UzTadqiqot

2022-10-09 05:38:51 Олий таълимдан кейинги таълим институтлари стажёр-тадқиқотчилик, таянч докторантура, докторантура ва мустақил изланувчиликка ҳужжат топширмоқчи бўлган талабгорлар диққатига!

Ўзбекистон Республикаси Вазирлар Маҳкамасининг 2017 йил 22 майдаги 304-сон қарори талабларига мувофиқ 2023 йил 1-чорак учун олий таълимдан кейинги таълимнинг барча шаклларига Ягона электрон тизим (phd.mininnovation.uz) орқали онлайн ҳужжатлар топшириш бошланди.

Ҳужжатлар жорий йилнинг 15 сентябридан 15 октябрига қадар Ягона электрон тизими орқали қабул қилинади.

стажёр-тадқиқотчилик — ишлаб чиқаришдан ажралган ҳолда тегишли ихтисослик бўйича илмий ва илмий-ижодий изланишларни олиб бориш ва фалсафа доктори (PhD) илмий даражасини олиш учун изланувчини тайёрлаш шакли;
таянч докторантура — фалсафа доктори (Doctor of Philosophy (PhD) илмий даражасига даъвогар изланувчилар учун ишлаб чиқаришдан ажралган ҳолда ташкил этиладиган олий малакали илмий ва илмий-педагог кадрлар ихтисослиги бўйича олий таълимдан кейинги таълим шакли;
докторантура — фан доктори (Doctor of Science (DSc) илмий даражасига даъвогар изланувчилар учун ишлаб чиқаришдан ажралган ҳолда ташкил этиладиган олий малакали илмий ва илмий-педагог кадрлар ихтисослиги бўйича олий таълимдан кейинги таълим шакли;
Мустақил изланувчилик – фалсафа доктори (Doctor of Philosophy (PhD) ёки фан доктори (Doctor of Science (DSc) илмий даражаларига даъвогар изланувчилар учун ишлаб чиқаришдан ажралмаган ҳолда ташкил этиладиган олий малакали илмий ва илмий-педагог кадрлар ихтисослиги бўйича олий таълимдан кейинги таълим шакли.

@uztadqiqot Ochish/sharhlash

2022-10-08 08:40:43 Олий таълимдан кейинги таълим бўйича муҳим саволларга жавоблар

АОКА ҳузуридаги штабда Инновацион ривожланиш вазири биринчи ўринбосари Шароф Ражаббоев иштирокида бўлиб ўтган брифингдан муҳим маълумотлар:


Таянч докторантурага (PhD) онлайн қабул ҳали ҳам давом этяптими?

Ҳужжатлар ОТМ ва ИТМ қабул комиссияси томонидан 15 сентябрдан 15 октябргача бўлган даврда қабул қилинади.


Мустақил илмий изланувчиликка фақатгина педагогик стаж бўлиши керакми?

Фан доктори (DSc) илмий даражасини олиш учун мустақил изланувчиликка расмийлаштиришда илмий-педагогик стаж талаб этилмайди.


Мустақил изланувчиликка хужжатлар топшириш қачондан қачонгача давом этади?

ОТМ ва илмий ташкилотлар талабгорларнинг мустақил изланувчиликка ҳужжатларини 15 сентябрдан 15 октябргача, 15 январдан 15 февралгача, 15 апрелдан 15 майгача, 15 июлдан 15 августгача бўлган даврларда қабул қилиши мумкин бўлади.


Таянч докторантурага киришга ҳужжат топширишда мақолалар конференцияларда чиққан бўлса ҳам бўладими?

Бўлади. Вазирлар Маҳкамасининг 2017 йил 22 майдаги 304-сон қарорининг 1-иловаси 3 боб 9-бандида берилган.


Стажёр-тадқиқотчиликка квота сўраш учун кимга мурожаат қилиш керак?

Стажёр-тадқиқотчилик квоталарига талабномалар бўйича ОТМ
ва илмий ташкилотлар ўзининг юқори турувчи вазирлик ва идораларга мурожаат этади.


Таянч докторантура ва мустақил изланувчиликка талабгорга қўйиладиган талаблар нималардан иборат?

Вазирлар Маҳкамасининг 2017 йил 22 майдаги 304-сон қарорининг
1-иловаси 3-боб 9-12 бандларида талабгорларга қўйиладиган талаблар келтирилган.


Илмий унвонга эга бўлган PhD нечтагача изланувчига илмий раҳбарлик қилиши мумкин?

Биринчи марта раҳбарлик қилаётган бўлса, 1 та ва фаолиятидаги самарали натижасига қараб максимум 2 та PhD илмий даражасига талабгор бўлган изланувчига раҳбарлик қилиши мумкин.


Яқинда PhD ни ёқлаган киши таянч докторантура учун раҳбарлик қила оладими?

Йўқ. Доцент ёки профессор унвонини олган PhD ёки DSc бўлсагина раҳбар бўла олади.


Мутахассислиги инглиз тили бўлганлар C1 сертификати бўлса имтиҳонидан озод бўладими?

