Qoriravot masjidi ʳᵃˢᵐⁱʸ ᵏᵃⁿᵃˡ

2023-05-11 07:09:02 Кибрга олиб борадиган сабаблар.

Устоз Сайдуллоҳ домла


https://t.me/Qorirovotuz Ochish/sharhlash

2023-05-11 06:08:02 Бенамоз йигит билан суҳбат

Шайх Али Тантовий роҳимаҳуллоҳ бир бенамоз йигит билан бўлган суҳбатлашиб қолдилар:

Йигит: «Тўғри, намознинг фарз эканини инкор қилмайман. Мен ҳам намоз ўқишни яхши кўраман. Лекин баъзи намозхонларни кўргач, намоздан нафратланиб кетаман... Мактабимизда бир йигит бор. Беш маҳал намозини ўқийди. Лекин ўзи ёлғончи, такаббур бола, омонатдор эмас. У тўғри йўлдан оғиб кетган», деди.

Шунда мен: «Шунинг учун намоз ўқимайсанми?» десам, у «Ҳа», деди. Мен: «Унда нима учун овқат еяпсан?» дедим. «Нима учун емай?!» деди у ҳайрон бўлиб. Мен: «Чунки овқат еяётганлар ичида ҳам ўғри, хулқи бузуқ ва такаббурлари бор», дедим. «Бор бўлса нима бўпти? Ахир организмнинг яшаши учун овқатланиш керак-ку!» деди. Мен: «Худди шунга ўхшаб, руҳнинг яшаши учун ҳам намоз керак! У ёлғончи бўлса, бунинг намоз ўқимаслигингга нима алоқаси бор?» дедим.


https://t.me/Qorirovotuz Ochish/sharhlash

2023-05-11 05:07:02 Ибн Масъуд розияллоҳу анҳу айтадилар: "Бизга Қуръон ўқиш қийин ва унга амал қилиш осон бўлган. Биздан кейингиларга эса, Қуръонни ўқиш осон ва унга амал қилиш қийин бўлади".


https://t.me/Qorirovotuz Ochish/sharhlash

2023-05-11 04:06:02 Турмуш қургач, жуфтингиз билан қуйидаги 7 та олтин қоидага келишиб олинг.

1. Уйингизда уч нарсани таъқиқланг.
Ғийбатни
Баҳслашишни
Араз ва гинани

2. Уйингизда уч нарсага меъёр белгиланг.
Телефонга
Интернетга
Телевизорга

3. Уйингизда уч нарсани давомли қилинг.
Қуръон тиловатини
Илмий суҳбатни
Жамоат бўлиб намоз ўқишни

4. Уйингизда уч нарсани кўпайтиринг.
Дуони
Зикрни
Тавбани

5. Уйингизда уч нарсани камайтиринг.
Кўп ейишни
Кўп ухлашни
Кўп гапиришни

6. Уйингизда уч нарсага бе эътибор бўлманг
Узур сўрашга
Ҳурмат қилишга
Ташаккур билдиришга

7. Уйингизга уч нарсани киргизманг.
Фоиз
Ҳаром ризқ
Бировнинг ҳаққи

Ва бу қоидаларни ҳеч қачон бузмасликка аҳдлашинг!


https://t.me/Qorirovotuz Ochish/sharhlash

2023-04-23 16:18:02 ЖАННАТ СИЗ КАБИ ҚАЛБИ САЛИМ ИНСОНЛАРГА МУШТОҚ

Ҳайит табрикларини кўриб, ич-ичимдан хурсанд бўламан. Бу уммат кишиларининг айримларида бошқаларига нисбатан баъзи масалалар сабабли гина кудуратлар бор бўлсада, ҳайит кунлари шу нарсаларни бир четга суриб қўйиб, ҳаммани умумий табриклашади. Мен барча биродарларимизни гарчи улар айрим фаръий масалаларда ўзаро ихтилофда бўлишсада, уларнинг барчаларини жаннатийлардан деб умид қиламан. Ҳа, – ақидавий бўлсин ёки фиқҳий бўлсин, айрим фаръий масалаларда – ихтилофда бўлсакда, Роббимиз, Пайғамбаримиз, Китобимиз, қибламиз, ҳайитимиз, жаннатимиз каби асосий масалаларда иттифоқдамиз. Демак, асосий масалаларда бир эканмиз, айрим фаръий масалалардаги ихтилофларга кўз юмиб, бирлигимизни сақлаб, иттифоқда яшасак бўлади. Чунки ҳайит табрикларида ана шу руҳиятни кўряпмиз.

