2023-02-16 06:40:03
ЎЛИК ЕРГА ҚАЙТА ҲАЁТ БАҒИШЛАЙДИГАН ЁМҒИРЛАР Ёмғирларнинг «ўлик ерга қайта ҳаёт бахш этиш»лик вазифаси Қуръоннинг қатор оятларида таъкидлаб ўтилган:
... Осмондан пок сув (ёмғир) ёғдирдик. Бу ўлик ерларни тирилтириш ва Ўзимиз яратган кўплаб ҳайвонларни ҳамда инсонларни суғориш учундир. («Фурқон» сураси, 48-49-оятлар) Ерга жонзотлар учун зарурий талаб бўлган сувни келтириш билан бир қаторда, ёмғирнинг ўғитловчилик хусусияти ҳам бор. Денгиздан буғланувчи ва булутларга етувчи томчилар ўлик тупроққа «янги ҳаёт бағишловчи» зарур моддаларни ўз ичига олади.
«Янги ҳаёт бағишловчи»лик хусусиятига эга бундай ёмғир томчилари «сиртқи парда томчилари» деб аталади. Булар биологлар томонидан микроқатлам деб аталадиган денгиз юзасининг энг юқори қатламидан ҳосил бўлади. Ўндан бир миллиметрдан кичик қалинликдаги бу юза қатламда микроскопик сув ўтлари ва зоопланктонларнинг чиришидан келиб чиққан кўп миқдордаги органик чиқиндилар топилади.
Бу чиқиндиларнинг баъзилари денгиз сувида кам учрайдиган фосфор, магний ва калий каби элементларни, шу жумладан, мис, рух, кобальт ҳамда қўрғошин сингари оғир металларни шимиб тўплайди. Ер юзасидаги уруғлар ва ўсимликлар бу ёмғир томчиларидан униб-ўсиш учун зарур бўлган кўп миқдордаги минерал тузлар ва элементларни ўзига олади. Қуръон бунга қуйидагича ишора қилади:
«Биз осмондан баракотли сув (ёмғир) ёғдириб, у билан боғларни ва ўриб олинадиган донларни ундирдик». («Қоф» сураси, 9-оят) Ёмғир билан тушадиган бу минерал тузлар ҳосилдорликни ошириш учун амалда қўлланиладиган ўғитлар (кальций, магний, калий ва ҳ.к.) нинг кичик кўринишдаги
намуналаридир. Аэрозолларда топиладиган оғир металл турлари ўсиш мобайнида самарадорликни ва ўсимликларнинг маҳсулдорлигини оширадиган элементларни ҳосил қилади.
Қисқаси, ёмғир катта аҳамиятга эга бўлган ўғитдир. Ёлғиз ёмғир таъминлаб берадиган ўғит билан, юз йил ичида, паст сифатли тупроқ ўсимликлар учун зарур бўлган барча элементларга эга бўлиши мумкин.
Ўрмонлар ҳам денгиздан келиб чиқадиган бу кимёвий элементлар ёрдамида ўсади ва озиқланади. Шу тарзда, ҳар йили тахминан 150 миллион тоннага яқин минерал ўғит зарралари ерга тушади. Агарда ёмғирнинг бундай ўғитловчилик хусусияти бўлмаганда эди, Ер юзида жуда кам ўсимликлар ўсган ва ҳаётий мувозанат бузилган бўлар эди.
Оятда ерларга янги ҳаёт бағишлаш
ҳақида берилган бу маълумот Қуръоннинг саноқсиз мўъжизавий хусусиятларидан биридир, холос.
«Аллоҳ таолонинг Қуръони каримдаги мўъжизалари» китобидан.
┉┅━❀ ❀━┅┉
Янги манзилимиз
Улашинг | https://t.me/MuslimShosh
2.0K views03:40