Navoiy viloyati pedagoglarni yangi metodikalarga o'rgatish milliy markazi/Rasmiy kanal

2022-09-01 11:56:33 50 foiz ustama oladigan maktab oʻqituvchilari, Chet tili fani oʻqituvchilarining attestatsiyasi jarayonida oʻquv fani boʻyicha malaka sinovlarida 4 ta kompetensiya baholanadi va boshqa yangiliklar — 1-sentabrdan qonunchilikda nimalar oʻzgaradi?

Kun.uz fuqarolarga 2022-yil 1-sentabrdan boshlab Oʻzbekiston qonunchiligida roʻy beradigan ayrim oʻzgarishlarni eslatib oʻtadi.

XTV tizimidagi umumiy oʻrta ta’lim muassasalarida xalqaro tan olingan sertifikatga ega kadrlarga 50 foiz miqdorida ustama toʻlanadi.

Chet tili fani oʻqituvchilarining attestatsiyasi jarayonida oʻquv fani boʻyicha malaka sinovlarida toʻrtta kompetensiya baholanadi.

Barcha oʻzgarishlar haqida batafsil quyida oʻqishingiz mumkin. Ochish/sharhlash

2022-09-01 08:51:13 «Таълим соҳасида фарзандларимиз замонавий билим ва кўникмаларни пухта эгаллашлари учун энг қулай шароитлар яратиш изчил давом эттирилади. Бунинг учун мактабларнинг ўқув дастурлари, ўқитиш услуби, дарсликлар мазмуни тубдан қайта кўриб чиқилади».

Президент Шавкат Мирзиёев 2026 йилгача Тараққиёт стратегияси доирасида амалга ошириладиган 5 та асосий вазифани белгилаб берди. Ochish/sharhlash

2022-09-01 05:06:54 AZIZ YURTDOSHLAR!

Barchangizni Oʼzbekiston Respublikasi Mustaqilligining 31 yilligi munosabati bilan samimiy muborakbod etamiz.
Mustaqillik yillarida hayotimizning barcha jabhalarida dadil oʼzgarishlar, yangilanishlar yuz berdi, mamlakatimiz dunyo hamjamiyatida oʻz oʻrniga ega boʻldi. Ilm-maʼrifat va taʼlim sohasida ham katta yutuqlarni qoʻlga kiritdik.
Bugungi kunda millati jips, iqtisodiy taraqqiyot surʼatlari yuqori, xalqaro maydonda munosib hurmat-eʼtiborga sazovor boʻlgan davlatimiz yangi dovonlarni koʻzlab jadallik bilan odimlab bormoqda. Koʻp millatli xalqimiz ushbu bayramni “Yangi Oʻzbekistonda el aziz, inson aziz” shiori ostida koʻtarinki kayfiyatda kutib olmoqda. Sizlarga mana shunday shukuhli bayram arafasida mustahkam sogʻlik, baxt-saodat, tinchlik-hotirjamlik tilaymiz. El-yurtimiz ravnaqi yoʻlida olib borayotgan faoliyatingizda ulkan muvaffaqiyatlar yor boʻlsin!

Hurmat bilan Navoiy viloyati pedagoglarini yangi metodikalarga oʻrgatish milliy markazi jamoasi. Ochish/sharhlash

2022-08-31 17:02:29 #МУНОСАБАТ

Ижтимоий тармоқлар орқали 15 йилдан ортиқ меҳнат стажига эга олий тоифали педагогларнинг жорий йил ўтказилган аттестация жараёнларида иштирок этмаганлиги натижасида мавжуд малака тоифасини йўқотганлигига доир тарқалган хабарларга МУНОСАБАТ

Маълумки, Ўзбекистон Республикаси Вазирлар Маҳкамасининг 2022 йил 2 августдаги 425-сонли қарори билан Ҳукуматнинг 2021 йил 17 сентябрдаги 572-сонли қарорига киритилган тегишли ўзгартиришга кўра, олий малака тоифа (бош ўқитувчи лавозими)га эга бўлганидан сўнг олий малака тоифани 15 йил давомида сақлаб келган ва узлуксиз иш стажига эга бўлган педагог кадрлар навбатдаги мажбурий аттестацияга жалб этилмаслиги белгиланган.

