2022-09-05 06:37:33
#tarbiya
BOLA HULQI NEGA BUZILADI?
Chiroyli tarbiya berish ota-onaning farzandi oldidagi burchlaridandir. Bu haqni ado etish oʻz- oʻzidan boʻlmaydi, insondan katta masʼuliyat, mashaqqat talab qiladi.
Bola tarbiyasiga eng birinchi navbatda ota-ona javob beradi. Ular bolalarini zarur mashgʻulotlar bilan band qilishi kerak. Bola ongi boʻsh turmaydi. Uydagi tarbiya bolani qoniqtirmasa, koʻchaga intiladi, oʻzi bilmagan holda boshqa “dunyo” komiga kira boshlaydi.
Bugun kim bilan oʻtirib gaplashsangiz, darrov farzandiga buzgʻunchi gʻoyalar taʼsir etayotganidan shikoyat qiladi. Baʼzi xonadonlarda farzandlar axloqi katta muammoga aylangan.
Yangi asrda axborot tezligi taraqqiyotga ijobiy taʼsir koʻrsatyapti. Ayni chogʻda qator muammolar keltirib chiqaryapti. Internet, uyali telefon orqali yoshlarga qilinayotgan hujumlardan saqlanish eng katta muammoga aylandi. Ehtiyot choralari izlanyapti, lekin bu harakatlarning koʻpi faqat nazariy. Ularni amalda qoʻllash qiyin.
Bugun koʻpchilik takrorlaydigan iboralar:
“Farzandim meni tushunmaydi”; “Menga itoat etmaydi”; “Nasihatimga quloq solmaydi”; “Kunduzi uxlab, tunda televizor koʻradi”; “Aka-ukalari bilan janjallashadi”; “Koʻp yolgʻon gapiradi” va hokazo.
Oʻtgan ulugʻlarimiz bola xulqi buzilishiga koʻpincha ota-ona sabab boʻlishini taʼkidlashgan.
Jumladan, asosiy ichki sabablar:
– Oilani boshqarishda ota-onaning aniq maqsadi yoʻqligi;
– Alloh taolodan yordam soʻramaslik;
– bola goʻdaklik davridanoq tarbiya uslublarini yoʻlga qoʻymaslik, bola tarbiyalashni bilmaslik;
– moddiy taʼminotni haddan oshirib yuborish yoki umuman taʼminlamaslik;
– bolaning taʼlim olishdan maqsadi yoʻqligi yoki darslarni oʻzlashtirolmasligi, maktabga ota- ona majburlashi bilan borishi;
– bolaning ota-onadan qoniqmasligi;
– murabbiydan qoʻrqishi;
– ota-onadan mehr koʻrmay, boshqalardan shirin soʻzlar eshitishi;
– ota-ona farzandi oldida janjallashishi;
– ota-ona farzandlaridan birini maqtashi, boshqasini eʼtiborsiz qoldirishi;
– ishlarni faqat chaqqon bolaga yuklab, qolganlariga beparvo boʻlish;
– ota uzoq vaqt uyda boʻlmasligi;
– kichik xatoni boʻrttirish;
– uydagi holat bilan talab qilinayotgan narsaning bir-biriga mos kelmasligi;
– bolaning xatosini toʻgʻri tushuntirmaslik, boshqa bolalarga solishtirish. Bu ish notoʻgʻri. Chunki har bir bola oʻz tabiatiga ega.
Tashqi taʼsirlar:
– muallimning oʻzi oʻrgatayotgan fan maqsadini bilmasligi;
– tashqarida ham oʻrnak boʻladigan shaxsning yoʻqligi;
– shahvatni qoʻzgʻatuvchi omillar;
– aloqa vositalari rivojlanib ketishi sabab yomon doʻstlarning koʻpligi;
– taʼlim-tarbiya zamon talablariga mos emasligi;
– tashqi koʻrinishi bilan tengdoshlaridan ajralib turishi;
– ortiqcha qoʻpollik, qattiqqoʻllik, oʻrinli-oʻrinsiz kaltaklayverish.
Bu illatlar tufayli bolaning feʼli buziladi, beti qotadi.
Uyimiz, koʻcha-koʻy, yashab turgan jamiyatimizdagi muhit, taʼlim-tarbiya muassasalari – bularning barchasi tarbiya omillaridir. Ammo hozir dunyoning har tomonidan yoshlarga maxsus yoʻnaltirilayotgan maqsadli “tarbiya uslublari” ham borligini unutmaylik. Zero, yaxshi bola ikki dunyo saodatiga vosita boʻluvchi sadaqai joriyamiz boʻladi. Farzand tarbiyasida shuni doim yodda tutaylik.
@Yosh_onalarga_maslahatlar
@Marhabo_Karimova_sherlari
@Ayollar_uchun_retseptlar
@Muslima_ona_kundaligi
@Uddaburon_bekalar
@Foydali_tibbiyot_uz
@Homiladorlik_davri
@Dildagii_Satrlar
@Ogilmi_Qizmi
@love_ifor
969 views03:37
M