Вазирлар Маҳкамасининг 2017 йил 22 майдаги 304-сон қарорининг
2-иловаси 3 боб 22-бандига асосан таянч докторантурада ўқиш учун талабгорлар мутахассислик ва чет тили (таълимнинг олдинги даражаларида ўрганилган хорижий тил) бўйича кириш имтиҳонлари топширадилар. Талабгорларда IELTS (ўртача балли камида 5,5), TOEFL (РВТ) (567 баллдан кам бўлмаган), TOEFL (iBT) (87 баллдан кам бўлмаган), CEFR (В2 даражадан паст бўлмаган) бўйича тасдиқловчи амалдаги халқаро малака сертификатлари мавжуд бўлганда чет тилидан топшириладиган имтиҳонлардан озод этилади.


Вақтида ҳимоя қилинмаса ёки умуман ҳимоя қилинмаса стипендияни қайтариб бериладими?

Йўқ, лекин илмий раҳбарга нисбатан чора кўрилади. Кейинги йилларда мазкур ташкилотга докторантурага квота бериш давомида салбий қарор қабул қилишга асос бўлади.


Таянч докторантларга ўқиш қачондан бошланади?

Янги календарь йилининг биринчи иш кунидан.


Докторантурада ҳам академик таътил бериладими?

Узоқ муддат бетоб бўлса ёки туғруқ билан боғлиқ ҳолатдагина.

@uztadqiqot Ochish/sharhlash

2022-10-04 06:39:41 Хирш индексини қўтаришнинг 16та усули.

0. Ўзингизни реклама қилишдан уялманг.
1. Биринчи навбатда қизиқарли ва долзарб мавзуларда сифатли оммабоб мақолалар ёзинг. Кўпчилик мақолага унинг мавзусига қараб қизиқади ва ўқийди.
2. Адабиётлар рўйхатини тузишга алоҳида эътибор беринг, иложи борича, катта библиографик рўйхат тузинг. Кўплаб муаллифлар ўзларининг илмий ишларига иқтибослар қидиришади. Аксарият ҳолларда улар ҳам бошқа илмий ишларида сизга ҳавола қилишади.
3. Бошқа бир олим (ҳамкасб) ёки гуруҳ билан “тил бириктирган” ҳолда ўзаро иқтибос олинг.
4. Ўзингизга ҳавола қилишдан тортинманг. Биринчидан, бу Хирш индексини қўтаришга хизмат қилади. Иккинчидан эса ўқувчилар ушбу мавзуда бошқа илмий ишларингиз ҳам борлигини кўришади.
5. Сиз Scopus ёки WoSда мақола нашр этдингизми, дарҳол ҳамкасблар, дўстлар ёки шогирдларга хабар беринг. Ўзингизни реклама қилишдан уялманг.
6. Ижтимоий тармоқларда Scopus ёки WoSда нашр этган мақола хақида маълумотлар жойлаштиринг. Ўзингизни реклама қилишдан уялманг.
7. Илмий анжуманларда қилинган чиқишларда ёки докладларда Scopus ёки WoSда нашр этган мақола хақида айтиб ўтинг. Ўзингизни реклама қилишдан уялманг.
8. ResearchGate («ресерч гейт») – researchgate.net ижтимоий тармоғида рўйхатдан ўтинг ва Scopus ёки WoSда нашр этилган мақолангизни жойлаштиринг. Scopus ёки WoSда нашр этган мақолалар аксарият ҳолатларда пуллик бўлиб, мақолаларни олиш илм ахлига қимматга тушади.
9. Иложи борича мақолани очиқ журналларда «open access journals» нашр қилинг.
10. Мақолани нашр этиш учун ўзингизга мос журнални танланг. Яъни вазифа ва мақсадлари билан танишиб чиқинг, Scopus ёки WoSда индексацияда ўтишини текширинг.
11. Мақолада маълумотлардан фойдаланишга алоҳида эътибор беринг.
12. Муайян мавзулар бўйича муаммоларни батафсил қамраб олган мақолалар ёзинг.
13. Scopus ёки WoSда шахсий профиль очинг, ва унда нашр этган мақолани жойлаштиринг.
14. Мақолалар нашр этишда Фамилия ва Исмингизни ҳар сафар инглиз тилида бир шаклда ишлатинг. Бу қидиришни осонлаштиради.
15. Хирш индексини қўтармоқчи бўлсангиз Фамилия ва Исмингизни алмаштирманг.
16. Жуда бахс ва мунозара келтириб чиқарадиган (ёки ҳатто нотўғри фикрли бўлса ҳам) мақола ёзинг. Мунозара жараёнида сизга хаволалар кўпаяди.