Жорий йил март-май ойларида малака тоифаси олиш учун ўтказилган аттестация даврида амалда бўлган тартибга асосан, 15 йиллик узлуксиз иш стажига эга бўлган олий малака тоифага эга педагогларнинг аттестациядан ўтиши мажбурий бўлмаган ва уларнинг олий тоифа малакаси умрбод сақлаб қолиниши белгиланган.

Ўзбекистон Республикасининг “Норматив-ҳуқуқий ҳужжатлар тўғрисида”ги қонунига асосан, норматив-ҳуқуқий ҳужжатлар орқага қайтиш кучига эга эмаслиги белгиланганлиги муносабати билан, 2022 йил март-май ойларида ўтказилган аттестация даврида 15 йиллик узлуксиз иш стажига эга бўлган олий малака тоифали ўқитувчиларнинг мавжуд тоифалари умрбод сақланиб қолинишини маълум қиламиз.

Қўшимча маълумот: Вазирлар Маҳкамасининг 2022 йил 2 августдаги 425-сон қарори билан белгиланган, олий малака тоифа (бош ўқитувчи лавозими)га эга бўлганидан сўнг олий малака тоифани 15 йил давомида сақлаб келган ва узлуксиз иш стажига эга бўлган педагог кадрлар навбатдаги мажбурий аттестацияга жалб этилмаслик тартиби 2022 йил 2 августдан бошлаб амалиётга жорий этилади.


Халқ таълими вазирлигининг расмий саҳифаларига уланиш
Telegram | Youtube | Facebook | Instagram Ochish/sharhlash

2022-08-31 09:23:27 Муқобил малака ошириш шакллари рўйхати тасдиқланди!

Халқ таълими соҳасида самарали фаолият юритаётган, ўқувчилари юқори натижаларни кўрсатган, ўз устида доимий ишлайдиган ўқитувчи педагогларни қўллаб-қувватлаш таълим тизими самараси ва келажаги учун ниҳоятда муҳимдир.

Шу мақсадда, Халқ таълими вазирлиги томонидан Узлуксиз касбий ривожлантириш тизимида муқобил малака ошириш шакллари рўйхати ва уларга бериладиган кредит баллари тасдиқланди.

Қуйида кўрсатилган малака оширишнинг муқобил шаклларига платформа томонидан тегишли эквивалентдаги кредит баллари тақдим этилади

1. Мутахассислик фани бўйича дарслик муаллифи - 54 кредит

2. Халқаро олимпиадалар ғолибларини тайёрлаш - 54 кредит

3. Илмий даража олиш учун докторлик диссертациясини ҳимоя қилиш - 54 кредит

4. «Устоз-шогирд» тизимида камида бир нафар илмий даражали ўқитувчини тайёрлаш - 36 кредит

5. “Халқ таълими аълочиси” ёки “Халқ таълими фидойиси” мукофотига сазовор бўлиш - 36 кредит

Батафсил

Telegram |Facebook |Website|YouTube Ochish/sharhlash

2022-08-30 12:48:02 #HAR_KIM_BILIM_OLISH_HUQUQIGA_EGA

Alohida ta’lim ehtiyojlari bo‘lgan bolalar huquqini ro‘yobga chiqarish harakati nafaqat adolat masalasi, balki jamiyat taraqqiyotiga kiritilgan sarmoyadir. Demak, safimizdagi alohida ta’lim ehtiyojlari bo‘lgan bolalarni har tomonlama teng huquqliligini ta’minlash, qadr-qimmatini himoya qilish zarur.

Jamiyatimizda fuqarolar dini, e’tiqodi, sog‘lig‘i, ijtimoiy ahvoli va jinsidan qat’iy nazar teng huquqlidir. Salomatligida muammo yoki nuqson bor kishilar, asosan, alohida ta’lim ehtiyojlari bo‘lgan yoshlar mehr-muruvvat, e’tiborga muhtoj. Ularni muntazam ravishda har tomonlama qo‘llab-quvvatlash ham konstitutsion ham insoniylik burchimizdir.


