Yosh siyosatchi

2022-08-08 21:06:39 Мандат 26-27 августда эълон қилинади – ДТМ

@gorizont_uz Ochish/sharhlash

2022-08-07 09:29:24 Исроил осмонида "Темир гумбаз" ҳаво мудофаа тизимининг ишлаши.

@gorizont_uz Ochish/sharhlash

2022-08-07 09:26:36 Ухлаётган сенаторлар ёҳуд ухлаб чиқарилаётган қонунлар - Qalampiruz

@gorizont_uz Ochish/sharhlash

2022-08-07 09:25:40 Афсуски, келажакда Ўзбекистонни жудаям жиддий сув танқислиги кутяпти. Бу муаммони бартараф қилиши керак бўлган мутасаддилар эса талон-торож қилиш билан овора - Subyektiv

@gorizont_uz Ochish/sharhlash

2022-08-06 09:57:22 Кенисарин Ахмет. Султаны Кенисара и Садык : биографические очерки Султана Ахмета Кенисарина / Сыр-Дарьинский областной статистический комитет ; обраб. и примеч. Е.Т. Смирнова

Нашр: Тошкент - 1889.

Қозоқ хони Султон Кенесари ва ўғли Султон Содиқ ҳақидаги «Насабномаи султон Содиқ» асарининг рус тилидаги ушбу нашри 1889 йил Тошкентда рус география жамиятининг туркистон бўлими аъзоси Евгений Смирнов томонидан чоп этилган.

Туркистон кутубхонаси Ochish/sharhlash

2022-08-06 09:57:22 "Шажараи турк" ва унинг ўрганилиши

Муаллиф: Ҳалим Худойназаров.
Нашр: Тошкент - 1993.

Китобда Абулғозий Баҳодирхоннинг "Шажараи турк" асари, унинг нашрлари ҳақида маълумот берилади.

**

Родословное древо тюрков. Сочинение Абуль-Гази, хивинского хана // Перевод Г.С. Саблукова. Казань, 1906.

Абулғозий Баҳодирхон. Шажараи турк [ابو الغازى بهادر خان. شجرهٔ ترك]. Қозон - 1824.

Абулғозий Баҳодирхон. Шажараи турк [ابو الغازى بهادر خان. شجرهٔ ترك] // тайёрловчи П.Демезон. Петербург - 1871.

Абулғози Баҳодирхон. Шажараи турк. // Нашрга тайёрловчилар Муниров Қ., Маҳмудов Қ. Тошкент - 1992.

***

"Туркистон кутубхонаси" ижтимоий тармоқларда
Telegram | YouTube | Facebook Ochish/sharhlash

2022-08-06 09:57:22 Балжувон

Фарёдим дунёнинг борлиғин бўғсин!
Умиднинг энг сўнгги иплари узсин!

Ғазабдан титраган ёш бир йигитнинг
Тоғдек сийнасига ўтлар ўрнашмиш,
Тоғларда эрк учун юрган кийикнинг
Қора кўзларига мотамлар кирмиш.

Дарёлар, тўлқинлар титраркан, бир эр
Зарбалар қаҳридан йиқилмиш қолмиш.
Қутқариш юлдузи йўқликка кирмиш,
Сенинг сўнг жонингни ёвларинг олмиш.

Мармара йўллари, Эдирна йўли,
Чаталжа кенглиги, Бўғоз торлиги,
Карпат баландлиги, Траблус чўли,
Гўзал Селаникнинг ширин боғлари.

Шаҳидлар юзига томгучи нурлар,
Қонлар йиғлатди-ку, бизни бу хабар.

Берлин кўчалари йигитнинг бирин
Тўп-тўлиқ ғалвалар қўйнига олди.
Тифлис ҳаволари бир нажот эрин
Қора қонга бўяб ерларга солди.

Тарихнинг рангини кўп қонлар билан
Қорартган, толдурган, бироқ Балжувон
Энг сўнгги умидни қонга бўяган
Оҳ, қандай уғурсиз замонлар келган.

Фарёдим дунёнинг борлиғин бўғсин!
Қоп-қора бахтимга шайтонлар кулсин!

Абдулҳамид Сулаймон ўғли Чўлпон.

***

Туркистон кутубхонаси Ochish/sharhlash

2022-08-06 09:57:22 Бокуда

1920 йил 1-8 сентабрь кунлари Бокуда бўлиб ўтган Шарқ халқларининг биринчи съездига айни вақтда Москвада бўлиб турган Анвар Пошонинг келиши.

