Vardatul_jannah🥀

2023-07-04 18:07:47 @Vardatul_jannah Ochish/sharhlash

2023-07-04 17:51:39 Ҳамда Аллоҳ уларнинг қалбларини бирлаштирган Зотдир. Агар ер юзидаги ҳамма нарсани сарф қилсанг ҳам, уларнинг қалбларини бирлаштира олмас эдинг. Лекин Аллоҳ уларни бирлаштирди. Албатта, У ғолиб ва ҳикматли Зотдир.
Анфол сураси
@Vardatul_jannah Ochish/sharhlash

2023-07-04 15:31:43 МЕНИНГ  СИНГЛИМ
       
Яноғида бинафшалар очилади,
Ифоридан райҳон ҳиди сочилади,
Эсга олиб , кўзимда ёш томчилади,
Сингилларнинг энг сараси менинг синглим.

Бир оҳ десам , ҳатто жонин фидо этар,
Илтижоси яратганга бориб етар,
Кулишлари волидамга ўхшаб кетар,
Сингилларнинг энг сараси менинг синглим.

Куюниб зор боқар йўғу , камимизга,
Қуёшдек тенг меҳр берар ҳаммамизга,
Киприклари ўхшаб кетар аммамизга,
Сингилларнинг энг сараси , менинг синглим.

Юрагини босмасин ҳеч алам , дейман,
Сен дунёда энг чиройли санам дейман,
Жонимизни ўйлар кичик онам дейман,
Сингилларнинг энг сараси , менинг синглим.

Яратганим омон сақла сирдошимни,
Майли унга олиб бергин бардошимни,
Илтимосим оқизмагин кўз ёшини,
Сингилларнинг энг сараси менинг синглим.

У жилмайса яшнайди бу ярим кўнглим,
Сингилларнинг энг гўзали менинг синглим.


Сингил бўлмоқ мунча яхши
@Vardatul_jannah Ochish/sharhlash

2023-07-01 16:25:58 Қанчалар бахт,
Дардни берган Зот билан дардлашмоқни билмоқ…
@Vardatul_jannah Ochish/sharhlash

2023-07-01 13:10:04 Вафо-бу дунёга нима учун келганингни билмоқ ва унга кўра яшамоқдир!
@Vardatul_jannah Ochish/sharhlash

2023-06-30 22:56:15 «Қалб ҳам бадан каби касал бўлади, унинг шифоси тавба ва ҳимиятдадир. Худди ойна каби шалтақ бўлади, уни ярқиратиш зикр биландир. Худди жисм каби ялонғоч қолади, унинг зийнат-либоси тақводир. У худди бадан каби оч қолади, ташналикда қолади, унинг таоми ва шароби маърифат ва муҳаббат, таваккул, иноба ва хизматдир».

Ибнул Қоййим «Фавоид», 1/98.

@Vardatul_jannah Ochish/sharhlash

2023-06-30 15:52:05 Япон тилида “басит, аҳамиятсиз, бетайин” каби сўзлар йўқ. Чунки яшаш тарзида учрамаган нарса луғатга ҳам кирмайди. Худди ўзбек тилидаги “истихола” сўзи каби. Ўзбек тилидан бошқа тилда бу сўз йўқ. Кўп миллатларни кўрдим, фақат ўзбеклардагина истихолага дуч келдим. Айниқса, туркларда умуман бир нарсадан тортиниш, истихола килиш деган тушунчани ўзи йўқ. Истихола қилиб турган бирини кўрса, бу “эзик” дейишади.

Ахлоқ ва одоб қотилига айланиб кетаётган бу дунёмизда бирдан кўнглим япон бўлишни тусаб қолди. Нега?

Ҳажга кетаётган эдик. Аэропортда паспорт назоратидан ўтяпмиз, гуруҳимиздаги бир опа тинимсиз бир нималар еб-ичиб, ахлатини оёғини остига ташлаб кета бошлади. Атрофда ҳар хил миллат бор, инглизлар, японлар... Улар ғалати-ғалати қараб қўяётган эди. “Туғба хоним, ахлатингизни менга беринг, ахлат кутисига ташлаб келаман”, — дедим секингина. “Қўявер, ҳеч кимга сездирмасдан, кўрсатмасдан отиб юбораяпман”, — деди.

Аллоҳ-чи?!

У ҳам сезмай қоляптими, кўрмай қоляптими, ажабо? Баъзан қилаётган амалларимизни.

Пайғамбаримиз соллалоҳу алайҳи ва салламдан: “Одоб нима?” – деб сўрашганида “Диннинг ярмиси”, – деб жавоб берган эдилар. Яримта дин билан ҳажга кетяпмиз...

Японияда ҳеч ким майда-чуйда ахлатларни ҳам йўлларга ташламайди, ахлат қутисига ҳам отмайди. Сумкасига солиб уйига олиб келади ва уйидаги мусорга ташлайди. Японлар ҳамма нарсага аҳамият беради, қиймат беради, ҳеч кимга бетайин деб қарамайди. Ўша учун ҳам бу сўзлар луғатига кирмаган. Динимизнинг ярми ўша тарафларга қочиб кетаётгандек...

