Vardatul_jannah🥀

2023-06-27 22:54:59 Жубайр ибн Нуфайр айтади:
"Набий соллаллоҳу алайҳи васалламнинг саҳобалари ҳайит куни учрашсалар бир-бирларига: "Аллоҳ биздан ва сиздан (солиҳ амалларимизни) қабул қилсин", деб айтишарди".

Роббим сиздан ва биздан солиҳ амалларимизни қабул қилсин!
Хайрли,ажрли,муҳаббатли байрам бўлсин!
Байрамнинг файзи,севинчи ва баракоти хонадонингизни тўлдирсин!

ҚУРБОН  ХАЙИТИНГИЗ
   МУБОРАК  БЎЛСИН !

Бугун барқ урар фалакдан иймон,
Бугун ушалмоқда жамийки армон.
Бугун ижобатдир ҳар қайси тилак,
Кириб келаётган  Хайит муборак!

@Vardatul_jannah Ochish/sharhlash

2023-06-27 21:19:42

الله أكبر الله أكبر لا إله إلا الله، والله أكبر
الله أكبر ولله الحمد

Арафа куни бомдод намозидан бошлаб,
27-июнь
28-июнь
29-июнь
30-июнь
1-июль
байрамнинг тўртинчи куни аср намозигача ҳар фарз намоздан кейин,23 вақт ташриқ такбири айтмоқ вожибдир!

Ташриқ такбири ушбудир:
Аллоҳу акбар! Аллоҳу акбар!
Ла илаҳа иллаллоҳу валлоҳу акбар!
Аллоҳу акбар ва лиллаҳил ҳамд!

Уйингизда овозингизни чиқариб ташриқ такбири айтиб, аҳлингизга ҳам буни эслатинг!

Зеро саҳобалар ушбу кунларда бозорларда, одам кўп, гавжум жойларда баланд овозда ташриқ такбирини айтиб, атрофдагиларга эслатар эдилар.

@Vardatul_jannah Ochish/sharhlash

2023-06-27 19:32:23 ~Arafa kuni aytiladigan duo~

لَا إِلَهَ إِلَّا اللهُ وَحْدَهُ لَا شَرِيكَ لَهُ، لَهُ
الْمُلْكُ وَلَهُ الْحَمْدُ، وَهُوَ عَلَى كُلِّ شَيْءٍ قَدِيرٌ

Nabiy sollallohu alayhi vasallam dedilar: "Duoning eng yaxshisi arafa kunidagi duodir.
Men va mendan oldingi Paygʻambarlar aytgan eng yaxshi soʻz
"Laa ilaaha illallohu vahdahu laa shariyka lah lahul mulku va lahul hamdu va huva aʼlaa kulli shayʼin qodir" soʻzidir".

Imom Termiziy rivoyat qilganlar

Duoning maʼnosi: Allohdan oʻzga iloh yoʻq, Uning Oʻzi yolgʻizdir, Uning sherigi yoʻqdir, barcha mulk Unikidir va hamd Ungadir, U hamma narsaga qodirdir

@Vardatul_jannah Ochish/sharhlash

2023-06-26 18:12:24 АРАФА КУНИ ИМКОН ТОПГАНЛАР УЧУН РЕЖА

1. Арафа кечаси (ёлғон арафа куни) барвақт ухланг!

2. Эртаси куни саҳарлик қилиш учун саҳарда туринг.

3. Ҳеч йўқ 4 ракаат таҳажжуд намозини ўқинг! Бошингизни саждага қўйиб дунё ва оҳират яхшилигини сўранг! Шундай кунларга етказганига  ҳамдлар айтинг!

4. Бомдод вақти киргунча «Саҳарларда Аллоҳга истиғфор айтадиган кишилар» (Оли Имрон,18-оят)дан бўлиш учун истиғфор билан машғул бўлинг!

5. Бомдод азонидан беш дақиқа олдин сиз намозга тайёр бўлинг! Тасаввур қилинг таҳоратингизнинг охирги томчиси билан таҳорат аъзоларингизнинг барчасидан гуноҳларингиз оқиб тушиб кетяпти.

6. Таҳоратдан сўнг айтиладиган дуони айтинг!

7. Бомдодни ўқинг! Саломдан кейиноқ такбиру ташриқни айтинг!

