Jeyms Klir “Atom odatlar” kitobidan



https://t.me/yorqinmamatqulov Ochish/sharhlash