2023-01-10 15:02:04
Тарихимизга, ўтмишимизга бўлган қарашимизни қачон ўзгартирамиз?
Ҳар бир ҳудудни, туман/шаҳарни, қишлоқ/овулларни ўзининг тарихи, келиб чиқиши бор. Кундалик ташвиш, рўзғор, тирикчилик деб кўпинча айрим тафсилотларга эътибор бермаймиз.
Масалан: Самарқанд вилояти Оқдарё тумани Гўзалкент маҳалласида Уклон қишлоғи бор экан. Бу ном қадимий номми ёки халқ тилида оғзаки шундай юритиладими?
Самарқанд вилояти ҳокимлиги, айниқса Географик объектларни номлаш ва қайта номлаш масалалари бўйича комиссия бунга изоҳ бергиси келмайди. Ё ўзлари билишмайди ёки ишлашмайди. Бу саволга жавобни масъуллар бера олишмаса, Эльдар Асанов бирон нарса деворар.
Андижон вилоятининг Мархамат тумани эса ўтган аср бошларида ҳам Мингтепа деб юритилар эди. Хали ҳанузгача бутун бошли бу туман ўзининг асл номига қайтгани йўқ.
Бунгача эса Хонобод шаҳрининг номи ўзгарди (Советобод эди), Қорасув шаҳрининг номи ўзгарди (Ильичёвск эди), Асака туманининг номи ўзгарди (олдин Ленин райони эди).
Энг яқин тарихимизда эса Бўз тумани -> Бўстон туманига ўзгарди. Бу рўйҳатни ҳали узоқ давом эттириш мумкин.
Шундай экан нега
Уклон қишлоғини номига аниқлик киритилмайди? Нега Мархамат туманининг номини
Мингтепа деб ўзгартирмаймиз? Нега?
8.5K views12:02