8. Сўнг жойнамозда қуёш чиққунга қадар Қуръон, тонги зикрлар билан машғул бўлинг! Кун чиқиб ўн беш дақиқа ўтгандан сўнг...

9. Ҳаж ва умра савоби ёзилиши учун Ишроқ намозини ўқинг!

10. Сизни энди танлаш ҳуқуқингиз бор. Агар ухламасдан шу кунни ўтказа олсангиз , ухламанг! Ҳар сониянгиз ғанимат билиб  зикр, дуолар қилинг! Ва ижобатига ишонинг!

11. Ёки Аллоҳга ибодат қилиш учун куч тўплаш нияти ила бир соат ухлаб олинг!

12. Сўнг уйғониб таҳорат олинг! Энг ози тўрт ракаат Зуҳо намозини ўқинг. Такбир, зикр, тиловатни айниқса:

«Ла илаҳа иллоллоҳу Ваҳдаҳу лаа шарийка лаҳ Лаҳул мулку ва лаҳул ҳамду ва Ҳува аъла кулли шайъин Қодийр »ни кўпайтиринг.

13. Пешин намозини ўқинг! Такбир айтинг! Қуръонни бир оз тиловат қилинг!

14.Арафотда ҳожилар учун қилинувчи арафа хутбасини агар имконият топсангиз жон қулоғингиз билан эшитинг!

15. Асрни ўқинг! Такбир айтиб кечки зикрлар, дуолар қилинг!

16. Шом номозига бир соат қолганда Қуръон ўқишни бошланг! Ҳушуъ ила дуолар қилинг!

17. «Эй, Роббим  шу куннинг қуёши ботар экан, мен жаҳаннамдан озод бўлиб, жаннатинг ёзилган бандаларинг қаторида ёзгин» деб дуо қилинг!

18. Аллоҳ сизни солиҳ амалларга муваффақ айласин! Дуоларингиз қабул бўлишини биз ҳам сўраб қоламиз!

19. Шомга азон айтилди. Ифтор қилишни бошланг!!!
Ундан олдин кўп дуо қилинг! Ёдингизда бўлсин рўзадорнинг дуоси албатта ижобат бўлади!

20. Бу режани аҳлу оилангиз, яқинларингиз ва жаннатда бирга бўлишни истаган инсонларингизга улашинг!
@Vardatul_jannah Ochish/sharhlash

2023-06-26 18:10:30 Салафлар эҳтиёжларини сўраб дуо қилишни Арафа кунига олиб қўярдилар.

Қанча эҳтиёжлар, орзу-умидлар ва дуолар борки, айнан Арафа куни охирида ижобат қилинган.

Биз рамазондаги Қадр кечаси қачон бўлишини аниқ билмаймиз. Зулҳижжадаги Арафа куни ҳақида эса бизга Аллоҳ таоло аниқ қилиб хабар бериб қўйган.

Шундай экан, сустлик нечун?

Арафа кунининг ашийясида холи қолиш имконингиз бўлса, албатта шундай қилинг.

Ашийя - аср намозидан тортиб шом намозига азон айтилгунига қадар бўлган вақт.

Ашийя - аср намози билан шом намози оралиғидаги вақт.

Солиҳлардан бири шундай дейди:

Арафа кунида қайси дуони қилган бўлсам, бир йил ҳам ўтмасдан (унинг жавобини) оппоқ тонгдек кўрдим.

Ўзларинга ўзларинг яхшилик қилинглар.

@Vardatul_jannah Ochish/sharhlash

2023-06-26 09:26:05 Эртага арафа!

Расулуллоҳ соллаллоҳу алайҳи васаллам: « Арафа кунининг рўзаси ҳажга бормаганлар учун суннат бўлиб, улкан ўлжадир ва икки йилги гуноҳларга каффоратдир.
Расулуллоҳ соллаллоҳу алайҳи васаллам: «Арафа кунининг рўзаси ўтган ва келаси йилги гуноҳларга каффорат бўлишини Аллоҳдан умид қиламан», дедилар.
(Муслим ривояти).

Арафа рўзаси каби муайян нафл рўзаларда савоб тўлиқ бўлиши учун рўза ниятини тунда қилиш авлороқдир.
Аҳли оилангизни Арафа куни рўзасини тутишлари учун саҳарликка уйғотинг!
Саид ибн Жубайр: «Ходимларингизни Арафа куни рўзаси учун саҳарликка уйғотинглар», деб айтардилар.
Зотан, бу онлар Аллоҳ нозил бўладиган, истиғфор қабул бўладиган, дуо ижобат бўладиган ва сўровчига сўрови ато этиладиган онлардир.