@uztadqiqot Ochish/sharhlash

2022-10-02 07:59:03 Мақсадли докторантура — бир олий таълим ёки илмий муассаса учун етишмаётган илмий даражали кадрларни бошқа муассасада шартнома асосида тайёрлаш.
Мақсадли докторантурага номзодлар буюртмачи ташкилот томонидан тавсия этилади. Бунда, бир ўринга юборилаётган номзодларнинг сони қоида тариқасида камида икки нафар бўлиши лозим.
Мақсадли докторантурага ўқиш учун талабгорлардан ҳужжатлар олий таълим ва илмий-тадқиқот муассасаси қабул комиссияси томонидан ҳар йили 15 сентябрдан 15 октябргача бўлган даврда қабул қилинади.
Докторантурани муваффақиятли якунлаган шахс уни ўқишга юборган буюртмачи ташкилотда камида уч йил ишлаб бериши лозим.

@uztadqiqot Ochish/sharhlash

2022-10-01 15:42:32 Maqolaning asosiy qolipi:

Maqola sarlavhasi
Annotatsiya
Kalit so'zlar
Asosiy qism
Adabiyotlar

@uztadqiqot Ochish/sharhlash

2022-10-01 15:38:56 #Doktorantura_2022

Qabul kvotasi-(ixtisoslik kesimida)

Ilmiy darajali kadrlar tayyorlash tizimida davlat byudjeti mablag‘lari hisobiga o‘qitish bo‘yicha 2023-yil uchun qabul kvotalarining ilmiy va ta’lim tashkilotlari bo‘yicha taqsimoti

@uztadqiqot Ochish/sharhlash

2022-09-26 08:08:24 Мақола ёзиш тартиблари:

Мақола сарлавҳаси
Муаллифларнинг тўлиқ Ф.И.О лари
Муаллифнинг илмий даражалари, лавозимлари, тўлиқ иш жойилари
Аннотация (Абстракт) 100-150 та сўз ёки ундан юқори
Калит сўзлар 15 дона ёки ундан кўп
Кириш қисм (Introduction)
Асосий қисм ( Main part)
Натижалар ва муҳокамалар (Results and Discussions)
Хулоса (Conclusion)
Фойдаланилган адабиётлар (References)
Адабиётлар сони 10 та дан кўп
Мақола ҳажми минимум 7-8 бет. Максимум 30 бетгача.
Мақола Times New Romanда 14 шрифт ва 1.5 интервалда
Мақолалар инглиз тилида қабул қилинди. Агар мақола рус ёки ўзбек тилида бўлса, бизда инглиз тилига таржима хизмати мавжуд.

@uztadqiqot Ochish/sharhlash

2022-09-21 17:24:02 #foydali

Savol: Mustaqil izlanuvchilikka hujjatlar topshirish qachondan qachongacha davom etadi?

Javob: OTM va ilmiy tashkilotlar talabgorlarning mustaqil izlanuvchilikka hujjatlarini 15 sentyabrdan 15 oktyabrgacha, 15 yanvardan 15 fevralgacha, 15 apreldan 15 maygacha, 15 iyuldan 15 avgustgacha boʻlgan davrlarda qabul qilishi mumkin boʻladi.

@uztadqiqot Ochish/sharhlash

2022-09-20 09:28:32 IMRAD СТАНДАРТИ НИМА?

Халқаро илмий журналлар талабларига кўра, илмий мақолани расмийлаштиришда IMRAD стандартига риоя қилиш талаб этилади.

IMRAD стандарти бўйича илмий мақоланинг асосий қисми қуйидаги бўлимлардан иборат бўлиши керак:

Кириш;
Методлар (тадқиқот методлари);
Натижалар (тадқиқот натижалари);
Мунозаралар.

(IMRAD-Introduction, Methods, Results, and Discussion).

Баъзан IMRAD қисқартмасига
А ҳарфи қўшилади, бу Аннотация (Abstract)ни англатади ва АIMRAD деб номланади. Агар мақола назарий тадқиқотларга бағишланган бўлса, у ҳолда Methods (Методлар) бўлими Theoretical Basis (Назарий асослар) билан алмаштирилади.

@uztadqiqot Ochish/sharhlash

2022-09-19 18:30:41 #foydali

IMPACT FACTOR NIMA?

Impact factor (ta'sir omili)-jurnal yoki to'plamning tegishli fan yoki ilmiy muhitdagi qamrovini bildiradi.

Impact factor tushunchasi ilk bora Web of science kompaniyasi tomonidan qo'llanilgan.

Hozirda esa impact factor ilmiy jurnalning darajasini aniqlashga qaratilgan baholovchi mezon hisoblanadi.

Dunyo bo'yicha uning mezonlarini va umuman ilmiy jurnal impact factorini belgilovchi 100dan ortiq kompaniya va xususiy firmalar mavjud.

Ulardan ayrimlari OAK Rayosati qarori bilan tasdiqlangan (№241/8; 28.12.2017 й., №247/3). 

Jurnallarga impact factor berish tizimi ikkita katta guruhga bo'linadi:
1. Yillar davomida keltirilgan iqtiboslar darajasiga asosan: SJIF, Cite factor
2. Qo'yilgan texnik talablarga asosan: Universal impact factor, General impact factor, Global impact factor.

@uztadqiqot Ochish/sharhlash