2023-05-18 10:31:29
Маълумки, шу йилнинг 9 июль куни Ўзбекистон Республикаси Президентлигига муддатидан илгари сайлов бўлиб ўтади. Мазкур сиёсий кампанияни юқори савияда ташкил этиш учун O‘zLiDeP томонидан жойларда тайёргарлик ишлари қизғин тус олмоқда. Ўзбекистон Республикаси Президентлигига O‘zLiDePдан кўрсатилган номзодни қўллаб-қувватлаш борасида сайловчилар имзосини тўплаш ишларини уюшқоқлик билан ўтказишга алоҳида эътибор қаратилмоқда. O‘zLiDeP Тошкент шаҳар ва туман партия ташкилотлари қошида ишчи гуруҳлари ташкил этилди, улар сайловчилар имзоларини тўплаш жараёни учун масъул этиб белгиланди. Имзоларни ўз вақтида тўплаш масаласи белгиланган талабларга мувофиқ равишда Тошкент шаҳрида самарали ташкил этилмоқда. Жумладан, Юнусобод кичик саноат зонасида жойлашган музлатгич ишлаб чиқарувчи “АЗН” корхонасида имзо тўплаш жараёни бўлиб ўтди. Ушбу корхонада O‘zLiDeP бошланғич ташкилоти ташкил этилган бўлиб, ушбу сиёсий жараёнда фаол иштирок этмоқдалар. Дарҳақиқат, Мазкур тадбирларни уюшқоқлик билан ўтказиш учун шаҳар ва туман партия кенгашлари ва бошланғич партия ташкилотлари имкониятларидан самарали фойдаланиш масаласига жиддий эътибор берилаяпти. Имзо тўплаш жараёнида шу нарсага гувоҳи бўлмоқдамизки, бугун сайлов жараёнларига аҳолимиз катта қизиқиш билан иштирок этаётганлиги, мамлакатимизда бўлаётган барча соҳалардаги ўзгаришлар ва амалга оширилаётган улкан ислоҳотларни гувоҳи бўлаётганлиги, аҳолининг эртанги кунга бўлган ишончи яна ҳам ортаётганини катта мамнуният билан таъкидлаш ўринли.
67 views07:31
O
