2022-08-27 05:26:53
Kunlardan bir kuni ustoz o‘quvchi ayollarga:
— Ey qizlarim, bugun men sizlar bilan savol-javob tariqasida bir aqlni sinovchi o‘yin o‘ynamoqchiman. Agar orangizda kim birinchi bo‘lib bunda qatnashmoqchi bo‘lsa, iltimos, doskaga chiqsin!- deya ularni bilimini sinamoqchi bo‘ldi.
Bir payt o‘quvchi ayollardan biri o‘z xohishi bilan doskaga chiqadi. Shunda ustoz doskaga chiqqan o‘quvchi ayolga:
— Senga yaqin bo‘lgan yigirmata insonni doskaga yoz!- deydi.
Shunda o‘sha ayol birma-bir o‘ziga yaqin insonlarni doskaga yoza boshlaydi.
— Otam, onam, turmush o‘rtogim, bolalarim, aka-ukalarim, opa-singillarim, tog‘am, ammam, xolam, qo‘ni qo‘shnilar...,- xullas yigirmata insonni misol qilib yozadi.
— Endi bu yigirmatasini ichidan ikki kishini o‘chirgin!- deydi ustoz.
Shunda o‘sha ayol ikki kishini bu ro‘yxatdan o‘chiradi. Shunda ustoz:
— Endi qolganlar ichidan yana to‘rt kishini o‘chirgin!- deydi.
Shunday qilib birma-bir o‘chiraverib doskada faqat to‘rt kishini ismini qoldiradi. Bular: ota, ona, turmush o‘rtoq va farzandlar...
Shunda butun sinf jimjit bo‘lib, bu hech qanday o‘yin emasligini anglagancha o‘ylanib qolishadi. Shunda ustoz:
— Yana ikki kishini shu ro‘yxatingdan o‘chir!- deya buyruq beradi.
Shunda o‘quvchi ayol qaysi birini o‘chirishga ikkilanib turardi. Ko‘z yoshlari bilan ota-onani bu ro‘yxatdan o‘chiradi. O‘chiradi-yu ko‘z yoshlarini tiyib turolmasdan o‘ksib yig‘lab yuboradi. Buni kuzatib turgan boshqa ayollar ham xayolida nimalarnidir o‘tkazgancha ustozni keyingi savolini kutib turishadi. Doskada esa turmush o‘rtok(er) va farzand yozilgan turardi, xolos. Shunda ustoz:
— Qani, yana bir kishini bu ro‘yxatdan o‘chirgin!- deya buyruq beradi.
Shunda bu ayol yanayam qattiqroq yig‘lay boshlaydi. Ustoz esa bu holatga parvo qilmasdan:
— Men senga yana bir kishini bu ruyxatdan o‘chirgin dedim!- deya gapini takrorlaydi.
Shunda ayol doskaga yaqinlashib ming bir o‘ksik yig‘i bilan o‘z farzandlarini bu ruyxatdan o‘chiradi. Doskada esa yolg‘iz turmush o‘rtog‘i (er) ismi qoladi. Keyin ustoz unga:
— Qani, menga aytchi, ota-onang seni dunyoga keltirdi, ne-ne azoblar bilan katta qildi, lekin sen ularni ismlarini o‘chirding. Va oxirida senga aziz bo‘lgan farzandingni ismini ham o‘chirding. Oxir-oqibat yolg‘iz turmush o‘rtog‘ingni (erni) tanlading. Buni qanday izohlaysan? - deya undan so‘radi.
Ayol o‘quvchi esa ko‘z yoshlarini ro‘moliga artib, shunday javob berdi.
— Ota-ona - bu Allohning takdiri, kuni kelib ular vafot etadilar. Farzandlar esa katta bo‘lgach uylanishadi, turmushga chiqishadi. Va oyoqqa turgach turli bahonalar bilan mendan uzoqlashadi. Men bilan bir umr birga qoladigan inson bu meni turmush o‘rtog‘im (erim) , - deya javob berdi.
Uning bunday javobini hech kim kutmagandi.
@SARA_TARIX
4.2K views02:26