Зикр аҳлидан сўранг

2021-05-18 06:31:14 ​​ОҒИР ЖУДОЛИК

«Hilol Nashr» матбаа нашриёти, Islom.uz портали ижодий гуруҳи, «Олтин силсила» илмий лойиҳаси ҳамда «Ҳилол» диний-маърифий журнали таҳририятлари илмий-ижодий жамоаси бугун, 18 май куни ҳассос адибимиз, жонкуяр устоз Аҳмад Муҳаммад Турсуннинг дорулбақога риҳлат қилганларини чуқур қайғу билан маълум қилади.

Ушбу оғир жудолик муносабати ила устознинг барча оила аъзоларига, сафдошлари ва шогирдларига самимий таъзия изҳор этамиз.

Аллоҳ таоло марҳум адибимизнинг барча солиҳ амалларини, динимизга қилган хизматларини, илм-маърифат, зиё таратиш йўлидаги саъй-ҳаракатларини ҳусни қабул айлаб, Ўз мағфиратига олсин, чеккан дардларини барча саҳву хатоларига каффорат қилиб, раҳматига чулғасин, қабрларини жаннат боғчаларидан қилиб, охиратларини обод айласин!

Устозимизнинг аҳли байтларига Аллоҳ таолонинг қазои қадарини розилик ила қарши олган чинакам мўминларнинг мақомини сўраймиз, барча яқинларига сабри жамил тилаб қоламиз.

«Мусибат етганда «Албатта, биз Аллоҳникимиз ва албатта, биз У Зотга қайтувчимиз», деган сабрлиларга хушхабар беринг».

Telegram | Facebook | Instagram | Youtube Ochish/sharhlash

2021-05-18 03:02:10 453-саҳифа.

СОД СУРАСИ 1-16-оятлар.

Абдулбосит қори Қобилов

@Savollar_kanal Ochish/sharhlash

2021-05-18 02:59:00 @Savollar_kanal #Қуръон Ochish/sharhlash

2021-05-17 20:03:15 СОФФААТ СУРАСИ (тўлиқ)
1-182-оятлар. 48.4мб
Абдулбосит қори Қобилов
@Savollar_kanal
Бизни ижтимоий тармоқларда кузатиб боринг!

Telegram | Facebook | Instagram Ochish/sharhlash

2021-05-17 17:05:02 ЗАКОТНИ РАМАЗОН ОЙИДА КЕЧИКТИРИБ БЕРИШ МУМКИНМИ?

@Savollar_kanal 8838-савол

Ассалому алайкум! Менга закот бериш фарз бўлганига 3 йил бўлди. Пулим нисобга етганига илк марта 1 йил тўлганда, қайси ойга тўғри келганини эслай олмайман. Тахмин қилиб, ўтган 2 йил давомида закотни рамазон ойида бериб келдим. Агар менга закот рамазондан олдин фарз бўлган бўлсаю, мен эслай олмаганим туфайли рамазон ойида бераётганим учун (яъни кечиктириб бераётганим учун), ҳақдорларнинг ҳақини ўзимда ортиқча вақт ушлаб турганим учун гуноҳкор бўлиб қолмайманми? 2) Агар гуноҳкор бўлиш эҳтимолим бўлса, ҳар йил рамазон ойида закот бераётганимда, закот миқдорига маълум бир қиймат қўшиб берсам (яъни закот беришнинг кечикишини ўрнини қоплаш учун), мендан эҳтимолий гуноҳ соқит бўладими? Қўшимчасига, рамазон ойида фарз амаллар савоби 70 баробар зиёда қилиб берилади деб эшитганим учун, шу ойда бериб боргим келаяпди.

ЖАВОБ:

– Ва алайкум ассалом! 1). Гуноҳкор бўлмайсиз.
 2). Шу ишингиз тўғри. Валлоҳу аълам!


«Зикр аҳлидан сўранг» ҳайъати

Манба

Каналга уланиш Ochish/sharhlash

2021-05-17 15:05:02 АЁЛ ХИЁНАТ ҲАҚИДА

@Savollar_kanal 8837-савол

Ассалому алайкум! Мен бир яқин дўстимнинг аёли яъни турмуш ўртоғи ёки унаштириб қўйилган қизининг бошқа бир эркак билан юрганини ва уятсиз мавзуларда гаплашиб юрганини билиб қолсам ва менда бунга исбот ҳам бўлса, мен ўша дўстимга буни айтишим ёки айтмаслигим қанчалик тўғри?

ЖАВОБ:

– Ва алайкум ассалом! Ишора қилиб қўйганингиз яхши. Валлоҳу аълам!


«Зикр аҳлидан сўранг» ҳайъати

Манба

Каналга уланиш Ochish/sharhlash

2021-05-17 13:05:02 ЯНА МАРСЕЛ БРИОН ҲАҚИДА

@Savollar_kanal 8836-савол

Ассалому алайкум! Марсел Брион ўзининг Менким, Соҳибқирон- Жаҳонгир Темур асарида Амур Темур тилидан шундай дейди: - Қуръонни ўқиш, ёд олиш - уни билиш дегани эмас. Уни билиш учун оятлар замирида яширинган маъноларни уқа билиш лозим. Бинобарин, Қуръоннинг айрим оятларини тушуниш жуда мушкул. Буни теран англаш учун махсус тайёргарлик лозим. Узоқ йиллар мадраса тупроғини ялаб, илм ўрганадиган талабалар ҳам аслида ўзларини Қуръон оятлари мазмунини тушунишга тайёрлашади. Қуръон бир бутун ҳолда оятлар қатида яширинган сирлардан иборат китоб. Сирларнинг калити эса табиат, жамият ва инсон тафаккурида: уни қўлга киритиш учун иймон-эътиқод бус-бутун бўлмоғи лозим". Муаллифнинг ушбу мулохазалари тўғрими?