Xalq taʼlimi vazirligining rasmiy sahifalariga ulanish
Telegram | Youtube | Facebook | Instagram Ochish/sharhlash

2022-08-30 12:45:26 Дарсликлар таъминоти юзасидан махсус бот ишга туширилди.

Ўқув йилининг бошида мактабларнинг контингентидаги ўзгаришлар, яъни бир мактабдан бошқа мактабга ўтиш туфайли ўқувчи сонининг ўзгариши, ўқувчилар таълим олиб келган мактабида ҳам, келаётган мактабида ҳам ўқувчилар сони, айрим ҳолатларда ҳаттоки таълим тилини ўзгартириши ҳолатларини кузатамиз.

Ўқувчи сони ўзгариши (кўпайиши ва камайиши) мактабда мавжуд бўлган дарслик фондини ҳам қайта тақсимлаш заруриятини юзага келтиради.

Маълумки, дарсликлар ҳар йили чоп этилмайди ва чоп этилган йилда, мактаб буюртмасига қараб, фойдаланиладиган ижара даври учун мактабда таълим оладиган ўқувчилар сонига ҳамда таълим тилига қараб тақсимланади. Мактаб контингенти ўзгариши ўз-ўзидан аввалдан ўқувчи сони ўзгариши динамикасини аниқлаш имконияти йўқлиги сабабли, юзага келган етишмовчиликни бартараф этиш мақсадида бошқа ҳудудда сақланаётган дарсликларни қайта тақсимот қилишга ва эҳтиёж юзага келган мактабга етказишга олиб келади.

Мисол учун ўтган 2021 йилнинг сентябрида мамлакатимиз бўйича минглаб ўқувчиларнинг мактабини ўзгартириши сабабли шунча сонга мос равишдаги дарсликларни қайта тақсимлаш зарурияти юзага келган.

Албатта, юзага келадиган вазиятда халқ таълими вазирлигидан бошлаб, бевосита ҳудудларда ва мактабларда дарсликни тақсимотига масъулларнинг бошқа ҳудуд (мактаб)лардан керак бўладиган дарслик комплектларини етказиб беришда тезкорлик билан ҳаракат қилишлари ўта муҳим.
Шу билан бирга ҳурмали ота-оналарнинг ҳам бевосита Вазирликнинг ботига мурожаат қилиб, муаммоли ҳолат бўйича маълумот беришлари орқали ўз фарзандлари учун керак бўладиган комплектларни етказиб берилишида ёрдам беришлари мумкин.
Бунинг учун, махсус телеграмм-ботга - @bookedu_bot мурожаат юборишингизни сўраймиз.
Мурожаатда аниқ қилиб, мактабни, юзага келган масалани баён этиш сўралади.

Шу ўринда, айрим манбаларда 3-, 6-, 7-, 10-синф янги дарсликларни ўқув йили бошидан берилиши ёки берилмаслиги бўйича турли талқинлар ва фикрлар юзага келганлигидан келиб чиқиб, бу масалага ҳам ойдинлик киритсак. Ўзбекистон Республикаси Президентининг ПФ-134-сон Фармони билан тасдиқланган “2022-2026 йилларда Халқ таълимини ривожлантириш бўйича Миллий дастур”га асосан дарсликларни халқаро экспертлар иштирокида яратиш ва босқичма-босқич жорий этиш вазифаси белгиланган.

Фармонга асосан, 2022 йил якунига қадар дарсликларни янгилаш вазифаси 4 та синфни қамраб олиши белгиланган. Бундан ташқари, 2022 йилда инглиз, немис ва рус тилларидан Кембридж, Клетт нашриётлари ва Герцен номидаги Россия Давлат Педагогика университетининг юртимиз таълим тизими талабларига мос равишда маҳаллийлаштирилган дарсликларини жорий қилиш белгиланган.

Ҳозирга қадар, қатор янги дарсликлар мактабларга чоп этилиб, ўқувчилар учун фойдаланишга тайёр қилиб қўйилган.

Барча синф ўқувчиларига мактаб кутубхонасида мавжуд тегишли синф дарсликларидан комплектларни шакллантириш бўйича кўрсатмалар берилган. Бу борада 6-, 7- ва 10-синф дарсликларини янгилаш жараёни муддати дастлаб белгиланганидек йил якунига қадар эмас, балки октябрь ойи якунига қадар таъминланади. Ochish/sharhlash

2022-08-29 12:20:02 Vaqtincha ishsiz pedagoglar attestasiyaga jalb qilinmaydi.

