Зикр аҳлидан сўранг

2021-05-12 15:05:03 ЗАКОТГА ХАҚДОР

@Savollar_kanal 8807-савол

Ассалому алайкум! Бир қариндошимиз уй сотиб олиш учун қарз олганлар. Шу инсонга закотимизни берайликми десак, катталаримиз уни машинаси бор, хақдорлардан бўлармикин деб икклантириб қўйишди. Машинани кундалик эхтиёжлар учун, ишга бориб келиш учун хайдайдилар, қимматбахо эмас. Қарз берган одам хам пулни топганда, бўлиб бўлиб бериши мумкинлиги айтган. Шу қариндошимизга закот берсак бўладими ёки бошқа қийналганроқ одамни топиб берганимиз афзалми?

ЖАВОБ:

– Ва алайкум ассалом! Қийналганлар кўп, ўшаларга беринглар. Валлоҳу аълам!


«Зикр аҳлидан сўранг» ҳайъати

Манба

Каналга уланиш Ochish/sharhlash

2021-05-12 13:05:02 ИЧУВЧИ АМАКИГА ЗАКОТ

@Savollar_kanal 8806-савол

Ассалому алайкум! Мени амаким хар замонда ичиб туради. Лекин жуда камбағал. Ёши 50дан ўтиб уйланган. 3та ёш боласи бор каттаси 10 ёш кичиги 4ёш. Янгам касал, кўп ишга ярамайди боллари жуда юпун кўп холларда оч қолади. Уйларида тайинли нарсаси хам йўқ. Хатто музлаткич хам йўқ. Шу болалари жуда хам ёрдамга мухтож болаларига рахмим келади. Отаси ичса буларда нима айб? Шунга болалари учун амакимга закот берсак бўладими?

ЖАВОБ:

– Ва алайкум ассалом! Амакингизга берманг, аёлига беринг. Эҳтиёжларини ҳам ҳисобга олиб, закот пулингизга нарсалар сотиб олиб закотдан деб ният қилиб беринг. Валлоҳу аълам!


«Зикр аҳлидан сўранг» ҳайъати

Манба

Каналга уланиш Ochish/sharhlash

2021-05-12 11:05:02 НОЧОР ҚЎШНИГА ПУЛ БЕРИШ

@Savollar_kanal 8805-савол

Ассалому алайкум! Озгина бировга бериб юборадиган пулим бор. Қўшним ёш эр-хотин эшитишимча ночор яшашар экан. Шуларга берсам бўлармикан? Агар ўзим олиб чиқиб берсам хафа қилиб қўяманми. Бир ховлида турадиган жиянини хотинига берсам. Кимданлигини айтмасдан ишлатарсила деб бериб қўйса бўлармикан?

ЖАВОБ:

– Ва алайкум ассалом! Ўзингиз беринг. Закотингиз бўлса закотдан деб ният қилиб, ажратиб ҳадя деб ҳам бераверинг. Валлоҳу аълам!


«Зикр аҳлидан сўранг» ҳайъати

Манба

Каналга уланиш Ochish/sharhlash

2021-05-12 09:05:02 ИНСОН ОЛАМДАН ЎТГАНДА КАФИЛЛИК АВЛОДДАН АВЛОДГА ЎТАДИМИ

@Savollar_kanal 8804-савол

Ассалому алайкум! Инсон хаётдан кўз юмганда жанозада кафиллик илинади билинган билинмаган қарз бор шу кафилликни оган инсон қарзини бермаса авлоддан авлодга ўтадими кафиллик оган инсон хам вафот этса униям кафиллик олинади? 

ЖАВОБ:

