ХАЛҚ ТАЪЛИМИ ХОДИМЛАРИ УЧУН

2021-01-30 15:11:02 #Сўраган_эдингиз

Нима учун мактабларда ташкил этиладиган тўгараклар ҳақида ҳалигача ҳеч қандай йўриқнома ишлаб чиқилмади? Ушбу масалага ойдинлик киритиб беришингизни сўраймиз.

Жавоб: Халқ таълими вазирининг 2017 йил 1 декабрдаги “Умумий ўрта таълим муассасаларида таълим-тарбия жараёнини натижадорлигини таъминлашда халқ таълими бошқарув идоралари ва таълим муассасалари раҳбарлари масъулиятини ошириш тўғрисида”ги 367-сон буйруғининг 2-бандида барча фан ўқитувчилари томонидан (педагогик юкламасига мувофиқ ўқувчилар билан индивидуал ишлаш ҳисобидан) ҳафатасига 2 маротаба 2 соатдан фан тўгараклари фаолиятини йўлга қўйиш ва уларнинг ўтказилиши вақти (соати, куни ва санаси) ҳақида ота-оналарни ёзма равишда хабардор қилиш белгиланган.

Шунингдек, халқ таълими вазирининг 2020 йил 21 декабрдаги “Умумтаълим муассасаларида маънавий-маърифий ишларни ва ўқувчиларнинг бўш вақтларини мазмунли ташкил этиш тўғрисида”ги 314-сон буйруғига асосан 2020 йил 22 декабрь кунидан барча фан тўгараклари фаолияти кўрсатиши учун рухсат берилган.

Ҳозирги кунда Халқ таълими вазирлиги тажрибали ўқитувчи ва мутахассисларни жалб қилган ҳолда фан тўгараклари ўқув дастурлари ва режаларини ишлаб чиқмоқда. Ушбу дастурлар тайёр бўлгандан сўнг барча таълим муассасаларига етказилади.
Ўқитувчилар учун телеграмда махсус канал

http://t.me/xalq_talimi_xodimlari Ochish/sharhlash

2021-01-30 15:03:31 #Xonqa_tumani_5_maktab Xorazm viloyati Xonqa tumanidagi 5-son umumiy o'rta ta'lim maktabining Tarix fani o'qituvchisi Yusupova Gavharning 10-B sinfida birinchi Prezidentimiz Islom Abdug'aniyvich Karimovning 83-yilligiga bag'ishlab ''Hamisha qalbimizdasiz Islom bobojon ''mavzusida o'tkazgan tadbiridan video lavha @xalq_talimi_xodimlari Ochish/sharhlash

2021-01-29 08:42:42 Халқ таълими вазири Шерзод Шерматов давлатимиз раҳбари томонидан мактаблардаги «Ёшлар етакчиси» лавозимининг ставкасини камайтирмаслик бўйича топшириқ берилгани ҳақида аввалроқ хабар берганди.

Ушбу вазифаларни сўзсиз ва сифатли амалга ошириш ҳамда барча умумтаълим муассасаларида “Ёшлар етакчиси” лавозими бўйича юзага келаётган муаммоларни ҳал этиш мақсадида барча ҳудудий бошқармаларга кўрсатма берилди.

Унга кўра, 1 январдан бошлаб барча умумтаълим муассасаларда “Ёшлар етакчиси” лавозимини 1 штат бирлиги миқдорида сақланиши ҳамда ойлик иш ҳақи тўловларини тўлиқ ва ўз вақтида тўланишини қатъий назоратга олиниши топширилди. Ochish/sharhlash

2021-01-28 14:08:35 #Диққат_танлов

“Эл-юрт умиди” жамғармаси Ўзбекистоннинг инновацион салоҳиятини ривожлантиришни мақсад қилган креатив фикрлайдиган мутахассислар ўртасида танлов эълон қилади

АҚШ, Буюк Британия, Германия, Франция, Канада, Япония, Испания, Жанубий Корея ва бошқа ривожланган мамлакатларнинг энг нуфузли таълим ва тадқиқот, инновация ва амалиёт масканларида таълим олиш ва стажировка ўташ имконияти

Қуйидаги йўналишлари бўйича бакалавриат, магистратура, докторантура ва малака ошириш 2021 йил учун стипендия дастурлари:

математика;
кимё;
биология;
геология фанлари бўйича

Ҳужжатлар қабули ягона тартиб ва тенг имконият асосида: 2021 йил 20 январдан 20 февралга қадар (онлайн режимда ва электрон тарзда) қабул қилинади

Саралаш босқичи: 20 февралдан 20 мартга қадар

Батафсил маълумотлар: www.eyuf.uz сайтида

Имкониятни қўлдан бой берманг Ochish/sharhlash

2021-01-28 12:33:43 #Биласизми

Қонунчиликка мувофиқ тегишли маълумоти, касбий тайёргарлиги бўлган ва маънавий-ахлоқий фазилатларга эга шахслар педагогик фаолият билан шуғулланиш ҳуқуқига эга. Магистратурани тамомлаган шахслар ва дипломли мутахассислар ўз мутахассислиги бўйича педагогик фаолият билан шуғулланиш ҳуқуқига эга.

Педагогик олий маълумотга эга бўлмаган шахсларга қайта тайёрлаш курсларидан ўтганидан кейин таълим ташкилотларида (бундан олий таълим ташкилотлари мустасно) педагогик фаолият билан шуғулланиш ҳуқуқи берилади.

Ишлаб чиқариш таълими усталари қайта тайёрлаш курсларидан ўтмасдан профессионал таълим ташкилотларида педагогик фаолият билан шуғулланишга ҳақли.

Зарурат бўлганда профессионал таълим ташкилотлари ишлаб чиқариш таълими усталарини, шунингдек тегишли билим ҳамда амалий кўникмаларга эга бўлган, олий маълумоти бўлмаган бошқа мутахассисларни амалий ва қўшимча машғулотларни олиб бориш учун жалб этиши мумкин.
Ўқитувчилар учун телеграмда махсус канал

http://t.me/xalq_talimi_xodimlari Ochish/sharhlash

2021-01-28 08:37:53 O‘qituvchilar assotsiatsiyasi, Nodavlat ta’lim muassasalari uyushmasi va Xalq ta’limi vazirligi o‘rtasida hamkorlik Memorandumi imzolandi

2021-yilning fevral oyidan boshlab quyidagi yo‘nalishlar bo‘yicha hamkorlik yo‘lga qo‘yiladi:

Ta’lim sifati va o‘qituvchilar malakasi past bo‘lgan maktablarda ta’lim sifatini oshirish;

Iqtidorli o‘qituvchi va o‘quvchilarni aniqlash hamda ularni rag‘batlantirish mexanizmlarini yo‘lga qo‘yish;

Xususiy maktablar va ilg‘or xorij tajribalarini davlat umumta’lim maktablarida joriy etish;

O‘qituvchilar va maktab rahbarlari uchun malakali chet el va mahalliy ekspertlarni jalb qilgan holda o‘quv treninglarini o‘tkazish va boshqalar.

Memorandum doirasida amalga oshirilayotgan ishlarni O‘qituvchilar assotsiatsiyasi, Nodavlat ta’lim muassasalari uyushmasi va Xalq ta’limi vazirligining rasmiy sahifalari orqali kuzatib borishingiz mumkin:

XTV | O'qituvchilar Assotsiatsiyasi |NTM Ochish/sharhlash