꯭🕋꯭📿꯭Qᴜ'ʀᴏɴ ᴠᴀ Nᴀᴤʜᴇᴇᴅ 🍃

2022-08-30 03:27:26 – Jabroil alayhissalom Qurʼonni olib tushganlari uchun farishtalar ichida eng afzali boʻldilar.
– Qurʼon Muhammad alayhissalomga nozil boʻlgani uchun u zot xaloyiqning sayyidi boʻldilar.
– Qurʼon Muhammad ummatiga tushgani uchun Muhammad ummati eng yaxshi ummatga aylandi.
– Qurʼon ramazon oyida tushgani uchun Ramazon oyi eng yaxshi oylardan boʻldi.
– Qurʼon qadr kechasi nozil boʻlgani uchun Qadr kechasi eng yaxshi kechaga aylandi.
Agar endi shu Qurʼon qalbingga tushsa nimalar yuz berishini oʻylab koʻr?!

https://t.me/Islomdan_savol_vajavoblar Ochish/sharhlash

2022-08-30 03:24:07 Дўзах аҳли ухламайди, чунки уларнинг азоби давомийдир.
Жаннат аҳли ҳам ухламайди, чунки улар абадий роҳатда бўлгани учун уйқуга эҳтиёжлари йўқдир!
Аллоҳим! Сендан жаннатни сўраймиз ва дўзахдан паноҳ тилаймиз!

https://t.me/Islomdan_savol_vajavoblar Ochish/sharhlash

2022-08-30 03:23:10 Кўзни номаҳрамларга қарашдан тўсувчи воситалар:
– Аллоҳ кўриб турганини унутмаслик.
– Дуо қилиш.
– Фитна бор жойлардан четда бўлиш.
– Бунинг ҳаромлигини ёдда тутиш.
– Бунинг ёмон оқибатларидан қўрқиш.
– Сабр билан имкон қадар ҳаракат қилиш.
– Нафл ибодатларда бардавом бўлиш.
– Рўза тутиш.
– Уйланиш.
– Намозларни вақтида адо қилиш.

https://t.me/Islomdan_savol_vajavoblar Ochish/sharhlash

2022-08-30 03:21:57 биз хам сизни соғиндик ё Росулуллоҳ

АБДУЛЛОҲ ДОМЛА


https://t.me/Islomdan_savol_vajavoblar Ochish/sharhlash

2022-08-30 03:19:55 Бомдод намозини тарк қилганлар қандай зарар кўрадилар

1. Мунофиқликдан қутулиш дипломини қўлга кирита олмайди. Чунки Пайғамбаримиз соллаллоҳу алайҳи васаллам: «Мунофиқларга энг оғир намоз хуфтон намози ва бомдод намозидир», деганлар.

2. Жаннатга киришнинг энг катта сабабидан маҳрум бўлади. Чунки Пайғамбаримиз соллаллоҳу алайҳи васаллам: «Ким икки совуқни ўқиса, жаннатга киради», деганлар.

Икки совуқдан мурод бомдод ва аср намозидир.

3. Дўзахдан нажот топишни қўлдан бой беради. Чунки Пайғамбаримиз соллаллоҳу алайҳи васаллам: «Қуёш чиқишидан ва ботишидан олдин намоз ўқиган киши ҳаргиз дўзахга кирмайди», деганлар.

4. Аллоҳнинг инояти ва муҳофазасини қўлдан бой беради. Чунки Пайғамбаримиз соллаллоҳу алайҳи васаллам: «Кимки, бомдодни ўқиса у Аллоҳнинг зиммасида бўлади», деганлар.

5. Кечани ҳаммасини бедор ўтказиш мақомидан маҳрум бўлади. Чунки Пайғамбаримиз соллаллоҳу алайҳи васаллам: «Ким хуфтонни жамоат билан адо этса, кечанинг ярмини бедор ўтказган бўлади. Кимки, бомдодни жамоат билан адо этса, кечанинг ҳаммасида намоз ўқиб чиққандек бўлади», деганлар.

6. Фаришта билан кўришишдан маҳрум бўлади, исми уларнинг дафтарларидан тушиб қолади. Имом Бухорий раҳматуллоҳи алайҳи ривоят қилган ҳадисда Набий соллаллоҳу алайҳи васаллам:

«Улар сизлар учун алмашиб, кетма-кет келиб турадилар. Кечаси бир хил фаришталар, кундузи бир хил фаришталар келади. Улар Бомдод ва Аср намозида жам бўладилар. Аллоҳнинг ҳузурига сиз билан тунни ўтказувчилар кўтарилганларида, улардан, Ўзи сизларнинг ҳолингизни жуда яхши билса ҳам:

– Бандаларимни қайси ҳолда тарк қилдингиз? – деб сўрайди. Фаришталар:

– Уларнинг ҳузурига борганимизда, намоз ўқишаётган экан, уларни тарк қилганимизда ҳам намоз ўқишаётган эди, – дейишади», – деганлар».