– Ва алайкум ассалом! Бўйнига олаётган одам ўйлаб қўйсин. Қарздор одам қарзи тўланмагунча жаннатга кирмайди. Жанозада кимдир бўйнига олгани то тўламагунча уни қутқариб қололмайди. 
وَلِلنَّسَائِيِّ: وَالَّذِي نَفْسِي بِيَدِهِ لَوْ أَنَّ رَجُلًا قُتِلَ فِي سَبِيلِ اللهِ، ثُمَّ أُحْيِيَ ثُمَّ قُتِلَ، ثُمَّ أُحْيِيَ ثُمَّ قُتِلَ وَعَلَيْهِ دَيْنٌ مَا دَخَلَ الْجَنَّةَ حَتَّى يُقْضَى عَنْهُ دَيْنُهُ  
Насаий қилган ривоятда: «Менинг жоним қўлида бўлган Зот ила қасамки, агар бир киши Аллоҳнинг йўлида қатл қилинса, сўнг тирилтирилса, яна қатл қилинса ва тирилтирилса, сўнг яна қатл қилинса-ю, унинг зиммасида қарзи бўлса, қарзи адо этилмагунча жаннатга кирмас», дейилган.Шарҳ: Пайғамбаримиз соллаллоҳу алайҳи васалламнинг қасам ичиб туриб айтишлари ҳам бу иш қанчалик аҳамиятли эканлигини кўрсатади. Аллоҳ таолонинг йўлида шаҳид бўлиш қанчалик улуғ мақом. Шаҳид учун жаннат эшиклари доимо катта очиқ. Лекин қарз иши оғир. Агар инсон Аллоҳнинг йўлида бир эмас, уч марта шаҳид бўлса ҳам, қарзини адо қилмаган бўлса, жаннатга кира олмайди. Ундай одамнинг жаннатга кириши олган қарзининг узилишига боғлиқ бўлиб қолади. Қарзи узилса, жаннатга киради, бўлмаса йўқ. Чунки қарз банданинг ҳаққи, бу ҳақни фақат ўз эгаси кечади, холос. Аллоҳ таоло кечмайди. Қарз олиб, уни узмай юрганлар бу ҳақиқатни яхшилаб англаб олмоқлари лозим. («Ҳадис ва Ҳаёт» китобидан). Валлоҳу аълам!


«Зикр аҳлидан сўранг» ҳайъати

Манба

Каналга уланиш Ochish/sharhlash

2021-05-12 07:05:02 ЗАКОТ БЕРИЛАДИМИ

@Savollar_kanal 8803-савол

Ассалому алайкум! Ўтган йили закот берилган пул маблағ шундоғича сақланиб турган бўлса, бу йил хам шу маблағ хисобидан закот бериладими? Ёки ўтган рамазондан бу рамазонгача бўлган даврда тўпланган молни ўзидан бериладими?

ЖАВОБ:

– Ва алайкум ассалом! Берилади. Камайганда ҳам нисобда бўлса берилади. Валлоҳу аълам!


«Зикр аҳлидан сўранг» ҳайъати

Манба

Каналга уланиш Ochish/sharhlash

2021-05-12 03:31:14 447-саҳифа.

СОФФААТ СУРАСИ 25-51-оятлар.

Абдулбосит қори Қобилов

@Savollar_kanal Ochish/sharhlash

2021-05-12 03:29:01 @Savollar_kanal #Қуръон Ochish/sharhlash

2021-05-11 19:20:41 Ўзгармас ҳукмлар

Шайх Салоҳ Абулҳож ҳафизаҳуллоҳ

Манба

Каналга уланиш Ochish/sharhlash

2021-05-11 17:05:03 РЎЗАДА СПЕРАЛ ҚЎЙДИРИШ

@Savollar_kanal 8802-савол

Ассалому алайкум! Аёл киши рўзадор бўла туриб сперал қўйдирса рўзаси очиладими?

ЖАВОБ:

– Ва алайкум ассалом! Аввал очилади деб айтилар эди. Ҳозир очилмайди деб фатво берилди. Валлоҳу аълам!


«Зикр аҳлидан сўранг» ҳайъати

Манба

Каналга уланиш Ochish/sharhlash

2021-05-11 15:05:02 ЗУЛУКНИНГ СЎЛАГИ РЎЗАНИ ОЧМАЙДИМИ? (АНИҚЛИК)

@Savollar_kanal 8801-савол

Ассалому алайкум! "Зулук рўзани очмайдими?" деб сўраган саволимга сизлар " Очилмайди. Рўза ташқарига чиққан нарсадан эмас ичкарига кирган нарсадан очилади" деб жавоб берибсиз. Лекин зулукнинг сўлагида гепарин моддаси бор. У тирга киради ва қонни шу модда орқали тозалайди ва суюлтиради. Ана шу сўлаги қон томирларга кириши билан рўза очилмайдими деб сўраган эдим. Мен одамларга зулук қўяман. Рўзадор ҳолатида қўйсам уларнинг рўзаларини билмай очиб қўймасмикинман деган мақсадда сиздан сўраган эдим. Илтимос аниқ жавоб берсангиз. Жавобингизмен учун фатво даражасида бўлади. Раҳмат.

ЖАВОБ:

– Ва алайкум ассалом! Одатий(оғиз, бурун, орқа жинсий аъзо каби) йўллардан бошқа жойдан кирган нарса рўзани очмайди. Ҳатто ошқозонга йўл йўқлиги учун аёлларни олд жинсий аъзосидан нарса киритилса ҳам очилмайди. Қўрқмай қўяверинг. Валлоҳу аълам!


«Зикр аҳлидан сўранг» ҳайъати

Манба

Каналга уланиш Ochish/sharhlash