Qoriravot masjidi ʳᵃˢᵐⁱʸ ᵏᵃⁿᵃˡ

2022-08-30 20:02:20 Ochish/sharhlash

2022-08-30 20:00:30 Солавот айтишни унутманг, азизлар! Ochish/sharhlash

2022-08-30 20:00:29 Истиғфор айтишни унутманг!!! Ochish/sharhlash

2022-08-30 19:21:02 ​​#Ҳадис

عَنْ أَبِي مُوسَى عَنِ النَّبِيِّ قَالَ: مَثَلُ الْمُؤْمِنِ الَّذِي يَقْرَأُ الْقُرْآنَ مَثَلُ الأُتْرُجَّةِ رِيحُهَا طَيِّبٌ وَطَعْمُهَا طَيِّبٌ وَمَثَلُ الْمُؤْمِنِ الَّذِي لاَ يَقْرَأُ الْقُرْآنَ مَثَلُ التَّمْرَةِ لاَ رِيحَ لَهَا وَطَعْمُهَا حُلْوٌ وَمَثَلُ الْمُنَافِقِ الَّذِي يَقْرَأُ الْقُرْآنَ مَثَلُ الرَّيْحَانَةِ رِيحُهَا طَيِّبٌ وَطَعْمُهَا مُرٌّ وَمَثَلُ الْمُنَافِقِ الَّذِي لاَ يَقْرَأُ الْقُرْآنَ مَثَلُ الْحَنْظَلَةِ لاَ رِيحَ لَهَا وَطَعْمُهَا مُرٌّ. رَوَاهُ الْخَمْسَةُ.

Абу Мусо розияллоҳу анҳудан ривоят қилинади: «Набий соллаллоҳу алайҳи васаллам: «Қуръон қироат қиладиган мўминнинг мисоли утружжага ўхшайдир. Унинг ҳиди хушбўй, таъми ширин.
Қуръон ўқимайдиган мўминнинг мисоли хурмога ўхшайдир. Ҳиди йўқ, таъми ширин.
Қуръон ўқийдиган мунофиқнинг мисоли райҳонга ўхшайдир. Ҳиди хушбўй, таъми аччиқ.
Қуръон ўқимайдиган мунофиқнинг мисоли ҳанзалага–аччиқўтга ўхшайдир. Ҳиди йўқ, таъми аччиқ», - дедилар».
Бешовлари ривоят қилишган.

Шарҳ: Утружжа–грейпфрут, ўзи чиройли, таъми ширин ва ҳиди хушбўй мевадир.
Бу ерда ҳам Қуръони Карим қироатига қаттиқ тарғибот кетмоқда. Ҳар бир мўмин банда Аллоҳ таолонинг каломини иложи борича кўпроқ қироат қилишга одатланиши зарур.


