Xushnudbek - o‘ta shaxsiy

2022-08-28 18:53:59 Super-kontrakt narxini hisoblash haqida bu yerda tushuntirdim.

Bemalol o’zingiz hisoblay olasiz, faqat sal hafsala qilsangiz bo’ldi. Ozzzzgina hafsala, ko’p emas.

https://t.me/xushnudbek/15751 Ochish/sharhlash

2022-08-28 11:31:26 Хотин-қизларнинг 4% лик тавсияномаси ҳисобланмадими?

ЖАВОБ: ҳамма имтиёзлар ҳисобланган, агар сиз ўқишга кира олмаган бўлсангиз, демак тўплаган балингиз етмаган.

Жорий йилда ҳам хотин-қизлар учун махсус 2 мингта қўшимча давлат гранти учун жой ажратилган (халқ орасида 4%лик грант дейилади).

Ва бу 2 мингта ўрин ҳудудлар ҳамда фанлар кесимида тақсимланган.

Бу имтиёз ҳеч қанақа балл қўшиб бермайди

Кўпчилик 4% балл қўшилиши керак эди, нега шу қўшилмаяпти, деб хато ўйлаяпти. Кутиб ўтирманг, сизга ҳеч қанақа балл қўшилмайди.

Иккинчидан, хотин-қизлар тавсияномаси бор абитуриентлар 100% ўқишга киради, дегани эмас. Бунинг учун юқори балл ҳам олиш керак эди. Батафсил бу ерда тушунтирилган.

4% лик тавсиянома олган хотин-қизлар учун ўтиш бали юқоридаги суратда кўрсатилган. Мана шу баллдан кам олганларга имтиёз қўлланмаган.

Изоҳ-1: бу ерда сиз топширган йўналиш қайси фанлар гуруҳига кириши ҳам муҳим. Афсуски жорий йилги тақсимланиш туфайли баъзи ҳудудларда 68 балл билан ҳам грантга киришган, 140 балл билан ҳам тавсия этилмаган.

Изоҳ-2: қизил рангда белгиланган ўтиш балларида "недобор" бўлган. Яъни гарчи кўпроқ квота ажратилган бўлса ҳам, лекин 68 баллдан кам тўплаганлар ҳисобига ўша квоталар тўлмай қолган.


@xushnudbek Ochish/sharhlash

2022-08-28 10:52:00 Менда ногиронлик имтиёзи бор эди, аммо нега бу ҳисобланмаган?

Кўпчилик шундай савол билан мурожаат қилмоқда.

ЖАВОБ: Сизнинг имтиёзингиз ҳисобланган, аммо сиз етарли балл тўплай олмагансиз.

Биринчидан, ногиронлик имтиёзи сизга балл қўшиб бермайди.

Иккинчидан, имтиёзингиз бор дегани, бу 100% ўқишга кирасиз дегани эмас. Кўпчилик 56,7 баллдан оширсам бўлди, мен аниқ ўқишга кираман, деб ўйламоқда.

Ногиронлиги бор шахслар учун ОТМлар кесимида алоҳида квота бўлади. Ўша ОТМга ҳужжат топширганлар ногиронлиги бор шахслар ўша квота учун курашади. Ким юқорироқ балл тўпласа, давлат гранти асосида ўқишга қабул қилинади. Махсус квотага бали етмаганлар эса ўзи тўплаган балл бўйича эл қатори барча билан беллашади.

Масалан, юқоридаги суратга эътибор беринг. Тошкент тиббиёт академиясида ногиронлиги бор шахслар учун 29 та қўшимча давлат гранти жойи ажратилган бўлиб, жами 835 нафар ногиронлиги бор шахслар ҳужжат топширган. Ўтиш бали эса 119,7 балл бўлган.

Демак, ногиронлиги борлиги учун имтиёзга эга шахслар Тошкент тиббиёт академиясига ҳужжат топширган бўлса, бу улар аниқ шу ерга киради дегани эмас. 119,7 баллдан оширганлар грантга кирган, бундан паст балл тўплаганларга имтиёз қўлланмаган.


@xushnudbek Ochish/sharhlash

2022-08-27 22:42:22 Meni tabriklanglar, super-kontraktga kiribman

800 ming abituriyent bugun xuddi men kabi super-kontraktga kirdi! Biz ham anoyilardanmasmiz, mana, kirdik-ku!

Super-kontraktga kirganlar, birlashingiz Ochish/sharhlash

2022-08-27 22:16:15 TAVSIYA:

https://my.dtm.uz sayti orqali natijani ko'rishni tavsiya qilaman. Qotmasdan ishlayapti. Faqat bu yerda pasport seriyasi va raqami hamda JSHSHIR raqam kerak bo'ladi, oddiy ID orqali ko'rib bo'lmaydi.

ESLATMA: internetda begona odamlarga "natijamni ko'rib bering" deb shaxsiy ma'lumotlaringizni yubormang. ID raqamni aytsangi mayli, ammo pasport ma'lumotlaringiz zinhor birovlarga bermang. Ochish/sharhlash

2022-08-27 21:45:57 Ҳаяжонли сурат

@xushnudbekuz кичик каналимда абитуриентлар ўз натижалари билан ўртоқлашмоқда. Шунда мана бу сурат эътиборимни тортди.

Ушбу синглимиз Самарқанд тиббиёт университетига ўқишга кирибди. Натижасидан скриншот олаётганда юқорида "Дадажоним" ва "Акам" деган контактлардан хабарлар келгани кўриниб турибди. Синглимизнинг дадалари ҳам натижани юборган эканлар.

Давомидан нима ёзилганини тахмин қилиш мумкин: "Катта раҳмат, она қизим, умрингиздан барака топинг, ўқишга кирганингиз билан табриклайман. Тағин грантга эмас, контрактга кирдим, деб ўйланиб ўтирманг, ўзим емасам ҳам, киймасам ҳам, Сизни албатта ўқитаман. Юзимни ёруғ қилганингиздан яна бир бор миннатдорман", деган бўлсалар керак ҳойнаҳой.

Қизларини ўқитадиган ота-оналар омон бўлишсин, илоҳим.

Ўзи умуман фарзандининг таълими учун жон куйдирадиган ота-оналарга, шунингдек, яхши ўқиб, ота-онасининг юзини ёруғ қиладиган фарзандларга катта раҳмат! Сизлар бор, юртимиз келажагидан хавотир олмаса ҳам бўлади.

P.S: сизлар ҳам ўз натижангизни @xushnudbekuz каналининг муҳокама гуруҳида қолдиришингиз мумкин.


@xushnudbek Ochish/sharhlash

2022-08-27 21:26:28 Абитуриентлар турли усуллар орқали ўз натижаларини билиб олишмоқда.

Кимлардир грантга, кимлардир контрактга киришган. Яна кимларгадир бироз билим ва омад етишмаган.

Минглаб хонадонларда тўйу тантана бошланиб кетди. Қанча-қанча қўчқорлар йўқ жойдан сўйилиб кетяпти, уларда нима айб



@xushnudbek Ochish/sharhlash

2022-08-27 21:13:25 Qani, natijalarni yuboringlarchi, kimda hosil qanaqa bo’libdi? Qovunmi, tarvuzmi? :) Ochish/sharhlash

2022-08-27 21:08:18 Mandat chiqdi! Ochish/sharhlash

2022-08-27 13:57:33 Bugungi kun uchun aktual rasm Ochish/sharhlash