Ҳайит кунидаги хурсандчилик ҳолатлари жаннатийларнинг ҳолатини эслатди. Қиёмат бўлганида жаннатга киришдан олдин жаннатийларнинг дилларидан бир-бирларига бўлган гина-кудуратлар ва ғиллу ғашликлар олиб ташланади. Аллоҳ таоло шундай марҳамат қилган:

Биз (жаннатдаги) сўриларда дўст-биродар бўлиб, бир-бирларига юзма-юз ўтирганларнинг дилларидаги гина (ва адоватлар)ни чиқариб ташлагаймиз. (Ҳижр сураси, 47-оят)

Дилларидаги (ўзаро) адоват (тўйғулари)ни суғуриб ташлаймиз. Остиларидан анҳорлар оқажак. (Аъроф сураси, 43-оят)

Яъни, уларнинг дилларидаги ғиллу ғашликларни чиқариб ташлаймиз. Улар сўриларда бир-бирларига боқиб, дўст бўлган ҳолларида ўлтирурлар.

Инсон қанчалик моддий роҳат-фароғатга эришмасин, агар кўнглида бир оз ғашлик бўлса, унга ўша роҳат-фароғат татимайди. Шунинг учун Аллоҳ таоло Ўз раҳмати ила тақводор бандаларини жаннатига киритар экан, агар уларнинг дилларида ғашликлар, яъни, ҳиқду ҳасад, адоват ва кўра олмаслик каби айрим иллатлар бўлса, шу иллатларни чиқариб ташлайди ва аҳли жаннатнинг дилларида бир-бирига нисбатан ҳеч қандай ғиллу ғашлик қолмайди.

*Азизлар! Аҳли суннани фақат ўзимизники қилиб олмасдан, бироз кенгроқ олайлик. Шаҳодат калимасини айтиб турган кишини аҳли суннадан деб билайлик. Жаннатни ҳам кенгроқ олаверайлик. Аллоҳ таоло жаннатни “кенглиги осмонлару ерга тенг” деб васф қилган. Бу оятда жаннатнинг эни васф қилиняпти. Биз биламизки, майдонларнинг эни ва бўйи бўлади. Одатда эни бўйига нисбатан қисқароқ бўлади. Жаннатнинг эни осмонлару ерга тенглаштириляпти. Етти осмон ва ер ёнма-ён қўйилганда ҳам жаннатнинг энига тенг келмас экан. Энди унинг бўйи, узунлиги қанчалар бўлишини тасаввур қилаверинг.

Билдикки, жаннат аҳли жаннатга киргач, уларнинг қалбида ҳеч қандай иллат қолмас экан. Ҳатто дунёда ўзаро адоватда бўлганлар ҳам жаннатга киргач, адоватлари барҳам топади. Жаннат – муҳаббат диёри. У ерда буғзу адоват ва талашиб-тортишишга ўрин йўқ. Шундай экан, агар қалбимизда бирор биродаримизга нисбатан адоватимиз бўлса, кечириб юборайлик. Ҳаёт жуда ҳам қисқа. Уни қалб иллатларидан бўлган кек сақлаш, ҳасад қилиш, нафрат ва буғзу адоватларни сочиш каби ишларга сарфлаш муносиб эмас. Тез кунда биз ҳам хотирага айланамиз. Табассум қилинг, сизга ёмонлик қилганларга нисбатан кечиримли бўлинг, уларнинг ҳаққига хайрли дуо қилинг. Чунки жаннат сиз каби соғлом қалбларга муштоқдир!

Қудратуллоҳ Сидиқметов

«Ҳикматлар чашмаси»дан


https://t.me/Qorirovotuz Ochish/sharhlash

2023-04-23 14:16:02 ​​Таҳийятул масжид намози қандай ўқилади?