"Туркистон кутубхонаси" ижтимоий тармоқларда
Telegram | YouTube | Facebook Ochish/sharhlash

2022-08-06 09:57:22 Хотиралар

...

1921 йилнинг кеч кузида Анварнинг кутилмаганда Бухорода пайдо бўлиши туркистонликларда Ватанимиз зулмкорларига қарши курашда ғалаба қозонишга бўлган ишонч учқунларини чақнатди. Анварда Туркистон қўзғолончиларининг барча кучларини ўз атрофига ва ўз раҳбарлиги остига жипслай оладиган ҳарбий маҳорат ҳамда жозиба мужассамлашган эди.

Агар Анвар Туркистонда 1918–1919 йилларда, ҳали Туркистоннинг каттагина қисми совет оккупациясидан холи бўлган, маълум қисмида эса советлар ҳукмронлик қилаётган ва халқ қўзғолони кетаётган пайтда пайдо бўлганида эди, балки, Ватанимиз тақдири мутлақо бошқача кечарди. Ахир 1918 – 1919 йилларда биз рус большевикларининг қуролли кучларидан эмас, балки ўзимизда ташкилотчиликнинг йўқлиги, уюшган ҳолда кураш олиб боролмаганлигимиздан енгилганмиз.

1916 йилги қўзғолон пайтида Туркистонда кўпчилик Анвардан ёрдам кутганди... Туркистонда султон халифанинг номини кўпчилик билмаса ҳам, Анварнинг номи ҳаммага таниш бўлиб кетганди. Анварнинг номи афсоналарга тўла эди. Сўнгги Болқон урушидан сўнг даштликларнинг кўпчилиги фарзандига Анвар исмини қўйишган... Рус ҳукумати Анварнинг Туркистонда кенг оммалашаётганлигини билган ҳолда унга қарши кураш олиб борарди. Рус ҳукумати шубҳали туюлган Туркистондаги барча татар ўқитувчиларни «Анварнинг агенти» деб ҳисобларди. У жадидчиларимизни ҳозир «камолчилар», бизни эса миллатчилар деб атаётганидек, ўша пайтдаги жадидчиларимиздан «Анварнинг агентлари» деб шубҳаланишган.

Анвар Туркистонни озод қилиш йўлида қаҳрамонларча халок бўлди. Унинг ўлимидан сўнг ўн йил ўтгач Москванинг «қизил қўшинлари босиб олинган мамлакатдаги душман армиясига ўхшаб Туркистонга кириб борди».

Мамлакатимизни душман армиясидан халос қиладиган кун келармикин!?

Биз ишонамиз, бу кун келади. Ана шунда Туркистоннинг олис бурчагида ётган Анварнинг хоки эркин ва мустақил Туркистон пойтахтига кўчириб келинади. Ва унинг хотараси туркистонликлар қалбида абадий яшайди.

Мустафо Чўқай ўғли. Мустафо Шоқай Шығармаларынын Толық жинағи. Алтынщы том. – Алматы, 2013.

***

@turkiston_kutubxonasi Ochish/sharhlash

2022-08-06 09:57:22 "Балжувон фожиаси"га — 100 йил!

4 август 1922 йил (айрим манбаларда 5 август) - Шарқий Бухорода қизил армия кучларига қарши кураш етакчиларидан Анвар Пошо Балжувон тепалигида бўлган жангда ҳалок бўлган кун.

Исмоил Анвар Пошо (1881-1922) 1921 йил кузидан собиқ Бухоро амирлиги ҳудудида Қизил армия кучларига қарши ўзининг бир неча собиқ сафдошлари билан жанг олиб боради. 1922 йил мартидан Амир Олимхондан барча қўшинларга Бош қўмондон этиб тайинлангани ҳақида иноятнома олади. Шу йилнинг 15 апрелида эса қўрбошилар Анвар Пошони қўрбошиларга сиёсий раҳбар ва қўмондон этиб сайлайдилар.

Советларнинг ўлкага катта куч ташлаши билан вазиятни ўзгариб, аҳволни оғирлашиб боради. 4 август куни Балжувон тепалигига қизилларнинг 3 та отлиқ полки, 3 та эскадрони тўсатдан ҳужумга ўтади. Узоқ давом этган олишувдан сўнг Анвар Пошо ҳалок бўлади.

Эрк ва озодлик куйчиси Чўлпон Анвар Пошо вафоти муносабати билан ўз вақтида "Балжувон" номли марсия битган.

Туркистон кутубхонаси Ochish/sharhlash