Оналар Канали

2024-03-30 17:06:11 ҚАДР КЕЧАСИНИ ЎТКАЗИБ ЮБОРМАНГ!

Бугун 30 март шанба куни шом намозидан кейин Рамазон ойининг 21-кечаси бошланади.

Оиша розияллоҳу анҳодан ривоят қилинган ҳадисда Расулуллоҳ соллаллоҳу алайҳи васаллам: "Қадр кечасини Рамазоннинг охирги ўн кечасининг тоқ (кеча)ларидан изланглар" деганлар (Имом Бухорий ва Имом Муслим ривоятлари).

Ушбу муборак кечалар Лайлатул қадрни топиш учун қулай фурсатдир. Шундай экан, минг ойдан афзал ушбу кечани ғанимат билиб, уни тоат-ибодат билан ўтказишга ғайрат қилайлик.

Ўзбекистон мусулмонлари идораси
Фатво маркази.

ТЕЗКОРЛИК БИЛАН БАРЧА ЯҚИНЛАРГА ЮБОРИБ ҚЎЙИНГ.

https://telegram.me/+TvtkEzLNY9xZb6Jw Ochish/sharhlash

2024-03-30 07:28:36 ​​Китоб ўқиш хақида энг қизиқарли 5 та факт:

1) Таниқли, яхши ёзадиган муаллифларнинг китобини ўқиб чиқсангиз, чиройли гапиришга одатланасиз. 
Ф. Вольтаире

2) Маданият – ўқилган китоблар сонида эмас, балки тушунганларнинг сонидан иборатдир.
Фазил Искандер

3) Китоб ўқийдиган инсонлар телевизор томоша қилувчиларни бошқарадилар.
Ф.Жанлис

4) Инсон қанча кўп китоб ўқиса, шунча камроқ тақлид қилади. 
Жулес Ренард

5) Одамлар икки тоифага бўлинади: китоб ўқиганлар ва ўқиганларни тинглайдиганлар.
Бернард Шоу

Барча, онасини яхши кўрадиганлар учун канал

@Onalar_kanali

https://telegram.me/+TvtkEzLNY9xZb6Jw Ochish/sharhlash

2024-03-30 04:01:12 Ассалому алейкум ва роҳматуллоҳи ва барокатуҳ

Рамазоннинг яна бир мунаввар тонги муборак бўлсин, Азизлар...

Саҳар тонгдан дуо қилинг ...
Аллоҳ тонгингизни мунаввар этсин...
Чин юракдан ибодат қилинг...
Аллоҳ умрингизни мазмунли этсин...

Калимангиз чин дилдан айтинг
Расулуллоҳ бўлсин мададкор...
Иймонингиз мукаммал бўлсин...
Кунларингиз ўтсин бахтиёр...


Аллоҳ сизга Рамазоннинг яна бир тонгини кўришни насиб айладими,
"АЛҲАМДУЛИЛЛАҲ"
-демак сиз кимгадир кераксиз...
Аллоҳ сизни ўз паноҳида асрасин...

https://telegram.me/+TvtkEzLNY9xZb6Jw Ochish/sharhlash

2024-03-29 14:13:01 ​​​​АКА СИНГИЛ СУХБАТИ

АКА:

Жонимнинг бўлаги қоракўз синглим,
Мехрибон, камсуқум, ширинсўз синглим,
Яқиним, сирдошим, асл дўст синглим,
Эшит илтимосим, ҳамда буйруғим:

Улғайиб бўйларинг бўйимга етди,
Ёшлигинг зўр келди, ўтди-ю кетди.
Энди ҳаёлларинг орзу банд этди,
Яхши юр, қаддимни эгиб қўймагин,
Билмасдан балчиққа тегиб қўймагин!

СИНГИЛ:

Акажон ғоз юринг, хаддим биламан,
Бошингизни эгиб нима қиламан,
Сўзингиз қулоғимга жон деб иламан
Тоғ каби виқорни эгмайман ака,
Гул ўзим, тиканга тегмайман ака!