ЖАВОБ:

– Ва алайкум ассалом! Бу романтик нарсалар. Валлоҳу аълам!


«Зикр аҳлидан сўранг» ҳайъати

Манба

Каналга уланиш Ochish/sharhlash

2021-05-17 11:05:02 РИБОГА КИРИБ ҚОЛАДИМИ?

@Savollar_kanal 8835-савол

Ассалому алайкум! Биз дўстларимиз билан кассалик гапимиз бор. Қайси дўстимиз фарзандлик бўлса ўша ошнамиз меҳмон қилади ҳаммамизни ва ўртада кассамиз бор яъни телевизор олиб берамиз пул йиғиб. (Бир хил бренддаги ва ўлчамдаги ТВ ни келишиб олганимиз). Телевизор Нархи йилдан йилга кўтарилиб боради. Шунинг учун ҳар сафар ҳар хил суммадан тушади. (мисол: бир сафар 130 мингдан тушса, кейинги дўстимиз фарзандлик бўлгунча 140 мингдан тушиши мумкин киши бошига). Саволим шуки: яқинда фарзандлик бўлдим, мен ҳам дўстларимни меҳмон қилмоқчиман ва улар ҳам ТВ олиб бериши керак лекин менга ТВ керак эмас. Шуни ўрнига ТВ ни пулини олсам бўладими (ўша кунда бозорда ТВ неча сум турса) бошқа эҳтиёжимизга сарф қилгани? Рибога кириб қолмайдими? Чунки мендан аввалгиларга айтайлик ТВ 1.5 миллионга олинган бўлса, ҳозирда ўша ТВ лар 1.8 миллион сўм бўлиши мумкин. 2) Агар юқоридаги Саволимга жавоб жоиз эмас бўлса, ўша ТВ ни олиб кейинги дўстимиз фарзандлик бўлганда ўша ўзимни ТВ имни бериб йиғилган пулни ўзим олсам бўладими? 

ЖАВОБ:

– Ва алайкум ассалом! Телевизорни олиб кейинги шеригингизга сотиб юбораверасиз. Валлоҳу аълам!


«Зикр аҳлидан сўранг» ҳайъати

Манба

Каналга уланиш Ochish/sharhlash

2021-05-17 09:05:02 НИКОХ БОҒЛАНАДИМИ

@Savollar_kanal 8834-савол

Ассалому алайкум! Бир талокдан кейин аёл 3та хайз ўткизгандан кейин эрга номахрам бўлар экан. Қайта никох ўқитганларида эр хотиндан розилик сўрамаслик мумкинми? Никох боғлануврадими? 2. Агар эр махр берган бўлса талокдан кейин 2-маротаба никох ўқитганида яна махр берадими?

ЖАВОБ:

– Ва алайкум ассалом! 1). Боғланмайди. Албатта розилиги шарт ва ийжоб ва қабуллар гувоҳлар бўлиши шарт.
 2). Ҳа. Валлоҳу аълам!


«Зикр аҳлидан сўранг» ҳайъати

Манба

Каналга уланиш Ochish/sharhlash

2021-05-17 07:05:02 МУНОФИҚЛИКДАН ҚУТИЛИШ

@Savollar_kanal 8833-савол

Ассалому алейкум! Мен ўзимни кундан кунга мунофиқлашиб бораётганимни сезябман. Шунга қандай йўл тутсам бўлади? Бунга атрофимдаги инсонларнинг ҳам тасири борми?

ЖАВОБ:

– Ва алайкум ассалом! Аллоҳ таоло «Шамс» сурасида марҳамат қилади:
فَأَلْهَمَهَا فُجُورَهَا وَتَقْوَاهَا۝
8. Унга фужурини ва тақвосини илҳом қилди. Ушбу оятда Аллоҳ таоло бандаларининг ичига гуноҳга бошловчи унсурни ҳам тақвога бошловчи унсурни ҳам қўйганини баён қилган. Инсон гуноҳ ишларга яқинлашганда, бузуқ нарсаларни кўрганда, бузуқ одамларга яқинлашганда фужурга бошловчи унсур ишқаланиб ҳаракатга келади ва инсонни ҳам ўша томонга ҳаракатга келтиради. Тақвога сабаб бўладиган ишлар, кишилар ва насиҳатларга яқинлашганда тақво унсур ишқаланиб ҳаракатга келади ва инсонни ҳам ўша томонга ҳаракатга келтиради. Гоҳида инсон аввалдан ўша ишларга булғаниб кейин тавба қилган бўлса ҳар эсига тушганда ўша фужурга бошловчи унсур ҳаракатга келиб қолади. Бу ҳаракатга келиш айб эмас, бу нарса ҳаммада содир бўлади. шундай вақтда тақвони ҳаракатга келтирувчи омилларга яқинлашиш керак бўлади. Валлоҳу аълам!


«Зикр аҳлидан сўранг» ҳайъати

Манба

Каналга уланиш Ochish/sharhlash