Эй Аллоҳ, бизларни фазлу карамингдан мосуво этма!
@Vardatul_jannah Ochish/sharhlash

2023-06-24 15:27:48 Uzoqlarda, ishi ko’p bo’lishiga qaramasdan seni hursand qilish uchun yelib-yuguradigan inson-NE’MATDİR, NE’MAT…
@Vardatul_jannah Ochish/sharhlash

2023-06-24 15:23:23 Sarmoyam yo’q demang, namozingiz bor.
@Vardatul_jannah Ochish/sharhlash

2023-06-22 20:56:35 • Олдингизда гапларингизни султонга етказадиган киши ўтирган бўлса унга султонни ғазаблантирадиган гап айтармидингиз? Йўқ!
• Олдингизда ҳар калимангизни Аллоҳга етказадиган Фаришталар турибди. Шуни эсдан чиқарманг!
Фаришталар Аллоҳга фақат У Зотни улуғлаганингизни xабарини берсин.
@Vardatul_jannah Ochish/sharhlash

2023-06-13 10:32:39 Ҳамма қизларнинг ҳам дадаси менинг дадам каби бўлишини хоҳлардим.

Мактаб даврида кўпчилик қизлар севги-муҳаббат дардига мубтало бўлишади. Ачинарлиси, бу “дард” йигит-қизларни илм олишдан чалғитиб қўяди. Ундан ҳам ёмони кўп ҳолатларда бу “муҳаббат қиссалари”нинг охири хайрли бўлмайди.

Биз ҳам мактабда юқори синфларда, ундан кейин коллежда ўқиган пайтимиз, синфимиздаги қизларни сўраб келадиган йигитлар кўп бўларди. Лекин дугоналарим ичида ҳамма мени сўраб келадиган инсонга ҳавас қилишарди. Чунки уларни охири барибир ташлаб кетадиган, ёлғончи йигитлар сўраб келишса, мени сўраб келадиганим отам эдилар.

Бирорта дугонамнинг дадаси мактабга менинг дадамчалик кўп келмасди. Дадам танаффус пайтлари келиб, мени мактабимиз ташқарисига олиб чиқар, жазирама кунларда менга муздек шарбатлар олиб берардилар. Кейин қўнғироқ чалиниши билан харажатларимга етарли пул бериб, мактабга киргазиб юборардилар. Синфга қўлимда пул ва ширинликлар билан кириб борарканман, кўпчилик дугоналарим менга ҳавас кўзлари билан қарашарди.
Дугоналарим гоҳида ўзлари учрашадиган йигитларининг сифатларини, минадиган машиналарини айтиб мақтаниб қолишарди. Шундай пайтларда мен дадам ҳақларида гапириб мақтанардим. Улар йигитлари ҳақида уйдагилари билиб қолишидан доим қўрқувда, улар ҳақида гапиришдан доим хавотирда юришарди. Мен эса, дадам ҳақида гапиришдан доим хотиржам эдим. Қолаверса улар йигитлари ташлаб кетишидан қўрқишарди. Мен эса, доим ёнимда бўладиган садоқатли ва вафодор дадам борлигидан фахрланардим. Мен улардан кўра ўзимни анча бахтиёр ҳис қилар эдим.

Отам раҳматликнинг елиб-югуришлари, менга бўлган эътиборлари, ғамхўрликлари сабаб ўсмирлик пайтимдан, то турмушга чиқиб кетгунимча бирор йигитга қарамадим. Бирор йигит билан гаплашиш ҳақида ўйлаб ҳам кўрганим йўқ. Йиллар ўтиб билдимки, отам ҳамма ҳаракатларини менинг иффатимни, ор-номусимни сақлаш учун, мени чиройли ҳолатда турмушга бериш учун қилган эканлар. Ҳамма қизларнинг ҳам дадаси менинг падарим каби бўлишини хоҳлардим...

Доктор Абдуллоҳ Муҳаммад Абдулмуътининг “Фарзанд тарбиясидан 700 та сабоқ” китобидан.

@Vardatul_jannah Ochish/sharhlash