Orif Tolipov

2023-04-24 10:28:04

Кеча мана бу постда эслаганимиз Маурисио Почеттино ҳозир "Челси" мураббийлиги учун асосий номзодга айланган. Поч яхши мураббий, аммо ҳали элита мураббийлари сафига кириб улгурмади, менимча. Балки Лондонга қайтса буни уддалар, аммо менга "Челси"да кўпроқ Луис Энрикени кўриш қизиқ бўларди. Кузатайликчи музокаралар нима билан тугайди.

@tolipovuz Ochish/sharhlash

2023-04-24 06:01:27

"Барселона" Ла Лига бу мавсумида 10 та ўйинда 1:0 ҳисоби билан ғалаба қозонган. Чемпионат тарихида фақат учта жамоа бундан кўпроқ (11 тадан) минимал ҳисобли ғалабага эришган. "Севилья" (2020/21)
Атлетико Мадрид (2017/18) ҳамда "Валенсия" (1988/89). Мавсум охиригача каталонияликлар қолганлардан ўтиб кетишса-я...

@tolipovuz Ochish/sharhlash

2023-04-23 19:10:19 Чемпионлик муборак, "Барселона"!

@tolipovuz Ochish/sharhlash

2023-04-23 18:51:56 Аввал Рафинья, кейин Левандовски нима қилди? Орада Гризманн?

Яхши ўйин.

@tolipovuz Ochish/sharhlash

2023-04-23 18:23:51

АПЛда битта гол учун энг кам вақт сарф этаётган футболчилар экан. (10+ голи борлар ҳисобланган).

Ҳоланд энди тушунарли, ўйинлар сонидан голлари кўп. Кейинги кўрсаткич Александр Исаакда экан.

@tolipovuz Ochish/sharhlash

2023-04-23 16:31:30

Раҳбарият ва мураббий ўртасидаги муносабатлардан клуб манфаатлари ва мақсадлари куймаслиги кераклигига яна бир ёрқин мисол бу - "Тоттенҳэм".

Лондонликлар ҳеч қачон супертоп клуб бўлишмаган, аммо шу даражага яқин келай деганларида, 2019 йил Маурисио Почеттинони исътефога чиқариб, Жозе Моуриньони ишга олишганди. ЧЛ финалидан 5 ой ўтиб-ўтмай шу ишни қилишган. Ўшанда клуб раҳбари Даниэль Лэви ва мураббий ўртасидаги ўзаро муаммолар сабаб бўлганди истеъфога. Шундан буён "Тоттенҳэм" Почеттино давридаги мавқеини тиклай олмади.

Ҳозир бўлаётган учрашувда "Тоттенҳэм" 20 дақиқа ўйин вақтида "Ньюкасл"дан 5 та гол ўтказиб ютқазмоқда.

Даҳшат!

@tolipovuz Ochish/sharhlash

2023-04-23 14:37:29 "Евротур" дастурининг сўнгги сонида мен - "Хави кадрлар муаммосига учрар экан экан таркибга Ла Масиядан ҳеч кимни жалб қилмаяпти, ҳозир биз иқтидор деб атаётган Педри, Гави ёки Фати кабилар таркибга (Вальверде, Сетьен ёки) Куман даврида жалб қилина бошланган. Нима Ла Масияда иқтидорлар қолмадими?", - дегандим.

Ўзи вазият шунга қараб кетаётганди, мана Хави 2007 йилда (!) туғилган Ламине Ямал исмли ўсмирни "Атлетико"га қарши учрашув қайдномасига киритибди.

Балки у майдонга тушар, балки йўқ... бу муҳим эмас. Муҳими Каталония футбол қадриятларининг ажралмас бўлаги ҳисобланадиган ёш иқтидорларни оммага тақдим этиш давом этади. Кўрамиз!

Ўйин эса зўр бўлади, албатта кўринг. Соат 19:15дан бошлаб!

@tolipovuz Ochish/sharhlash

2023-04-23 12:58:18 Асрларни боғлаб турадиган футболчилар ҳам бор. Масалан, бразилиялик Роналдо. У фаолияти мобайнида 88 маротаба дарвозабонларни алдаб ўтган экан. Барчасида якун гол бўлганига нима дейсиз. Мен бу фактни мана бу ердан билдим.

https://t.me/FutbolSportJamiyat/8921

Умуман шу телеграм канални кузатишни тавсия бераман. Қизиқарли маълумот, ўринли мулоҳазалар бериб борилмоқда. Кузатиб кўринг. 

https://t.me/FutbolSportJamiyat Ochish/sharhlash

2023-04-23 11:40:00

Ҳозир "Реал"нинг энг яхши футболчиси ким?

Кеча "Сельта"ни ўз майдонида осонгина енгган "Реал" таркибида энг яхши футболчи наздимда Эдуардо Камавинга эди. Тўпни олиб қўйиш, ҳужумни бошлаш, узоқ масофага узатмалар ва шунчаки пасларда у даҳшат самарадорлик кўрсатди. Ташкилотчилар Ассенсиони MOTM деб топишди. У ҳам ҳақли эди албатта - гол+ассист бор эди ахир унда.

Умаман сўнгги ўйинларда Винисиус ҳам майдонни фойдали ҳаракатсиз тарк этмаяпти. Кеча ва "Челси"га қарши ўйинларда ассистни ёзган ўз ҳисобига.

Феде Валверде ҳам ёрқин. Родриго умуман энг кўп ўсган футболчидир балки. Милитао ўз позициясида ҳозир дунёда зўрлардан бири. Бензема рамазонни юқори темпда ўтказгани рост. Куртуа ҳам доимгидек ўз ҳиссасини қўшмоқда жамоа натижаларига.

Хўш, ўзи клубнинг айни дамдаги энг яхши футболчиси ким?

Қуйида бу саволга Сиз жавоб бериб кўринг. Менга натижалар қизиқ жуда.

@tolipovuz Ochish/sharhlash

2023-04-23 07:11:01

Кеча ими-жимида "Манчестер Сити" Англия кубоги 1/2 финалида "Шеффилд"ни 3:0 ҳисобида енгди. Барча голларни (Ҳоланд эмас) Риёд Маҳрез урган. Жазоирлик футболчи сўнгги ўйинларда захирада қолиб келаётганди.

Пеп Гвардиола жамоаси доимгидек қўрқинчли. Қайсидир нуқтада ўзи билан уришиб қолмаса испаниялик мутахассис балки мақсадига етиши мумкин. Балки...

@tolipovuz Ochish/sharhlash