https://t.me/Qorirovotuz Ochish/sharhlash

2022-08-30 19:11:50 Агар бандага ўлим келса

Бисмиллаҳир Роҳманир Роҳийм.
Аллоҳ таолога битмас-туганмас ҳамдлар бўлсин.
Пайғамбаримиз Муҳаммад соллаллоҳу алайҳи васалламга салавоту саломлар бўлсин.
1. Ўлим фариштасини кўриши.
Агар киши саодат аҳлидан бўлса, ўлим фариштасини чиройли суратда кўради. Ўлим фариштаси ва у билан бирга келган раҳмат фаришталари бандага юзлари оқ, хушсурат ҳолда кўринишади. Уларнинг қўлларида жаннат кафанлари, атирлари бўлади. Улар банданинг боши тарафида ўтиришади ва: “Эй фалончи, Аллоҳнинг сенга бўлган ризосидан хушнуд бўл” дейишади. Шунда банда жаннатдаги манзилини кўради. Кейин ўлим фариштаси: “Эй покиза руҳ, Аллоҳнинг мағфират ва ризоси сари чиқ” дейди.
Агар банда бадбахтлар аҳлидан бўлса, ўлим фариштасини бошқача суратда кўради. Банда ўлим фариштаси билан бирга азоб фаришталарини ҳам кўради. Барчалари қора юзли бўлишади. Уларнинг қўлларида дўзах кафанлари ва “атирлари” бўлади. Кейин ўлим фариштаси банданинг бош тарафига ўтириб, унга Аллоҳнинг ғазаби бўлишини хабар беради. Шунда у дўзахдаги манзилини кўради. Кейин фаришта: “Эй нопок нафс, Аллоҳнинг сенга бўладиган ғазаби ва азобидан хабардор бўл” дейди.
2. Банда ўлим яқинлашиб, фариштани кўрганда қувватдан кетади, ҳаракат қила олмай қолади, ўлимга таслимлик ҳолати пайдо бўлади, кўнгли айнийди, талваса бошланади ва кўзлари ёшланади. Гапиришга лаёқатсиз, мадорсиз бўлиб қолади. У ҳамма гапни эшитади, аммо жавоб қайтара олмайди. У ҳамма нарсани кўради, аммо уни атрофидагиларга тушунтириб, изоҳлаб бера олмайди. Юраги беҳаловат бўлади, унинг уриши издан чиқади. Ўлим талвасаси қаттиқ бўлганидан гоҳ ўзига келиб, гоҳ хушидан кетади.


https://t.me/Qorirovotuz Ochish/sharhlash

2022-08-30 18:22:29 Куни кеча Каттақўрғон шаҳридаги хонадонлардан бирида даҳшатли ёнғин юз берди. Илтимос, ёрдам қилайлик.

Аллоҳни таниган, яхши инсон бўлмиш бир биродаримизнинг бошига мусибат тушиб, уйи буткул ёниб кетди. Видеода кўриб турганингиздек, уйда яроқлилик бирор бир нарса қолмаган. Илтимос, ким нимага қодир бўлса, имкони борича, пул тарафламами, устачилик тарафиданми, қурилиш молларими фарқи йўқ, ҳар ким имконидан келиб чиқиб ёрдам қилайлик. Ким хоҳласа картасига пул ташлаб берсин, яна кимдир хоҳласа уйига бориб, ҳолатни кўзи билан кўриб, шахсан ўзи берсин. Балки Аллоҳни ўзи бизни савобга бошлаётгандир. Ҳеч ким эртаси нима бўлади айтолмайди, шунинг учун ёрдам қилайлик, тўртта фарзанди билан тезроққина уйига кириб олсин.

Йиллар давомида шаҳримиз аҳолисининг хизматида бўлиб келган бу инсонни барчамиз яхши биламиз.
Унинг пластик карта рақами: 8600060448898297
Шадиев О.
Пластик картага бириктирилган телефон рақам: +998933322444

Манзил: Каттақўрғон шаҳар Бухоро (Бухарский) 2-берк кўча 29 уй.

Манба: @kknimagap Ochish/sharhlash

2022-08-30 18:20:29 Тўғри исм қўйинг

Имом Муслим Муҳаммад ибн Амр ибн Атодан ривоят қилади: «Қизимга Барра («яхши», «покиза», «айбсиз») деб исм қўйган эдим, Зайнаб бинт Абу Салама розияллоҳу анҳо менга деди: «Менинг ҳам исмим Барра эди. Кейин Расулуллоҳ соллаллоҳу алайҳи васаллам бу исмдан қайтариб, «Ўзларингизни покламанглар. Сизлардан ким яхшилик аҳлидан эканини Аллоҳ билади», дедилар. «Бўлмаса нима деб исм қўяйлик?» дейишган эди, «Зайнаб қўйинглар», дедилар».

