Ўлмасбек Самарқандий🇺🇿

2022-08-30 07:55:03 "ОҚДАРЁ МАДҲИ" тафсилотлари телевединие нигоҳида.

Тележурналист Ёлқин Оқбўтаев талқинида.
https://t.me/Samarqandiy77 Ochish/sharhlash

2022-08-30 05:14:10 АССАЛОМУ - АЛАЙКУМ!

Бир дунё, икки қутб...ва айрича тарф,
Икки менталитет - осмон-ерча фарқ.
"Хайрли тонг" билан кўзин очар, ғарб,
Асссалом тафтидан уйғонади шарқ.

Бири лутф айламиш, қўлидан ўпа,
Бириси қўл тутар, юзида зиё.
"Хайрли кун"ила қайнар Оврупа,
Яна Ассаломин айтар Осиё.

Балки малол ботар, ғарблик кишига,
Эҳтимол, туюлар бегона сўздек.
"Хайрли кеч" дея қўл силкишига,
Ассаломи ила жилмаяр Ўзбек.

Урфият ўзгармас...замонлар ошар,
Бир дунё, икки қутб... айрича одат.
"Хайрли тун тилаб, ётоққа шошар,
Ассаломи билан тилар саодат.

Уйғотгувчи дея, берилмиш таъриф,
Шарқ номли қудратли, буюк ўлкага.
Ҳали "хайрли тонг" айтмасидан ғарб,
Ассаломин айтар икки елкага.

Юз Ҳаждир - ғарибнинг бошин силамоқ,
Хушзабонлик - хушрўй итоат эрур.
Бир кунда беш маҳал умр тиламоқ -
Эҳтимол, бу ҳам бир ибодат эрур!

Ассалому алайкум!!!

Ўлмасбек Самарқандий.

t.me/Samarqandiy77 Ochish/sharhlash

2022-08-29 22:03:20 Бир муаллим учун бундан ортиқ БАХТ борми!?

https://t.me/Samarqandiy77 Ochish/sharhlash

2022-08-29 21:50:53 Ёрим - туннинг зулфидир,
Болаларим - юлдузлар!

https://t.me/Samarqandiy77 Ochish/sharhlash

2022-08-29 06:59:55 ​​ЯХШИЛИККА КЕЛГАНМАН

Қўлимда меҳр торим,
Бахшиликка келганман.
Бу дунёга дўстларим,
Яхшиликка келганман.

Тўлдириб ер тешигин,
Тебратиб кўк бешигин,
Тутиб дунё эшигин,
Яхшиликка келганман.

Шоирман: дард, ғам кутиб,
Толмайман, алам ютиб,
Қўлимга қалам тутиб,
Яхшиликка келганман.

Хатоларим - дард фасли,
Айбим - тақдирнинг касри,
Ёмон деманг, мен асли,
Яхшиликка келганман.

Умрим гуё муздайин,
Йиғлаётган кўздайин,
Мен ҳам худди сиздайин,
Яхшиликка келганман.

Келинг, ишқни ўргатинг,
Сўзимдан бир бол татинг,
Ғийбатимни тўхтатинг,
Яхшиликка келганман.

Умидлар чирт узилган,
Қаранг, ғамдан эзилган,
Кўзларимда ёзилган:
Яхшиликка келганман.

Ўлим тиламанг бунча,
Қанча умрим бор, шунча,
Эй рақибим, ўлгунча,
Яхшиликка келганман.

Ёнимга бир келинг дўст,
Кимлигимни билинг дўст,
Қўлингизни беринг дўст,
Яхшиликка келганман.

Элим турк, тилим ўзбек,
Боболарим ўтган бек,
Менман ўша - Ўлмасбек,
Яхшиликка келганман.

Ўлмасбек Самарқандий
t.me/Samarqandiy77 Ochish/sharhlash

2022-08-28 19:57:44 Шукр бўлсин ҳар лаҳза, онда,
Ҳикмат кўпдир тоза иймонда,
Янги шеърим ўқийсиз тонгда,
Уйғотса бас, эртага Аллоҳ!

