2020-05-20 22:31:29
Konspiralogiya
Menimcha ko'pchiligingiz turli hil odamlarni saraton kasaliga davo topganini, tez ozdirish yo'lini bilishini, yoki bo'lmasam yoqilg'i talab qilmaydigan generator o'ylab topganini eshitib qolgan bo'lsangiz kerak. Ularni bog'lab turgan eng katta jihatlari ularning barchasini olimlar tan olishni hohlashmaydi va katta katta tadbirkorlar (masalan neft baza egalari, farmotseftika fabrikasi borlar) juda yomon ko'rishadi. Butun dunyo kelishib olib ularning kashfiyotlarini yo'qotmoqchi bo'lishadi. Keyin esa bunga yo'l qo'ymaslik uchun unga yordam berishingizni so'raydilar. Ba'zilari hatto o'z mahsulotlarini sizga sotmoqchi ham bo'lishadi.
Yana boshqa turdagi yolg'onchilar bu ba'zi bir o'zini blogger deb atab olgan "lo'ttibozlar" dir. Ular shunchaki odam to'plash maqsadida qandaydir be'mani ertaklar to'qib chiqarishadi. Xozir trendga aylangan mavzu: virusni ataylab biznesmenlar tarqatganini soatlab beo'xshov argumentlar bilan isbotlab o'tirishadi (bittasi rangli printerdan oddiy oq qog'ozga chiqarilgan kalendarni ushlab olib 20 20, birinchi 20 yashil ikkinchi 20 ko'kda yozilgan, ikkalasini qo'shsa sariq rang bo'ladi, bu koronavirusni rangi deb o'tiribdi ). Ba'zilar esa yerning tekis ekanligiga ham isbot dalil topib berishadi.
Ya'na ba'zilari o'zini zo'r ekanligini ko'rsatish uchun huddiki uning ortidan Amerika agentlari, Rossiya shpionlari tushgandek ko'rsatadi. Ya'ni u aytib berayotgan narsalar AQSH va Rossiyaning maxfiy siri.
Aqlini ishlatmaydigan odamlar uchun bundaylar ularning ko'ziga avliyodek ko'rinadi go'yo. Huddiki butun dunyodagi sirlarni shu odam biladigandek (shu hammadan yashirilgan sirni sendan yashira olishmabdida qara).
Bular yolg'on gapirayotganini qayerdan bilamiz?
Avvalo bunday lofchilar o'zining haqligiga keltiradigan argumentlar qandaydir multfilmlar (simpsonlarni argument qilish rosa urf bo'lgan), qandaydir hechkim ko'rmagan e'lonlar, yoki qaysidir serialning qaysidir seriasining qaysidir vaqti va boshqa shunga o'xshagan be'mani narsalardan iborat. Asosli tuzukroq dalil so'rasangiz darrov sizni ham shu tizimda miyyangizni formatlashganini va shu formatdan chegaraga chiqa olmasligingizni aytishadi. Boshqa dalil yo'q.
Undan tashqari biz abduksiya qoidalarini yaxshi bilamiz. Unga ko'ra konspiralogik argumentni inkor qilish yo'li mavjud emas. Asosli argumentni esa inkor qilish uslubi bo'lishi kerak.
Postning mazmuni shundan iboratki, qayerdadir biror kim shunga o'xshash mavzuda vaj o'qiyotganiga ko'zingiz tushib qolsa, bilingki bu odam sizni aldab pulingizni olmoqchi, yoki miyyangizni har hil be'maniliklar bilan zaharlab oxir oqibatda esa baribir pulingizni olmoqchi.
Albatta siz bo'lmasangiz boshqa odam bu narsalarga ishonadi. Bu parazitlar esa o'shanday axmoq odamlar hisobiga yashashda davom etaveradi. Nima ham qila olardik, "Лох не мамонт, лох не вымрет"(axmoq mamont emas, axmoqlar qirilib ketmaydi).
Shunday ekan aldovlarga uchub parazitlarning ko'payishiga sharoit yaratib bermang.
Fikrlashdan to'xtamang.
@ratsional
11.4K views19:31
M
