XOJAGON.UZ

2022-09-05 06:17:12 #Маъруза

"Динда ҳаддан ошмаслик ҳақида"

Орифжон домла Амонов
Ғиждувон тумани "Хўжа Абдулхолиқ Ғиждувоний" жомеъ масжиди
имом - хатиби

Дўстларингизга ҳам улашинг!!! https://t.me/XojagonUz Ochish/sharhlash

2022-09-05 05:51:22 #оят

"(Хоҳлаганингизча) еб-ичаверинглар. Фақат исроф қилманглар. Зотан У исроф қилгувчи кимсаларни севмас", (Аъроф сураси, 31-оят).
Дўстларингизга ҳам улашинг!!! https://t.me/XojagonUz Ochish/sharhlash

2022-09-05 05:30:18 يَا حَيُّ يَا قَيُّومُ بِرَحْمَتِكَ أَسْتَغِيثُ أَصْلِحْ لِي شَأْنِي كُلَّهُ، وَلَا تَكِلْنِي إِلَى نَفْسِي طَرْفَةَ عَيْنٍ

«Я Ҳайю, Я Қоййуум, бироҳматика астағийс, аслиҳ лий шаний куллаҳу ва лаа такилний илаа нафсий торфата ъайн».

(Маъноси: «Эй ҳамиша Барҳаёт ва абадий Турувчи бўлган Зот! Сендан ёрдам сўрайман. Ишимни ҳаммасини ислоҳ эт ва мени кўз очиб юмгунча ҳам ўз ҳолимга ташлаб қўйма»)
(Термизий ва Насоий ривояти).

АССАЛОМУ АЛАЙКУМ ВА РОҲМАТУЛЛОҲИ ВА БАРОКАТУҲУ!

КУНИНГИЗ ХАЙРЛИ БӮЛСИН!

Яқинларингиз ва дўстларингизга улашинг. https://t.me/XojagonUz Ochish/sharhlash

2022-09-04 13:06:42 КИШИНИНГ ЎЗ ОИЛАСИГА ҚИЛГАН НАФАҚАСИ ҲАҚИДА

Савбон ризияллоҳу анҳудан ривоят қилинади:
Набий соллаллоҳу алайҳи васаллам:
“Динорларнинг энг афзали кишининг ўз оила аҳлига, Аллоҳ йўлидаги биродарларига ва Аллоҳнинг йўлида минадиган уловига сарфланган пулидир”, дедилар.

Абу Қилоба: “Оила аҳлидан бошладилар. Кичик боқимандаларига Аллоҳ азза ва жалла уларни беҳожат қилгунча нафақа қилган кишидан кўра катта ажрга етадиган одам борми?!” деди.

Шарҳ: Авваламбор, нафақанинг энг афзали кишининг ўз оила аҳлига қилган нафақасидир. Ундан кейин эса Аллоҳ йўлидаги биродарлари ва Аллоҳ йўлида минадиган уловига сарф қилингани саналади. Чунки аёли ва болаларининг нафақаси ҳар бир оила бошлиғи бўлган эркакнинг зиммасида вожибдир.
Абу Қилоба ҳам мазкур ҳадисни шарҳлай туриб, нафақа қилиш лозим бўлган ўриннинг биринчиси оила деб таъкидлаб ўтдилар. Айниқса, оилада қўлидан иш келмайдиган ёши кичик боқимандалар бўлса, токи улар нафақага қодир бўлгунларича, уларга ғамхўрлик қилиш оила бошлиғи зиммасида бўлади. Ким бу масъулиятдан бўйин товласа, ислом ҳукми бўйича гуноҳкор саналади ва оила аъзолари ҳақдор бўлган нафақа ундан мажбуран ундириб берилади. Оила бошлиғи бу масъулиятини Аллоҳ таоло буйруғини бажармоқдаман, деб ихлос билан очиқ кўнгиллик ила бажарса ҳам оиласини таъминлийди ҳам ажр-савобга эга бўлади.