Таҳийятул масжид намозини масжидга кириш билан ўтирмасдан олдин ўқиш суннат ҳисобланади. Мабодо ўтириб олинган бўлса ҳам туриб ўқилади. Бу намоз икки ракат бўлиб, унда маълум сураларни ўқиш шарт қилинмаган.
Таҳийятул масжид намозини қуйидаги пайтларда ўқиб бўлмайди:
– Қуёш чиқаётган, қиёмга (тиккага) келган ва ботаётган вақтларда;
– Аср намозини адосидан кейин шом намозини ўқиб бўлгунча;
– Бомдод намозини вақти киргандан бошлаб қуёш чиққунигача;
– Имом хутба қилаётган пайтда;
– Ҳайит куни қуёш чиққандан кейин ҳам то ҳайит намози ўқилгунигача.
Таҳийятул масжид намозини ўқиб бўлмайдиган вақтларда масжидга кирган киши “Субҳааналлоҳи, валҳамду лиллаҳи ва лаа илаҳа иллаллоҳу валлоҳу акбар. Аллоҳумма солли васаллим ъала набиййинаа Муҳаммад”ни айтса масжид ҳаққини адо қилган бўлади.


https://t.me/Qorirovotuz Ochish/sharhlash

2023-04-23 13:15:12 #Ибрат

Бир дарвиш сувга тушиб кетган чаённи қутқармоқчи бўлди.
Қўлини узатган эди, чаён унинг қўлини чақди.
Дарвиш яна қўлини узатди. У яна чақди.
Шунда уни кузатиб турганлар:
-- Сен ёрдам бермоқчи бўлган нарса сенга ёмонлик қилиб турибди, қўй бу ишингни!
Дарвишнинг жавоби маъноли бўлди:
-- Унинг фитратида чақишлик бор. Менда эса, махлуқотга нисбатан муҳаббат ва шафқат... У фитратини ўзгартирмагани ҳолда, мен нечун фитратим тақозо этган ишдан воз кечай?...


https://t.me/Qorirovotuz Ochish/sharhlash

2023-04-23 12:14:02 Вафот этгач ҳамма ҳам Роббиси қаршисига боради. Бахтли одам - тириклигидаёқ Роббиси қаршисида тура олган кишидир.


https://t.me/Qorirovotuz Ochish/sharhlash

2023-04-23 11:13:02 Ночор одамнинг дуоси ижобатли

Молик ибн Динор айтади: «Ҳаж қилиш ниятида йўлга чиқдим. Саҳрода кетар эканман, оғзида нон кўтариб олган бир қарғани кўриб қолдим. «Бу қарға оғзида нон кўтариб учиб кетяпти. Бу ерда бир гап бор», дедим-да, қарғанинг ортидан тушдим.

Қарға бир ғорнинг олдига келиб қўнди. Ғорнинг ичига кирсам, қўл-оёғи боғланган бир киши ётибди. Олдида эса нон турибди. Мен унга: «Кимсан? Қайси ўлкадансан?» дедим.

У шундай деди: «Мен ҳаж қилиш учун чиққан эдим. Қароқчилар ҳужум қилиб, бор мол-мулкимни тортиб олиб, кўриб турганингдек, шу аҳволда ташлаб кетишди. Бир неча кун очликка сабр қилдим. Кейин Роббимга чин қалбдан дуо қилиб, «Эй Ўзининг азиз Китобида: «…ёки музтар-ночор одам дуо қилганда ижобат этиб…» деган Зот! Мен ночорман, менга раҳм қил», дедим. Шундан бери ҳар куни мана шу қарға овқат олиб келяпти».

Мен унинг қўл-оёғини ечдим. Биргалашиб йўлда давом этдик. Чўлу биёбонда ниҳоятда чанқадик. Қарасак, узоқда бир қудуқ кўринди. Қудуққа яқинлашсак, унинг ёнида кийиклар турган экан. Улар биздан ҳуркиб, қочишди. Лекин сал узоқроққа бориб, яна мўлтираб сувга қараб тураверишди. Қудуқнинг тагида сув кўринди.

Бир амаллаб ўша сувдан олиб, ўзимиз ичдик. Лекин кийикларни ҳам суғормай ташлаб кетгимиз келмади. Шеригим билан чуқур кавлаб, унга қудуқдан сув олиб тўлдирдик. Кейин четроққа ўтиб турдик. Кийиклар келиб, сувдан қониб ичишди.

Шу пайт менга бир овоз эшитилди: «Эй Молик, шеригинг бизга дуо қилди, чин қалбдан бизга юзланди. Унинг дуосини ижобат этдик, унга таом бердик, уни арқондан қутқардик ва унга сув бердик. Кийиклар ҳам бизга таваккул қилишди, уларни ҳам суғордик».

«Солиҳлар гулшани» китобидан


https://t.me/Qorirovotuz Ochish/sharhlash

2023-04-23 10:12:02 #ҳикмат

"Тавба қилувчилар мажлисига шошилинг, чунки, улар қалблари ҳалим зотлардир".

Умар розияллоҳу анҳу


https://t.me/Qorirovotuz Ochish/sharhlash