Xurshid Abdurashid

2022-06-08 12:55:33 Галатасарой клубида ўйнаган, айни пайтда Аланьяспор футболчиси, Туркия миллий жамоаси аъзоси Эмре Акбаба иштирокида яхши ижтимоий ролик

Йўлда телефонга чалғиманг, тезликни оширманг, биродарлар!

Роликни албатта томоша қилинг ва улашинг

@boburakmalov Ochish/sharhlash

2022-06-05 10:24:55 BIZ SEVISHMADIK! - Zebo Yo'ldosheva ijrosi.

Muallif: Xurshid Abdurashid


@sherlar_audios Ochish/sharhlash

2022-06-05 08:56:43 Сен мусиқа бўлсанг, тингласам,
орзу бўлсанг, сени орзу қилсам мен.
Гул бўлсанг, авайласам, узмасинлар деб,
кулги бўлсанг, кўзимга муҳрласам сени.

Туш бўлсанг, сени кўриш учун ухласам,
тонг бўлсанг, сени деб уйғонсам фақат.
Сўз бўлсанг... гапирмасам сени,
секин шивирласам ўзимга ўзим.

Китоб бўлсанг, ўқиб ўтирсам сени,
саҳифалар оралаб муҳаббат изласам.
Топсам, ҳеч кимга айтмайин шодлансам,
сақласам сени энг яширин сир каби.

Кулсанг қувонсам мен, сўзласанг эшитсам,
овозингда қайғу гўзал,
ғам пинҳон табассумингда.

Бахт бўлсанг ярашар сенга, ёки муҳаббат бўл,
бари ярашади сенга гўзал туйғуларнинг.

@xurshidabdurashid Ochish/sharhlash

2022-06-02 20:00:15 ***

Ўтиб бораётган ҳар бир кунимнинг
Ортидан боқарман ҳорғин қўл силкиб.
Қараркан, юраги оғримас кимнинг:
Қайтмайди ғам-қувонч, қайтмайди севги.

Кўзга муҳрланган лаҳзаларни сўнг
Хаёлда тиклайман минг бор уриниб.
Тасаввур етмайди – тасвир жуда жўн,
Излайман эслашнинг ўзга турини.

Кунлар соғинч ташлаб чопаверади,
У билан баҳсма-баҳс чопар юрагим.
Гоҳ қувонч, гоҳ оғриқ топаверади,
Бесамар курашда ярим бўлагим.

Биламан, кунларни бўлмас тўхтатиб,
Биламан, бу баҳсда ниҳоя йўқдир.
Битта хулосага келаман қайтиб:
“Инсон ўз қалбини ўзи ўқийди...”

"Фақат у қолди" китобига кирган шеърлардан

@xurshidabdurashid Ochish/sharhlash

2022-05-29 08:10:24 ***

Ақлинг бинойидек, фаҳминг етарли,
Чиройинг меъёрдан юқори бироз.
Ёмон жиҳатларинг йўқдир деярли,
Фазилатларинг боз, соз устига соз.

Тилингда терилиб туради қатор,
Дундаги энг ширин самимий сўзлар.
Шарм-ҳаё деса, улар ҳам бисёр,
Уялсанг ерлайди бу қора кўзлар.

Санайверсам эҳҳе... хислатларинг мўл,
Устасан юракни боғлаб олишга.
Шунчалар тўкиссан, ёноқлари гул,
Бало борми, мени севиб қолишга?!

@xurshidabdurashid Ochish/sharhlash

2022-05-24 21:23:24 СЎНГГИ ҚЎНҒИРОҚ

Омонмисан, синфдош дўстим?
Ёдга солди сени қўнғироқ.
Бир партада ўтирардик-ку,
Энди эса партамиз йироқ.

Тўққиз йилдан тўққиз умрнинг
Роҳатини туйгандек эдим.
Аммо андак оқибатсизман,
Сал унутиб қўйгандек эдим.

Ёдимдадир... Қадрдон мактаб
Ва қаттиққўл ўқитувчилар.
Уришса-да ўша вақтлари
Кўнгиллар кўп юмшоқ улар.

Аммо буни кейинроқ билдим,
Бошим тошни олганда нишон.
Мана энди ўйга тутилдим,
Бўлмоқдаман хотирпаришон.

Кетар чоғи... эсла мактабдан
Тўкиб солдик ғам-афсусларни.
Тўққиз йилда тўполон билан
Еб битирдик танаффусларни.

Афсусдаман... Ҳаммадан бурун
Қўл силкидим ва хайр дедим.
Ўша сўнгги қўнғироқни ҳам
Қўлим синсин... Мен чалган эдим.

Ўйин битди, тугади деркан,
Чалинганда унинг зарблари.
Қолар экан партага ўйиб
Битилган ул севги хатлари.

Мана, тағин сўнгги қўнғироқ
Садолари янграр хотиржам.
Бўлак қилди йўлларимизни
Бўлак қилди партамизни ҳам...

2017

@xurshidabdurashid Ochish/sharhlash

2022-05-20 21:24:19 Укам @rustamserobov'дан янги қўшиқ. Қўшиқ сўзи каминага тегишли. Ochish/sharhlash

2022-05-20 16:09:31 ФУТБОЛДАН КЕЙИН

Ҳеч қачон ўлмайди даҳолик ҳисси,
Гарчи минг тусланиб турса-да замон.
Барибир юлдуздир ҳамиша Месси,
Барибир қиролдир Роналдо ҳамон!

Шунчаки тутмаган улар бахт қушин,
Ҳар голи ҳаётга битта сармоя.
Улар – бир одамдан иборат қўшин,
Улар – бир кишилик терма жамоа.

Аббос гердаяди: “Месси зўр, Месси”
“Роналдо кучлироқ”. Бўш келмас Актам.
Тобора юксалар мухлислик ҳисси,
Қанча олқишласанг, гўё шунча кам.

Роналдо билмайди, олис бир юртда,
Унга ғойибона қанча издош бор?
Месси ҳам бехабар.
Аммо сукутда,
Юлдузлар туғишни унутган диёр.

Бизнинг Роналдолар ҳозир далада,
Хом ғишт қуяётир бизнинг Мессилар.
Сув тараб турибди бири ғаллага,
Бири қўй-қўзисин ўтлатиб юрар.

Улар ишни қилсин! Шартдир айни пайт,
“К.Р.ми ё Л.М.?”: бирини танлаш.
Бизнинг мақомимиз мухлислик фақат,
Ютса олқишлашу ютқазса йиғлаш!

Аммо туриб-туриб ўйлаб қоламан,
Сўрашга бор ахир ҳуқуқим, ҳаққим.
“Сен қачон Мессини катта қиласан,
Сен қачон Роналдо туғасан, халқим?”

@xurshidabdurashid Ochish/sharhlash

2022-04-28 00:14:46 РАМАЗОН ТИЛАГИ

Ҳақ йўлда Ҳақ учун мудом бурчлимиз,
Гуноҳдан поклагин – мисоли сабий.
Токи охиргача ўтсин умримиз
Рамазон ойида яшаган каби.

@xurshidabdurashid Ochish/sharhlash