ССВ матбуот котиби| Эмланиш – соғлик кафолати!

2023-05-01 12:05:47 ​“Омикрон”нинг янги субвариантини аллергиядан қандай фарқлаш мумкин?

Аввал хабар берганимиздек, шу кунларда дунё бўйлаб “омикрон” штаммининг янги — ХBB.1.16 версияси кенг тарқалмоқда.

Хусусан, “Арктур” деб номланаётган ушбу мутация ўта юқумли бўлиб, ҳозир АҚШда қайд этилаётган жами коронавирус версияларининг 9,6 фоизини ташкил қиляпти.

Америка офтальмология академияси маълумотларига кўра, кўзларнинг қизариши (конъюнктивит) бу субвариантга хос асосий аломатлардан бири. Айниқса, болаларда мазкур симптом яққол намоён бўляпти.

Мутахассисларнинг таъкидлашича, агар ўғил-қизларда кўзлар қичишиши ва қизариши кузатилса, улар СOVID-19 учун ПЗР-тест топширишлари керак. Аммо бу аллергия белгилари билан ўхшаш эканлигини ҳам ёддан чиқармаслик керак.

Иситма коронавирусга тааллуқли аломатдир. “Арктур”да бу симптом янада кучлироқ кечади.

Демак, беморнинг кўзлари қизариши, юқори тана ҳарорати — коронавирусни аллергиядан ажратиб турувчи бир жиҳат. Чунки мавсумий аллергик реакцияларда одатда иситма кузатилмайди. Аниқ ташхис қўйиш учун эса тегишли тиббий текширувлар талаб этилади.

Соғлиқни сақлаш вазирлиги
Матбуот хизмати.

@ssvuz | @ssvmatbuotkotibi | Facebook | Instagram Ochish/sharhlash

2023-05-01 10:49:06 ССВ: Қашқадарё болалар кўп тармоқли тиббиёт марказининг янги бўлимида илк юқори технологияли кардиохирургик амалиётлар ўтказилди

Бир муддат олдин Соғлиқни сақлаш вазири Амрилло Иноятов Қашқадарёга хизмат сафари чоғида вилоят болалар кўп тармоқли тиббиёт марказида бўлиб, бу ерда йўлга қўйилаётган болалар кардиожарроҳлиги бўлими фаолияти билан танишгани ҳақида хабар берган эдик.

Куни кеча марказда дастлабки икки юқори технологияли операция бажарилди.

Қашқадарёда бу йўналишдаги илк операциялар туғма юрак нуқсонидан азият чекиб келган беш ёшли Умиджон ва уч ёшли Зеҳнияда бепул ўтказилди.

Уларда "Юракда очиқ юқори технологияли операция, сунъий қон айлантириш ускунаси ёрдамида нуқсонни пластика қилиб ёпиш" амалиёти муваффақиятли бажарилди. Айни пайтда болаларнинг аҳволи яхши.

Шу пайтгача қашқадарёликлар бундай операциялар учун пойтахтга боришарди. Эндиликда уларнинг узоғи яқин, мушкули осон бўлди.

Соғлиқни сақлаш вазирлиги
Матбуот хизмати.

@ssvuz | @ssvmatbuotkotibi | Facebook | Instagram Ochish/sharhlash

2023-05-01 09:18:45 Референдумнинг дастлабки натижаларига кўра, 15 040 055 нафар фуқаро ёки овоз беришда қатнашганларнинг 90,21 фоизи янги таҳрирдаги Конституцияни ёқлаб овоз берди. Бу ҳақда МСК раиси маълум қилди.

Соғлиқни сақлаш вазирлиги
Матбуот хизмати.

@ssvuz | @ssvmatbuotkotibi | Facebook | Instagram Ochish/sharhlash

2023-05-01 08:17:41 ​ Якунланган ҳафта давомида каналимизда эълон қилинган энг муҳим хабарлар дайжести

Юртимизда ҳар йили хусусий тиббиёт муассасалари сони ўртача 600-700 тага ортмоқда

Самарқандда Ўзбекистон — Жанубий Корея халқаро тиббиёт форуми ўтказилади

ЖССТ юртимизда тиббиёт трансформацияси учун яқиндан кўмак беришга тайёр

ССВ: “Roche” компанияси билан ҳамкорлик меморандуми имзоланди

26-27 май кунлари Ўзбекистон — Германия халқаро тиббиёт форуми ўтказилади

2025 йилга бориб, дунёда ҳар икки кишидан бири аллергиядан азият чекиши мумкин

Ўзбек травматологлари Италиядан янги инновацион муолажа усулларини ўрганиб қайтди

Тошкентда энг яхши ҳамширалар аниқланди

Ўзбекистонда Репродуктив тиббиёт ва генетика институти ташкил этилди

Германиянинг нуфузли клиникалари билан хирургия ва онкология соҳасида ҳамкорлик йўлга қўйилди

Тиббий суғурта тизими Сирдарё тиббиёт муассасаларига молиявий мустақиллик бермоқда

Соғлиқни сақлаш вазирлиги
Матбуот хизмати.

@ssvuz | @ssvmatbuotkotibi | Facebook | Instagram Ochish/sharhlash

2023-04-30 17:30:55 Президент Шавкат Мирзиёев оила аъзолари билан бирга Конституция референдумида овоз берди.

—————

Президент Шавкат Мирзиёев вместе с членами семьи проголосовал на референдуме по Конституции.


@ssvuz | @ssvmatbuotkotibi | Facebook | Instagram Ochish/sharhlash

2023-04-30 10:03:29 Ochish/sharhlash

2023-04-30 08:02:49 ​Қандай маҳсулотлар кучли аллерген ҳисобланади?