Япониядан нефть чиқмайди, газ, тилла конлари йўқ, аммо бой мамлакат – одоб захиралари бор. Бундан 10 йил аввал америкалик 6 нафар профессор Японияга боришади. Фақатгина бир мақсадда японлар қандай қилиб муваффаққият ва тараққиётга эришмоқда, буни ўрганиш учун боришганди. Яна қаршиларига японларнинг ахлоқи чиқиб келди. Улар ўз ишини, касбини, ҳалолликни ибодат даражасида қилишарди.

Япон аёллари университетда профессор бўлса ҳам, эрталаб вақтли туриб эрига нонуштани ўзи тайёрлайди ва эрининг оёқ кийимларини тозалайди. Эрталаб уйидан аёлининг меҳри ва ҳурмати билан нонушта қилган киши, албатта, бундан руҳланади ва бор имкониятини ишига касбига беради. Сир эди бу ҳам.

Жалолиддин Румийга кўра: “Одоб – ақлнинг ташқи либосидир”. Либосларимиз ҳам у тарафларга қочиб кетаётгандек. Ҳа, биз динимизни яхши биламиз, беш маҳал намоз ўқиймиз. Бироқ, намоз бир кунда беш маҳал, одоб эса йигирма тўрт соат фарздир.

Марзия САЙДАМ

@Vardatul_jannah Ochish/sharhlash

2023-06-30 10:50:49 Оналарга ва оналарнинг оналарига насиҳат:

Болаларга дадасини ёмонламанг, гарчи у сизнинг наздингизда энг ёмон инсон бўлса ҳам!
У гапларни сиз унутасиз, аммо болалар хеч қачон унутмайдилар.
Яна энг муҳими, уларга дадасини ёмонлаб, ёмонлаб охирида сен даданга ўхшайсан деманг.

Сиз бу шаклда эрингизга ёки куёвингизга эмас, ўз болангизга ёки неварангизга ёмонлик қилиб, қалбида чуқур, хеч қачон битмайдиган бир яра очмоқдасиз…

Дадаларга ва уларнинг оналарига насиҳат!

Болаларга онасини ёмонламанг, гарчи онаси сизнинг наздингизда яхши инсон бўлмаса ҳам.
Сиз ҳаммасини унутасиз, аммо бола умрининг охиригача ота-онасига чапланган балчиқни унутмайди, унутолмайди.

Болалар ота-онасини ўз дунёсидаги энг мукаммал инсон деб билади.
Ота-онасига отилган тошлар энг кўп уларни жарохатлайди.
Болаларнинг дунёсини хонавайрон қилишга хеч кимнинг ҳаққи йўқ!

Оналар қизларингизни турмушга узатаётганда уларга
“~Болаларинга дадасини ёмонлама
~Болаларингни ёнида жуфтинг билан тортишма
~Уларни гувоҳлигида хеч бир шаклда жуфтингни бехурмат қилма
~Ҳақли бўлсанг ҳам жуфтинга танбеҳ бериб, мулзам қилма! ” деб насиҳат қилиш, сизнинг сеп-сидирғадан аввалги вазифангиздир…

Осиё Абдулазим қизи
@Vardatul_jannah Ochish/sharhlash

2023-06-28 11:13:50 Узоқлар яқин бўлсин,
Қалблар севги ила тўлсин.
Баракотли, муҳаббатга тўла, гўзал бир байрам бўлсин.
Қурбон байрамингиз мубарок бўлсин!!!

@Vardatul_jannah Ochish/sharhlash

2023-06-28 08:15:18 Байрамингиз шакар бўлсин!

Ассаламу алайкум ва роҳматуллоҳ.
Роббимга минг-минг шукрлар бўлсин, бизни яна энг улуғ кунларда бирлаштирди.

Бизни яна арафа куни рўзасига,
Қурбон ҳайитининг севинчига лойиқ кўрди.

Бу кунларга милёнлаб бандалар етишолмади.
Баъзилари ўлим сабаб,баъзилари эса ҳидоятсизлик сабаб.
Бизни ушбу улуғ кунларга лойиқ кўрган Роббим,
жаннатларига ҳам лойиқ кўрсин.(амийн)

Жаннатида ҳам бирлаштирсин,жамласин.
Байрамимизнинг давомини жаннат боғларида ҳам севина-севина нишонлайлик.(амийн)

Кўнглимиздан ўтиб, кафтларимизга тўкилган бутун ҳайрли дуоларимизнинг
ижобатини тез кунда кўзимизда ёш билан қарши олиш бутун аҳли исломга насиб бўлсин.(амийн)

Дарди борларга бу байрам шифо бўлсин.(амийн)
Қарзи борларга бу байрам нажот бўлсин.(амийн)
Фарзандсизларга бу байрам фарзанд бўлсин.(амийн)

Мусибатдагиларга бу байрам офият бўлсин.(амийн)
Соғинчдан қалби пораларга бу байрам висол бўлсин.(амийн)

Муҳожирларга бу байрам ватан бўлсин.(амийн)
Гуноҳлардан покланган қалб билан байрамни нишонлашни Роббим тақдир қилсин.(амийн)

Кимни қаерда нима истаги бўлса ҳаммаси бу байрам ато этилсин.(амийн)

Солиҳ амалларингиз қабул,
Қурбон байрамингиз муборак бўлсин.!

Муҳаббатли, xайрли, офиятли,
афвли,
шакардек тотли байрамлар..!
Осиё Абдулазим қизи
@Vardatul_jannah Ochish/sharhlash