АКА:

Кўчага камроқ чиқ, бошда рўмолсиз,
Пардозни йиғиштир бўлмагин орсиз.
Иснодга қолдирма юрайин доғсиз,
Яхши юр қаддимни эгиб қўймагин,
Билмасдан балчиққа тегиб қўймагин!

СИНГИЛ:

Бошимда рўмолим қўймайман ҳечам,
Худо берган ҳусним етар шундоғам,
Сизнинг орингизман биламан оғам.
Тоғ каби виқорни эгмайман ака,
Гул ўзим, тиконга тегмайман ака!

АКА:

Совчилар энг аввал зотим сўрайди,
Қандай ҳурматда деб отим сўрайди,
Арзимас гап сўз ҳам тўрдай ўрайди.
Яхши юр қаддимни эгиб қўймагин,
Билмасдан балчиққа тегиб қўймагин!

СИНГИЛ:

Кўнглингиз тўқ бўлсин уялтирмайман,
Гап сўз тегадиган ишлар қилмайман,
У қадар беномус, беор бўлмайман,
Тоғ каби виқорни эгмайман ака,
Гул ўзим, тиконга тегмайман ака!

АКА:

Гоҳида эшитаман айрим сингиллар,
Акани бошини эгар енгиллар,
Исноди акага қисилар тиллар.
Жон синглим, ёлворай бизни ўйлагин,
Билмасдан акангни тиғсиз сўймагин

СИНГИЛ:

Ғамхўрим бу ваъда сўзингиз қонун,
Тушундим номусим номус сиз учун,
Раҳмат айтасиз ҳам ўзимга бир кун.
Тоғ каби виқорни эгмайман ака,
Гул ўзим, тиконга тегмайман ака!

Барча, онасини яхши кўрадиганлар учун канал

@Onalar_kanali

https://telegram.me/+TvtkEzLNY9xZb6Jw Ochish/sharhlash

2024-03-29 04:02:14 Дилдаги меҳрингиз бўлмасин адо,
Азиз бошингизни силасин Худо,
Қалбингиз доимо қувончга тўлсин,
Жума айёмингиз муборак бўлсин!

Ассалому алайкум ва раҳматуллоҳи ва баракатуҳ!
Рамазоннинг учинчи Жумаси муборак бўлсин!

Қутлуғ Жума айёми барча мўмин мусулмонларга муборак бўлсин. Бу кунда барча дуо қилувчиларнинг дуолари ижобат бўлсин. Қалбларимизни Ўзининг муҳаббати билан шод айласин…

https://telegram.me/+TvtkEzLNY9xZb6Jw Ochish/sharhlash

2024-03-28 14:01:29 Кечиргин Оллохим дунё ишига

Кечиргин Оллохим дунё ишига,
Интилсам қалбимга сени жо айлаб,
Иймонга қувват бер сенинг йўлинда
Юрайин эрта -кеч илтижо айлаб !

Адашсам кечиргин ўзинг панохим,
Ягона мехрибоним ўзинг Оллохим!
Бандамиз хаммамиз ўзинг яратган,
Барчамизни сақлагин ,сақла илохим!

Мол-Давлат кимларга қилибди вафо
Баъзида мол-дунёга кетар хушимиз,
Кафтимиз гардига қувониб хатто
Унутамиз берганга шукур қилишни!

Дўстим давлат дўст бўлмас ,
Дўстдир ибодат,
Вақт топинг намозга бўлса қай холат,
Топмасангиз намозга гар йўқдир фурсат,
Юриб турсангизда қилинг Ибодат!

Мархабо Каримова

Барча, онасини яхши кўрадиганлар учун канал

@Onalar_kanali

https://telegram.me/+TvtkEzLNY9xZb6Jw Ochish/sharhlash

2024-03-28 04:01:06 ​АССАЛОМУ АЛАЙКУМ

Хайрли тонг!

Барака Аллоҳ таолонинг аскарларидан биридир...
Уни хоҳлаганига юборади...