Бошқа бир ҳадисда эса:

«Албатта, сиз билан бирга, сизни хало ва жимоъ пайтидан бошқа вақтда тарк этмайдиган зотлар бор. Бас, улардан ҳаё қилинглар ва уларни ҳурмат этинглар», – дейилган.

7. Қиёмат кунидаги нур ва зиёдан маҳрум бўлади. Чунки, Пайғамбаримиз соллаллоҳу алайҳи васаллам: «Зулматларда масжидларга юриб борувчиларга Қиёмат кунидаги мукаммал нурнинг хушхабарини беринг», деб марҳамат қилганлар.

Зулматлардан мурод бомдод ва хуфтон вақтидир.

8. Дунё ва ундаги нарсалардан афзал бўлган ажр савобдан маҳрум бўлади.

Чунки, Пайғамбаримиз соллаллоҳу алайҳи васаллам: «Бомдодонинг икки ракат (суннат)и дунё ва ундаги ҳамма нарсадан яхшидир», деганлар.

Бомдодонинг икки ракат суннатининг савоби шунчалик бўлса, фарзи ҳақида нима деб ўйлайсиз?!

9. Кўплаб яхшиликлар ва баракотлардан маҳрум бўлади. Чунки, Пайғамбаримиз соллаллоҳу алайҳи васаллам: «Агар одамлар хуфтон намозида ва бомдод намозида нима борлигини (қандай яхшиликлар, баракотлар, ажру савоблар борлигини) билганида эди, у иккисига эмаклаб бўлса ҳам келган бўлар эди». деганлар.

Кун давомида оғир-оғир нарсаларни кўтара оладиган кўпчилигимиз бомдод вақтида устимиздаги кўрпани кўтара олмай қоламиз. Унутмайликки, намоз уйқудан афзалдир.

Аллоҳ таоло барчамизни намозларимизни ўз вақтида, жамоат билан масжидларда адо этишимизни насиб этсин, У зот Ўзининг ҳидоятидан айирмасин ва охиримизни офиятда қилсин.


https://t.me/Islomdan_savol_vajavoblar Ochish/sharhlash

2022-08-29 15:39:57 ROSULULLOH SALLALLOHU ALAYHI VASALLAM TAVALLUD TOPGAN UY| HASANXON YAHYO ABDULMAJID → Ochish/sharhlash

