UzA | Tezkor xabarlar

2022-10-03 13:16:34 Тиббиёт бўйича 2022 йилги Нобел мукофоти Сванте Паабога топширилди

3 октябрдан жорий йил учун Нобель мукофоти совриндорларини эълон қилиш ҳафталиги бошланди.

Швеция қироллик фанлар академияси ҳафталик доирасида тиббиёт ва физиология бўйича 2022 йилги Нобель мукофоти совриндорини эълон қилди. Ушбу йўналишда нуфузли мукофот Макс Планк эволюцион антропология институти академиги Сванте Паабога берилди.

Нобель мукофоти унга «йўқолиб кетган гомининлар геномлари ва инсон эволюцияси ҳақидаги кашфиётлари учун» топширилди.

Каналга уланиш:
@uzauz Ochish/sharhlash

2022-10-03 12:41:15 Ўзбекистон Республикаси Президенти Будапештга жўнаб кетди

Венгрия томонининг таклифига биноан, Ўзбекистон Республикаси Президенти Шавкат Мирзиёев 3 октябрь куни расмий ташриф билан ушбу мамлакатга жўнаб кетди.

Ташриф дастурига мувофиқ Будапешт шаҳрида Венгрия Президенти Каталина Новак билан учрашув ва Бош вазир Виктор Орбан билан музокаралар режалаштирилган.

Бу мулоқотларда стратегик шериклик муносабатларини янада ривожлантириш ва устувор соҳаларда кўп қиррали ҳамкорликни кенгайтиришнинг долзарб масалалари кўриб чиқилади.

Шунингдек, халқаро ва минтақавий аҳамиятга молик масалалар юзасидан фикр алмашилади.

Президентимиз Венгриянинг етакчи компаниялари раҳбарлари билан ҳам учрашув ўтказади.

Каналга уланиш:
@uzauz Ochish/sharhlash

2022-10-03 12:39:35 Интернетда чет эл фуқаролари, жумладан, Марказий Осиё давлатларидан келган меҳнат мигрантларининг Россия Федерациясида ҳарбий хизматга мажбурий чақирилиши ҳақидаги миш-мишлар ҳақиқатга тўғри келмайди.

Россия Федерацияси ИИВнинг сохта буйруғига таяниб, Россияда вақтинча бўлиб турган Ўзбекистон, Тожикистон ва Қирғизистон фуқаролари қисман сафарбар қилиниши, агар шартнома тузишдан бош тортса, гўёки уларнинг ишлашга рухсатномалари бекор қилиниши ва депортация қилиниши ҳақидаги нотўғри хабарлар тарқатилмоқда. 

Россия Федерацияси ҳудудида бўлиб турган Ўзбекистон фуқароларини турли даъватларга эргашмасликка, фақат расмий маълумотларга эътибор қаратишга чақирамиз.

Россиянинг Ўзбекистондаги элчихонаси

Каналга уланиш:
@uzauz Ochish/sharhlash

2022-10-03 07:48:02 Тошкент шаҳридаги Алишер Навоий кўчасида «ақлли фоторадар» ўрнатилди

Австриянинг «Glans Gresselchaft Tashkent» корхонаси томонидан Алишер Навоий кўчасида йўл чизиқларига риоя қилмаслик, тезликни ошириш, уяли телефондан фойдаланиш, хавфсизлик камаридан фойдаланмаслик ва бошқа қоидабузарликларни қайд этувчи ақлли фото ва видеони қайд этиш камералари ўрнатилди.

Бу Тошкент шаҳар ҳокимияти томонидан ушбу кўчада Австрия уомпаниясининг рақамлаштириш бўйича таклифлари доирасида амалга оширилган.

Каналга уланиш:
@uzauz Ochish/sharhlash

2022-10-03 07:10:04 Бугун Тошкентда ёмғир ёғади

Бугун, 3 октябрь куни бутун Ўзбекистон бўйлаб бироз булутли ҳаво кузатилади, баъзи жойларда ўзгариб туради, ёғингарчилик кутилмайди, фақат Тошкент, Сирдарё, Жиззах  вилоятларида баъзи жойларда ёмғир ёғади ва Фарғона водийси вилоятларида кечга тамон бироз ёмғир ёғиши мумкин. Шамол шарқдан 7-12 м/с тезликда эсади. Ҳарорат +21+26 бўлади.

Тошкент шаҳрида ҳаво бироз булутли бўлади, вақти-вақти билан ўзгариб туради, куннинг биринчи ярмида ёмғир ёғади. Шамол шарқдан 5-10 м/с тезликда эсади. Ҳарорат +22+24 бўлади.

Республиканинг тоғли ҳудудларида ҳаво бироз булутли бўлади, баъзи жойларда ўзгариб туради, баъзи жойларда ёмғир ёғади. Шамол шарқдан 7-12 м/с тезликда эсади. Ҳарорат +12+17 бўлади.

Каналга уланиш:
@uzauz Ochish/sharhlash

2022-10-02 14:04:24 Президент Шавкат Мирзиёев АҚШ Президенти Жозеф Байденга таъзия йўллади

Президент Шавкат Мирзиёев Америка Қўшма Штатларининг жануби-шарқий штатларида юз берган кучли "Иэн" тўфони оқибатида кўплаб инсонлар қурбон бўлгани ва жиддий талафотлар кўрилгани муносабати билан Президент Жозеф Байденга таъзия йўллади.

Давлатимиз раҳбари ҳалок бўлганларнинг оила аъзолари ва яқинларига ҳамдардлик билдириб, жароҳат олганлар тез фурсатда соғайиб кетишини тилади.

Каналга уланиш:
@uzauz Ochish/sharhlash

2022-10-02 13:42:26 Президент Шавкат Мирзиёев Индонезиянинг Маланг шаҳридаги "Канжурахан" футбол стадионида юз берган тартибсизликлар натижасида кўплаб инсонлар нобуд бўлгани муносабати билан Индонезия Президенти Жоко Видодога таъзия йўллади.

Каналга уланиш:
@uzauz Ochish/sharhlash

2022-10-02 09:18:48 Шавкат Мирзиёев Венгрия томонининг таклифига биноан 3-4 октябрь кунлари расмий ташриф билан ушбу мамлакатда бўлади.

Каналга уланиш:
@uzauz Ochish/sharhlash

2022-10-01 11:08:14 Шавкат Мирзиёев Хитой Халқ Республикаси ташкил топганининг 73 йиллиги муносабати билан ХХР раиси Си Цзиньпинга табрик йўллади.

Каналга уланиш:
@uzauz Ochish/sharhlash

2022-09-30 18:21:52 Ўзбекистоннинг 4 миллион 400 минг фуқароси мол-мулк ва ер солиғидан 2,7 триллион 798 миллиард 4 миллион сўм қарздор.

Бу ҳақда АОКАда бўлиб ўтган брифингда Давлат солиқ қўмитаси ахборот хизмати раҳбари Дилдора Ҳошимова маълум қилди.

Каналга уланиш:
@uzauz Ochish/sharhlash