2022-11-10 10:27:40
Uyqu mashg'uloti men uchun emas
Bizning kanalimizga a'zo bo'lib, har kuni keladigan otzivlarni o'qib o'tirasiz-u, hatto quchog'ingizda ham tuzukroq uxlamaydigan, juda injiq farzandingizga qarab, bir xo'rsinib qo'yasiz. Uni alohida, o'z yotog'ida mustaqil uxlashi esa siz uchun ro'yodek, go'yo. Shuning uchun ham bizning kanaldagi "3 kunlik sabr, qat'iyat... O'zi uxlay oladi... Sizning yordamingizsiz uxlaydi... Bizga ishoning..." , singari har doim takrorlanuvchi iboralar sizga muttahamlikdek tuyulsa ham ajab emas.
Lekin aslidachi?
Biz qisqa muddat ichida sezilarli natijaga erishganmiz. Hozirda statistikamizga ko'ra, 3000 dan ortiq bolajonlar va oilalar aynan bizning uyqu mashg'ulotimiz sabab orom uyquga erishganlar. Ko'plab onalar aynan siz kabi ishonqiramay, tavakkal bilan kursimiz ishtirokchisiga aylanib, kursimiz so'ngida natijalarni ko'rib, uzundan uzoq duo qilib cheksiz minnatdorchiliklar bildirishadi.
Endi "Orom uyqu" kursi tarixi haqida ham qisqacha to'xtalsak :
Bu kurs, umuman, bu uyqu mashg'uloti bugun yoki kecha o'ylab topilgan kichik bir loyiha emas. Bu asrlar mobaynida sinovdan o'tgan, mutaxassislar tomonidan tasdiqlangan metod asosiga qurilgan mashg'ulot hisoblanadi. Aslida, o'zboshimchalik bilan bunday mashg'ulot yuritishning o'zi bir jinoyat, chunki o'rtada bolaning salomatligi, uning psixikasi singari bir qancha to'lovi og'ir bo'lgan mas'uliyattalab omillar bor. Shu sababdan ham bu mashg'ulot programmasiga nisbatan sayoz yoxud noto'g'ri o'yda bo'lmasligingizni iltimos qilardim.
1959- yili amerikalik olim Mark Vaysblut tomonidan "cry it out", deb nomlangan uyqu metodiga asos solingan. Bu metodning boshqa metodlardan farqi, bunda chaqaloq 3 oydan katta bo'lishi kerak. Bu metod boshqalariga qaraganda o'zining tez va samarali natijasi bilan ham farqlanadi. Metod "shavqatsiz" deya nom olgan. Uning salbiy tomoni, bola va ota-onada vaqtinchalik stress chaqiradi. Chunki bolakayni xonada yolg'iz qoldirib, bir necha daqiqa uni yig'lab, so'ngra charchab uxlab qolishini kutish har qanday ota-onada ham salbiy emotsiyalarni chaqiradi. Lekin tadqiqotlar shuni ko'rsatadiki, o'zining qaysarligi va tobora mukammallashib borayotgan egosi bilan ota-onasini manipulyatsiya qilayotgan bolakaylar mashg'ulotdan so'ng anchagina sokin bo'lib, kamroq qaysarlik qiladigan va kamroq yig'laydigan bo'lib qoladi. Bir so'z bilan aytganda, bu metodga asoslangan mashg'ulot ham bir qaraganda, shavqatsizdek ko'rinishi mumkin, lekin uning ortidagi natija sizni va oila a'zolaringizni albatta quvontiradi.
Shu o'rinda bir narsa haqida yozmasam bo'lmas. Bizning uyqu mashg'ulotimiz Nodira Adhamova tomonidan o'zbek oilalariga, bir so'z bilan aytganda, Markaziy Osiyo ichun moslashtirilgan qoidalar bilan to'ldirilgan. Ya'ni bizning mentalitetimizdan kelib chiqqan holda, Siz qila olishingiz mumkin bo'lgan qoidalar bilan boyitilgan. Shu sababdan qo'rquv va havotirga o'rin yo'q.
Ko'rib turganingizdek, mashg'ulotimiz bugun yoki kecha daromad uchun o'ylab topilgan bir manba emas. Uning tarixi XX asr o'rtalaridan to shu kungacha juda ko'p tadqiqotlar olib borilgan va sinovdan o'tib, o'zining ijobiy natijasi bilan boshqa metodlardan ajralib turadigan Mark Vaysblut metodi asosiga kelib taqaladi. Shunday ekan, aziz Onajonlar, havotirga o'rin yo'q. Biz sizning farzandingizga o'z dilbandimizga nimani ravo ko'rsak, shuni ilinamiz. Bizga ishoning, 3 kunlik qat'iyatingiz ortida Sizni va bolajoningizni davomli OROM UYQU kutmoqda!
@uyqumashguloti
3.9K viewsedited 07:27