2022-08-29 03:08:03 “Фотиҳа” сурасини ўқиб сув ичишнинг фойдаси

Сув ичишдан олдин Фотиҳа сураси тўлиқ ўқилади. Сўнгра ўтирган ҳолатда сувни ичилади. Фотиҳа сурасини ўқиб кейин сув ичилганда тиқилиб қолган қон томирлари очилиб кетади, қон айланиш системаси изига тушади, юрак фаолияти яхшиланади, қалб ором олади.
Инсонда ички қувват пайдо бўлади, ички аъзолар (ошқозон, жигар, ичаклар) равон ишлайди.
Аслида, Қуръон борича шифо, раббоний дорихонадир. Бир стакан сувни Фотиҳа сурасини ўқиб ичишга одатланган киши буни ҳис қилади.
Фотиҳа сураси руҳингизга руҳ, кучингизга куч баҳш этади.
Фотиҳа сураси ҳаётингиздаги барча муаммоларни ҳал қилади, ҳаттоки эр-хотин ўртасидаги, фарзандлар ўртасидаги, ишдаги, ўқишдаги муаммолар ҳам бундан мустасно эмас.
Фотиҳа сураси қалбдаги гина кудурат, буғзу адоватга ҳам барҳам беради. Ҳасад, кибр, ужб ва ғурур каби қалб ҳасталикларини даволайди, турли микроблар ва зарарли вирусларни ўлдиради.
Хонангизни Фотиҳа сурасининг хушбўй атри билан муаттар қилинг. Тўшагингизга ётганингизда ҳам такрор ва такрор ўқинг.
Фотиҳа сурасини ўқишлик ишларингизни тартибли бўлишини таъминлайди.
Фотиҳа сурасини маъноларини тушуниб ўқишга ҳаракат қилинг. Аллоҳ таоло “Фотиҳа” сурасини тавсифлар экан:
وَلَقَدْ ءَاتَيْنَٰكَ سَبْعًا مِّنَ ٱلْمَثَانِى وَٱلْقُرْءَانَ ٱلْعَظِيمَ
яъни: “Дарҳақиқат, Биз Сизга етти такрорланувчи (етти оятли «Фотиҳа» сураси)ни ва улуғ Қуръонни ато этдик”, деган (Ҳижр сураси, 87-оят).
Араб тилида “و” “ва” боғловчиси тенгликни ифодалайди. Яъни, Аллоҳ таоло “Фотиҳа” сурасини Улуғ Қуръонга тенглаштиряпди. Шунинг учун уламолар: Қуръони каримнинг маънолари Фотиҳа сурасига сингдирилган, Фотиҳа сурасининг маънолари “Сенгагина ибодат қиламиз ва Сендангина ёрдам сўраймиз” деган оятга сингдирилган, дейдилар.
Фотиҳа сураси бир кунда суннат ва нафл намозлардан ташқари фақат фарз намозларининг ўзида ўн олти марта такрор ўқилади. Такрор-такрор ўқилишида ҳам сир бор. Агар бирор намознинг бирорта ракъатида ўқилмай қолса, намоз мукаммал бўлмай қолади.
Расулуллоҳ саллаллоҳу алайҳи васаллам Фотиҳа сурасини “Шофия” (Шифо берувчи), “Кофия” (Кифоя қилувчи), Қуръондаги энг буюк сура деб номлаганлар. Саҳобалар беморнинг оғриётган ерига қўлларини қўйиб Фотиҳа сурасини етти марта ўқиганларида Аллоҳнинг изни билан касал тузалар эди.
Қачон Қуръон ўқисангиз уни Фотиҳа сураси билан бошланг. Фотиҳа сураси зулматларни нурга айлантиради, кўнгил сиқилишидан халос этади, ғам-ташвишларни аритади.
Шундай экан, бир стакан сувни Фотиҳа сурасини ўқиб ичинг, Аллоҳнинг изни билан фарқини биласиз..


https://t.me/Islomdan_savol_vajavoblar Ochish/sharhlash

2022-08-29 03:02:46 САФАР ОЙИ

Сафар ойи кириб келди сафар ойи ҳижрий-қамарий тақвим бўйича йилнинг иккинчи ойидир. Одатда, бу ой яқинлашиши билан кишилар орасида “сафар ойида сафарга чиқса, тўй қилса бўлмасмиш” каби гаплар айланиб қолади. Ушбу гаплар диний маънода бўлиши ҳам турган гап. Чунки уларнинг замирида сафар ойида сафар қилса, офатга дучор бўлармиш, тўй қилса, оиласи бахтсиз бўлармиш, деган эътиқод ётади. Исломдан олдинги жоҳилият даврида ҳам сафар ойидан шумланиш одати бор эди.
Барча нотўғри эътиқодлар қатори динимиз бу каби хурофотдан иборат фикрларни ҳам тўғрилади. Пайғамбаримиз соллаллоҳу алайҳи ва саллам бу борада бир қанча ҳадислар айтдилар. Жобир розияллоҳу анҳудан ривоят қилинади: «Набий соллаллоҳу алайҳи ва саллам: “Касаллик юқиши йўқ, ғул йўқ ва сафар йўқ”, дедилар» (Муслим ва Абу Довуд ривояти).
1. «Касаллик юқиши йўқ». Дунёдаги ҳар бир нарса фақатгина Аллоҳ таолонинг иродаси билан бўлади. Жумладан, хасталик юқиши ҳам. Одамлардан жоҳилият эътиқодларини кетказиш учун шунга ўхшаш нозик нарсаларга алоҳида эътибор берилган.
2. «Ғул» йўқ. Ғул жоҳилият аҳли тасаввуридаги бир жин бўлиб, улар уни турли шаклларга кира олади, одамларни адаштириб кетиб, турли балоларга учратади, деган эътиқодни қилишар эди. Ислом бу нотўғри эътиқодни ҳам рад этди.
3. «Сафар йўқ». Жоҳилият аҳлининг сафар ойи тўғрисида ҳам бидъат-хурофотдан иборат ақидалари бор эди. Ислом бундай бўлмағур эътиқодларни ҳам рад этиб, ой-кунларнинг ҳаммаси Аллоҳ таолоники эканини эълон қилди.
Жоҳилият аҳлининг сафар ойидан шумланишига зид равишда, бу ой Исломда «сафарул хайр» – «сафар яхшилик» деб номланди.
Жоҳилият аҳлининг сафар ойида иш бошлаб бўлмайди, деган хурофотига зид равишда Исломда кўпгина ишлар айнан шу ойда бошланди. Масжиди набавийнинг қурилиши биринчи ҳижрий сананинг айнан сафар ойида бўлди.
Жоҳилият аҳлининг сафар ойида сафарга чиқиб бўлмайди, деган эътиқодига зид ўлароқ, мусулмонлар худди бошқа ойлардаги каби бемалол сафарларга чиқдилар. Пайғамбар алайҳиссалом бу ойда сафарга чиқиб, Хайбарни фатҳ қилдилар.
Жоҳилият аҳлининг сафар ойида никоҳланиб бўлмайди, деган сафсатасига қарши ўлароқ, мусулмонлар бу ойда никоҳларини ўтказдилар. «Туҳфатул Муҳтож фии шарҳил Минҳож» номли китобда ва бошқа манбаларда Имом Зуҳрийнинг ривоятлари асосида келтирилишича, Пайғамбаримиз алайҳиссалом айнан сафар ойида қизлари Фотимаи Заҳрони Али розияллоҳу анҳуга никоҳлаб бердилар. Ўшанда ҳижратнинг иккинчи йили эди.Мухтарам азизлар бундай хурафату ирим сиримларларга ишонмай сафар ойи хақидаги китоблар ва мақолаларни ўқийлик ва фарзандларимизга хам қариндошларимизга етказайлик тўй қилмоқчи бўлиб турган инсонлар хеч еккиланмасдан тўйларини ўтказиверсин иншааллох бахтли оилалардан бўлади.