“Одоблар дурдонаси” китобидан. https://t.me/XojagonUz Ochish/sharhlash

2022-09-04 11:58:14 #Маъруза

"Аллоҳнинг зикри ила қалблар ором олур"

Шуҳрат домла Шеров
Жондор туман "Абдуллоҳ ибн Аббос"
жомеъ масжиди
имом - хатиби

Дўстларингизга ҳам улашинг!!! https://t.me/XojagonUz Ochish/sharhlash

2022-09-04 10:10:34 БАЛИҚ БОҚИШДА МОЛ ГЎНГИДАН ФОЙДАЛАНИШ

@Savollar_kanal 11628-савол

Ассалому алайкум! Биз балиқ боқишда мол гўнгидан фойдаланамиз. Яъни свежий гўнгни сувга тўкиб чиқамиз ва гўнгдан балиқ озуқаси учун ҳашоратлар -дафня пайдо бўлади. Балиқлар дафня еб яхшигина каттаради. Бу етиштирган балиқларимиз ҳалолми?

ЖАВОБ:

– Ва алайкум ассалом! Балиқ бу иш билан ҳаром бўлиб қолмайди. Покиза ем билан боқиш керак. Валлоҳу аълам!


«Зикр аҳлидан сўранг» ҳайъати https://t.me/XojagonUz Ochish/sharhlash

2022-09-04 07:21:35 #Маъруза

"Кишининг ўз фарзандини чиройли одоб-ахлоқ билан тарбиялаши кўп миқдордаги нафл садақа беришидан яхшироқдир"

Азизжон домла Ашуров
Бухоро шаҳар "Масжиди Калон"
жомеъ масжиди
имом - хатиби

Дўстларингизга ҳам улашинг!!! https://t.me/XojagonUz Ochish/sharhlash

2022-09-04 06:17:18 Аллоҳдан офият сўранг!

Ибн Умар розияллоҳу анҳумодан ривоят қилинади. Набий соллаллоҳу алайҳи васаллам: "Кимга дуо эшиги очилса, унга раҳмат эшиклари очилган бўлади. Аллоҳдан сўралганда бериладиган нарсалар ичида У Зотга энг маҳбуб бўлгани офиятни сўрашдир", дедилар.

Шунинг учун Аллоҳ таолодан офиятни кўпроқ сўраш керак.
"Офият" - саломатлик, эсон-омонлик, бардамлик, яхши кайфият каби маъноларни англатади. Офият Аллоҳ таолодан сўраладиган энг яхши нарсалардан экан.

Аллоҳ розилиги учун тарқатинг аввало амал билан! https://t.me/XojagonUz Ochish/sharhlash

2022-09-04 06:13:11 Ниятларингизни гўзал қилинг.
Аллоҳ таоло бу ҳақда: "Агар Аллоҳ қалбларингизда яхшилик борлигини билса, сизга яхшироқ нарсани берур", деб айтган.
(Анфол сураси, 70 оят).

АССАЛОМУ АЛАЙКУМ ВА РОҲМАТУЛЛОҲИ ВА БОРОКАТУҲ!

ДАМ ОЛИШ КУНИНГИЗ ҲАЙРЛИ БӮЛСИН!

Яқинларингиз ва дўстларингизга улашинг. https://t.me/XojagonUz Ochish/sharhlash

2022-09-03 15:35:15 ТЎҒРИ ТАРБИЯ

Бизни, бутун инсониятни ҳозирги ҳолатдан яхшиликка йўналтира оладиган, аҳволни яхшилайдиган энг асосий нарса бу тарбиядир. Тарбия тўғри йўлга қўйилса, жамиятга ҳалол ва ҳаром, ҳақ ва ботил тўғри ўргатилса ва тарбиячиларнинг ўзи бераётган тарбиясига амал қилса, албатта бу тез фурсатда ижобий натижа беради ва ҳолатимиз яхшилик томон юз тутади.