«Солиҳлар гулшани» китобидан


https://t.me/Qorirovotuz Ochish/sharhlash

2022-08-30 17:19:02 Тилингни сақласанг кўп бахт кўрарсан.
Тилингни сақламасанг зўр лат кўрарсан.
Жомий

Устоз Сайдуллоҳ домла
27.08.2021 26.08.2022


https://t.me/Qorirovotuz Ochish/sharhlash

2022-08-30 16:18:02 АЛЛОҲ ЙЎЛИДАГИ БИРОДАРИГА ТАОМ БЕРИШ

Алидан ривоят қилинади:
"Бир нечта биродарларимни тўплаб, бир ёки икки соъ таом беришим мен учун бозорингизга бориб, бир қул озод қилишимдан маҳбуброқдир".
Шарҳ: Соъ - тахминан тўрт килограмм арпа ёки бўғдой сиғадиган, ўлчов бирлиги сифатида фойдаланилган идиш.
Албатта, қул озод қилиш улкан савобли иш. Аллоҳ субҳанаҳу ва таоло бир қулни озод қилган бандасига ўша қулнинг нечта аъзоси бўлса, ўшанча аъзосини дўзахдан озод қилишни ваъда берган.
Ҳазрати Али розияллоҳу анҳу бу гапларида биродарларни, ёр-дўстларини тўплаб, уларга арзимас бўлса ҳам таом беришни ана шундай улуғ савобли ишдан ҳам маҳбуб кўришларини айтмоқдалар.
Демак, ёр-дўст, биродарларни тўплаб, олдиларига дастурхон ёзиш, уларга зиёфат бериб, таом едириб, қоринларини тўйдириш, дуоларини олиш (айниқса, улар муҳтож бўлсалар, оч бўлсалар, таомни еб, ибодатга қувват ҳосил қилсалар) ҳам жуда ажойиб иш бўлар экан.

"Одоблар хазинаси" китобидан.


https://t.me/Qorirovotuz Ochish/sharhlash

2022-08-30 15:17:02 Шайтонни қувиш сабабларидан

1. Уйдан қувиш: Бақара сурасини ўқиш орқали.

2. Уйқу олдидан: Оятал курсийни ўқиш орқали.

3. Ғазабланганда: Аллоҳдан қувилган шайтондан паноҳ сўраш- “аъузу биллаҳи”ни ўқиш билан.

4. Ейиш ва ичиш вақтида: Тасмия - яъни, “бисмиллаҳ” айтиш орқали.

5. Бирон манзилга кирганда: Аллоҳнинг исмини зикр этиш билан.

6. Муошарат, ўз аҳлига яқинлик қилиш вақтида: «Бисмиллаҳи. Аллоҳумма! Жаннибнаш-шайтона ва жаннибиш-шайтона маа розақтана», маъноси, «Аллоҳнинг номи билан. Аллоҳим, биздан шайтонни четда қилгин, шайтонни бизни ризқлантирган нарсангдан четда қилгин» дуосини айтиш билан.

7. Ёқимсиз туш кўрганда: Аллоҳдан истиъоза - шайтондан паноҳ сўраш билан.

8. Намозда васваса бўлганда: “Аъузу биллаҳи мин ханзаби” деб, сўнг чап томонига уч марта суфлаш билан.

9. Масжидга кирганда: “”Аъузу биллаҳил ъазийм ва биважҳиҳил карийм ва султониҳил қодийм минаш шайтонир рожийм. Алҳамду лиллаҳ, Аллоҳумма солли ва саллим ъала Муҳаммадин ва ъала али Муҳаммад. Аллоҳуммағфирлий зунубий вафтаҳлий абваба роҳматик”, дуосини айтиш билан. Маъноси, “Улуғ Аллоҳнинг карим сифатли юзи ва азалий султонлиги билан шайтондан паноҳ тилайман. Аллоҳга ҳамд бўлсин. Аллоҳим, Муҳаммадга ва у зотнинг оилаларига саловот ва саломлар ёғдир. Эй Раббим, гуноҳларимни кечир ва менга раҳматинг эшикларини очгин”.

10. Қуръон тиловат қилганда: “Аъузу биллаҳи минаш шайтонир рожийм” ёки “аъузу биллаҳис самиъул ъалийми минаш шайтонир рожийми, мин ҳамзиҳи, ва нафхиҳи, ва нафсиҳи” дуосини ўқиш орқали шайтонни қувилади.


https://t.me/Qorirovotuz Ochish/sharhlash