- Агар молга юборса уни кўпайтиради;
- Агар жисмга юборса уни қувватли қилади;
- Агар умрга юборса уни обод этади;
- Агар фарзандга юборса уни салоҳиятли қилади;
- Агар қалбга юборса уни саодатли қилади.

Аллоҳим! Ҳар нарсамизни баракот билан ризқлантир!
Амин!

https://telegram.me/+TvtkEzLNY9xZb6Jw Ochish/sharhlash

2024-03-27 19:30:24 Берувчи қўл яхшироқ

(Ривоят)

Бир ота ўғлини ишлаб, тирикчилик учун пул топиб  келишини талаб қилди. Ўғил унинг талабини бажариш учун йўлга тушди. Бироқ бир неча соат ўтмасиданоқ  ўғил қайтиб келди. Отаси:
- Нима учун қайтдинг? Ўғил:
- Эй, отажон! Мен дарахт остида ўтирган эдим, бир пайт ўлими яқинлашиб қолган бир касал қарғани кўрдим. У қандай қилиб ризқ топади, деб ўзимга савол бериб турган эдим, тўсатдан шер катта ўлжа билан келиб,  ундан ўзи тусаганича тановул қилди. Қорни тўйгач, қолганини  ташлаб кетди. Ўша заҳоти ҳалиги хаста қаға ундан тановул қила бошлади. Ризқ кафолатланган экан, деб қайтиб келдим, - деди.  Ота:
- Ўйлаб кўрчи, ўғлим. Бошқалардан ортиб қолган қолдиқ ҳисобига яшайдиган қарға бўлиб яшаш яхшими ёки ўзини-ўзи таъминлаб, яна бошқаларга  ҳам берадиган шер бўлиш яхшими? Бошқалардан келадиган ёрдамни кутиб яшаш яхшими ёки ўзинг меҳнат қилиб топганинг яхшими? Эсингдан чиқарма, берувчи қўл олувчи қўлдан яхшироқдир!

Барча, онасини яхши кўрадиганлар учун канал

@Onalar_kanali

https://telegram.me/+TvtkEzLNY9xZb6Jw Ochish/sharhlash

2024-03-27 14:00:02 Тилак....

Тилагим шу сендан, яратган эгам,
Фарзандларим ўқиб камолга етсин.
Булбуллар кўпайсин, хофизи қуръон,
Менинг авлодимдан қорилар чиқсин.

Бизларга меъросдир Набийдан келган,
Қуръонни ўқимоқ, суннатдан бўлган.
Қалблари илохий ишққа йўғрилган,
Менинг авлодимдан қорилар чиқсин.

Азиз бўлгай уққаннинг, икки дунёси,
Дилларга нур бағишлар, қуръон зиёси.
Заррача бўлмаган, дилда риёси,
Менинг авлодимдан қорилар чиқсин.

Шайтонни азоблаб, минг бор ўлдирган,
Каломни дилларга жойлаб тўлдирган.
Жаннатда бошимга тожлар кийдирган,
Менинг авлодимдан қорилар чиқсин.

Бўлишсин кибрдан, узоқда Тоҳир,
Тиллари кабидек, кўнгли хам зоҳир.
Миншари Рошиддек хофизи моҳир,
Менинг авлодимдан қорилар чиқсин.

Бир куни тупроққа кетар бу жон-а,
Қолмасин юракда шу бир армон-а.
Бағишлаб туришсин қилиб хатмона,
Менинг авлодимдан қорилар чиқсин.

Шуҳрат Шукур

Барча, онасини яхши кўрадиганлар учун канал

@Onalar_kanali

https://telegram.me/+TvtkEzLNY9xZb6Jw Ochish/sharhlash

2024-03-27 11:09:04 Дунё бизники эмас, биз ҳам дунёники эмасмиз, ҳаммамиз Аллоҳникимиз ва албатта Унинг ҳузурига қайтамиз!

https://telegram.me/+TvtkEzLNY9xZb6Jw Ochish/sharhlash