https://t.me/Islomdan_savol_vajavoblar Ochish/sharhlash

2022-08-29 03:01:19 Мўъжиза

Абу Ҳурайрадан родияллоҳу анҳу ривоят қилинади: Росулуллоҳ соллаллоҳу алайҳи ва саллам:
“Aгар эшакнинг ҳанграшини эшитсангизлар, Аллоҳ номи ила шайтондан паноҳ тиланглар. Чунки у шайтонни кўргандир...
Агар хўроз қичқириғини эшитсангизлар, Аллоҳдан Унинг фазлини сўранглар. Чунки у фариштани кўргандир” - дедилар.

(Имом Бухорий ва Муслим ривоятлари).

Биз бу ҳадисда илмий кашфиёт яширинганини кутмаган эдик.
Бу кашфиётдан бутун олам хайратда қолди.
Ҳадис аниқ ва равшан бўлиши учун сизларни мусулмон табиби ва олимининг таҳлиллари билан таништириб ўтамиз..
Дарҳақиқат, инсоннинг кўриш қобилияти чегараланган бўлиб, эшакнинг кўриш қобилиятидан анча фарқ қилади.
Шунингдек, эшакнинг кўриш қобилияти хўрознинг кўриш қобилиятидан фарқ қилади.
Инсоннинг кўриш қобилияти чегараланган бўлиб, у қизил ва бинафша рангли шуълалар остидаги нарсаларни кўра олмайди.
Аммо хўроз ва эшакнинг кўриш қудрати бундан мустасно...
Бу ерда савол туғилади, "Қандай қилиб хўроз ва эшак жин ва фаришталарни кўра олади?"
Дарҳақиқат, эшак қизил шуъла остида кўради.
Шайтон ҳам қизил шуълали оловдан яралгандир. Шунинг учун ҳам эшак фаришталарни эмас, балки (жин) шайтонларни кўра олади.
Хўрознинг кўриш қобилияти эса бинафша рангли шуълада бўлганлиги туфайли у фаришталарни кўра олади.
Бунга сабаб эса, фаришталар бинафша рангли нурдан яратилганидир.
Шайтонлар Аллоҳнинг номи зикр этилган жойдан қочишларининг изоҳи: Сабаб шундаки, фаришталар Аллоҳнинг номи зикр этилган жойга ташриф буюрадилар.
Шайтонлар эса бу ердан қочадилар...
Нима учун шайтонлар фаришталарнинг ҳузуридан қочадилар?
Чунки шайтонлар фаришталарнинг нурини кўришлиги билан азобланадилар.
Агарда бинафша шуъласи билан қизил шуъла бир жойда жамланса, қизил шуъла буғланиб, йўқ бўлиб кетар экан. Субҳаналлоҳ!!!

https://t.me/Islomdan_savol_vajavoblar Ochish/sharhlash

2022-08-28 04:27:37 Бошқаларни айбини мухокама қилиш


https://t.me/Islomdan_savol_vajavoblar Ochish/sharhlash