Kanal manzili:
Toifalar:
Iltimoslar
Til: Oʻzbek tili
Obunachilar:
155
Kanalning ta’rifi
✍️ Шеърлар, таржималар, фикр ва мулоҳазалар;
📚 Китобдан иқтибослар;
🎙️Аудиолар, аудиокитоблар;
🌟 Янги китоблар ҳақида янгиликлар;
✍️ Тасаввуф.
Ratings & Reviews
Reviews can be left only by registered users. All reviews are moderated by admins.
5 stars
0
4 stars
3
3 stars
0
2 stars
0
1 stars
0
Oxirgi xabar
2022-07-10 09:46:51
Шариат, тариқат йўлдир йўлчига,
Ҳақиқат, маърифат андин ичкари.
Сулаймон қуш тилин билар, дедилар,
Сулаймон бор Сулаймондин ичкари.
Унутдим, дин, диёнат қолди мендан,
Бу не мазҳабдурур диндин ичкари.
Ким динни тарк этса, куфурдир иши,
Бу не куфурдир иймондин ичкари.
Кечар экан, Юнус ҳеч бўлди дўстга,
Қолди остонада андин ичкари.
Юнус Эмро ҳазратлари
@Rahimjon_Ali
31 viewsedited 06:46
2022-07-08 09:11:39
МУНОЖОТ
Илоҳи қулингман адашган,
Гуноҳлар ўтида қалашган.
Ҳар куни исёним минг карра,
Тавбамда ихлос йўқ бир зарра.
Шунча пайт йўлсиздан йўл сўрдим,
Мен фақат саробга қўл чўздим.
Воҳ умрим – беҳуда, бесамар,
Ҳар куним ичилган бир заҳар.
Кўксимда додлаган бир қушча,
Ҳар сония санчади бир нишча.
Тутганим бу йўлим – хатардир,
Ҳар куним, ҳар туним бадтардир.
Илоҳи раҳм эт қулингга,
Солиб қўй энг гўзал Йўлингга.
Илоҳи, осийман тан олдим,
Мадад бер, Ўзингга йўналдим.
Ўзингга йўналтмоқ Ўзингдан,
Шундадир йўналмоқ ўзимдан.
Мен Сендан узилдим – бузилдим,
Тўкилган япроқдек тўзидим.
Минг турфа йўллардан изладим,
Мен Сенга қайтмоқни истадим.
Илоҳи, заррамен, гуноҳмен,
Ҳолимдан хабардор – Огоҳ Сен!
Илоҳи, зикрингга зокир эт!
Тавбакор, собиру шокир эт!
Илоҳи, Ишқинг-ла куйдиргин!
Ўзингни суйдиргин, суйдиргин!
Орифлар роҳида тупроқ қил,
Ошиқлар оҳида титроқ қил!
Илоҳи, ИШҚ деган водийни,
Сайрида сайёҳ эт Осийни.
Илоҳи, бунчалар яхшисан,
Кўнглимнинг Наққоши, нақшисан!
Сўзласам сўзларим битмас ҳеч,
Арзларим сиғмайди тонгу кеч.
Ҳар заррам Ўзингга юзланса,
Ўзлигим Ўзингдан изланса.
Илоҳи, қулингман гуноҳкор,
Гуноҳи Ўзингга ош(и)кор.
Бош уриб келдим эй, Меҳрибон!
Бу меҳринг нур сочар ҳар қачон!
Эндиким ноумид айлама,
Ҳузури завқингдан ҳайдама!
Илоҳи, Улуғсан, Суюксан!
Бунчалар Буюксан, БУЮКСАН!
Раҳимжон Али
2015 йил
@Rahimjon_Ali
78 viewsedited 06:11
2022-07-06 09:23:57
Алҳамдулиллаҳ, болажонларимиз учун тайёрлаган ушбу китобимиз нашрдан чиқди. Қурбон ҳайитига яхши совға бўлади, деган умиддамиз!
@Rahimjon_Ali
328 viewsRahimjon ALI, 06:23
2022-07-05 21:21:37
Шовқинли дунёда сукунат ила,
Жимгина оқмоқлик... кўнгил, сенгамас.
Узилар ришталар, қўллар узилар —
Аллоҳдан бошқаси барчаси абас.
Баҳор тонгларининг шоми кузакдир,
Кўрсанг гуллари-ю, райҳонлари хас.
Кимдир хаёлимни Сендан бузадир —
Аллоҳдан бошқаси шунчаки ҳавас!
