2022-12-16 13:20:14
#soliqchi_tadbirkorga_komakchi
BEKOBOD TUMANI DAVLAT SOLIQ INSPEKSIYASI BOSHLIG‘INING TADBIRKORLARGA MUROJAATI Hurmatli tadbirkorlar!
Muhtaram Prezidentimiz Shavkat Mirziyoyev joriy yilning 16-mart kuni Davlat soliq qo‘mitasiga tashrifi davomida sohani takomillashtirish, xususan soliq tizimini raqamlashtirish, soliq to‘lovchilarga xizmat ko‘rsatish sifati va ko‘lamini oshirish, shuningdek, “Soliqchi - ko‘makchi” tamoyili asosida tadbirkorlar bilan bevosita muloqotga kirishib, ularning muammolarini o‘rganish va soliq qonunchiligidagi o‘zgarishlarni tushuntirish yuzasidan bir qator topshiriqlar bergandi.
Mazkur topshiriqlarning ijrosini ta’minlash, tadbirkorlarni soliq sohasidagi o‘zgarish va yangiliklar bilan tanishtirish maqsadida Davlat soliq qo‘mitasi rahbariyati boshchiligida joylarda tadbirkorlar bilan uchrashuvlar o‘tkazildi.
Shuningdek, 2022-yilning dastlabki o'n bir oyi mobaynida Toshkent viloyati davlat soliq boshqarmasi va Bekobod tumani davlat soliq inspeksiyasi rahbariyati va mutaxassislari tomonidan ham Bekobod tumanida tadbirkorlar bilan bevosita muloqotlar o‘tkazilib, tadbirkorlik subyektlariga soliq qonunchiligiga kiritilgan o‘zgartish va qo‘shimchalar, yangiliklar, avtomatlashtirilgan axborot tizimlari haqida batafsil ma’lumotlar berildi.
Shu o‘rinda aytib o‘tish kerakki, bugungi kunda Bekobod tumanida 1800 taga yaqin tadbirkorlik subyektlari faoliyat yuritadi. Yil boshidan buyon “Soliqchi-ko‘makchi” tamoyili asosida tumanimizdagi 560 ta korxonaning 600 dan ortiq muammolari o‘rganilib, mazkur muammolarning 480 tadan ortig‘i bevosita soliq xodimlari ko‘magida hal etildi.
Bekobod tumani davlat soliq inspeksiyasi xodimlari tomonidan tadbirkorlik subyektlari bilan olib borilgan tushuntirish ishlari natijasida korxonalardagi 1800 nafarga yaqin norasmiy ishlovchi fuqarolar faoliyati qonuniylashtirildi.
Aytish kerakki, keyingi yillarda mamlakatimizda aholi va biznes uchun qulayliklarni oshirish, soliq munosabatlarida inson omilini kamaytirish maqsadida soliq ma’muriyatchiligi tubdan isloh qilinmoqda.
Xususan, 2020-yilda yangi Soliq kodeksi qabul qilindi. Soliq turlari 13 tadan 9 taga kamaytirildi. Mulk solig‘i 5 foizdan 1,5 foizga tushirildi. Qo‘shilgan qiymat solig‘i esa 20 foizdan 15 foizga pasaytirildi. barcha tadbirkorlarning ham islohotlarga ishonchi ortib, soliq tushumlari tumanda 1,5 baravar ko‘paydi.
Hurmatli tadbirkorlar!
Bekobod tumani davlat soliq inspeksiyasi xodimlari soliq sohasiga oid barcha savollaringizga javob berish, bilmaganlaringizni o‘rgatish va “Soliqchi - ko‘makchi” tamoyili asosida sizga yaqindan yordam berishga doimo tayyordirlar.
Jaxangir Alimov
Bekobod tumani Davlat soliq inspeksiyasi boshlig`i
26 views10:20
B