Фарзандларимизни кўпроқ пул топишга эмас, балки, ҳалол ризқ топишга, фақат ўзининг манфаатини ўйлаб иш қилишга эмас, балки, бошқаларнинг, келажак авлоднинг манфаатларини ҳам ўйлашга чақиришимиз лозим. Буни уларга чуқур англатишимиз зарур. Келажак хатар остида!

Порахўр одам бошқаларга поранинг жамиятдаги зарарлари ҳақида гапириши, судхўр рибонинг ёмонлигини баён қилиши, ўғри эса ўғриликнинг салбий оқибатлари ҳақида бонг уриши фойдасиз, буни англаб етайлик. Тарбиянинг асоси Аллоҳни таниш ва У зотни танитишдан бошланади.

Абдуллоҳ ибн Умар розияллоҳу анҳумонинг шогирдлари Нофеъ айтадилар: "Бир куни Ибн Умар билан Мадинанинг чеккасига чиқдик. Бошқа шогирдлари ҳам бор эди. Овқатланмоқчи бўлиб бир жойда ўтирдик. Шу пайт яқинимиздан бир чўпон қўйларини ҳайдаб ўтиб қолди. Ибн Умар унга:

- "Эй чўпон, кел, дастурхонимизга шерик бўл", дедилар.
- "Мен рўзадорман", деди чўпон.
- "Шундай иссиқ кунда, тоғу тошлар орасида, қўйлар ортидан юриб ҳам рўза тутдингми?", дедилар.
- "Ўтган кунларим эвазига тутяпман", деди у.

Ибн Умар ажабландилар ва унга:
- "Қўйларингдан бирини бизга сотсанг, сўйиб гўштини ердик, сенинг ифторинг учун ҳам бироз гўшт берардик, пулини ҳам тўлиқ қилиб берардик", дедилар.
- "Бу қўйлар меники эмас, хўжайинимники", деди чўпон.
- "Биттасини бўри еб кетди десанг, хўжайининг нима ҳам дерди?", дедилар Ибн Умар.

Бу гапни эшитган чўпон бармоғини осмонга кўтариб:
"Унда Аллоҳчи? У қаерда?", деб жўнаб кетди.
Унинг "Унда Аллоҳчи, У қаерда?" деган сўзини Ибн Умар Мадинага келгунча такрорлаб келдилар...

Бу саҳиҳ ривоятда тарбиянинг нақадар буюк иш экани, жамиятнинг барча қатламини ислоҳоти тарбия билан бўлиши яққол намоён бўлиб турибди. Чўпоннинг тақвосини кўрган Ибн Умар атайлаб ундан шу нарсаларни сўрадилар. Унинг жавоби эса биз учун буюк ибрат бўлиб қолди.

Бу ривоятнинг яна бир қизиқ жойи бор. Шунга эътиборингизни қаратинг, илтимос. У ҳам бўлса, ўша чўпон ҳеч ким танимайдиган, исми ҳам номаълум, ўзи қул бўлган бир одам эди. Тўғри тарбия берилган жамиятнинг чўпони ҳам ҳеч қачон омонатга хиёнат қилмайди. Ҳа, Роббисининг омонатига ҳам, одамларнинг омонатига ҳам хиёнат қилмайди. Бизнинг ҳолимизга бир қаранг энди...

Шу ўринда Расулуллоҳ соллаллоҳу алайҳи васалламнинг: "Ҳар бирингиз (чўпон) масъулсиз ва масъулиятингиздаги нарсадан сўралурсиз", - деган ҳадисларини эслатмоқчиман.

Тарбияга қайтайлик!

Устоз Улуғбек БУХОРИЙ

Дўстларингизга ҳам улашинг!!! https://t.me/XojagonUz Ochish/sharhlash