Бугун Аллоҳ Сизга чиройли умр берди ва дуо қилинг эрта тонгда ҳам яхши ният-ла уйғонайлик.
Тунингиз хайрли бўлсин қадрдоним!

t.me/Samarqandiy77 Ochish/sharhlash

2022-08-28 19:18:47 ​Ёзаман...ёзаман, ёқмайди сира,
Асабим эговлар қоғоз ғижирлаб.
Сўнг чизиқ тортаман, ёзувлар узра,
Шу ҳам шеър бўптими, дейман пичирлаб.

Кейин юрагимда бошланар исён,
Туйғулар туғёни - дунёлар тенги.
Рости, шоирликнинг тургани зиён,
Сўз излаб яшамоқ умрми энди?!

Бўзлайман, кўнгилнинг хато ҳарфидай,
Жавобсиз саволлар азоблайди жон.
Қачон шеър ёзаман Рауф Парфидай,
Шавкат Раҳмон бўлиб йиғлайман қачон?!

Шоир бўлмоқ азоб, хулосам ҳақдир,
Бордир, шеъриятнинг олтин қоидаси:
Ҳарчанд дард бермасин кўнглингга тақдир,
Худо юқтирмаса, йўқдир фойдаси!

Ўлмасбек Самарқандий.
t.me/Samarqandiy77

@Samarqandiy77 Ochish/sharhlash

2022-08-28 19:00:42 ​​ИМТИҲОН

Чиқди, имтиҳонлар жавоби бугун,
Ҳаяжон ўртанур, хушхабар кутиб.
Қаранг, неча минглаб юракда тугун,
«Нима бўлди экан...?» диллар талотуп.

Ҳар кимнинг омадин берсин, илоҳим,
Кўнглини чўлғасин қувончли эпкин.
Фалакка ўрлайди фиғоним, оҳим,
Фақат бир саволга жавоб йўқ, лекин...

Шу битта синовга не дард ютармиз,
Тилкалаймиз кечиб кўнгил ҳолидан.
Гоҳ ўйлаб қоламан: қандай ўтармиз,
Қиёмат кунининг имтиҳонидан?!

Ўлмасбек Самарқандий.
t.me/Samarqandiy77 Ochish/sharhlash

2022-08-28 10:26:44 Мен бир кичик шоир, исмим Ўлмасдир,
Дунёнинг сайқали - Самарқандданман!

Ватанни тараннум этган ушбу шеърим "Миллий тикланиш" Демократик партияси томонидан эътироф этилибди.
Ташаккур!
https://t.me/Samarqandiy77 Ochish/sharhlash

2022-08-27 20:20:40 ОҚДАРЁ

Оқдарёнинг ёзи бўлак,
Оқшомларин нози бўлак.
Пастқишлоқдан бўй сочгувчи,
Райҳонларин рози бўлак.

Ойтамғали тоқидан ой,
Бош кўтариб сочар чирой.
Чин эҳтиром рамзи эрур,
Учтепалик дўстимдан чой.

Узун қишлоқ йўли узун,
Даҳбед томон тушгай кўзим.
Холмерганлик тоғам менга,
Узиб берар бир бош узум.

Шамол эсар дарё бетдан,
Тепақўрғон деган юртдан.
Сабо келгай бир муанбар,
Кумушкентдан, Янгикентдан.

Ризқ солланар шохларида,
Айни оқшом чоғларида.
Зардолилар зарга кирур,
Тўртайғирнинг боғларида.

Бир шодланиб ўйнар юрак,
Қарқарали қувнар юрак.
Зиндонтепа зиндонидан,
Қутулгандай яйрар юрак.

Тотдим Олчин олчасидан,
Ширин-шакар болчасидан.
Жой бер менга, жон яйрасин,
Оқбўйранинг шолчасидан.

Кўҳна ишқ бор озорида,
Тоҳир - Зуҳро мозорида.
Жондан бўлак ҳар не бордир,
Янгиқўрғон бозорида.

Беринг илҳомнинг сасидан,
Шоир айниб қолмасидан.
Пичоқчининг пичоғида,
Кесай Говбанд олмасидан.

Уфқдан қочур ноз шомлари,
Ёзсанг гўзал ёз шомлари.
Бир чиройли, бир чиройли,
Оқдарёнинг оқшомлари! Ochish/sharhlash