Savol: Men Xorazm viloyati, Xonqa tumanidanman.Fizika fani o'qituvchisiman. Hozirda vaqtincha ishsizman. Navbatdan tashqari attestasiyadan o'tmoqchi edim. Onlayn ariza berib, attestasiyada ishtirok etsam bo'ladimi?

Javob: Afsuski, mumkin emas. Nizomning 1 bandi: Ushbu Nizom davlat maktabgacha, umumiy o'rta, o'rta maxsus, professional va maktabdan tashqari ta'lim tashkilotlari (keyingi o'rinlarda — ta'lim tashkilotlari) pedagog kadrlarini (keyingi o'rinlarda — pedagog kadrlar) attestasiyadan o'tkazish tartibini belgilaydi.

P.S. Malaka toifasi olish uchun o'tkazildigan pedagog kadrlar attestasiyasida ishtirok etish uchun pedagog albatta, ta'lim tashkilotida asosiy yoki o'rindoshlik (soatbay) asosida faoliyat olib borayotgan bo'lishi kerak! Ochish/sharhlash

2022-08-29 12:18:53 #дунё_таълими
Япония давлатида мактабга қабул қилинаётган бола нималарни билиши керак?

Бугун мазкур давлат таълим тизимининг ўзига хос жиҳатларига қисқача тўхталамиз.

Японияда мактабгача таълим 3-6 ёшни ўз ичига олади ва у мажбурий ҳисобланмайди. Боғчалар ҳам Таълим ва фан вазирлигига эмас, балки, Меҳнат вазирлигига бўйсунади. Уларнинг асосий вазифаси япон болаларини мактабга тайёрлашдир.

Мактабга қабул қилиниши учун бола умумий арифметика, шунингдек, катакана ва хирогани (япон бўғинли алифбоси)ни билиши талаб этилади.

Мактаб таълими уч босқичда олиб борилади:
1.Бошланғич мактаб 6 ёшдан 12 ёшгача (1-6 синф)
2.Ўрта мактаб 13 ёшдан 15 ёшгача (7-9 синф)
3.Юқори мактаблар 16 ёшдан 18 ёшгача (10-12 синф)

Мактаблар давлат ва хусусий асосда фаолият юритади. Ўқув йили дунёнинг кўпчилик давлатларидан фарқли равишда биринчи апрелдан (сакура дарахтининг гуллаш даври) бошланади. Дарслар ҳафтада 5-6 кун (мактабларнинг ўзидан келиб чиқиб), ҳар фан 45-50 дақиқа давом этади. Болалар эрталабки 9:00 дан 15:00 гача мактабда вақтларини ўтказадилар.

Бошланғич ва Ўрта мактаб мажбурий ҳисобланади. Юқори мактаблар эса олдингиларидан фарқли равишда мажбурий эмас. Ўқув дастурлари учта чоракликка бўлинган ҳолда олиб борилади.

Миллий -тадқиқот институтининг расмий саҳифаларини кузатиб боринг

Telegram |Facebook |Website|YouTube Ochish/sharhlash

2022-08-29 08:11:27 Навоий биринчи

Жорий йил битирувчиларининг қабул кўрсаткичи бўйича Навоий вилояти республикада биринчи бўлди. 13 997 нафар битирувчидан 5 598 нафари, яни 39,9 фоизи ОТМларга қабул қилинган. Иккинчи ўринни Бухоро вилояти (38,4 фоиз) ва учинчи поғонани Қорақалпоғистон (32,3 фоиз) эгаллаган.

P/c: Вилоят таълимини кўп танқид қиламиз. Яхши хабарни ҳам эътироф этиш керак, албатта. Марат Шамуратов, бу сиз раҳбарлигингизда вилоятдаги ҳар бир ўқитувчининг меҳнати самараси. Устозларга раҳмат.

Руслан Сабуров.

Навоийликларга қўшилинг
➥https://t.me/joinchat/RWeqIuBQ9V0K63_4 Ochish/sharhlash