2023-02-09 13:26:46
Toshkent viloyati Bekobod tumani Davlat soliq inspeksiyasi boshligʻi J.Alimovning sohada amalga oshirilayotgan ishlari yuzasidan xisobotiMuhtaram Prezidentimiz Shavkat Mirziyoev Davlat soliq qo‘mitasiga tashrifi davomida sohani takomillashtirish, xususan soliq tizimini raqamlashtirish, soliq to‘lovchilarga xizmat ko‘rsatish sifati va ko‘lamini oshirish, shuningdek, "Soliqchi - ko‘makchi" tamoyili asosida tadbirkorlar bilan bevosita muloqotga kirishib, ularning muammolarini o‘rganish va soliq qonunchiligidagi o‘zgarishlarni tushuntirish yuzasidan bir qator topshiriqlar bergandi.
Mazkur topshiriqlarning ijrosini ta’minlash, tadbirkorlarni soliq sohasidagi o‘zgarish va yangiliklar bilan tanishtirish maqsadida Davlat soliq qo‘mitasi rahbariyati boshchiligida joylarda tadbirkorlar bilan uchrashuvlar o‘tkazildi.
Shuningdek, 2023-yilning yanvar oyi davomida viloyat davlat soliq boshqarmasi mutaxassislari tomonidan jami 5 marotaba tadbirkorlar bilan bevosita muloqotlar o‘tkazilib, soliq qonunchiligiga kiritilgan o‘zgartish va qo‘shimchalar, yangiliklar, avtomatlashtirilgan axborot tizimlari haqida batafsil ma’lumotlar berildi.
Shu o‘rinda aytib o‘tish kerakki, bugungi kunda tumanda 1850 ga yaqin tadbirkorlik sub’ektlari faoliyat yuritadi. Yil boshidan buyon "Soliqchi-ko‘makchi" tamoyili asosida tumanmizdagi 322ta korxonaning muammolari o‘rganilib, mazkur muammolarning 235 dan ortig‘i bevosita soliq xodimlari ko‘magida hal etildi.
Bekobod tumani davlat soliq xizmati organlari xodimlari tomonidan tadbirkorlik sub’ektlari bilan olib borilgan tushuntirish ishlari natijasida 85 ta korxonadagi 104 nafar norasmiy ishlovchi fuqarolar faoliyati qonuniylashtirildi va budjetga qo‘shimcha mablag‘lar yo‘naltirildi.
Aytish kerakki, keyingi yillarda mamlakatimizda aholi va biznes uchun qulayliklarni oshirish, soliq munosabatlarida inson omilini kamaytirish maqsadida soliq ma’muriyatchiligi tubdan isloh qilinmoqda.
O‘zbekiston Respublikasining 2023 yilgi soliq konsepsiyasi doirasida soliq qonunchilik hujjatlariga o‘zgarish va qo‘shimchalar kiritildi.
Xususan:
Qo‘shilgan qiymat solig‘i stavkasi 15 foizdan 12 foizga pasaytirildi;
Qoplanadigan (qaytariladigan) QQS summasining asosliligi yuzasidan kameral soliq tekshiruvini o‘tkazish 60 kundan 30 kunga qisqartirildi.
QQS guvohnomasining amal qilish muddati to‘xtatilgan davrda hisobga qabul qilinmagan QQS summasi, guvohnoma tiklanganda, to‘xtatib turilgan davr uchun hisobga qabul qilinishi huquqi berildi.
AOS stavkalari soliq to‘lovchilarning barcha toifalari uchun 4 foiz miqdoridagi yagona stavkani belgilagan holda birxillashtirildi, bunda soliq pasaytirilgan soliq stavkalari saqlab qolindi.
AOS to‘lovchilar uchun ixtiyoriy asosda qat’iy belgilangan miqdorda soliq to‘lashni tanlashga huquqi berildi.
Jismoniy shaxslarning mol-mulkiga solinadigan soliq bo‘yicha 2022 yilda amal qilgan soliq stavkalari Soliq kodeksining
422-moddasi birinchi qismi 1-3-bandlarida nazarda tutilgan ob’ektlar bo‘yicha o‘rtacha 10 foizga indeksatsiya qilindi.
Yer solig‘i bo‘yicha Qishloq xo‘jaligiga mo‘ljallanmagan yerlar uchun 2022 yilda amalda bo‘lgan yer solig‘ining bazaviy stavkalari o‘rtacha 10 foizga indeksatsiya qilindi.
2023 yilda Soliq kodeksining 429-moddasida nazarda tutilgan yuridik shaxslarning alohida ob’ektlar bilan band bo‘lgan yer uchastkalari uchun soliq stavkalariga nisbatan qo‘llaniladigan pasaytiruvchi koeffitsientni 0,25 dan 0,3 ga oshirildi.
Qishloq xo‘jaligiga mo‘ljallanmagan yerlar bo‘yicha soliq hisobotini taqdim etish va soliqni to‘lash muddatlariga o‘zgartirishlar kiritildi.
2023-yilning yanvar oyi davomida Bekobod tumani soliq to‘lovchilari tomonidan 4.387 milliard so‘m miqdorida soliqlar to‘landi.
Olib borilgan targ‘ibot-tashviqotlar ishlari natijasida 185 ta AOS to‘lovchi tadbirkorlik subektlari ixtiyoriy asosda qat’iy belgilangan miqdorda soliq to‘lash rejimiga o'tishdi.
Jaxangir Alimov
Bekobod tumani davlat soliq inspeksiyasi boshligʻi
18 views10:26
B