Илмира Разикова,
Республика илмий ихтисослаштирилган аллергология маркази директори:

— Озиқ-овқат аллергияси маҳсулотлар таркибидаги оқсил ва оқисилсимон моддалар таъсирида вужудга келади. Масалан, болаларда касаллик кўпинча онанинг ҳомиладорлик ёки эмизикли даврида нотўғри овқатланиши сабабли ривожланади.

Чақалоқ сунъий аралашмалар билан озиқлантирилса, чала туғилса ёки ошқозон-ичак, ўт, жигар касалликларидан азият чекса ҳам, озиқ-овқат аллергияси юзага келиши мумкин.

Қолаверса, болалар севиб истеъмол қиладиган сигир сути — кучли аллергия қўзғатувчи маҳсулот. Таркибида f2, Bos d 4, Bos d 5, Bos d 6, Bos d 8, Bos d 9, Bos d 10, Bos d 11, Bos d 12 аллергенлари мавжуд. Уларга 5-6 ёшгача бўлган ўғил-қизларда аллергия кузатилади.

Товуқ тухуми ҳам кенг тарқалган аллергенлар жумласидан. У овальбумин, овомуеоид, овотрансферрин ва овомуцин оқсиллар гуруҳларини ўз ичига олади. Бу моддалар молекуляр даражада ўрганилганда, Gal d1, Gal d2, овомукоид, Gal d3, Gal d4 аллергенлари реакцияларни юзага келтириши маълум бўлди.

Балиқ — кучли антиген. Унинг гўштида парваальбумин ва тропомиозин оқсил гуруҳлари мавжуд. Молекуляр даражадаги ўрганишлар унинг таркибида Cyp c1, Gad c 1, Gad m 1 аллергенлари борлигини тасдиқлади.

Буғдой ва соя ҳам баъзида аллергик реакцияларни келтириб чиқаради. Масалан, соя таркибини молекуляр даражада ўрганиш натижасида унинг таркибида Gly m 1, Gly m 5, Gly m 6 аллергенлари мавжудлиги аниқланди.

Гўшт маҳсулотлари орасида эса парранда гўшти бошқаларига нисбатан кўпроқ антиген хусусиятга эга.

Цитрус мевалар, қулупнай ва ертут ҳам кўпроқ аллергия қўзғайди. Ёнғоққа аллергияси бўлганларнинг аксарияти эса ушбу мева дарахти чангига ҳам таъсирчан бўлади.

Катталарда аллергия ривожланишига сабаб бўлувчи озиқ-овқат маҳсулотларидан биринчиси ерёнғоқдир. Бу маҳсулот кўп ҳолларда анафилактик реакцияни келтириб чиқаради. Ундан сўнг турли хил ёнғоқлар, кунжут, асал, шафтоли, узум, малина, сабзи, шоколад, кофе ва какао аллергия чиқарувчи маҳсулотлар рўйхатидан жой олган.

Аллергиянинг асл сабаби иммунитетнинг генетик даражада бузилиши ҳисобланиб, у насл суради ёки фавқулодда пайдо бўлади.

(Давоми бор!)

Соғлиқни сақлаш вазирлиги
Матбуот хизмати.

@ssvuz | @ssvmatbuotkotibi | Facebook | Instagram Ochish/sharhlash

2023-04-29 16:16:02 Am 26. und 27. Mai dieses Jahres wird in der alten und ewig jungen Stadt Samarkand das usbekisch-deutsche Internationale Medizinforum stattfinden.

Es wird erwartet, dass diese prestigeträchtige Veranstaltung eine Plattform für breite Möglichkeiten wird, die Zusammenarbeit in diesem Bereich auf eine neue Ebene zu bringen.

Pressedienst des
Gesundheitsministerium.

—————

Жорий йилнинг 26-27 май кунлари кўҳна ва ҳамиша навқирон Самарқанд шаҳрида Ўзбекистон-Германия халқаро тиббиёт форуми бўлиб ўтади.

Мазкур нуфузли тадбир ушбу соҳадаги ҳамкорликни янги босқичга олиб чиқиш учун кенг имкониятлар майдонига айланиши кутилмоқда.

Соғлиқни сақлаш вазирлиги
Матбуот хизмати.

@ssvuz | @ssvmatbuotkotibi | Фейсбук | Инстаграм Ochish/sharhlash

2023-04-29 14:24:54 Около 100 ученых и экспертов из 15 стран мира...

Предложения по развитию частной медицины...

Обсуждения, посвященные вопросам репродуктологии, андрологии, эмбронологии и репродуктивной генетики...

Открытие первого в Узбекистане Института репродуктивной медицины и генетики...

Обо всем этом говорится в видеорепортаже, подготовленном пресс-службой Министерства здравоохранения с международного конгресса на тему «Репродуктивные технологии – путь к новой жизни».

Пресс-служба
Министерства здравоохранения.

@ssvuz | @ssvmatbuotkotibi | Facebook | Instagram Ochish/sharhlash

2023-04-29 12:53:13 Дунёнинг 15 давлатидан келган қарийб 100 нафар олим ва экспертлар...

Хусусий тиббиётни ривожлантириш борасидаги таклифлар...

Клиник репродуктология, андрология, эмбронология ва репродуктив генетика масалалари бўйича муҳокамалар...

Ўзбекистонда илк бор Репродуктив тиббиёт ва генетика институтининг очилиши...

Буларнинг барчаси ҳақида ССВ Матбуот хизматининг “Репродуктив технологиялар – янги ҳаётга йўл” мавзусидаги хақаро конгрессдан тайёрлаган юқоридаги видеорепортажида сўз боради.

Соғлиқни сақлаш вазирлиги
Матбуот хизмати.

@ssvuz | @ssvmatbuotkotibi | Facebook | Instagram Ochish/sharhlash