Тилло қасрлару, шон-шуҳрат, чақа,
Тупроқдан тупроққа дўнарлар бесас.
Фанога чўқиниб топилмас Бақо —
Аллоҳдан бошқаси бир ютум нафас!
Истасам қуёшдан ўсиб кетурман,
Кўргайман борлиқни етигу ҳассос.
Ахир зикринг билан, ҳурман, буюкман —
Аллоҳдан бошқаси тузоғу қафас!
Аллоҳдан бошқаси... шунчаки ҳавас!
Раҳимжон Али
02.07.2022
@Rahimjon_Ali
125 viewsSabr, edited 18:21
2022-07-03 11:54:40
Кимнинг қалбида илоҳий муҳаббат бор бўлса Аллоҳга етишмоқ учун баҳоналар излайди.Шайх Зулфиқор Аҳмад Нақшбандий ҳазратлари. @Rahimjon_Ali
160 viewsRahimjon ALI, edited 08:54
2022-07-03 10:43:30
Шайх Сафийюддин Ҳиндий жуда хуник ёзар эди. У айтади:"Бир куни китоб бозоридан бир китоб сотиб олдим. Хати жуда ҳам хуник эди. Мен уни муносиб нархидан ҳам баландроқ нархда сотиб олдим. Мақсадим менинг хатимни хуник дейдиганларга уни ҳужжат қилиб: "Мана, менинг хатимдан ҳам қабиҳроқ хат бор экан-ку!"- дейиш эди.
Уйга келдим. Китобни ўқиб чиқдим. Кейин аниқ бўлдики, уни анча олдин ўзим ёзган эканман!". @Rahimjon_Ali
317 viewsRahimjon ALI, 07:43
2022-07-02 13:05:07
Мен сени Аллоҳга омонат қилдим,
Энг яхши қарор бу, энг тўғри йўл бу!
Мен сени Аллоҳга омонат қилдим,
Энг яхши асровчи фақат-фақат У!
Юлдузлар сўради, бермадим, Гулим!
Қуёш хафалигин "кўрмадим", Гулим!
Тоғлар асрай деди, кўнмадим, Гулим!
Мен сени Аллоҳга омонат қилдим!
Сойлар мавжларига яширай деди,
Ой ҳам важҳларига яширай деди,
Шамол қирларимдан оширай деди,
Мен сени Аллоҳга омонат қилдим!
Ғунчалар атрига ўрамоқ истар,
Нилуфар ҳолингни сўрамоқ истар,
Шаббода шодликка чулғамоқ истар,
Мен сени Аллоҳга омонат қилдим!
Ишқингда гоҳ кулиб, гоҳида ёниб,
Меҳрингга зор бўлиб, гоҳида қониб,
Сени дунёлардан шундай қизғониб,
Мен сени Аллоҳга омонат қилдим!
Сени Аллоҳимга омонат қилдим!!!
Раҳимжон Али
2022
@Rahimjon_Ali
149 viewsSabr, edited 10:05
2022-07-02 11:14:54
Қадимий ҳикматларда шундай сўз келади:
"Ўзгани билмоқ илм, ўзини билмоқ ирфон. Ўзгани енгмоқ қувват, ўзини енгмоқ қудрат."@Rahimjon_Ali
157 viewsRahimjon ALI, edited 08:14
2022-07-02 08:07:51
Шамол каби ўтар беҳуда умрим...@Rahimjon_Ali
123 viewsRahimjon ALI, edited 05:07
2022-07-01 06:52:47
Маним бу топшириғимни вақти келганда бажариш, ўз авлодим устига юкланган муқаддас бир улуғ вазифадир..."
Бугунги кунга келиб, бу вазифа нақадар етарлича бажарилаётгани жудаям қувонарли. Бугун бу китоб кирмаган хонадонлар кам. Ўқимаган, уқмаган инсонлар оз. 10 мингдан нусхаларда, чиройли кўринишларда халқимизга етиб бораётгани бизни хурсанд қилади!
Сўзимнинг охирида Яратгандан шуни сўрайманки, ушбу китобни ўқувчилари сони тобора кўпайсин, ҳамда ёзувчиси бўлган Алихонтўра Соғуний устозимизга ажр-мукофотларини зое қилмагин, Илоҳо!
Раҳимжон Али
@Rahimjon_Ali
289 viewsRahimjon ALI, edited 03:52
R
