Xushnudbek - o‘ta shaxsiy

2022-09-08 13:30:59 YouTube kanalimda obunachilar soni 99,9 ming kishi bo‘libdi. Qani, kim 100 minginchi bo‘larkan, ko‘ramiz ))

Obuna bo'lish uchun link:
http://youtube.com/xushnudbekxudoyberdiyev?sub_confirmation=1 Ochish/sharhlash

2022-09-07 13:47:47 Савол: контрактни бўлиб тўлаш имкони борми? Биздан камида 50% тўлов қилишни талаб қилишмоқда.

ЖАВОБ: Ҳа, 4 га бўлиб тўлаш мумкин.

Президентнинг 2020 йил 2 мартдаги ПФ-5953-сон Фармонига мувофиқ 2020/2021 ўқув йилидан бошлаб республика ОТМ талабаларига ўқув йили давомида тенг улушларда камида 4 маротаба ўқиш учун тўловларни амалга ошириш имконияти тақдим этилган.

Давлат қабул комиссияси билан келишилган ҳолда тўловларни амалга ошириш муддати қуйидагича белгиланган:

— белгиланган тўлов миқдорининг камида 25 фоизини талабаликка тавсия этилган абитуриентлар учун 15 сентябргача ёки Давлат комиссияси томонидан белгиланган муддатгача ҳамда иккинчи ва ундан кейинги босқич талабалар учун 1 октябргача ёки ОТМ ректори (филиал директори) томонидан узайтирилган муддатгача;

— белгиланган тўлов миқдорининг камида 50 фоизи 1 январгача, 75 фоизи 1 апрелгача ва 100 фоизи 1 июлгача ёки ОТМ ректори (филиал директори) томонидан узайтирилган муддатларгача.

Шу билан бирга, Вазирлар Маҳкамасининг 2021 йил 18 августдаги 527-сон қарори иловаси билан тасдиқланган Низомга мувофиқ ўқиш учун йиллик тўловнинг тўлиқ миқдорини белгиланган тартибда, тенг улушларда тўрт қисмга бўлиш йўли билан ўтказишга рухсат берилган.

Бундан хулоса қилиш мумкинки, бугунги кун ҳолатига 50% тўлов талаб қилишаётгани амалдаги тартибга зид. 1-курсга ўқишга кирганлар камида 25% тўловни 15 сентябрга қадар амалга оширишлари лозим.

Эслатма: бўлиб тўлаш имконияти супер-контракт учун ҳам амал қилади.

kontrakt.edu.uz сайти орқали юборган аризангиз тасдиқланса, 4 га бўлиб тўлаш имкони ва муддатлари ҳақида маълумот чиқади. Мана шу ердан ҳам кўриб олсангиз бўлади.


@xushnudbek Ochish/sharhlash

2022-09-06 12:35:57 Ўқишга кирганлар учун базавий контракт, кира олмаган учун супер-контракт олиш мақсадида kontrakt.edu.uz сайти орқали онлайн ариза бераётганда шартнома турини танлаш деган банд бор. Бунда ёки 2 томонлама, ёки 3 томонлама шартномани танлаш сўралмоқда. Шу бўйича изоҳ сўраб, абитуриентлардан кўплаб саволлар келиб тушди.

Бу жуда оддий.

Икки томонлама шартнома — бу ОТМ ва абитуриент ўртасида тузилади. Бошқача айтганда агар контракт ёки супер-контракт пулини абитуриентнинг ўзи ёнидан тўламоқчи бўлса, шу бандни танлаш керак.

Уч томонлама шартнома — бу ОТМ, абитуриент ва яна бирор ташкилот ўртасида тузилади. Агар мабодо контракт ёки супер-контракт пулини абитуриентнинг ўзи эмас, балки бирор ташкилот, масалан банклар ёки ота-онасининг ишхонаси тўламоқчи бўлса, унда уч томонлама шартнома деган бандни танлаш керак.


@xushnudbek Ochish/sharhlash

2022-09-06 07:59:47 Super-kontrakt masalasidagi savollarga rasmiy yechim berildi. Tez orada e’lon qilinadi. Ochish/sharhlash

2022-09-04 07:43:25 Zakovatda bugun katta turnir. Intellektual marafon. 200 ta savol o’ynaladi. Ochish/sharhlash

2022-09-03 14:33:39 Kamdan kam mamlakatlarda oziq-ovqat mahsuloti olinayotgan payt “yeyish uchunmi?” deb so’ralsa kerak? :) Ochish/sharhlash

2022-09-02 16:18:15 4 ballgacha yetmaganlarning super-kontraktiga ham 10% chegirma beriladi.

4,1 ball yetmaganlar 4 ballik hudud ichiga kirmaydi. Ular yo‘nalishiga qarab 8, 10, 12, 15, 17 yoki 25 baravar to‘laydi.

Batafsil o‘qish uchun:
https://t.me/xushnudbek/15834

@xushnudbekuz Ochish/sharhlash

2022-09-02 15:21:48 Super-kontrakt miqdorlari 10 foizga kamaytirildi

Barcha davlat OTMlarida tabaqalashtirilgan (super) to‘lov-kontrakt miqdorlari 10 foizga arzonlashtirildi.

Ilovadagi jadval orqali yo‘nalishlar kesimidagi tabaqalashtirilgan (super) to‘lov-kontrakt miqdorlari bilan tanishishingiz mumkin.


@xushnudbekuz Ochish/sharhlash

2022-09-01 13:48:10 Минг бор, узр, сайтда техник муаммолар кузатилаётган экан, шу сабабли очилмаяпти. Бартараф этилганда қўшимча хабар қиламиз. Тушунганингиз учун раҳмат. Ochish/sharhlash